زهرة الغَرَق

[ام التيمان]

العاطفة لا تجدى فى هذه الحالات
محسن يمر بحالة نفسية
فمن الافضل ان يعرض لطبيب
قبل فوات الاوان

[تماضر حمزة]

أعتذر منك محمد قرشي، حسيت اني أغلظت عليك في الرد.

[سمراء]

المشاركة الأصلية كتبت بواسطة تماضر حمزة

أعتذر منك محمد قرشي، حسيت اني أغلظت عليك في الرد.

عليك الله ياطمطم انت بتعرفى تغلظى ؟
ياخ غلظانك قدام غلظان بكه دا عباره عن قشطة سايحة

اغلظو انتو يا الحلوين نجيكون نحنا بالاعزار

محمد قرشى ماتكتل قلبك طمطم دى

[الجيلى أحمد]

بذات العاطفة التى تم بها تقبل مهدية وخطرفات محسن الغيبية
بذات العاطفة المضحكة يتم تقبل تبريره غير المنطقى والمهين لأى
عقل

الخطأ لم يرتكبه محسن أبدآ فهو حر فيما يدعى
الخطأ ارتكبه العاطفيين المطايباتية
ويرتكبونه حتى هذه اللحظة وكأن شئيآ لم يكن..

[أسامة الكاشف]

يا أحباب

حجم الاهتمام ده يؤكد على أن حجر محسن حرك الماء الراكد.

ليه أخذت هذ النبوءة هذا الحجم من الاهتمام حتى أوردتها الصحف؟

السبب أن محسن شخص مبدع وفنان ودي ما بختلفوا عليها اتنين
وأنه درس وتعب وشغل عقلو واستنتج ودي برضو ما عليها خلاف.

حالة الانفصال عن الواقع دي عنده ليها مبرراته الخاصة التي تهمنا كمتلقين لأدبه وتنظيره.

رغماً عن أن لغة بيان الاعتذار ما بتشبهو واستسلامية (كما قلت في بوست سمراء) وده دليل على أنها لحظة مراجعات يمكن أيضاً أن تثير جدلاً جديداً.

الجيد في الأمر أنه حفزنا على التفكير والتحليل وفتح نافذة جديدة لاهتمامتنا باللغة والتراث السوداني والإنساني.

هذا ما يجب التركيز عليه وترك الشخصنة التي لن تخدم أحد

في النهاية هذه التجربة كانت مفيدة لمحسن ولنا وده المهم.

أما لماذا شخصنا جميعاً لننظر نهاية هذه النبوءة وذهلتنا عن مناقشة غيرها من الموضوعات ..فهو مبحث هام ستبين الأيام اسبابه

تسلموا

[أبوبكر عباس]

المشاركة الأصلية كتبت بواسطة سمراء

عليك الله ياطمطم انت بتعرفى تغلظى ؟
ياخ غلظانك قدام غلظان بكه دا عباره عن قشطة سايحة

اغلظو انتو يا الحلوين نجيكون نحنا بالاعزار

محمد قرشى ماتكتل قلبك طمطم دى

ضحكتيني يا إنتيمو
زمان يا سمرا، أول ما عملوا الجامعة الاهلية، كان برتادها الحناكيش جدا.
يحكى انهم طلعوا في مظاهرة ضد مدير الجامعة وكانوا شايل الآيس كريم بيد وبالبيد التانية بأشروا ويقولوا: ما دايرنو الراجل دا

[مبر محمود]

المشاركة الأصلية كتبت بواسطة Mohammed Qurashi

يعني بمنطق العرفان الصوفي ممكن جدا إعتمادا على الإرث في المجال ده نقول محسن أُلهم معارف ربانية ثم جاء الشيطان و نفث في روعه ليضله عنها و يشككه هو و معجبيه عنها ..

تحيّاتي يا صاحب،
شايفك في أكثر من موضع، أنتَ ومعكَ آخرون، تلوّحون بمنطق "العرفان الصوفي" في قراءتكم لما جاء به محسن خالد، وأعتقد إنكم بحديثكم هذا تحاولون عبثاً حرث أرض لا تصلح أصلاً لإنبات مثل هذة الأفكار و"الدعاوي"، فالعرفان الصوفي -ولا أحسبك به جهولا- يتضاد مظهراً وجوهراً مع كل الدعاوي الرسالية على شاكلة المهدية وخلافها، والصوفية تاريخياً هم من أكثر الجماعات الدينية التي تضررت من الأفكار المهدية ودونك تجربة زولنا محمّد أحمد الأخيرة!

أقول هذا الكلام وفي بألي أيضاً أن أشير إلى إن محسن خالد هو الأجدر من الجميع على تفسير سلوكه الروحي والفكري، وإن حالة التدافع "التعاطفي" التي أندلعت بكثافة لتبرير أقواله تخصم منه أكثر مما تضيف إليه، فمحسن نصيييح وفصيح ولسّاتو يلامض الحجر!

[الفاتح]

المشاركة الأصلية كتبت بواسطة ناصر يوسف

يا بنج إنت ما قاعد تقرأ كويس ولا بقيت محتاج لنظارات ،،، خلاص بكلم مصطفي سعيد يرسلها ليك ياخ ،،،

نعم أنا حوار للباحث والأديب رفيع المقام محسن خالد وليس المهدي المنتظر ،،، وحتي لو صدقت نبوءته حأؤمن بصدق التنبأ بتاعو مش بمهدويتو يا بنج ،،
أول أمس قلتها ليه بالمناسبة في مدني ،،، لكني قلت ليه ياخي أنا مصدقك وبالفعل الرجل كان صادق في قولو من نبرته ومن إصراره ،،،
يعني هو شاف شئ نحن ما شايفنو ،،، وشوفو ده ياهو جاء وقالوا ليكم هني ده ،،،

ووعدني لما سألتو يا شيخي محسن ،،، الشئ الإتنبأت بيه ده لو ما حصل ؟؟؟ قال لي بجي بكتب للناس بعد الساعة 11 من صباح الأحد ،،، وقد أوفي بما وعد ،،،

لكن يا بنج ،،،، الجملة دي ما عجبتني منك يعلم الله



أنا حوار للعالِم الباحث الأديب رفيع المقام محسن خالد في مشروعه البحثي القييم (الإنتو شايفنو كلام ساكِت أو ملولو أو ماشي أمفكو ساي من غير أي منهج ) وواضع كل خبراتي ومؤهلاتي وأجهزتي الخاصة بالإنتاج التلفزيوني لأجل إنفاذ أمر فلم زهرة الغرق الوثائقي ،،، المشكلة وين يعني بالضبط

نضاراتي -3.75 ، لكن من وراء العدسات التقيله لقطت :

يا بنج ،،، أنا من الحواريين التابعين لفضيلة الشيخ العالم الباحث والمتأمل في ملكوت الله

محسن خالد ،،،

في معرض رفضي لفكرة الحواريين .. أها يابنج ده ما إعتراف صريح بكونك واحد من الحواريين !.. معاك في إنو محسن زول مجتهد في المعرفه ، والمعرفه دي بحرها كبير ، فإذا أخوك نفسو قطع إنت مفروض تساعدو..
ماتقيف موقف (حواري) يتنظر تعليمات السيد/الشيخ/النبي إلخ
إن شاء الله تكون قدرت إلتقطت وجهة نظري بدون زعل.

[خالد غالي]

اللهم لك الحمد والشكر
الف حمدالله على السلامة يامحسن

كانت تجربة مريرة على الجميع اعتقد ــــ ارجو ــــ اتمنى انها مرت باقل مايمكن من خسائر

مجموعة الشباب الغاضبين ... الكلام الكتبو محسن ده بمثابة انهاء لكل الموضوع وهو ليس نهاية كلامه (حسب ظني) فياخي خلو الراجل يرتاح شوية ويستعيد توازنو وحايجيكم باكتر مماتتمنون من تحليل وتوضيح لكل حاجة ... شوية صبر مابسوو شي !!



دكتور محمد قرشي ... بروف امين
هل نأمل في ارجاع الامور الى نصابها مع دكتور بشرى الفاضل ؟

فقد كان كلامكم معه ــــــــــــــ عنه قاسيا جدا

تحياتي للجميع

[ZEIN ABDALLA]

المشاركة الأصلية كتبت بواسطة الجيلى أحمد

بذات العاطفة التى تم بها تقبل مهدية وخطرفات محسن الغيبية
بذات العاطفة المضحكة يتم تقبل تبريره غير المنطقى والمهين لأى
عقل
الخطأ لم يرتكبه محسن أبدآ فهو حر فيما يدعى
الخطأ ارتكبه العاطفيين المطايباتية
ويرتكبونه حتى هذه اللحظة وكأن شئيآ لم يكن..

[الفاتح]

المشاركة الأصلية كتبت بواسطة وجدي الأسعد الأسعد

كدي يا شليل ادينا شروحات عن كلامك دا

جداً.. حأعيد صياغة كلامي بشكل تاني
موقفي من الحواريين والمهدويه بلخصو ليك في إنو نحن كناس متخلفين أنجبنا الواقع الملان كبت وظلم وإقصاء ووو... حدود معرفتنا قدر لحافنا.. المعرفه البتسمح لينا بإنو نمشًي حالنا لبكره ما أكتر.. الطوق الختنو في رقبتنا ده ما خاتنو بماء إرادتنا بل أملتنا عليهو السلطة وقسوة المجتمع بلاءاتو الكتيره.. فمصيرنا الوجودي والمعرفي بتلقاهو مرات بيطغى عليهو الإعتباط والمجانية.. بنعيش في حالة بتاعة تهديد دائم لأمننا وصحتنا وتوفير حياة كويسه لولادنا ، دماغنا ده معطًلنو ، لأنو السلطة سوًلت سواتا فينا ، وبقينا بنفتقر للمجابهه .. المجابهه البتمد حياتنا بالعنفوان وبتدفعنا للإحترام.. فبنعيش في حالة بتاعة (تلقي فاتر) للحاجه البتجدعا لينا الحياه دي.. الوضعيه دي بتعطًل فيك وظيفة النقد العقلي ، وبتعطًل فيك أهم حاجه : إللي موقفك الوجودي ومقدرتك على التغيير.. لمن تتعاظم الوضعية دي بتعيش في حالة بتاعة يأس ، وبتصل مرحلة بتاعة حد انعدام الثقة بقدرة الجماهير على التغييروالقيام بآكشن، الحاجه البتخليهو متقهًم ومنتظر منقذ منتظر بشكل سحري (مهدي ).
لأنو (الحواري ) بيشوف في المنقذ ( المهدي) صورة من ذاتو المهدوره ..
فهو القوي ، والشايل في إيدو مفتاح الخلاص لتعاستو الوجودية .
وجود مهدي منتظر بيهيئ الجماهير للتعلق بيهو، جاعلا منهم ( حواريين ) ما بيقدروا ينتجوا معرفياً ، لأنو وظيفة النقد العقلي معطًله عندهم لأسباب متعلًقة بالكسل الذهني ، وإنعدام الثقة وتبخيس الذات.

[ام التيمان]

المشاركة الأصلية كتبت بواسطة شليل

جداً.. حأعيد صياغة كلامي بشكل تاني
موقفي من الحواريين والمهدويه بلخصو ليك في إنو نحن كناس متخلفين أنجبنا الواقع الملان كبت وظلم وإقصاء ووو... حدود معرفتنا قدر لحافنا.. المعرفه البتسمح لينا بإنو نمشًي حالنا لبكره ما أكتر.. الطوق الختنو في رقبتنا ده ما خاتنو بماء إرادتنا بل أملتنا عليهو السلطة وقسوة المجتمع بلاءاتو الكتيره.. فمصيرنا الوجودي والمعرفي بتلقاهو مرات بيطغى عليهو الإعتباط والمجانية.. بنعيش في حالة بتاعة تهديد دائم لأمننا وصحتنا وتوفير حياة كويسه لولادنا ، دماغنا ده معطًلنو ، لأنو السلطة سوًلت سواتا فينا ، وبقينا بنفتقر للمجابهه .. المجابهه البتمد حياتنا بالعنفوان وبتدفعنا للإحترام.. فبنعيش في حالة بتاعة (تلقي فاتر) للحاجه البتجدعا لينا الحياه دي.. الوضعيه دي بتعطًل فيك وظيفة النقد العقلي ، وبتعطًل فيك أهم حاجه : إللي موقفك الوجودي ومقدرتك على التغيير.. لمن تتعاظم الوضعية دي بتعيش في حالة بتاعة يأس ، وبتصل مرحلة بتاعة حد انعدام الثقة بقدرة الجماهير على التغييروالقيام بآكشن، الحاجه البتخليهو متقهًم ومنتظر منقذ منتظر بشكل سحري (مهدي ).
لأنو (الحواري ) بيشوف في المنقذ ( المهدي) صورة من ذاتو المهدوره ..
فهو القوي ، والشايل في إيدو مفتاح الخلاص لتعاستو الوجودية .
وجود مهدي منتظر بيهيئ الجماهير للتعلق بيهو، جاعلا منهم ( حواريين ) ما بيقدروا ينتجوا معرفياً ، لأنو وظيفة النقد العقلي معطًله عندهم لأسباب متعلًقة بالكسل الذهني ، وإنعدام الثقة وتبخيس الذات.

كلامك درر
يعيد لى النفس ثقتها

التحية
شليل

[مبر محمود]

المشاركة الأصلية كتبت بواسطة شليل

جداً.. حأعيد صياغة كلامي بشكل تاني
موقفي من الحواريين والمهدويه بلخصو ليك في إنو نحن كناس متخلفين أنجبنا الواقع الملان كبت وظلم وإقصاء ووو... حدود معرفتنا قدر لحافنا.. المعرفه البتسمح لينا بإنو نمشًي حالنا لبكره ما أكتر.. الطوق الختنو في رقبتنا ده ما خاتنو بماء إرادتنا بل أملتنا عليهو السلطة وقسوة المجتمع بلاءاتو الكتيره.. فمصيرنا الوجودي والمعرفي بتلقاهو مرات بيطغى عليهو الإعتباط والمجانية.. بنعيش في حالة بتاعة تهديد دائم لأمننا وصحتنا وتوفير حياة كويسه لولادنا ، دماغنا ده معطًلنو ، لأنو السلطة سوًلت سواتا فينا ، وبقينا بنفتقر للمجابهه .. المجابهه البتمد حياتنا بالعنفوان وبتدفعنا للإحترام.. فبنعيش في حالة بتاعة (تلقي فاتر) للحاجه البتجدعا لينا الحياه دي.. الوضعيه دي بتعطًل فيك وظيفة النقد العقلي ، وبتعطًل فيك أهم حاجه : إللي موقفك الوجودي ومقدرتك على التغيير.. لمن تتعاظم الوضعية دي بتعيش في حالة بتاعة يأس ، وبتصل مرحلة بتاعة حد انعدام الثقة بقدرة الجماهير على التغييروالقيام بآكشن، الحاجه البتخليهو متقهًم ومنتظر منقذ منتظر بشكل سحري (مهدي ).
لأنو (الحواري ) بيشوف في المنقذ ( المهدي) صورة من ذاتو المهدوره ..
فهو القوي ، والشايل في إيدو مفتاح الخلاص لتعاستو الوجودية .
وجود مهدي منتظر بيهيئ الجماهير للتعلق بيهو، جاعلا منهم ( حواريين ) ما بيقدروا ينتجوا معرفياً ، لأنو وظيفة النقد العقلي معطًله عندهم لأسباب متعلًقة بالكسل الذهني ، وإنعدام الثقة وتبخيس الذات.

تحيّاتي يا شليل،
أسمح لي أن أختلف معك في مجمل التوصيفات التي صبغت بها "الجماهير" بقلبٍ من حديد، فالجماهير لم تتعلق بمهدية محسن مطلقاً، بل أنكرتها وبشبه إجماع، فمن أين لكَ هذا الحديث المطلق عن تعلق الجماهير، وكسلها الذهني، وتبخيس ذاتها؟!
إنني ببساطة أنظر للجماهير التي تعاطت مع مهدية محسن بإحترام كبير كونها ساهمت بوعيها، وإيمانها، ونقدها العقلي الموضوعي، في صناعة اللحظة الحاضرة من عمر المسألة.

[أسعد]

المشاركة الأصلية كتبت بواسطة شليل

جداً.. حأعيد صياغة كلامي بشكل تاني
موقفي من الحواريين والمهدويه بلخصو ليك في إنو نحن كناس متخلفين أنجبنا الواقع الملان كبت وظلم وإقصاء ووو... حدود معرفتنا قدر لحافنا.. المعرفه البتسمح لينا بإنو نمشًي حالنا لبكره ما أكتر.. الطوق الختنو في رقبتنا ده ما خاتنو بماء إرادتنا بل أملتنا عليهو السلطة وقسوة المجتمع بلاءاتو الكتيره.. فمصيرنا الوجودي والمعرفي بتلقاهو مرات بيطغى عليهو الإعتباط والمجانية.. بنعيش في حالة بتاعة تهديد دائم لأمننا وصحتنا وتوفير حياة كويسه لولادنا ، دماغنا ده معطًلنو ، لأنو السلطة سوًلت سواتا فينا ، وبقينا بنفتقر للمجابهه .. المجابهه البتمد حياتنا بالعنفوان وبتدفعنا للإحترام.. فبنعيش في حالة بتاعة (تلقي فاتر) للحاجه البتجدعا لينا الحياه دي.. الوضعيه دي بتعطًل فيك وظيفة النقد العقلي ، وبتعطًل فيك أهم حاجه : إللي موقفك الوجودي ومقدرتك على التغيير.. لمن تتعاظم الوضعية دي بتعيش في حالة بتاعة يأس ، وبتصل مرحلة بتاعة حد انعدام الثقة بقدرة الجماهير على التغييروالقيام بآكشن، الحاجه البتخليهو متقهًم ومنتظر منقذ منتظر بشكل سحري (مهدي ).
لأنو (الحواري ) بيشوف في المنقذ ( المهدي) صورة من ذاتو المهدوره ..
فهو القوي ، والشايل في إيدو مفتاح الخلاص لتعاستو الوجودية .
وجود مهدي منتظر بيهيئ الجماهير للتعلق بيهو، جاعلا منهم ( حواريين ) ما بيقدروا ينتجوا معرفياً ، لأنو وظيفة النقد العقلي معطًله عندهم لأسباب متعلًقة بالكسل الذهني ، وإنعدام الثقة وتبخيس الذات.

مثال جيد لكيفية الدخول لخوجلي والمروق بي حمد في 21 يوما

اها يا شليل ايه رايك لو قلت ليك انو البحث المبذول في زهرة الغرق بحث عظيم ومشروع اعظم من عظيم

رأيك شنو؟!

قلت لي العقل النقدي؟!
انت يا شليل لو شالت فيك ضريرة (النظرية النسبية) الما بخلي حنة (زهرة الغرق) تشيل فيك شنو؟!
وين عقلك النقدي النفاذ دا من النظرية النسبية؟!

بعدين ياخ نحن مبهورين بي زهرة الغرق ومعجبين بعبقرية محسن خالد الانت ما شايف مبرر ليها
زي ما انت مبهور بلوحات وعبقرية ابراهيم الصلحي واللي ممكن بمليون سبب اجيك وادعي انو انبهارك دا ما عندو اي مبرر
حصل مرة شغلت عقلك النقدي للوحات ابراهيم الصلحي؟!

[جيجي]

المشاركة الأصلية كتبت بواسطة ZEIN ABDALLA

بقيت من الكفار ولا شنو
ياخ محسن دا مفروض تصدقو في كل الحالات يقول نبي يقول مهدي بعد ساعتين يجي يعتذر كلو مصدق ياخ ان شاء الله لو تهين عقلك زاتو ولا تشيلو تجدعوا الكوشة- ماضروري ياخ العقل دااصلا