السودان يسمح لقوات التحالف استخدام مجاله الجوي لفرض الحظر علي ليبيا
قال دبلوماسيون لرويترز ان السودان أعطى سرا موافقة لاستخدام مجاله الجوي للدول التي تشارك في فرض منطقة حظر للطيران فوق ليبيا حيث تحاول قوات جوية أمريكية وفرنسية وبريطانية ومن دول أخرى ضرب الجيش الليبي.
ان عددا من الدول يتعاون سرا مع التحالف للمساعدة في فرض منطقة حظر الطيران. وأضافوا أن السودان من بين هذه الدول.ولم يؤكد سفير السودان لدى الامم المتحدة دفع الله علي عثمان أو ينفي أن الخرطوم أعطت اذنا للقوات الجوية للتحالف.
البشوف رقيص الريس وجعجعت الكيزان اقول السودان يملك من الدفاعات الجوية وشبكات الرادار اخر صيحات الموضه بلد حتي الان مصنع الشفا اضرب بي شنو ما عارفين يا ربي طائرات ام صواريخ توم كروز ((هو توماس كروز مابوثير ممثل امريكي)) بتاع اكشن كان اخليها ممكن تمشي فيكم.... قبل فترة اضربت قوافل التهريب الحكومة ما جابت خبرها الي بعد شهرين عندما بلغ الرعاة بمنطقة شرق السودان.
في الخبر اقول ليك لم يؤكد ولم ينفي سفير السودان بالامم المتحده يعني الود خلاس متابع وكمان في حاجات سرية والسودان لو لا اعطي الاذن ناس التحالف بتخاف مننا الوالده الما عندها شغله بالسياسة عارفه السودان قاعد امفكو مسافره بره السودان حلفت بي التقطعا ما تركب السودانية قالت الزول كان جاهو قدر الله والطياره وقعت ما اعرفو الجثمان وين.
حكومة العكاكيز كان في الرقيص كان في المظاهرات رئيسنا شايل العكاز انطط ناس الاحتياطي المركزي بالله شايلين عكاكيز مضببه بي ضنب التور الواحد فيهم اسك ليك المظاهره تقول ساكي ليهو ارنب بعد ده كلو تلقي الجماعه الطيبين قاعدين إنظرو في التلفزيون وهاك يا تحليل عن حظر الطيران علي ليبيا والله تمام حكومة السجم اعلام فقط لو ضرب لستك نص الخرطوم تلقي الاحتياطي المركزي جاء جاري والبوليس عمل استعداد.
الام المتحده لي قدام لو عملت حظر جوي في منطقة دارفور تكون غبيانه.
ابو امنه حامد الله ارحمو الرجل الظريف الساخر سألتو المذيعه عن مكان الولاده قال ليها مدينة سنكات .... فكا ضحكه كبيره مجلجله وقال تخيلو سنكات مدينة وطوكيو مدينة.
التعديل الأخير تم بواسطة عباس الشريف ; 27-03-2011 الساعة 01:49 PM.
|
