بعض اقلام المعارضه تخدم الانقاذ

[عمرابي]

المشاركة الأصلية كتبت بواسطة منال

برة وين !!! و البكوركوا ديا منو !!! اكان ناس المعونة ... دى بقول ليك فى البلد واضحة ناس المعونة الامريكية مالين البلد و دخلوا بمسميات كثيرة و تحت اسماء شركات كمان و مبرطعين فى البلد باسم اليو اس ايد و زول بقول ليهم عينكم فى راسكم مافى و قالين الخلق قلى ...الا نحن راصدين و واعين تماما لكل الاهداف و ين ما تكون...طالما النفس طالع نازل و فى حياة جميلة عايزين نعيشها حكومة و معارضة
بس انت حدد مصطلحاتك و ناقش بهدوء .........

اختي منال يديك الف عافية
قلتي لي بي هدوء و ان شاءالله نفسي ما يحر معاك ولا مع اي زول تاني

البكوركوا القاصدهم انا كُتار (الواحد يصحي الصباح) و ينزل في خلق الله مع كباية الشاي ينعل خاشهم واحد ورا التاني و يصنفهم علي حسب سحناتهم
انا كشمالي بيني و بينك اخاف ان يمسك هؤلاء الحكم (لأنو ليلي من نهاري ما بفرزو تاني) و لامن اقول الناس البرة عشان كل الناس (جوة الجك) كما ذكرت في احد بوستاتي
يعني البعارض دا حِزبو شنو؟؟
لو حركة شعبية فزعيمهم نائب اول
لو حزب امة ياهو دا الصادق جوة الجك
لو شيوعي نقد ركب سفينة الانقاذ
مني اركو مناوي كبير مساعدي الرئيس
فرع الهندي عليه الرحمة جوة الجك
الامة جناح الصادق (ما الامام) جوة الجك
الختم علي وشك
اها البعارض دا منو؟؟

ناس خليل الفتّاح؟؟ ديل كرت محروق
عبدالواحد اسرائيل؟؟ انسي

اها قولي لي انتي البيعارض دا منو و حزبو شنو؟؟


انا من رائي انو الناس قبل ما تهاجم يشوفوا كبارهم سوو شنو

يعني ما يجيني واحد من ناس (سيدي الصادق ) و يلعن لي خاش الحكومة و ينسي انو (سيدي الصادق) اتبلبل و عام
او يعلن انسلاخو من حزب (سيدي الصادق) و بعد داك اليشوت ان شاءالله ضفاري زول بسألو مافي


ولك التحية و التقدير

عمرابي

[فتحي مسعد حنفي]

اها قولي لي انتي البيعارض دا منو و حزبو شنو؟؟


انا من رائي انو الناس قبل ما تهاجم يشوفوا كبارهم سوو شنو

يعني ما يجيني واحد من ناس (سيدي الصادق ) و يلعن لي خاش الحكومة و ينسي انو (سيدي الصادق) اتبلبل و عام
او يعلن انسلاخو من حزب (سيدي الصادق) و بعد داك اليشوت ان شاءالله ضفاري زول بسألو مافي


ولك التحية و التقدير









صدقت ياعمرابي كما صدقت منال وكلامك وكلامها نابع من الحسرة والأسي في قلبيكما..
ما تقوله أنت قد سبق وحذرت منه في أكثر من بوست ومناسبة..فنحن قد تركنا الخصم الأصلي وتفرغنا للهجوم علي بعضنا البعض حتي أصبحت المعارضة مواضيع انشاء وشعارات خاوية لن تهز شعرة في رأس معاوية..أما ما تقوله منال فهو نابع من شعور الشعب الذي يعيش في الداخل ويري متاجرة الأحزاب بحقوقه في العيش كآدميين لهم كيان وحقوق علي جميع الأطراف وهي تريد أن تعرف ما العملأنا في رأيي ان الحل لن يكون الا من خلال ثورة الجياع الذين لا مطامع لهم في وزارة أو قصر في كافوري ولا هدف لهم الا ازاحة الظلم عن كواهلهم وحتي يجيئ هذا اليوم لا مفر من الانتظار والدعاء وكما يقول المثل: اذا لم تكن لي والزمان شر مؤرم فلا خير فيك والزمان ترائي لي...

[عز المزار]

عز المزار
يتعز الزارك ويتعز بي عزك ومزارك
حكاية المعارضة عندي معاها تجربة معالمها واضحة لكني بكابر وبشوفها ما بي وشها الحقيقي، لكن بي الداير أشوفو بيها
من يوم خرجت من السودان رفقة سيد نصر الدين المهدي ونزلنا في القاهرة ودا كان أول أيام المحنة (الإنقاذ) لقيت ليك الناس هاما ونشيطة لمدة كدا،، بدت حكاية فلان لما ليهو قرشين وعمل ليهو كوم وبقت الحكاية على كدا،،،
المرحلة البعدها بقت، فلان جادي يجيب عيالو وفتش السكن والحوجة لي حق توفير السكن وبدا سوق النخاسة
إتوفق البعض وجاب أسرو وبدات حكاية فتيش المدارس والإستقرار
ويا معارضة عليك السلام
ما تقول ليا بتاعيين الحزب الفلاني ولا العلاني
شرق، جنوب، شمال، جنوب
إتحادي شريف، إتحادي ميرغني، أمة مبارك، أمة صادق، شيوعي مركزي، شيوعي حقاني، بعثي سوري، بعثي عراقي، نقابي، عسكري قيادة شرعية، عسكري تحالف، ناس ساكت وناس ساكتا وناس الحركة ديك خليهم، بعث دراسية...
دا غير ناس المرقو مجهزيين بي وليداتهم
خليها على الله
المحترم بابكر مخير
سعيد جدا بمرورك
واحترم جدا تجربتك مع المعارضه لكن لكى لا تتشابك المواضيع موضوع البوست عن بعض اقلام المعارضه وخدمتها للانقاذ

[لنا جعفر]

الاخ عز المزار
تحايا وتمنيات طيبة
الموضوع عايز مساحة بمقدار هذا الافق لمناقشته
اتابع أنا بجمود منقطع النظير مظاهر الفوران التي تعتمل المجتمع السوداني وحلم الدولة هذه الايام.....السياسة السودانية ياعز ترتكز بالاساس على الانتهازية والنظرة الشمولية المهيمنة على القيادات السياسية طااااااااااااااااااااخ كده وش الكلام ده
الكوادر القاعدية والوسيطة العاملة بالاحزاب السياسية الموجودة على الساحة الآن وقبل الاستقلال تحس أنها تائهة ولو اعتبرنا انها هي خط المواجهة الاول للاجسام السياسية وأن القيادات هي رأس الحربة فنحن في مواجهة مهزلة مضحكة للغاية.......نحن باختصار امام ملعب ليس فيه خط امداد .النص مافي ياعز فكيف سنربط اطراف الملعب المتقدمين بالباكات والثيرد باك وحارس المرمى ، ياخوي لاوجود لصانع العاب ولاوجود لنص متقدم ولا لاعب ارتكاز......
شفت كيف ؟ اها حلقة الوصل دي نجيبها من وين ؟
ده اسمو تباعد خطوط ياسيدي وضعف وانعدام امداد.............تسألني كيف ؟ حااوضح ليك
الاحزاب السياسية ياعزيزي لديها كم داء
1/ الدفاع بالاساس على مكتسبات قادتها الشخصية وبطانته......يعني رئيس الحزب أو امامه اوسكرتيره العام منذ بواكير وصوله لمنصبه هو وجوقته ينصرف اهتمامهم على تأبيد نفسهم في مناصبهم بحثا عن الشهرة والدعة والوجاهات الاجتماعية والسفورات والتحلق حوله كونه حامي حمى الاسرة المنكوبة وآخر همومه المواطن الذي لاانتماء اليه ولا وجهة ييمم شطرها وجهه (الشييييييييين ده واللا منتمي)
يعني صاحب المنصب هذا اين هو من مشاكل اصحاب السكن العشوائي واصحاب المعاشات والخريجين ومشاكل الانفلات الاخلاقي ومشاكل الغلاء وتدهور الخدمات ومشاكل الزحف الصحراوي وتلاشي الرقع الزراعية واحتلال مصر لبلدنا ومشاكل الصرف الصحي.........ماتقول لي ده بيكون خط الاحزاب وبرامجها السياسي ، طيب نحن هنا منذ الاستقلال ماذا فعلت البرامج السياسية؟؟؟؟؟؟؟؟
ذوي العاهات اولئك واقصد رؤساء الاحزاب لنقتنع بهم نحتاجهم هنا الى جانبنا
عمرك سمعت بي نقد عمل ليهو فطور لمجزومي ابو جنزير مثلا او جا وشرب معاهم شاي وونسهم ...، عمرك سمعت الصادق المهدي اتبرع بي كم ملطوش عشان زواج شباب مافي حزب الامة او جا يوم حفل جماهيري عادي وقال للسودانيين انا بحبكم كلكم امة او اي وهم تاني
عمرك سمعت بالميرغني عمل ليهو صندوق لدعم منكوبي سيول ود رملي ولا ام ضوا بان
عمرك سمعت بي زعيم او قيادة سودانيه تباسطت مع الجمهور وجلست ببساطة عشان تحل مشاكلو بدون بريستيجات او احساس بخطورة امنهم الشخصي العزيز عليهم لوحدهم
في واحد فيهم آزر طفل مهمل .........في واحد منهم واسى ارملة معوزة ...في واحد فيهم كفكف دمعة شايب ......او قال لي انا بحب وبعمل من اجلكم ياسودانيين جميعا حتى الما انتخبوني؟؟؟؟؟في ؟؟؟؟؟ في ؟؟؟؟؟جاوبني ؟؟؟؟؟؟في
الجانب الانساني في قادتنا ماموجوووووووووووووووود
وهم ماطارحين نفسهم من الاصل زعماء شعبيين ، هم ناس راحات وحواشي وراحة ، هم صفويين واستعلائيين وخونة لشعوبهم ، كلللللللللللللللللللللللللللللللهم بلا استثناء
لكن بالمقابل شوف تجربة غاندي العظيم .......والتي يعيش على وقعها للآن حزب المؤتمر (الهندي طبعا ما الشعبي ولا الوطني)
شوف تجربة ناصر .........شوف تجربة ارنستو شي جيفارا .........
سيب ديا كلهم شوف تجربة النبي محمد
جاع مع قومه وحارب معهم وعاش وسطهم ........القرآن فقط انقذه من ندائهم له من وراء الحجرات ساعة قيلولته!!!!!!!!!!!!
كل العظام بنوا مجدهم التاريخي بالوجود مع شعوبهم ، الوجود المطلق ، المطلق ،المطلق
نحن قادتنا في مصفحات ونراهم بابتسامات بلهاء في التلفزيون لاداء خطاب ركيك او ادانة او اداء صلاة العيد أو (وهذه مهمة) ساعة نزولهم من الطائرات وهم ينفخون صدورهم بهواء انتزعوه من رئاتنا
والمضحك انهم يدعون النضال واللجوء
هؤلاء خونة وليسو قادة........................
هذا الشعب لم ينجب قائدا بالمطلق ايضا
عقرت الارحام السودانية كلها ان تأتينا بغاندي ...الذي وعي النضال صائما ومات وهو يكاد يزوي من الجوع
غاندي المثقف الجامعي الثري اصلا ......وليس باموال الغلابة والنهب والتسول

2/التغاضي عن ازمات الهوية والفوارق الاجتماعية المتوارثة منذ نشوء وبزوغ فجر الدولة السودانية
مرورا بكل الحكومات الاجنبية والاحتلال المصري والدولة المهدية والحكومات الوطنية والديكتاتورية
وهذا يعني ان الازمات الفكرية والوجودية للمجتمع السوداني ليست همهم الاول ولم يبحث احدهم بجدية عن اجابات مقنعة ومنطقية وواقعية لاسئيلة الهوية وعلاقة المركز بالاطراف وعلاقة الدين بالدولة ......مايجري هو عبث ولااستطيع ان اسميه بالبحث عن اجابات ...هو بمثابة بحث عن رزق اليوم باليوم
3/ غير مشاكل الاحزاب السياسية وازماتها الداخلية هناك ازمة خطيرة جدا هذه الاحزب الدّعية لاوجود لها في وجدان المواطن السوداني وهو بذكائه الفطري يؤمن انها ليست الحلول بل هي المشكل
لاحظ مثلا الحزب الشيوعي السوداني في اول ديمقراطية احرز عدد من المقاعد البرلمانية اعتقدها مرضية لحزب عقدي .....في الديمقراطية الثانية احرز ذات الحزب وبعد عقود من الوجود والنضالات عدد2 مقعد برلماني بالتمام والكمال!!!!!!!!! تفسيرك شنو ؟؟؟؟؟ بعيداطبعا عن المبررات!!
لاحظ برضو تجربة الاسلاميين وما آلت اليه رغم انهم يمثلون او هم ناطقين باسم الدين الرسمي للدولة
وتستطيع ان تقيس على هذه التجارب بدايات انتشار فكرة السودان الجديد
فكرة السودان الجديد لم يقتلها موت قرنق .....قتل هذا الحلم عقلية العنصرية والانتهازية وعدم قراءة مسرح المجتمع السوداني من قبل الحركة
قرنق كاريزما؟ هذه حقيقة .......لكن اي كاريزما في العالم استطاعت ات تواجه عنصريتها وفجاجتها وقبحها الداخلي منفردة ؟؟؟؟...........قرنق بشرنا بدولة يوتوبيا وفور وصوله للسلطة بداءت جوقة العنصرية والفساد بالعزف خلف خطبه وفي قعداتهم ولماتهم .....(هذا ليس موضوعي لحسن الحظ) .

آخد نفس واواصل

[عز المزار]

دكتوره نجاة
كثيف الاحترام
ده المقصود بالضبط حديتى عن (بعض اقلام المعارضه) وخدمتها للانقاذ وده اصبح واضح فى كثير من المنتديات باثاره النعرات القبليه والجهويه المقصود الانتباه لهذا لكى لا يكون نظام كيزان السجم ده جاسم على صدورنا

[عز المزار]

المشاركة الأصلية كتبت بواسطة شليل07

أم المؤسسات: المعارضة كجسم سياسي والذين بشكل أو بآخر خطهم السياسي يدعم النظام؟
أم ماذا؟
لكن قبل كل شئ عليك أن تجيب على التساؤل التالي:لماذا تكون معارضاً؟ لتكون hero يشار إليه ويزيد من أسهم وجاهتك الإجتماعية أم هي لدواعي النقد والنقد الذاتي وصولاً لأن تكون الحياة مقبوله.
تحياتي.

شليل خالص التحايا
هذا ما اتحدث عنه تحديدا

[عز المزار]

المحترمه منال
عاطر المحبه
فى انتظار عودتك تانى

[منال]

المشاركة الأصلية كتبت بواسطة لنا جعفر

الاخ عز المزار
تحايا وتمنيات طيبة
الموضوع عايز مساحة بمقدار هذا الافق لمناقشته
عمرك سمعت بي نقد عمل ليهو فطور لمجزومي ابو جنزير مثلا او جا وشرب معاهم شاي وونسهم ...، عمرك سمعت الصادق المهدي اتبرع بي كم ملطوش عشان زواج شباب مافي حزب الامة او جا يوم حفل جماهيري عادي وقال للسودانيين انا بحبكم كلكم امة او اي وهم تاني

عمرك سمعت بي زعيم او قيادة سودانيه تباسطت مع الجمهور وجلست ببساطة عشان تحل مشاكلو بدون بريستيجات او احساس بخطورة امنهم الشخصي العزيز عليهم لوحدهم
في واحد فيهم آزر طفل مهمل .........في واحد منهم واسى ارملة معوزة ...في واحد فيهم كفكف دمعة شايب ......او قال لي انا بحب وبعمل من اجلكم ياسودانيين جميعا حتى الما انتخبوني؟؟؟؟؟في ؟؟؟؟؟ في ؟؟؟؟؟جاوبني ؟؟؟؟؟؟في
الجانب الانساني في قادتنا ماموجوووووووووووووووود
وهم ماطارحين نفسهم من الاصل زعماء شعبيين ، هم ناس راحات وحواشي وراحة ، هم صفويين واستعلائيين وخونة لشعوبهم ، كلللللللللللللللللللللللللللللللهم بلا استثناء
هذا الشعب لم ينجب قائدا بالمطلق ايضا
عقرت الارحام السودانية كلها ان تأتينا بغاندي ...الذي وعي النضال صائما ومات وهو يكاد يزوي من الجوع
آخد نفس واواصل

الغالية لنا
انا غايتو اخذت كباية شاى و جيت ... لكن من غير اى حساسيات و حسب شوف عينى و شوف العين قاسى ح ارد

عمرك سمعت بي نقد عمل ليهو فطور لمجزومي ابو جنزير مثلا او جا وشرب معاهم شاي وونسهم

وعلى هذا النسق شفت فى عام 88 فى السيول التى اجتاحت الخرطوم و كنت شافعة بخوج فى المطر و عندى ضفائركمان شفت نقد بعنيى الاتنين خايج مع الناس و يفتحو فى المجارى و اظنو كان نائب الدائرة اللت الديم و باريناهم كورجا من العيال من بيت الى شارع يحسب و يعد فى اليوم التقيل داك لا اندس و لا انضارى و لا جاء بعربية مصفحة ... المشهد فى عيونى من اليوم داك و كان جنب سوق الديم فى مسجد كبير فتحو ودخل فيهو الناس الفقدو المأوى و خمينا العفش حقهم شفت المروة دى... و كمان مشنق البنطلون و يتناول مع الناس ... الا هسه ياختى الرجا ل ديل كبروا و عجزوا على العمل الانسانى و كمان بذكر قعدتوا فى ضل و شرب مع العامة شاى العصر ... و بشوفو ما كان متعالى .. و فى كم خيمة عزاء و فرح كان مع الناس حتى اكان معاهو حرس او بودى قارد ... و ناس كتار عندهم جنس الحكى ده الخابرين نقد...

عمرك سمعت الصادق المهدي اتبرع بي كم ملطوش عشان زواج شباب مافي حزب الامة او جا يوم حفل جماهيري عادي وقال للسودانيين انا بحبكم كلكم امة او اي وهم تاني

و فى دى على سيرة الزواج فى قصة انو طالبة فى جامعة السودان من الانصار تم تزوجيها و هى شافعة لود عمها و هى شاطرة جات الخرطوم للقراية و قام الراجل لحقها و قال يضبحها بس ما جات برضاهو ... الجماعة اتصلو بالصادق رسل جاب الوليان من البلد و الطالبة و زوجها و الاجتماع و حاتك فى جنينة بيتو ... زطلفو المرا عشان قالت ما دايرهو عديل ..و التبرع ناس الجامعات بقولو متكفل بنفقات كم من الطالبات فى الجامعات و فى الاحفاد لجلة خاطرو بقرن بالمجان ...و الباقى بعرفو الانصار عاد...
الجانب الانساني في قادتنا ماموجوووووووووووووووود

وهم ماطارحين نفسهم من الاصل زعماء شعبيين ، هم ناس راحات وحواشي وراحة ، هم صفويين واستعلائيين وخونة لشعوبهم ، كلللللللللللللللللللللللللللللللهم بلا استثناء
هذا الشعب لم ينجب قائدا بالمطلق ايضا
عقرت الارحام السودانية كلها ان تأتينا بغاندي ...الذي وعي النضال صائما ومات وهو يكاد يزوي من الجوع

غايتو يا لنا فى دى شالتك قومة النفس كيفن يا اخية حواء السودانية ما عقرت و حاتك اجمل الاطفال قادمون وفى تقديرى لو كتب عمر لعبد الخالق الولدتو امو (زعيم كبير) اكان حالنا بقى حال و دى ريدة منى لراشد الكان راشد صحى... و شوفى حتى الشهيد جوزيف قرنق راسو اى فكرو كان كيف و اظنك قريتى الدايلاما الكتبا او اقريها تانى كدى ... والشهيد جون قرنق برضو زعيم رغم الهنات لايمانى مافى زول كامل... اها النقوليك كلامى ده فى حواء الظلمتيها و لسه ما عقرت (رحم السرور يا يمة) تجيب اشكال و الوان (طبعا الجنس للجنس رحمة و انتو دى تطلعو منها ) بس اتفالو هناك ضوء ... وده كلو ... كلو .. بنتهى زى ما قال محجوب شريف

[لنا جعفر]

[QUOTE=منال;
الغالية لنا
انا غايتو اخذت كباية شاى و جيت ... لكن من غير اى حساسيات و حسب شوف عينى و شوف العين قاسى ح ارد
وعلى هذا النسق شفت فى عام 88 فى السيول التى اجتاحت الخرطوم و كنت شافعة بخوج فى المطر و عندى ضفائركمان شفت نقد بعنيى الاتنين خايج مع الناس و يفتحو فى المجارى و اظنو كان نائب الدائرة اللت الديم و باريناهم كورجا من العيال من بيت الى شارع يحسب و يعد فى اليوم التقيل داك لا اندس و لا انضارى و لا جاء بعربية مصفحة ... المشهد فى عيونى من اليوم داك و كان جنب سوق الديم فى مسجد كبير فتحو ودخل فيهو الناس الفقدو المأوى و خمينا العفش حقهم شفت المروة دى... و كمان مشنق البنطلون و يتناول مع الناس ... الا هسه ياختى الرجا ل ديل كبروا و عجزوا على العمل الانسانى و كمان بذكر قعدتوا فى ضل و شرب مع العامة شاى العصر ... و بشوفو ما كان متعالى .. و فى كم خيمة عزاء و فرح كان مع الناس حتى اكان معاهو حرس او بودى قارد ... و ناس كتار عندهم جنس الحكى ده الخابرين نقد...

[size=4]منولة
ود وتحايا
اسمعي ياختي انا مازولت حساسيات والله وأسالي عمك فتحي
قلتي لي الكلام ده كان سنة 88 وده طبعا بعد انتخابات 86والانتخابات دي كان نقد مرشح وتم انتخابه كنائب عن دائرة الديوم الشرقية .....صح؟
ذاك المشهد لم احضره لكن تم نقله وتصويره من قبل ناس البيت ونحن كنا في الخرطوم3 يعني جيران الديم وعارفة انه نقد كان عنده مواقف في دائرته الانتخابية العتيدة لكن كده احكي عن برامجه الاجتماعية التي يقوم بها الآن ؟ يامنال مواقف معدودة وجهوية وغير دائمة لاتنتج مناضل وقائد
انا كلامي ليس عن نائب برلماني خدم دائرته يامنال .......
انا اتحدث عن مواصفات قادة وبس
نقد خدم دائرته الانتخابية وفي مناسبات محددة وانا لااحكي عن ذلك
انا اتحدث عن قائد وزعيم شعبي يضع السودان كله تحت جناحيه وانت قزمتي لي صورة قائدي لي سياسي عمل من اجل دائرته الانتخابية!!!!
نقد بنفسه هل بمقدوره الاضراب عن الطعام من اجل الدارفوريين او من اجل من تهددهم الآن الانقاذ بالسدود
واعني اهلي في الشمال ! هل نقد زارهم ؟ هل واساهم ؟هل مشى ليهم ؟ هل رسل ليهم رسالة تضامن حتىاو غيره
هل نقد اعتصم من اجل مدنيي ابيي ؟ هل خرج في تظاهرة او اضرب او خاطبهم كبسطاء
الناس دي يامنال مامحتاجة محامين ! الناس ديل محتاجين ناس تعالجهم بي نظام الشوك ثيرابي
انا نقد بحترم بعض مواقفه لكنه لاينفك عن آسار البرتوكولات و بيروقراطيات هو احد المساهمين فيهاو
الحديث العاطفي مساهمة في الجريمة ضد الوطن ....
وعبد الخالق مات ولم يحذو حذو غاندي وهو رحمه الله اخذ فرصته ولا اريد ان اظلمه ولا احب ان اتكلم بغيبته


الجانب الانساني في قادتنا ماموجوووووووووووووووود

غايتو يا لنا فى دى شالتك قومة النفس كيفن يا اخية حواء السودانية ما عقرت و حاتك اجمل الاطفال قادمون وفى تقديرى لو كتب عمر لعبد الخالق الولدتو امو (زعيم كبير) اكان حالنا بقى حال و دى ريدة منى لراشد الكان راشد صحى... و شوفى حتى الشهيد جوزيف قرنق راسو اى فكرو كان كيف و اظنك قريتى الدايلاما الكتبا او اقريها تانى كدى ... والشهيد جون قرنق برضو زعيم رغم الهنات لايمانى مافى زول كامل... اها النقوليك كلامى ده فى حواء الظلمتيها و لسه ما عقرت (رحم السرور يا يمة) تجيب اشكال و الوان (طبعا الجنس للجنس رحمة و انتو دى تطلعو منها ) بس اتفالو هناك ضوء ... وده كلو ... كلو .. بنتهى زى ما قال محجوب شريف ]

سؤالي يامنال بوضوح
هل لدينا غاندي بروح سودانية صميمة ؟ في زول عارف مواصفات سياسي سوداني في صورة مدافع عن حقوق مدنية بالفعل لابالقول وليس من اجل لغف اموال منظمات المجتمع الدولي؟ عندنا قائد واحد في تاريخنا كله قال انا حزبي بس السودان ؟ هل لدينا قائد او زعيم سوداني افترش العراء مع الفقراء والمعّوزين ومشردي الكوارث والحروب؟ هل لدينا ثوري واحد رفض الترف والبودي قاردات والمخصصات والهبات وما اليها ونصب خيمته لتكون وجهة المغلوبين والمنكوبين والحفاة العراة؟؟
هل قام احد قادتنا بعمل نفير شعبي من اجل بناء بيوت سكان الاطراف الذين شردتهم السيول مثلا؟
هل ذهب احدهم لتخومنا الغارقة في الفقر والجهل والمرض والتخلف يوما وأعلن ان هذه هي غايته وليس الكرسي او البرلمان؟ وان حربه تبداء من هنا
فهمتيني يامنال؟؟؟؟؟؟؟؟؟
حب الشعوب لقادتها يأتي من رؤية الشعوب لقادتها وهي تقاتل المعارك لاجل الشعوب وليس لرؤيتهم وهم ينامون في الاقطاعيات وصباحاتهم انس واولاد بيقرو في اوروبا وامريكا وخزاينهم ملاينة واقل واحد فيهم لو ماعندو قروش خلق لي نفسه مكانة اجتماعية واسم وبقى سوبر استار
نحن قادتنا التقليديون يفترعون ويشترعون حروبا سفسطائية وبيزنطية بلامحتوى والناس تقتتل والعنصرية تستشري والناس تموت جوعا ورعبا وعوزا وجهلا
خليني أسالك سؤال تاني تفتكري ليه نقد نزل انتخابات في الديوم الشرقية ؟؟؟؟؟؟؟؟
ليه ما مشى قلع النحل مثلا ولاّ شلّعوها الخوالدة ولا الطينة ونزل هناك؟؟؟؟
ليه ينزل في دائرة انتخابية معظم قاطنيها متعلمين وعندهم حد من الخدمات وليه ينزل في سنتر جغرافي وماطرفي ؟
ببساطة لانه ساكن الاطراف عنده هموم لانقد ولا برنامج نقد بيحلوها ليه ....ولانه هذا الطرفي عندو السياسة ترف في وجود معضلات تتعلق بالاختيار بين البقاء والفناء!!!!!!!!
ولانه نقد او حزبه لاحفرو لي الناس دي بير ولا لقطو ليهم ساكت قش يبنو بيهو قطية تسترهم
كل اليسار موجود الآن في سنتر الخرطوم لانه عاجز وفاشل في انتاج برنامج سياسي واجتماعي فاعل في الاطراف المنسية ....
والاحزاب الدينية ايضا لاتقدم لاولئك خدمة البتة لكن واثقين انهم سيظلوا مخزونهم الانتخابي لانهم على الاقل يمتلكون خطابا قدريا مؤثرا لم تستطيع احزاب اليسار الفاشلة اقصائه!!!!وده فشل فكري ينسف عقدية اليسار لانه وفي اكثر من مناسبة تم هزمه بالقاضية يامنولة!!!!!
عرفتي انا قلت ومصرة انه الارحام السودانية عجزت عن ان تأتينا بقائد؟
نحن عندنا يامنل ازمة في القادة وفي الخطاب وفي تحديد الاولويات وقبل كل هذا لدينا ازمة ثقة كبرى في انفسنا وفي الآخر
وما العنصرية الا غطاء
وعشان اربط كلامي ده ببوسن عز المزار حاابداء من هنا المرة الجاية
انا ما بعرض برة الحلبة يااخوان انا بحاول الملم في أطراف مأساتنا
ودي يامنال وماتزعلي مني [/size]

[عز المزار]

الاستاذ فتحى تحياتى
سعيد بمرورك

[عز المزار]

المقدره عندى جدا لنا جعفر
دون معرفه لك مكانه خاصه فى الدواخل من خلال ما تكتبين فى اكثر من منتدى وحتى لو اختلفنا
هذا لا يعنى ان لا احترم طرحك ابدا
كونى معنا هنا لنثرى النقاش وانتظر ان تبداى من حيث ما وعدتى

[عز المزار]

الجيلى خالد الحاج
لكم كل الحب اين انتم

[منال]

[QUOTE=لنا جعفر;99568]

المشاركة الأصلية كتبت بواسطة منال;

[size=4

منولة
ود وتحايا
يامنال مواقف معدودة وجهوية وغير دائمة لاتنتج مناضل وقائد
انا كلامي ليس عن نائب برلماني خدم دائرته يامنال .......
انا اتحدث عن مواصفات قادة وبس
نقد خدم دائرته الانتخابية وفي مناسبات محددة وانا لااحكي عن ذلك
انا اتحدث عن قائد وزعيم شعبي يضع السودان كله تحت جناحيه وانت قزمتي لي صورة قائدي لي سياسي عمل من اجل دائرته الانتخابية!!!!
نقد بنفسه هل بمقدوره الاضراب عن الطعام من اجل الدارفوريين او من اجل من تهددهم الآن الانقاذ بالسدود
واعني اهلي في الشمال ! هل نقد زارهم ؟ هل واساهم ؟هل مشى ليهم ؟ هل رسل ليهم رسالة تضامن حتىاو غيره
هل نقد اعتصم من اجل مدنيي ابيي ؟ هل خرج في تظاهرة او اضرب او خاطبهم كبسطاء
الناس دي يامنال مامحتاجة محامين ! الناس ديل محتاجين ناس تعالجهم بي نظام الشوك ثيرابي
انا نقد بحترم بعض مواقفه لكنه لاينفك عن آسار البرتوكولات و بيروقراطيات هو احد المساهمين فيهاو
الحديث العاطفي مساهمة في الجريمة ضد الوطن ....
وعبد الخالق مات ولم يحذو حذو غاندي وهو رحمه الله اخذ فرصته ولا اريد ان اظلمه ولا احب ان اتكلم بغيبته

سؤالي يامنال بوضوح
هل لدينا غاندي بروح سودانية صميمة ؟ في زول عارف مواصفات سياسي سوداني في صورة مدافع عن حقوق مدنية بالفعل لابالقول وليس من اجل لغف اموال منظمات المجتمع الدولي؟ عندنا قائد واحد في تاريخنا كله قال انا حزبي بس السودان ؟ هل لدينا قائد او زعيم سوداني افترش العراء مع الفقراء والمعّوزين ومشردي الكوارث والحروب؟ هل لدينا ثوري واحد رفض الترف والبودي قاردات والمخصصات والهبات وما اليها ونصب خيمته لتكون وجهة المغلوبين والمنكوبين والحفاة العراة؟؟
هل قام احد قادتنا بعمل نفير شعبي من اجل بناء بيوت سكان الاطراف الذين شردتهم السيول مثلا؟
هل ذهب احدهم لتخومنا الغارقة في الفقر والجهل والمرض والتخلف يوما وأعلن ان هذه هي غايته وليس الكرسي او البرلمان؟ وان حربه تبداء من هنا
فهمتيني يامنال؟؟؟؟؟؟؟؟؟
حب الشعوب لقادتها يأتي من رؤية الشعوب لقادتها وهي تقاتل المعارك لاجل الشعوب وليس لرؤيتهم وهم ينامون في الاقطاعيات وصباحاتهم انس واولاد بيقرو في اوروبا وامريكا وخزاينهم ملاينة واقل واحد فيهم لو ماعندو قروش خلق لي نفسه مكانة اجتماعية واسم وبقى سوبر استار
نحن قادتنا التقليديون يفترعون ويشترعون حروبا سفسطائية وبيزنطية بلامحتوى والناس تقتتل والعنصرية تستشري والناس تموت جوعا ورعبا وعوزا وجهلا
خليني أسالك سؤال تاني تفتكري ليه نقد نزل انتخابات في الديوم الشرقية ؟؟؟؟؟؟؟؟
ليه ما مشى قلع النحل مثلا ولاّ شلّعوها الخوالدة ولا الطينة ونزل هناك؟؟؟؟
ليه ينزل في دائرة انتخابية معظم قاطنيها متعلمين وعندهم حد من الخدمات وليه ينزل في سنتر جغرافي وماطرفي ؟
ببساطة لانه ساكن الاطراف عنده هموم لانقد ولا برنامج نقد بيحلوها ليه ....ولانه هذا الطرفي عندو السياسة ترف في وجود معضلات تتعلق بالاختيار بين البقاء والفناء!!!!!!!!
ولانه نقد او حزبه لاحفرو لي الناس دي بير ولا لقطو ليهم ساكت قش يبنو بيهو قطية تسترهم
كل اليسار موجود الآن في سنتر الخرطوم لانه عاجز وفاشل في انتاج برنامج سياسي واجتماعي فاعل في الاطراف المنسية ....
والاحزاب الدينية ايضا لاتقدم لاولئك خدمة البتة لكن واثقين انهم سيظلوا مخزونهم الانتخابي لانهم على الاقل يمتلكون خطابا قدريا مؤثرا لم تستطيع احزاب اليسار الفاشلة اقصائه!!!!وده فشل فكري ينسف عقدية اليسار لانه وفي اكثر من مناسبة تم هزمه بالقاضية يامنولة!!!!!
عرفتي انا قلت ومصرة انه الارحام السودانية عجزت عن ان تأتينا بقائد؟
نحن عندنا يامنل ازمة في القادة وفي الخطاب وفي تحديد الاولويات وقبل كل هذا لدينا ازمة ثقة كبرى في انفسنا وفي الآخر
وما العنصرية الا غطاء
وعشان اربط كلامي ده ببوسن عز المزار حاابداء من هنا المرة الجاية
انا ما بعرض برة الحلبة يااخوان انا بحاول الملم في أطراف مأساتنا
ودي يامنال وماتزعلي مني [/size]

لنا الحبيبة شتان ما بين وضع البرامج و الخطط و التنفيذ عزيزتى لم تغب عنك فترة السنوات التى قضاها نقد فى غياهب السجون و تحت الارض و مع اضافة سنوات الديمقراطية و هامش الحريات اليوم هو كزعيم سياسى محدود الحركة فى اضيق نطاق و غير مسموح بالندوات الجماهيرية البتوصل الخطاب السياسى و ان اعلم علم اليقين لو كانت فترة الديمقراطية تمددت و اتسعت لكان لحزب نقد القدح المعلى فى اليات التصدى و المناصرة التى ذكرتينها .... وقياسا بكل جموع الاحزاب السياسية ما قدمه الحزب الشيوعى من كوادر و شهداء من اجل الديمقراطية و حقوق الانسان فى بلدى لا تحصى حتى الصباح ... احترم رايك جدا اذا انت مصرة فى مسالة القادة و تناولك ليها من اى زاوية ... و مدى شوفنا بختلف لمسالة النضال و مرارته و مساحة التنفيذ للبرامج ان وجدت ... و كلى يقين بان الحزب الشيوعى السودانى قادر على ان يقود الحراك السياسى نحو التحول الديمفراطى و دى بقيف فيها كتيييير لانو ده (الاشو) الاول عندنا فى البلد ولسه الناس نضالها حول قانون الانتخابات مستمر برغم حد التوافق حول 90% من بنوده ... و كدى راجعى شوية ما ممكن كل الاحزاب دى يكون همها ما تحصده من صناديق الاقتراع ... لتطلع للمواطن و تستقطب الاصوات حتى لو كانت بشراء الذمم ... و بختلف معاك جدا فى ازمة الخطاب هى غير معممة للاحزاب لانو فى كوادر مدركة تمام لما تخاطب به و اديك نموذح غير قائد الحزب او زعيمه الاستاذ يوسف حسين و هو مؤهل لكثير من الملفات و بقود حوارات مع كل الالوان الطيف... اى ليست حكرا على زعمات و يبقى الحزب و برنامجه و خطه السياسى و التنظيمى و اتصاله بالجماهير و ملامسته لقضاياها و احتياجاته و يموت الاشخاص(رغم اننى ليست زراعية للتخصص و لكن رؤية الحزب الشيوعى للقطاع الزراعى التقليدى و الحديث جعلتنى اقف كتيرا واهضم ما خطه للخروج من النفق المظلم و اليوم هناك تحرك من الاستثمار الاجنبى لمساحتنا الخضراء و مياه النيل بعد ازمة الغذاء العالمى اى هناك متابعة دقيقة لما يجرى حولنا ... فقط يعوز الحزب امكانية الاتصال بالجماهير لا نها عزيزتى تعتمد على الميزانيات و مساحة الحريات ) مع همه الاول فى احتياجات الانسان الاساسية بطول البلاد و عرضها....و برجع الاصل فى الحس الانسانى بختلف من زول لزول ... تجدينه يظهر بقوة عند شخص و يختفى عند الاخر ... و هو عبارة عن تراكم خبرات و اشكالية تعامل و وعى و تلامس لقضايا متشابكة ... بعدين انا بشوفها انها ما ازمة ثقة بقدر ما هى ازمة قبول الاخر حتى او كان من حجر العسل... الله لا جاب زعل بينا بس برد عليك بنفس حماسك ... عشان عيون اطفالنا ما تضوق الهزيمة و ما يضيع عمرهم فى البحث عن الاحتياجات الاساسية ودى بتشاركنى فيها اعتقد ذلك و يلا واصلى
مع مودتى