عثمان الطيب
تحياتي أخي العزيز
ياخي كتابة تخلي الواحد دواخله تزغرد
جعل الله أيامك كلها ممزوجة بزغاريد الفرح
أبوجهينة أنا أحياناً بتسأل بقول " ممكن الشعور أو الإحساس يشيخ يعني ممكن يتقدم بيهو العمر وتفتر؟" أظنو لا وأتمنى تكون لا
يموت الزمار و أصابع يديد تتحركان كما كان يعزف ، و كذلك الإنسان صاحب الإحساس و الشعور ، تظل غدد الإحاسيس و الشعور تعمل حتى و هو يلفظ أنفاسه
أبشر بالخير
أبوجهينة الخاطرة دي ذكرتي موقف جميل للرائع الجيلي محمد صالح صاحب أغنية الزكريات لعثمان مصطفى بعد ما تقدم بيهم العمر مرة إلتقى بمحبوته البسسبها كانت الزكريات "وكان اللقاء صدفة بمستشفى وهي تحمل كرت مراجعة"، قالت ليهو يا جيلي ما ممكن تكتب زي الزكريات تاني قال ليها والله بعد ده إلا أكتب ليكي في كرت السكري تبعك ده .
يا سلام يا عثمان ياخي
قصة رغم طرافتها فيها من المعاني الكثير
لك مودتي المقيمة