خالد غالى....!!!

[البديري]

سلام من الله يغشاك، ومن معك ومن حولك، ان شاءالله،(فحين إنو متاكد مافى زول معك او حولك،!!) لانك من زمرة البايرين المتحدين!
المهم:
عاين لى يا حبيب،
زى مابقولوا الفلاسفة، الانسان فى سعى دائم حول ما ينقصة، وما لم قسمة الله له!...يعمل السبعة وذمتة عشان يكمل هذا النقص! ولن يكمله! ولو كسر رقبتو!...المهم، دا كلام كبير وانا ما قدرو، وعاوز ليهو بوست مُنفصل!

مهم المهم;
دائماً اشوفك حضور ومتواجد!! online،!! ولا تُشارك، هل هذا بخل منك؟ ام كورتك فكت؟ وبقيت تشجع من المدرجات؟!
عارف يا ود الغالى،
الواحد فينا - واقصد شخصى النحيف - بيحتاج يكمل النقص الفيهو، كما ذكرت اعلاه!...كم مرة اعيد قراءة كتابتك الادبية ونصوصك وحكاويك المُسردة بلغة سهلة ومُسترسلة وشيقة، اعدتها اكثر من دشليون مرة!!
انا ابحث عن الطيب صالح ونجيب محفوظ بين احرف خالد غالى!!!
انا ابحث عن الادب .. لانو ينقصنى الادب، بل انا عديم الادب!
هل اصبحت مثل ; شكوكو وسمراء وكابتن خالد، وميما، حضارات ادبية سادت ثم طشت!
ام كورتك فكت؟

[أبوبكر عباس]

إتّا يا البديري، قاعد تحاول تتقرب مني بتقربك من أصدقآئي

[فيصل سعد]

المشاركة الأصلية كتبت بواسطة أبوبكر عباس

إتّا يا البديري، قاعد تحاول تتقرب مني بتقربك من أصدقآئي

طيب ما كويس كدا و تمامين، خليو زي ما قال المثل
"في جاه الملوك يلوك " انا غايتو بتخيل لي
الحرابة البين البديري و بينك دي ما ليها أي أساس و مقومات
و ركائز، عداوة بس و السلام،، و في احتمال كبير انه اسلوبك
الساخر و بعض انكشاحاتك المباشرة ما بتلفق مع كل الناس،،
بعدين طالما بقيت سيادي مفروض تراجع و تختار جيدا مع من
تسخر و مع من تكون طبيعي و مع من تخستك و تبهلها
و ذلك لا ينقص مشروع الوعي و التنوير و الاستنارة مقدار شبر
و لا ينتقص من شفافيتك بتاتا.. مع التأكيد بأن تعفى لينا لو الكلام
دا ما صاح و ابتعد عن ناصية الحقيقة ..

[خالد غالي]

البديري ياصديقي

تعرف انا فعلا كورتي فكت، ياخي بقيت مابقدر اقرا اي حاجة خلي اكتب كمان

اما بخصوص البورة، فأنا ماباير لكن الحقيقة انا شايف نفسي كتير علي اي بنت، ولمن القى واحدة تستاهلني بعد داك بفكر

وياخي دي ذاتو فرصة الزول يشكرك على بوستاتك وانا غايتو رأيي بدون مجاملة انها امتع بوستات في الساحة حاليا، وااكد لك انو الجميع يستمتع جدا بالبوستات حقتك بمافيهم بابكر ده ذاتو ماتشوف حركات المستنيرين دي


من ناحية تانية عايز اقول ليك انو بابكر ده زول كويس على ضمانتي، فياخي حاول اقراهو براحة وصدقني حايعجبك جدا

لك الف شكر يا حامد ياصديقي

[رأفت ميلاد]

ما لاقى لى سبب ولا مكان أنزل الفيديو ده

أها لقيت لى حتة مقعدة كدة بين البديرى وغالى ود أختى

YouTube

[عبد المنعم حضيري]

البديري وخالد

سلامات

خالد حقو البوست دا بعد إذن البديري طبعاً

تخليهو تعريفي توثيقي ليك الحصاحيصا والمهجر

وسر صداقاتك العريضة مع البديري وبابكر .... وبما إنك في الوسط بينهم كمان تورينا سر الجفوة الحميمة والنبيلة البينهم دي

دايرين تنوير وليس إستنارة.... وبس .... يا ربي في فرق بيناتم؟؟؟؟

تحياتي

[البديري]

المشاركة الأصلية كتبت بواسطة أبوبكر عباس

إتّا يا البديري، قاعد تحاول تتقرب مني بتقربك من أصدقآئي

ياخ إتلهي!

[البديري]

المشاركة الأصلية كتبت بواسطة فيصل سعد

طيب ما كويس كدا و تمامين، خليو زي ما قال المثل
"في جاه الملوك يلوك " انا غايتو بتخيل لي
الحرابة البين البديري و بينك دي ما ليها أي أساس و مقومات
و ركائز، عداوة بس و السلام،، و في احتمال كبير انه اسلوبك
الساخر و بعض انكشاحاتك المباشرة ما بتلفق مع كل الناس،،
بعدين طالما بقيت سيادي مفروض تراجع و تختار جيدا مع من
تسخر و مع من تكون طبيعي و مع من تخستك و تبهلها
و ذلك لا ينقص مشروع الوعي و التنوير و الاستنارة مقدار شبر
و لا ينتقص من شفافيتك بتاتا.. مع التأكيد بأن تعفى لينا لو الكلام
دا ما صاح و ابتعد عن ناصية الحقيقة ..

يا فيصل، انت بتنفخ فى قربة مقدودة!

[البديري]

المشاركة الأصلية كتبت بواسطة خالد غالي

البديري ياصديقي

تعرف انا فعلا كورتي فكت، ياخي بقيت مابقدر اقرا اي حاجة خلي اكتب كمان

اما بخصوص البورة، فأنا ماباير لكن الحقيقة انا شايف نفسي كتير علي اي بنت، ولمن القى واحدة تستاهلني بعد داك بفكر

وياخي دي ذاتو فرصة الزول يشكرك على بوستاتك وانا غايتو رأيي بدون مجاملة انها امتع بوستات في الساحة حاليا، وااكد لك انو الجميع يستمتع جدا بالبوستات حقتك بمافيهم بابكر ده ذاتو ماتشوف حركات المستنيرين دي


من ناحية تانية عايز اقول ليك انو بابكر ده زول كويس على ضمانتي، فياخي حاول اقراهو براحة وصدقني حايعجبك جدا

لك الف شكر يا حامد ياصديقي

سلامات ياحبيب البلون الاحمر دا انت متاكد منو؟ انا لا اظن ،امس إتضح لى المنتدى دا عبارة مراكز قوة وهيمنة وتسلط وحجر! دا غير انو عبارة عن كيزان وشيوعيين وعلمانيين مسيطرين على المنتدى والاراء، يصفقوا للبعجبهم ويحرقوا الما متمشي مع هواهم!!
يا زول انا ندمت والله على فتح البوست دا زاتو، خليك كما كنت!
فى امان الله تركتك

[فيصل سعد]

المشاركة الأصلية كتبت بواسطة البديري

يا زول انا ندمت والله على فتح البوست دا زاتو، خليك كما كنت!
فى امان الله تركتك

انت زعلت يا دكتور
ياخي ما تقنع من خيرا فينا على الأقل
اكراما للحبيب كيشو الذي يؤكد و يجزم
بانك صاحب الكثير من الإشراقات..

أرقد عافية..

[ناصر يوسف]

البديري كورتو فكت

هههههههههه

دخلت هنا ساااااكت كدي بلا أيتها شغله غايتو

[فيصل سعد]

المشاركة الأصلية كتبت بواسطة البديري

امس إتضح لى المنتدى دا عبارة مراكز قوة وهيمنة وتسلط وحجر! دا غير انو عبارة عن كيزان وشيوعيين وعلمانيين مسيطرين على المنتدى والاراء، يصفقوا للبعجبهم ويحرقوا الما متمشي مع هواهم!!

يا حبيب الكلام دا بالتعميم دا غير صحيح إطلاقا و لا يجانبه المنطق و الصواب من أي ناحية،، منبر سودانيات ليست فيه مراكز قوى ولا مراكز ثقل و الجميع هنا سواسية كاسنان المشط أمام الميثاق و اللائحة، الناس بتحاول جاهدة لم الشمل و العودة للبيت الكبير، بعدين ما ممكن تقنعني أن كل البوستات هنا بوستات كيزان و شيوعية،، أعد القراءة و تصفح جيدا ستجد الأمر مختلف جدا عن ما تظن و تعتقد..

يديك العافية..

[البديري]

المشاركة الأصلية كتبت بواسطة فيصل سعد

يا حبيب الكلام دا بالتعميم دا غير صحيح إطلاقا و لا يجانبه المنطق و الصواب من أي ناحية،، منبر سودانيات ليست فيه مراكز قوى ولا مراكز ثقل و الجميع هنا سواسية كاسنان المشط أمام الميثاق و اللائحة، الناس بتحاول جاهدة لم الشمل و العودة للبيت الكبير، بعدين ما ممكن تقنعني أن كل البوستات هنا بوستات كيزان و شيوعية،، أعد القراءة و تصفح جيدا ستجد الأمر مختلف جدا عن ما تظن و تعتقد..

يديك العافية..

سلامات فيصل وناصر،
اعيد شنو؟ واقرا شنو؟ يا فيصل!
العلمانين والملحيدين هنا، ينزلوا بوستات هبطرش فى النقد والتهكم والاساءة لله سبحانه وتعالى والتشكك فى وجودة! ومافى زول بقول ليهم حاجة! وبخلوهم باسم حرية الراى!!
ولمن انا اعرى وافضح الحكام الجرب اقصد العرب، يصادروا كلامى!
يخافون من الحكام ولا يخافون من الله!!
هل فى سبب يخلينى هنا؟
خليتكم بعافية وامان الله

[فيصل سعد]

المشاركة الأصلية كتبت بواسطة ناصر يوسف

دخلت هنا ساااااكت كدي

عندي واحد صاحبي زمان في نياجرا اسمه "ناصر الحلبي" جاء كندا قبالنا بخمسة ستة سنين، كنا زملاء بنشتغل "بيتزا دلفري" عز الجليد و في نص الاسبوع الشغل نايم بنتونس في عرباتنا في الباركنج خارج المحل، قلت ليو يا ناصر انت جيت البلد دي كيف؟؟ قال لي ساكت كدا.. قلت ليو بالله عليك لو كنت فكرت شوية كدا كان مشيت وين

[فيصل سعد]

المشاركة الأصلية كتبت بواسطة البديري

سلامات فيصل وناصر،
اعيد شنو؟ واقرا شنو؟ يا فيصل!
العلمانين والملحيدين هنا، ينزلوا بوستات هبطرش فى النقد والتهكم والاساءة لله سبحانه وتعالى والتشكك فى وجودة! ومافى زول بقول ليهم حاجة! وبخلوهم باسم حرية الراى!!
ولمن انا اعرى وافضح الحكام الجرب اقصد العرب، يصادروا كلامى!
يخافون من الحكام ولا يخافون من الله!!
هل فى سبب يخلينى هنا؟
خليتكم بعافية وامان الله

يا بديري يا خوي المقام كان مقام موت و حزن يجب احترامه،، و انت لم تختار الظرف و التوقيت المناسب لتوجيه نقدك و إمتعاضك.. بعدين يا اخوي نحناعندنا اخوانا و اهلنا عايشين هناك و ما من مصلحتهم الإساءة و التحقير
لرموز سيادة مهاجرهم،، لماذا نسعى إلى الضرر و المضرة و تسميم الأجواء؟؟؟ تريث يا رجل و لا تستعجل و تركبك الحماقة و الزعل و السخط و تغادر لهذا السبب.. يا زول لو أي زول سحبوا ليه بوست و مداخلة بيزعل و يفرتق و يفك البيرق انا القدامك دا كان فرتقت زمان بدري و ما كان تشوفني و اكتب ليك المداخلة دي في هذه اللحظة..