كتب معتز عبدالقيوم الحاج
Quote: انا لله وانا اليه راجعون الله يرحمه
ويغفر له ويسكنه فسيح جناته...
و يلزمنا الصبر على فقده... البركة فينا وفيكم...
رحل ركاز القبيلة توبو غتانا
رحل الباسم ضحوك بشانا
رحل كاب اللبوس تملى معانا
رحل عبده خلا البلد حزنانا
رحل ابو محمد عزيز اخوانا
رحل عبده ما اتمسك في خوانا
رحل ود بشيري حبو حبانا
رحل الدخري الحنين حنانا
رحل الأصم مر الفقد اضنانا
رحل ود بشيري مات خلانا
رحل عز القبيلة المكمل شانا
رحل سمح الخصال قبل وصانا
رحل ود بشيري بالخبر عزانا
نبيكك ياللزوم وانته عشانا
نبكيك كرم جواد بمالو كفانا
نبكيك (جيلي الزبير) واخوانا
نبكيك (الدوم) كالمطر بشانا
نبكيك و (واوسي) تبكي معانا
نبكيك القبب (قنطور) مبارك شانا
نبكيك (الوادي) ام (صعيب) دركانا
نبكيك (كنيبيل) والعشاري وفانا
نبكيك (وسط) الاهل عرفانا
نبكيك (غربية) البيوت طنانا
نبيكك ود رملي (الدهم) حبانا
نبكيك يا فهيم في مجلسك سلطانا
نبكيك بعد الحمد والله رضانا
الرحمات عليك تزيد أطنانا
يرضى ويرحمك الغفور ديانا
سكنك جنة عالي وقصور ريحانا
تنزل رحمتو للجميع موتانا
الحور الحسان والخدم ولدانا
عنكول الدهب وعد الصدق شهدانا
الظل والظلال حالا معظم شانا
الفل الزهور نسام هبوب بشانا
النرجس حرير لبسا نجرو غتانا
اغفر يا كريم بعملنا لا تبلانا
في كوثر نبيك نشرب معين صبيانا
ارحمنا الجميع لله جود تغشانا
بالوعد الصدق يا ربي تمو منانا
...
معتز ود قرين.
|
