عجّزنا وما أنجزنا
فرحان بي شبابو
هكذا كان الحال قبل مابدني يتسمم بالكلام القالو شقيق دفعتي الأصغر
ماحدث إني كنت ساهي ولاهي ومبسوط وقاعد في بيتزا كورنر مع آنسات لطيفات
وفجأه يظهر لي الزول القلتو ليكم فوق ده
سلم علي وهو فاغراً فاه
جراني بالجنبه وسألني بصوت خفيض : الجابك هنا شنو ؟؟!!!!
قلتليو جابني الجابك
قاللي ياعمر باسل اخوي اولادو السنه الجايه حيخشو المدارس وانت لسه بتجي تخلط في المطاعم
طبعاً ماسكتت ليهو .. إتنفخت وقلت ليهو : ياحبيب انا عشره سنه لي قدام حأكون بناضل معاك هنا
لكن بصدق كلامو اثر فيني
والعقد الرابع دخل علينا فجأة زي مطرة الشتا
يعني عجزنا وما أنجزنا .. وولدي الكنت دايرو يطلع اول الشهاده السودانيه لو اتوفقت حأحتفل بيهو بدون سنون
|