شيخ الأمين يوضح حقيقة الأحداث التي وقعت في ود البنا..

[ابوريم]

اقرا يا عم فتحي...تسلم يا عمر

[فتحي مسعد حنفي]

المشاركة الأصلية كتبت بواسطة ابوريم

اقرا يا عم فتحي...تسلم يا عمر

أقرا شنو وأقرا ليه وأنا الزول بعرفو شخصيا وكلام يحيي دا مردود عليهو عشان الحيران ديل فيهم دكاترة ومهندسين ورجال أعمال وما حيران زي ما هو مفتكر. ياخ انت كان مشيت الذكر عصر الجمعة بتلقي كمية عربات وبشر لا تخطر علي بالك ودا غير انو الزول دا جامعي ومتعلم وهو البصرف علي الزاوية وكل الناس البشتغلو في تحضير الأكل والشاي متطوعين وناس عندهم مراكز عالية..
زمان بابكر مخير فتح بوست بي عنوان شيخ التشكس المحايتو بيبسي وحيرانو تشيكسي وكان بينتقد في الزول دا بي طريقتكم دي وأنا قلت ليهو يابابكر ما تحكم علي الزول بالسمع أمشي وشوفو وبعدين أحكم..المهم بابكر رجع من السودان ورأيو اتغير 180 درجة بعد ما قابلو..أما حكاية علاقتي بيهو ممكن ترجع لي بوست بابكر وحتلقي صوري معاهو في صالون بيتو وأنا في اتصال دائم معاهو..والراجل فعلا أخو أخوان وعلاقتي بيهو ما ليها علاقة بي طريقتو وأنا قلت ليهو قبل كدا ياخ أنا الحاجات دي ما لي فيها واراجل اتقبل كلامي بصدر رحب.
أما عن ما حدث فأنا لا أستطيع أن أفتي عشان ما حضرت الواقعة لكن البعرفو انو الزول دا ما بكذب وصادق في كل كلمة بقولا..أما من أعطاهو الطرقة فهو الشيخ عبدالله ود العجوز المكاشفي رحمه الله وهو غني عن التعريف..وبرضو بقول لي أبو دعد أنا ما زنقت روحي عشان أنا نقلت حوار مكتوب وما علقت علي ما حدث..

[يحي عثمان عيسي]

الحبيب تح تح

حتي الان لم نمس الشيخ الامين باي تجريح ومعاذ الله
ما رددناه عليه هو لماذا وحدة غسيل للكلي باديس اباب وليس بالسودان وعشرات الالاف من السودانيين محتاجين لهذه الوحده .
ان كان هذا الشيخ العارف بالله له كل هذه الاستثمارات الماليه والحيران من المستويات العليا ماهي مشاريعه الخيرية الانسانية في بيت المال على سبيل المثال ؟
أن كان هو الاستثمار الطبي وهو امر مشروع فوطنه السودان اولي به
اما قضية الحيران والعربات والمستويات الراقية للشيخ فهذا امر اخر له حديث
اذا ما هو المردود في كلامي ...؟؟؟

[فتحي مسعد حنفي]

المشاركة الأصلية كتبت بواسطة يحي عثمان عيسي

الحبيب تح تح

حتي الان لم نمس الشيخ الامين باي تجريح ومعاذ الله
ما رددناه عليه هو لماذا وحدة غسيل للكلي باديس اباب وليس بالسودان وعشرات الالاف من السودانيين محتاجين لهذه الوحده .
ان كان هذا الشيخ العارف بالله له كل هذه الاستثمارات الماليه والحيران من المستويات العليا ماهي مشاريعه الخيرية الانسانية في بيت المال على سبيل المثال ؟
أن كان هو الاستثمار الطبي وهو امر مشروع فوطنه السودان اولي به
اما قضية الحيران والعربات والمستويات الراقية للشيخ فهذا امر اخر له حديث
اذا ما هو المردود في كلامي ...؟؟؟

يايحيي المردود في كلامك هو عن استغرابك أن يتولي الحيران ادارة أعمالو التجارية وأنا وضحت انو الحيران ما هم الدراويش بس..أما عن غسيل الكلي في أثيوبيا فأكيد الراجل بكون ليهو تفسير للموضوع دا وأنا برجح انو يكون عملو هناك بطلب من أحد حيرانه العايشين في أثيوبيا أم عن ماذا فعل لأهل منطقتو وماذا قدم فالرجل لا يتحدث أبدا عن ما يقدمه للناس ولكنه يساعد كل من يري انه يستحق المساعدة في أي مجال وللعلم أنا واحد من الناس الساعدم شيخ الأمين بدون ذكر الموضوع وهسة كان اتصلت بيهو وقلت ليهو أنا محتاج لألف دولار حيرسلا بدون ما يسأل لي شنو..

[قرقاش]

عمو فتحى ...سلام تانى وتالت وما حيقيف ..
المهم ..
واحد مجنون لقى واحد خاتى ماهيته قدامه فى الواطه ويعد ويحس ويقول ده حق الايجار ويخت فوقوا حجر تانى يعمل كوم تانى ده حق اللبن تانى ده حق الصعوط ..المجنون قال ليه ...شوف ياعمك كلنا بدينا كده ..
عمو فتحى ماكوووووووووووووووووولهم بدوا كده ..
البرهانيه الخميس داك قفلوا شارع ابوحمامه بى نوبتهم
اهلنا الختميه عمنا المابيقدر يمشى يوم حوليه السيد على بجرى جرى .
وامدرمان يوم الجمعه نوبه تدق لمن تصم الاضان ..
ومع ذلك نحن فقراء ..اى مفلسين
ومع ذلك الناموس والضبان هزمونا شر هزيمه
ومع ذلك اوسخ شوارع فى الكره الارضيه شوارعنا
ومع ذلك قالوا الشيخ ..مشى فوق المويه
ومع ذلك ..اقول شنو تانى ..
انته انته ...؟
طيب انا اعمل شنو اعيط ولا اعيط ولا اعمل ايه ..

[ابوريم]

أقرا شنو وأقرا ليه وأنا الزول بعرفو شخصيا وكلام يحيي

كدي براحة يا عم فتحي...قاصد ليك كلام عمر قبل ما اشوف مداخلة يحي
...

دكاترة ومهندسين ورجال أعمال وما حيران زي ما هو مفتكر. ياخ انت كان مشيت الذكر عصر الجمعة بتلقي كمية عربات وبشر

معقولة بس الصوفية بقت عربات ومؤهلات!

وما علقت علي ما حدث

علق عليك الله وبدون محاباة وما تكتفي بي كلامو بس

وهسة كان اتصلت بيهو وقلت ليهو أنا محتاج لألف دولار حيرسلا بدون ما يسأل لي شنو

الكلام ده لي يحي موش؟

[أبو دعد]

رغم ان ردك على مداخلتى متل تمومت الجرتق ....برضو بقول ليك الزنقة لانك انت ما عارف الصحف السودانية منشغلة بهذا الموضوع كيف و من عدة زوايا و اكثر من رواية و حديث كل المجالس

[عادل عسوم]

http://www.youtube.com/watch?v=KEVOk4WApWU