الزوجة أجنبية و البعْـل سوداني : ( حلاتكم عندنا و شنات بلدكم )

[نبراس السيد الدمرداش]

استاذي أبو جهينه
مساءك سعيد
متعة كتاباتك انك بتلفت النظر لقضيه معينه باسلوب بسيط و سلس

الزواج باجنبيه
اختلاف العادات
اختلاف البيئات(طبيعيه,ثقافيه ,.....الخ)
اختلاف المعتقدات
تقبل الاسره السودانيه لوافده من بلد آخر لتكون جزء منها
مع ملاحظة ان بعض الاسر لا تقبل بزوجة ابن من قبيله اخرى ناهيك عن بلد آخر

[فتحي مسعد حنفي]

المشاركة الأصلية كتبت بواسطة نبراس السيد الدمرداش

استاذي أبو جهينه
مساءك سعيد
متعة كتاباتك انك بتلفت النظر لقضيه معينه باسلوب بسيط و سلس

الزواج باجنبيه
اختلاف العادات
اختلاف البيئات(طبيعيه,ثقافيه ,.....الخ)
اختلاف المعتقدات
تقبل الاسره السودانيه لوافده من بلد آخر لتكون جزء منها
مع ملاحظة ان بعض الاسر لا تقبل بزوجة ابن من قبيله اخرى ناهيك عن بلد آخر

طبعا يانبراس الحالات الذكرا أستاذنا أبو جهينة ما مقياس اطلاقا عشان في أجنبيات جو وعاشو في السودان وبقو سودانيات زيهم وزي أي سودانية والحكاية بترجع لي الزوجة وأسباب زواجا من الشخص السوداني هل لتحسين مستوي المعيشة ودا بينطبق علي نساء المعسكر الاشتراكي السابق الباحثات عن الحرية..أنا شخصيا كنت متزوج من خواجيتين وكان عندهن استعداد يعيشو في جهنم ولكن للأسف واحدة فيهن بأمر الدكتور لم تواصل بسبب مرض في القلب لا تستطيع معه الحياة في جونا الحار والثانية بسبب أمها المتسلطة التي حاربت بكل ما تملك من قوة حتي لا تذهب ابنتها الي أفريقيا وبالمناسبة الاتنين ندمانين لغاية النهاردة وعلاقتي بيهم ما انقطعت وكمان سقت مرتي التالتة السودانية ومشيت زرتهم في بلدم وأولادي علي اتصال دايم بأخوانم هنا ومنهم الجو مصر في زيارة..
نرجع تاني للموضوع..شوفي زوجتي البوفيسور عبدالله الطيب والأديب الطيب صالح رحمهما الله وحتلقي انو انتمائهن للسودان لم ينقطع حتني بعد رحيل أزواجهن..
وهناك زوجة الأخ صلاح بخيت اليوغسلافية ودي خالد الحاج بيعرفا وساكنة قريب لي نادي الأسرة..دي بقي بقت تعوس الكسرة وتفرك الملاح ومواصلة في الزيارات مع نسوان الحلة ومافي زول بيفكر انها خواجية وأفتكر هي ذاتا نست انها خواجية..
يعني الموضوع بيتوقف علي أصل الزوجة وتعليمها وكم من أوروبية عايشة في مجاهل أفريقيا مع أزواجهن وبقو يرطنو كمان

[نبراس السيد الدمرداش]

عمو فتحي
انا ما قلت انو هذه الزيجات محكوم عليها بالفشل او تعايش الاجنبيات في بلدنا من رابع المستحيلات,انا قلت انو في اختلاف في اشياء بيننا و بين الشعوب التانيه
انا بتكلم بصوره عامه ,حاليا في زيجات كتيره بين سودانيين و جنسيات مختلفه بس المشكله في المعيشه في السودان و التأقلم مع اشياءنا و عاداتنا و ثقافاتنا

يعني الموضوع بيتوقف علي أصل الزوجة وتعليمها

هنا مربط الفرس , الاستعداد عند الزوجه و التنازلات الممكن تقدما

[أبوجهينة]

المشاركة الأصلية كتبت بواسطة فتحي مسعد حنفي

طبعا يانبراس الحالات الذكرا أستاذنا أبو جهينة ما مقياس اطلاقا عشان في أجنبيات جو وعاشو في السودان وبقو سودانيات زيهم وزي أي سودانية والحكاية بترجع لي الزوجة وأسباب زواجا من الشخص السوداني هل لتحسين مستوي المعيشة ودا بينطبق علي نساء المعسكر الاشتراكي السابق الباحثات عن الحرية..أنا شخصيا كنت متزوج من خواجيتين وكان عندهن استعداد يعيشو في جهنم ولكن للأسف واحدة فيهن بأمر الدكتور لم تواصل بسبب مرض في القلب لا تستطيع معه الحياة في جونا الحار والثانية بسبب أمها المتسلطة التي حاربت بكل ما تملك من قوة حتي لا تذهب ابنتها الي أفريقيا وبالمناسبة الاتنين ندمانين لغاية النهاردة وعلاقتي بيهم ما انقطعت وكمان سقت مرتي التالتة السودانية ومشيت زرتهم في بلدم وأولادي علي اتصال دايم بأخوانم هنا ومنهم الجو مصر في زيارة..
نرجع تاني للموضوع..شوفي زوجتي البوفيسور عبدالله الطيب والأديب الطيب صالح رحمهما الله وحتلقي انو انتمائهن للسودان لم ينقطع حتني بعد رحيل أزواجهن..
وهناك زوجة الأخ صلاح بخيت اليوغسلافية ودي خالد الحاج بيعرفا وساكنة قريب لي نادي الأسرة..دي بقي بقت تعوس الكسرة وتفرك الملاح ومواصلة في الزيارات مع نسوان الحلة ومافي زول بيفكر انها خواجية وأفتكر هي ذاتا نست انها خواجية..
يعني الموضوع بيتوقف علي أصل الزوجة وتعليمها وكم من أوروبية عايشة في مجاهل أفريقيا مع أزواجهن وبقو يرطنو كمان

تحياتي أخي فتحي
كما قلت أنت تماما .. فقصصي أعلاه ليست مقياساً و لكنها قطرة في محيط.
أنا شخصيا زوجتي المصرية رحمها الله .. كانت تتمنى أن نعيش في قريتي بأقصى الشمال.
و نماذج الأجنبيات اللاتي عشن مع أزواجهن في السودان دليل على إمكانية العيش في بلادنا رغم المعاناة هنا و هناك بأسباب متباينة

دمتم أخي

[معتصم الطاهر]

الاسلوب اسلوب ابو جخينة

و الموضوعية ذانها
جميل ما تكتب ..

[أبوجهينة]

المشاركة الأصلية كتبت بواسطة معتصم الطاهر

الاسلوب اسلوب ابو جخينة

و الموضوعية ذانها
جميل ما تكتب ..

العملاق معتصم
تحية و تقدير
شكرا على مرورك البهي
التحية للأسرة

[فتحي مسعد حنفي]

المشاركة الأصلية كتبت بواسطة أبوجهينة

العملاق معتصم
تحية و تقدير
شكرا على مرورك البهي
التحية للأسرة

لا حول الله يابو جهينة!!!!
ياخ أنا ما كنت قايلك زول طيب للدرجة ديحسن النية دا بوديك التوج..انت الظاهر ما دققت في المداخلة الكوتها دي.وأنا ياسيدي حأوقعها ليك من منطلق فهمي للباش معتصم..
أولا معتصم ما قاعد يكتب باللون دا وهنا استعمل اللون دا لفتا للنظر..
ثانيا وهو الأهم خاطبك بأبي جخينة..وجخينة دي جاية من الجخ والجخ دا معناهو الكضب..انت ما سمعت بي زول بقول والله الزول دا جخاخ جنس جخ
كدي راجع نفسك ورد علي معتصم دا بما يليق به وبالموقف

[أبوجهينة]

المشاركة الأصلية كتبت بواسطة فتحي مسعد حنفي

لا حول الله يابو جهينة!!!!
ياخ أنا ما كنت قايلك زول طيب للدرجة ديحسن النية دا بوديك التوج..انت الظاهر ما دققت في المداخلة الكوتها دي.وأنا ياسيدي حأوقعها ليك من منطلق فهمي للباش معتصم..
أولا معتصم ما قاعد يكتب باللون دا وهنا استعمل اللون دا لفتا للنظر..
ثانيا وهو الأهم خاطبك بأبي جخينة..وجخينة دي جاية من الجخ والجخ دا معناهو الكضب..انت ما سمعت بي زول بقول والله الزول دا جخاخ جنس جخ
كدي راجع نفسك ورد علي معتصم دا بما يليق به وبالموقف

تعرف يا فتحي
لو ما كنت بعرف معتصم معرفة تامة كنت صدقتَ كلامك ( و جخيت ليك ) جخ شديد
معتصم رجل حكيم دون أي مجاملة
وجوده بالمنبر هنا ميزان يرجح كفة أشياء كثيرة
له و لك القومة

[أبوجهينة]

المشاركة الأصلية كتبت بواسطة نبراس السيد الدمرداش

استاذي أبو جهينه
مساءك سعيد
متعة كتاباتك انك بتلفت النظر لقضيه معينه باسلوب بسيط و سلس

الزواج باجنبيه
اختلاف العادات
اختلاف البيئات(طبيعيه,ثقافيه ,.....الخ)
اختلاف المعتقدات
تقبل الاسره السودانيه لوافده من بلد آخر لتكون جزء منها
مع ملاحظة ان بعض الاسر لا تقبل بزوجة ابن من قبيله اخرى ناهيك عن بلد آخر

نبراس الحلبية ( ما تزعلي من كلمة حلبية ... أنا زوجتي أم بناتي الله يرحمها مصرية 100% و بناتي قاعدين يقولوا ليهم حلبيات )

تحية كبيرة ليك
الزواج من أجنبية الآن أصبح شيء عادي طبعا. و لكن بالطبع لا بد أن يفكر ألف مرة قبل أن يفكر بالسفر بها إلى خارج العاصمة .. حتى في العاصمة هناك تباين في الخدمات و ( البعوض ذاتو متلبد في متاريس عارفا براه ) و هلم معضلات لا تروق للأجنبية و حتى لبت المدينة أو التي تربت في الغربة.
و لكن الأجنبية كزوجة إقتنعت بالسوداني فالأمثلة الجميلة و الناجحة بالكوم.
دمت أبد