% جراثيم النت , سارقى الأفكار و الأساليب و المواد المميزه , انهم اللصوص الخاسئون ××

[imported_بندر شاه]

المشاركة الأصلية كتبت بواسطة بابكر مخير

بندر الحبيب
ليك شوق قدر ما يطول ويتشابآ ما بحصل مكانتك العندي
وقدر ما يقدم؟!
كل يوم يصغر ويتصابآ...
كانت أيام، أساهر فيها مخصوص، عشان في المسنجر بنتلاقى وبعدها إنقطاعة وطولة يا يابآ......

شوية شترآ في الموضوع وبمرق من خط سير الكلام الداير،،
حباني الهنانا، ليهم عاديييييييييية حكاية الشترآ
وليك يا الحبيب، إتا خابرها أكان منقولة ليك من أشقائنا، كمال ولا أسعد ولا ظآآآتك مجربآ...
مقدمة طويلة لمن مسيخة، مش؟؟؟
لكن فرصة لميت فيكآ
بفتكر!! (دخول توووش)، بعض محبي النت والمنتديات بكون عندهم معرفة بي بعض المنتديات وإمكانية عضوية في عدد محدود، آها ديلا لمن تكون الحكاية متداولة في عدد كبير من المنتديات (نسميها ذي ما نسميها لكنها فرصة) يمكنهم الإطلاع على تلك وهذه المواضيع بل المشاركة فيها،، لكن كونو نقول تكون مقفولة في حيز محدد، هنا تبقى العوجة وحد الفكر،،،
إحنا مشكلتنا (قالها سيد صادق بلغة الراقية) منكفئين وأنا بضيف ليها متقوقعين، طمحونا محدود وعطائنا شحيح، يعني لمن الواحد يعمل حاجة ولا يقول قولة ولا إن قدر ليهو يكتشف شيئ، عايز تكون أو يكون مربوط بيهو الي آبد الآبدين،،،،
طيب وين الإقليمية والعالمية والإنتشار وإفادة الأخرين،،
بعد نظرنا ؟ تحت كرعينا،، وعشانها لا غنانا، لا أدبنا (بتاع الأخلاق حقنا دآك بالكوم وما فيهو كلام)، لا كورتنا، لا عرفتنا ولا معرفتنا!!!!
للعالم معروفين.....
يعني هل بتضير زول لو فكره إنتشر ولا علمو قرهو ولا فنو شافوهو ولا غناهو سمعوهو قلدهو وأضافو ليهو (إن جودوهو تبقى حسنة وإن شوهوهو يبقى الأصل محمود)...
غايتو يمكن بوافق في بعض المشى ليهو خلود؛ بأنه المصدر يكون مذكور ودي فيها أمانة وحفظ جميل لي سيد الشئ،،،
غايتو؟؟
فيصل سعد بيسميها ضفاري، لكنها والله باصة مقشرقة بالجبهة، هادية ورزينة وقونها مضمون لو إتفهمت بهداوة،،،
محبة ويا هندسة ليك وحشة ومنتظرين زيارتك الموعودة للإمارت.....

i!i

دكتورنا الحكيم .. ود مخير .. كيفك و كيف عامل ...
سلام ممزوج بشوق الأهل و الأحباب الطال غيابهم ...

مدخل:
سئل لقمان الحكيم .. " من أين إستقيت الحكمة يا لقمان .. "
أجاب لقمان .. " من معاشرة الجهلاء .. "
سألوهو .. " و كيف ذلك يا حكيم .. "
أجاب .. " كلما رأيتهم فعلوا عيباً تجنبته .... "

و العارفين من أهل العلم قالوا ..
" خدوا الحكمة من أفواه المجانين .. "

و لكننى لا أدرى من أين أستقيت حكمتك يا شيخنا .. من معاشرة الجهلاء .. و لا من أفواه المجانين ..

مشكور على المساهمه .. و لو انك ركزت فى حيز ضيق من المشكله المعروضه .. و عليه كان عرضك و تحليلك و حتى العلاج اللازم لها ... ( روشته سريعه )
لكن الموضوع لا يتوقف فقط عند النقل من منتدى الى آخر .. المشكله أكبر من كدا بكثير ... و بالتالى حكاية بعد النظر و قصر النظر .. و التقوقع و الطموح .. و الإقليميه و العالميه .. جميعها لا تشير الى ما أود عرضه .. و هو المشكله المنتشره بصورتها الشامله .. ( بس ما ذى شمولية جعفر بخيت و الإتحاد الإشتراكى )

و كما ذكرت سابقاً .. بتأنى و خطوات مدروسه سأحاول عرض الجريمه و المجرم و العلاج لمن يهمهم الأمر ...

مدخل ثانى :
نظره عامه فيما يختص بالحقوق ..
بعض الأقسام :
التأليف
التحرير
الطباعه و النشر
االإعلان
الإخراج و التقديم
الدراسه و البحوث
الإكتشاف
الإختراع
الشراء
التمليك
الهبات
الوراثه
الأرض و الوطن
حقوق الإنسان
حقوق الحيوان
... الخ

و هنالك المزيد من الحقوق غير المذكور أعلاه ... و لكنها لاتهمنا الآن .. و لا علاقة لها بما سنعرض و نناقش فى هذا البوست ...

و أكرر أن الموضوع لا يحمل أى صفه شخصيه ... و استعمالها فقثط كأمثله للتوضيح و الإستدلال .. لإنها تحمل البرهان ...

مخرج :
أنا موجود الآن فى الماسنجر و الإسكايب .. خلينا نسمع منك

I!I

[imported_الجيلى أحمد]

Aad me
to skype
"anna.rita.fontana"