" العودة للبيت الكبير" أتحداك ..

[معتصم الطاهر]

كلفنا مجموعة من الأعضاء بأن يديروا هذا الموقع
يسهروا عليه و نحن نائمون
يخططوا و نحن ننتظر
بعملوا و دورنا ينحصر فى الكتابة و المداخلات احيانا

ثم نحاسبهم بما تعهدوا بفعله و أكثر

طرحت الإدارة برنامجها الأول و الهدف الى تسعى اليه و هو

" العودة للبيت الكبير"

فما دورنا؟

اقتراحي

عليك ان تطرح اسم شخص غائب ثم تتصل عليه لعود و تتابع عودته و استمرارها

انا تكفلت بــ "أحمد زين" لأته سيعود و معه آخرون

فبل ان تحل ذكرى خالد الحاج هلا فعلنا واجبا

[معتصم الطاهر]

اريد أن اتحدى هؤلاء

ناصر يوسف
أبو بكر عباس - ما تجيب قريب ولا نسيب
عادل عسوم - ليس بسملة
عبد الحليم
عكود
رأفت مبلاد
الجيلى
نبراس
كيشو

[وهاد ابراهيم محمد]

يا سلام عليك يا باش, يا سلام

وياكا البتمشي في الدرب البطابق فيهو خطوك, صوت حوافرك.
ولو كل واحد من الذكرتهم إتحدّى معاهو اتنين بس وهكذا دواليك,
نكون الحضور الأنيق والرونق.

[فيصل سعد]

سلامات يا باش و حمد الله سلامة، انا بالرغم من اني مشارك بابكر عباس في عودة ود عثمان، لكن داخل التحدي منفردا بمحاولة عودة زولة جميلة للبيت الكبير، و ستعلن التفاصيل لاحقا بعد التلفون الأول..

[فيصل سعد]

المشاركة الأصلية كتبت بواسطة وهاد ابراهيم محمد

يا سلام عليك يا باش, يا سلام

وياكا البتمشي في الدرب البطابق فيهو خطوك, صوت حوافرك.
ولو كل واحد من الذكرتهم إتحدّى معاهو اتنين بس وهكذا دواليك,
نكون الحضور الأنيق والرونق.

سلامات يا وهاد و عساك بالف خير.. أتمنى أن لا تكون رئاستك لمجلس إدارة سودانيات خصما لمشاركاتك المتميزة في منتدى الحوار و غياب مفرداتك و حروفك المتألقة قصص و تداعيات و خواطر..

يديك العافية..

[معتصم الطاهر]

المشاركة الأصلية كتبت بواسطة وهاد ابراهيم محمد

يا سلام عليك يا باش, يا سلام

وياكا البتمشي في الدرب البطابق فيهو خطوك, صوت حوافرك.
ولو كل واحد من الذكرتهم إتحدّى معاهو اتنين بس وهكذا دواليك,
نكون الحضور الأنيق والرونق.

سلامات وهاد

العضوية لها واجباتها و هي تنفيذ برامج مجلس الادارة
و بما أن هذا هو الطرح الاول فلنبدا
( ارجو ان تقوم مجلس الادرتة بتكليفات لباقى البرامج و طرحها حتى تشارك فيها العضوية)

[معتصم الطاهر]

المشاركة الأصلية كتبت بواسطة فيصل سعد

سلامات يا باش و حمد الله سلامة، انا بالرغم من اني مشارك بابكر عباس في عودة ود عثمان، لكن داخل التحدي منفردا بمحاولة عودة زولة جميلة للبيت الكبير، و ستعلن التفاصيل لاحقا بعد التلفون الأول..

حبينا فيصل

و عليك السلام


ياخ بالله تخيل واجب عبارة عن ونسة مع زول حلو
مجرد تلفون و تكون رجعت زول لبيتو محل الناس بتريدو

[عكــود]

سلام يا معتصم والشغل النجيض!

قبلان التحدي، رغم إني بديت قبل تحديك ده وأستجاب (على الأقل اتنين) ورجعوا وملأوا الصفحات جمالاً.

لكن برضو، ببدأ معاكم وعندي محاولات.

تسلم.

[Abdullahi Gaafar]

العزيز معتصم

شكرا علي الفكرة الجميلة
قبل شوية اتصلت واتكلمت مع البنية نولا ووعدت انها ستظهر في المنبر الليلة ان شا الله

تحياتي
عبد الله جعفر

[معتصم الطاهر]

المشاركة الأصلية كتبت بواسطة عكــود

سلام يا معتصم والشغل النجيض!

قبلان التحدي، رغم إني بديت قبل تحديك ده وأستجاب (على الأقل اتنين) ورجعوا وملأوا الصفحات جمالاً.

لكن برضو، ببدأ معاكم وعندي محاولات.

تسلم.

ياها المحرية
و اعلن هنا انتقالى للمربع الثاني ..

[معتصم الطاهر]

المشاركة الأصلية كتبت بواسطة Abdullahi Gaafar

العزيز معتصم

شكرا علي الفكرة الجميلة
قبل شوية اتصلت واتكلمت مع البنية نولا ووعدت انها ستظهر في المنبر الليلة ان شا الله

تحياتي
عبد الله جعفر

الجميلون بالجميلات ..

[حافظ حسين]

انا ما في زول أتحداني لكن قبلت التحدي براي و جايب الاتية أسمائهم
1. مها الرشيد
2. عبدالله ديدان
و المفاجاءة من العيار التقيل .... جايب الشاعر الجميل بابكر الوسيلة و أمس مفروض يكون رسل طلب عضوية.....
و المفجاءة التانية لكن خلوها مفاجاءة

بعدين المفاجاءة الأخيرة دي الا تدفعوا

[وهاد ابراهيم محمد]

المشاركة الأصلية كتبت بواسطة معتصم الطاهر

( ارجو ان تقوم مجلس الادرتة بتكليفات لباقى البرامج و طرحها حتى تشارك فيها العضوية)

تحياتي يا معتصم..
كل شيئ سيكون ملك العضوية وبمعاونتها.. البرنامج وآلياته وتنفيذه.

[ود الخير]

انا غايتو ما في زول ينافسني في الرشيد اسماعيل " حا ارجعو السودان"،، عليك الله يا الرشيد أتغربت ،،،يا اخ اديني محلك في الدمازين وانا بديك محلي دا !! والله عندنا شبكة إنترنت هنا "نظام الڤايبر" الله أمان الله المشاركة ما تكتبها سمح تلقاها مشت ،،

انا عندي فكرة من البيت بس بجيب ليكم تلاتة أعضاء لكن تساعدوهم بالصبر

بنتكم نسيبة خالد بتدرس لغات ممكن تعمل كل يوم او فترة خبر من مجلة وتترجمه ،،، وكذلك بقية ناس البيت وتبقى زيتنا في بيتنا

بعدين القلبو 💚*على سودانيات لو مشى ورجع بتكون رجعتو قوية وذات فايدة

يعني مرات في ناس سوء الشبكة بي ممكن يكون مانعهم من الكتابة وكدا






* القلب دا من زماااان داير لي مشاركة اختها فيهو

شكراً يا باشمهندس ،، ودائماً قلوبكم على مصلحة الناس ربنا يعدل القدامك

[وهاد ابراهيم محمد]

المشاركة الأصلية كتبت بواسطة فيصل سعد

سلامات يا وهاد و عساك بالف خير.. أتمنى أن لا تكون رئاستك لمجلس إدارة سودانيات خصما لمشاركاتك المتميزة في منتدى الحوار و غياب مفرداتك و حروفك المتألقة قصص و تداعيات و خواطر..

يديك العافية..

طيب كويس انك أديتني فرصة أقول ليك: سعيدة بتجولاتك الرشيقة وعودتك بالغة الأناقة واللذة، حاجة كده زي تمر المدينة أو روفاييلو ( أيهما يصادف الذائقة والهوى )

الغياب ما مقصود انما تفرق زمني بين كم مجلس ادارة والله يدينا القدرة