الشفاتيات والشفوت وصلوا

[Osman Hamad]

بسم الله الرحمن الرحيم

اللهم أرحم أحبائك وأحبائنا (خالد الحاج وإشراق ضرار وإيمان) وأدخلهم فسيح جناتك دون سابقة عذاب او حساب.
والحمدلله رب العالمين.

أم بعد
إن التهليل والتكبير لله وحده. ثم الشكر للرجل المعتصم الطاهر عكود جمل الشيل ولكم انتم جميعاً أهل سودانيات.

وبعد حزنٍ عميق وإندهاشة دامعة، جعلتنا نتوه عنكم وتتوهوا عنا، جعلتنا تائهين عن سودانيات ومتابعين لها، نقراء فقط ونكتفى بالدمع فى العين وليس لنا حولٌ وﻻ قوة. ولكن لابد من عودة من اجل الوفاء لهذا البيت الخالد فينا و الذى جمعنا وربطنا ببعض، فنحن لم نتعرف على بعضنا فى قهوة (على لساتِك) ولا حول كفتيرة (عوضية كوستى) ، (والله ياجماعة أنا اصلو مابعرف اكون جادى، الليلة يحلنى الحلا (علوية سكسكة)).
بل عرف بعضنا البعض هنا فى هذا الجمال. جئنا لننصهر فيكم كما كنا ولتنصهروا فينا ولنعمل سوياً فى كل شئ من أجل الوفاء وسودانيات.

تواعدنا أن نعود وبقوة ومية المية، هكذا كانت كلماتهم الصادقة معى عبر الهاتف، فالتحية والشكر لكل هولاء العائدون:

ممكونة:
الزولة دى حازمة نصها ومسخنة سخانة شديدة للكتابة، تمشى خطوة وراء وخطوة قدام التّكنها عاوزة تشوت ليها ضربة جزاء، فهى صاحبة حرف وفكرة، وظفت عملها ووقتها لهمها الشاغل المجتمع والكتاب، فهى إمراة جميلة صاحبة النكتة وحلاوة الروح، تضحك معها وتكاويها وتحرق روحها وكأنها ولدتها اُمك.

ندى شارف:
إنسانة ندية وحرفها شارف حتى السماء لانه ينادى بالحق وإيمان الفكرة.

دير:
(دييييييييييييييرااااااااك، ودى على وزن دينننننننننننناااااك) فهكذا تخلعك بحرفها الجميل وكلمتها، فكلمتها لها وزنها (الدرى) وسالى للروح.

بنت النيل:
أأأأأأأأأأأأأأخ مان!!!!. هذة البنت الحديقة المجنونة، تعالى وخبرى الناس انتِ منو؟ واحكى عن ابوك النيل، ما إنتِ همك فى الدنيا كلها ابوك بالحرف والفكرة والضحكة ونحنا.

إسماعيل حميم:
وجاء إسماعيل وتبدؤ علىّ شفتية بسمة بأنة أبونا فى السودان وسودانيات ومنظم أمرها فى البلد، فتعالوا نكمل معه مشوار الخالد فى منظمة سودانيات بحكمته وهندسته فهو مهندس فى الامر وبناء المجتمع، فهو شوقنا فى التطور وبدرنا فى سماء عمل الخير والعمل المنظم، فهو صاحب حرف وكلمة حق.

أبوالعز الجنوبى:
هو ليس جنوبياً هواها أو شمالياً عشقها، إنما هو سودانياً مجنونٌ بها. هو صاحب حرف جميل وكلمة عجيبة تسرح بك فى عوالم الفكر والرأى والمرح.

مهند بادى:
الشاعر الجميل النحيل (ويا عملات حبوبتى، كان ما خوف الحليفة) لقلت لكم لو عاش مصطفى سيد أحمد اُ غنيتةَ وأحدة لكان غنها لهذا المهند. فهو شاعر صادق فى كلمته ورضئ عن جمال الكلمة فى روحه. سوف يأتى بالرغم من مشغولياته الكثيرة هذة الايام بأمر تجهيز زواجه القريب فى هذا الشهر (فالرجل قرر الإنتحار زواجاً)، فهو الأن يسِن فى قلمه لنا (ويسِن فى أشياء اُخرى لأخرين).

خالد سعد:
الصحفى صاحب الحرف والكلمة والرجل الهادئ الجميل الأنيق، فهو كاتب بحق، سوف تتابعوه بدهشة وإعجاب.

حُميد mohamed hemaid:
فهو طيبونا الصالح فى سودانيات وغداً فى كل البلد، فهو طيب الحرف وصالح الروح (يهنجكك ويجلعك) فى نسمات الشمال وكأن كل البلد (لِفتاوية). فهو رجل قريبى (قريبى دى سلبطة منو ساى، لانو عاوز يعمل لروحه أهميات ويصغر روحه على حسابى)، ولكن لم أقل لكم بأنه طيبونا الصالح فى سودانيات، بلا، تابعوهو وتمتعو معه.


ويلا يابنات وأولاد سودانيات، شخبتو (الشخبتة دى حقتى براى) فى المنتدى وأكتِبو الواجب وحِلو.

والنداء للجميع واللذين لم نتمكن من الوصل إليهم عالم عباس، طارق الحسن، أبو مناهل، حمدى أبوجقادو، أبوجهينة، أمين أبوجونية وكل اللذين لم تسعفنى الذاكرة بأسمائهم. فكل منا ينادى الأخر.

ومعاً سوياً.

ولكم الود من كلِ فجٍ عميق.

[النور يوسف محمد]

بسم الله الرحمن الرحيم

سعيد وأن نقرأ مثل هذا الكلام الباسم ..
وجميل جداً أن نلتقى بجيل البطولات ..

سنكون على مشارف المنتدى نرقب هذا الهطول ..
فالتحايا لك ولهم ولمن معهم ولذلك الزمن الجميل ..

[الجيلى أحمد]

ياسلام يااخى
ياسلام ياصاحبى..
صبرك على لمن أرجع البيت المساء..
جميل ياصديقى
وجميل عةد البلابل الى دوحها
فمرحى والله

[واحة]

الله الله

عثمان حمد

والله زمان ، ربنا يرحم الجميع ويغفر لهم وسيظل لسودانيات عبر الذكرى

كل حياة الحضور .

سعيدة جداً بعودتك ولك المقدرة لعودت ايام جميلة ، اضحكتنا بسخريتك

الراقية وما انسى ابداً كل ما اقراء حرفك انعتك بالمجنون ...
اهلين يا عثمان اهلين .


اتمنى حقاً ان نشاهد هنا اقلام رحلت للصمت ولكنها تبقى محفورة
فى اذهاننا والاوقات الجميلة التى مضت ولعشرة سنوات تظل
وتبقى فى حياتنا ضوء جميل .

ننتظر من ذكرت والاخرين .

انتظر قلمك الذى نعرف .
تسلم


واحة

[مهند الخطيب]

عثمان حمد ياشارب الكوكابولا في ذكرى سروال حبوبتو .......

جميل ياعثمان ،،،

جميل هذا الرجوع ،،،

أشعر أن المنتدى قد عادت له رئة محببة* ،،،

ياود حمد المسخوت ..... وينك ياحبيب ....

راجيك .....

(الرباطابي)

-------------------------------------
* كلام سمح زي ده والله ماتسمعوا مني تاني

[البديري]

المشاركة الأصلية كتبت بواسطة Osman Hamad

بسم الله الرحمن الرحيم

اللهم أرحم أحبائك وأحبائنا (خالد الحاج وإشراق ضرار وإيمان) وأدخلهم فسيح جناتك دون سابقة عذاب او حساب.
والحمدلله رب العالمين.

أم بعد


مهند بادى:
الشاعر الجميل النحيل (ويا عملات حبوبتى، كان ما خوف الحليفة) لقلت لكم لو عاش مصطفى سيد أحمد اُ غنيتةَ وأحدة لكان غنها لهذا المهند. فهو شاعر صادق فى كلمته ورضئ عن جمال الكلمة فى روحه. سوف يأتى بالرغم من مشغولياته الكثيرة هذة الايام بأمر تجهيز زواجه القريب فى هذا الشهر (فالرجل قرر الإنتحار زواجاً)، فهو الأن يسِن فى قلمه لنا (ويسِن فى أشياء اُخرى لأخرين).



ولكم الود من كلِ فجٍ عميق.

سلامات osmanhamad
سعيد بتعرف عليك هنا
واكون سعيد جداً لو كان ماتقصدة بى مهند بادى هذا هو مهند بادى الشخصية الهادية الوسيمة خلق وخلقة وقلم وكلمة
اتقطعت اخبارة عنى بحوالى عامين تقريبا ، واذا كان هذا هو مهند فسلم علية شديييد ، وقول ليهو مبروك على زواجهة من صاحبة القلب العطوف الرزينة اختنا ( الرى) وتمنياتى لهم بحياة زوجية سعيدة باذن الله

لك الشكر والتحايا

[سماح محمد]

حباب أسياد البيت
الشفاتيات والشفوت

شكلنا موعودين بالكثير الجميـــل

مفرح هذا الحضور
حبابكم جميعا بيننا

[Osman Hamad]

الاخ الحبيب النور يوسف
لك الشكر والمحبة، فسودانيات بنا جميعاَ تبقى.
فأنا معك سعيد بعودة هذة الكوكبة، فهم قادمون وبقوة وروح حية.

لك الود

[الجيلى أحمد]

المسخوت ,

كيفنك, وأريتك طيب..

ياأخى افتقدكم القلب والخاطر , قبل المكان ,
فيالهذا الخبر الجميل بعودة الأصدقاء ,
ممكونة
أبو العز الجنوبى
ديرااااااااك
خالد سعد
ودبادى, الزول الفنان المرهف
بت النيل
ندى شارف
ثم
صديقنا الرجل صاحب البديهة الحاضرة, والكلمة التى
تخرج من القلب الى القلب ..حميد

ياأخى دا أفر دوز عديل كدا
...

وبدورى ساأحاول العودة بصديقنا صاحب القوس الموشى
هاشم الشيخ , فلقد وجدت منه قبل عدة أيام رسالة مليئة بالمحبة والجمال
على بريدى..

_______________
أمسك فى كلام مهند الآخير دا قوى ..

(شوفتا المحن دى كيف , صاحبك الرباطابى , طلع اسمو (مهند))
بعد شوية كمان يقولو ليك عكود اسمو (أباذر), ياأخى عليهم جنس حنكشة

[Osman Hamad]

المشاركة الأصلية كتبت بواسطة الجيلى أحمد

المسخوت ,

كيفنك, وأريتك طيب..

ياأخى افتقدكم القلب والخاطر , قبل المكان ,
فيالهذا الخبر الجميل بعودة الأصدقاء ,
ممكونة
أبو العز الجنوبى
ديرااااااااك
خالد سعد
ودبادى, الزول الفنان المرهف
بت النيل
ندى شارف
ثم
صديقنا الرجل صاحب البديهة الحاضرة, والكلمة التى
تخرج من القلب الى القلب ..حميد

ياأخى دا أفر دوز عديل كدا
...

وبدورى ساأحاول العودة بصديقنا صاحب القوس الموشى
هاشم الشيخ , فلقد وجدت منه قبل عدة أيام رسالة مليئة بالمحبة والجمال
على بريدى..

_______________
أمسك فى كلام مهند الآخير دا قوى ..

(شوفتا المحن دى كيف , صاحبك الرباطابى , طلع اسمو (مهند))
بعد شوية كمان يقولو ليك عكود اسمو (أباذر), ياأخى عليهم جنس حنكشة

الجيلى يامُجلى
وينك ياشين؟ أنا كايس لتلفونك، ماعرفتك فى إيطاليا وللا فى هولندا وللا فى الواقواق. أجدع تلفونك فى الخاص.

يامان نحن جاين ومولعين نار.
لكن شايف زارينك فى بوست الحوت زرة كلب فى طاحونة
أسمع الحوت دا مايشغلك مدير اعمالو معاهو طالما إنت بتتقطع ليهو كدا، وبالعدم عتالى الساون سيستم

الرباطابى صاحبك ده وهم ساى، شايفو قطعو معاى ناشف من قولة تيت، قالى تانى أصلو مابتسمع منى كلام سمح، التقول هو سمح
قال مهند قال (هي حلااااتك يا إنتَ)

[Osman Hamad]

المشاركة الأصلية كتبت بواسطة واحة

الله الله

عثمان حمد

والله زمان ، ربنا يرحم الجميع ويغفر لهم وسيظل لسودانيات عبر الذكرى

كل حياة الحضور .

سعيدة جداً بعودتك ولك المقدرة لعودت ايام جميلة ، اضحكتنا بسخريتك

الراقية وما انسى ابداً كل ما اقراء حرفك انعتك بالمجنون ...
اهلين يا عثمان اهلين .


اتمنى حقاً ان نشاهد هنا اقلام رحلت للصمت ولكنها تبقى محفورة
فى اذهاننا والاوقات الجميلة التى مضت ولعشرة سنوات تظل
وتبقى فى حياتنا ضوء جميل .

ننتظر من ذكرت والاخرين .

انتظر قلمك الذى نعرف .
تسلم


واحة

واحة ياواحة يازولة ياسمحة

مشتاقين كميات الف يامان

اُمنياتى ان تكونى بخير، وأنا ومن معى سعيدين أيضاً بتواجدك هنا، لانِك هنا برضو ست دار وساس وراس.
نتمنى معاً ان نكتب ونغنى ونضحك.
لك الحب الذى تعرفينه

[Osman Hamad]

المشاركة الأصلية كتبت بواسطة مهند الخطيب

-------------------------------------
* كلام سمح زي ده والله ماتسمعوا مني تاني

أسى عليك الله يسلموا عليك كيف بعد ملحوظتك الشينة ذيك دى، بالله قنطرتها كدا بعد كلامك السمح دا ذى التراب فى تاج الملك، ياكافى البلا أصلو مابتتم ليك شيتاً سمح كدا لاخره.
أسمع اقول ليك حاجة، أقطع وشك ونحنا ذاتو مادايرين معاك

قال مهند قال، عليك الله أسى مابتخجل راجل كبير كدا وإسمك مهند

[Osman Hamad]

المشاركة الأصلية كتبت بواسطة البديري

سلامات osmanhamad
سعيد بتعرف عليك هنا
واكون سعيد جداً لو كان ماتقصدة بى مهند بادى هذا هو مهند بادى الشخصية الهادية الوسيمة خلق وخلقة وقلم وكلمة
اتقطعت اخبارة عنى بحوالى عامين تقريبا ، واذا كان هذا هو مهند فسلم علية شديييد ، وقول ليهو مبروك على زواجهة من صاحبة القلب العطوف الرزينة اختنا ( الرى) وتمنياتى لهم بحياة زوجية سعيدة باذن الله

لك الشكر والتحايا

سلامات البديرى

ياهو زولك ذااااااااتو بشحمه ولحمه (لكن النصيحة لله زولك دا لا عندو شحم ولا لحم، التقول كانوا بشربوه موية القنا، طويل ونحيف). ولكن سوف تلتقى به هنا ويعود التواصل بينكم، فهو أتئ.

أنا أيضاً سعيد بالتعرف عليك هنا، ومعاً نتواصل ونواصل.

[مهند الخطيب]

كااااااااااااااااااااااااااااااااااك ....

ياخ حسستني انو مهند دي مزعلاك اكتر من كلامي زاتو

قوم لف بلا تاج الملك بلا ناجي الملك معاك....

[Osman Hamad]

المشاركة الأصلية كتبت بواسطة مهند الخطيب

كااااااااااااااااااااااااااااااااااك ....

ياخ حسستني انو مهند دي مزعلاك اكتر من كلامي زاتو

والله مهند دى مامزعلانى، لكن بالجد المزعلنى أكتر الخطيب البى وراها دى
عائلة حناكيش