كاتب النص الاصلي منير:
الاخ مكي الازهري + مولانا + الهندي كلهم فل لست
اقتباس:
المشاركة الأصلية كتبت بواسطة kabashi
يامكي عاوز تقلب البوست ركن نقاش الشيء تطير عيسشتنا أنا ومنير نتناقر زي الديكة صغار وكبار ، قايتو منير شايف لسع مفرداته سياسية أما أنا فقد تبخرت ولم تمطر
وبعدين حتى وإن كانت دعوتك هذه وشيطان السياسة فتي في رؤسنا مامكن المغامرة بتلبيتها الناس ديل كنا بناقرهم وهم من غير سلطة والأن عندهم سجون وبيوت أشباح منو بقرب منهم يعني ألعب غيرها
كاتب النص الاصلي منير:
الاخ كباشى ياخى انت من المحارم ان شاء الله ما بتجيك عوجه تب اما الاخ مكى لسع فيه روح الشباب لكن نحن اصابنا الخرف من بدري ذى ما قال الحاج دكتور كمال
|
بالله عليكم شوفوا جنس الحالة دي والله بقيتوا تحننوا الواحد
منير العوض كورتوا فكت زمان في السياسة عملها اغتراب ومعايش
وانت يا عزيزي كباشي اعتزلتها وبقيت تصاحب كلامك المكتوب هنا ده
بي مقاطع من أوبريت سودانية للراحل المقيم الشريف زين العابدين الهندي
وحزبه الذي هو مش مصالح ولا متوالي ولا مشارك بل حكومة عديل كده؟؟؟
وعلي فكرة سجلت تلك الامسية بقاعة الصداقة من تلفزيون السودان كاملة
وقد كانت احدي نقاشاتي مع نفر من الاتحاديون الديمقراطيون تعرفهم
بل كانت لدي وسيلة للتهكم والتندر علي بعض اصحابي من جنوب الوطن الأم العزيز
السودان ...عندما قاطع وزرائهم الوزارات صباحا ولفترة من الايام
وجاء بعضهم ملبيا للدعوة ..مبتهجا بالسهرة ..متفاعلا مع الشعر..
جالسا علي كرسيه في صفوف المواقع الدستورية والبرتكولية
ومنهم د.تابيتا وعقار وعرمان
كما هو حال نفر أخر من أهل المعارضة سابقا والأن...
أعزائي منير وكباشي ..كنت اقصد بتوليع النقاش
ولعها وشعللها ...نقاش سياسي هادف ويناء
نعم هذا البوست اجتماعي ... ولكن اري في ردودكما بعض الهمز واللمز ..واللغز
المديدة حرقتني دي لي انا براي
مولعة في قلبنا بالرغم من هذا البرد القارص
وكل هذه الثلوج التي نعيش فيها أحرارا بالرغم من ضنين الوطن الأم السودان
لا أعتقد بانها سوف تطفئ لهيبها
لو ما دايرين تتشاكلوا وتشعللوها نقاشا هادفا من الذي سيقوم بذلك
اعتقدت بانكما قد بلغتم رسالتي..
عن أي سودان نتحدث وعن أي أسيوط نتجمع
كنا نقسم ( النبقة ) بيننا كطلاب ولكننا عندما تخرجنا
نلاطف بعضنا بالذكريات الجميلة
وانتم في غربة عن الوطن من المسؤل عنها ؟؟؟
نعم هنالك أختيار شخصي وظرفي لحالة الاغتراب ولكن
اليست السياسات والنفي وعدم قبول الاخر هي التي باعدت بين الناس
الاخ منير العوض ليس مسؤلا عنها بالتأكيد ولكنه يدافع عن تنظيمه بل ينتمي الي
الجناح الغالب فيه الان ... اما انت يا اخي كباشي وانا فأصبحنا بحال هو أشبه
بحالة المحب الي محبوبة لقلبه وهي تحب غيره ... حال الاتحاديين المهمومين
بالاتحادي ولكن غالبانا الحيلة؟؟
اسع انا بأعتذر لكل أسيوطي وأسيوطية
نقة في السياسة مافي ...
كده كيف؟؟؟؟؟
حلوين
