تنوير

[حافظ حسين]

و شفتوا دا تنويري الجد جد
يعني ما مضاري وراء اللغة و لا الكلمات المنمغة
اسم الحساب: حافظ حسين
كلمة السر: *******
و من اللحظة دي انا ما مسئول من اي زول يكتب بحسابي

يلا فتكم بعافية
أحذفوا الحساب دا
و لو فقدتكم بقوقلكم

[احمد زين]

المشاركة الأصلية كتبت بواسطة حافظ حسين

و من اللحظة دي انا ما مسئول من اي زول يكتب بحسابي

ده ما بعفيك من المسئولية يا مان
واي كتابة تتكتب بالحساب ده انت مسئول منها
ولو عايز تخلي طرفك من المسئولية دي
اكتب رسالة داخلية للجهات المختصة تطلب فيها قفل حسابك
غير كده ما عندك طريقة يا اخوي

[حافظ حسين]

قبل الخروج

لو الرسايل الجاتني في الفيس بوك
لو حسيت اني في يوم من الايام
داير اقاضي بيها الناس الرسلوها
بقاضيهم
و مزيد من التواصل و المحبة

[اشرف السر]

دا شنو يا حافظ؟


تجيب الناس دار سودانيات
وتروح تخليها!!

[أمين عام سودانيات]

بسم الله الرحمن الرحيم


لأسباب تأمينية تم حذف كلمة المرور الموضحة فى المداحلة الأولى ..
ولمزيد من الإجراءات التأمينية حيث قرئت كلمة المرور من كثير من الزائرين والأعضاء فقد تم تغييرها منعاً لأيما استعمال خاطئ أو ضرراً قد يصيب للموقع ..

سيتم الإتصال بصاحب الحساب عبر آليات أخرى ...

وشكراً

[طيبان]

بوست مخالف للائحة ،،أرجو أن تقوم الإدارة بحذفه ..


__

حافظ يمكن مناجاته عبر نوافذ أخرى
فقط احذروا الفيسبوك ،،عشان ما يقاضيكم ..
دي محن شنو دي ..

[مهند الخطيب]

وين التنوير هسي ياحافظ ؟؟

يعني مانورتنا الخطوة دي ليه؟

تصرفك ده بضرب الديمقراطية الانت بتؤمن بيها ده في عصبا ، بعرف لي للديمقراطية دي مسربين اتنين ، ياتكون بتحكم ياتكون بتعارض ، خلاف ذلك ده بكون اسمه تنصل ، تقعد تعارض الماعاجبك ده ياغيرتو ياقضيت قبل ذلك ، ده البعرفو انا لكن ان تضيق بالفعل الموجود وتولي ظهرك فهذا مالا أجد له مرجعية ديمقراطية .... تحياتي ...

[أمين عام سودانيات]

المشاركة الأصلية كتبت بواسطة طيبان

بوست مخالف للائحة ،،أرجو أن تقوم الإدارة بحذفه ..

المشاركة الأصلية كتبت بواسطة فتحي مسعد حنفي

البوست دا مفروض يتحزف بدون طلب مادام صاحبو قال الداير يقولو وسلم النمر..

بسم الله الرحمن الرحيم

لا يوجد نص صريح فى اللائحة يقول بمخالفة هذا البوست ..
ويتعذر إدراجه تحت المواضيع التى لاتجوّز اللائحة مخاطبة الإدارة فيها عبر العام ..

كان يمكن سحبه بموجب السلطات الممنوحة للأمين العام فى الفقرة 13 من المادة 1 من لائحة المخالفات والتى تخوله إعتبار حالات بعينها مخالفة لأسس الكتابة ( وهى سلطة جوازية لم أرغب فى إستحدامها )

كان أمامنا أكبر من مجرد بوست مخالف ، كان أمامنا العمل على ألا يساء إستعمال كلمة المرور وألا يتضرر الموقع جراء هذا السلوك ، ونجحنا فى ذلك بحمد لله ..

وبالطبع ستتخذ الأمانة ما يحفظ لهذا الموقع إحترامه ..

[الجيلى أحمد]

المشاركة الأصلية كتبت بواسطة طيبان

بوست مخالف للائحة

well said

[أبوبكر عباس]

المشاركة الأصلية كتبت بواسطة حافظ حسين

قبل الخروج

لو الرسائل الجاتني في الفيس بوك
لو حسيت اني في يوم من الايام
داير اقاضي بيها الناس الرسلوها
بقاضيهم
و مزيد من التواصل و المحبة

وطيب بهناك عند ناس وش الكتاب الأمريكان ليش ح تلجأ للقضاء لمان حسسك ينهبش؟ وعندنا هنا في سودانيات تعق* لينا نيك نيمنا وباص وردنا في السهلة ساكت؟
وحات سيدي الحسن، حاسي بحسسك....
يا أخي، نحن أخوانك وأخواتك، كان لمان زنقناك في بوست التنوير الفي الخاص داك، ترسل لينا رسائل في خاص الخاص؛ عشان نرخي ليك شوية ونحفظ ليك شوية مويه في وجه حججك ودفوعاتك المربوطة بتيرمومتر أحاسيك المرهفة، يا ديمقراطي.
أعتقد أنو وش الكتاب مناسب جدا، وبهناك البغالطك أو يشكك في خطورتك، تبلكو** طوالي، وتستمر في هكذا تبليك لحدي ما تبني ليك من البلوكات دي، منزل معزول عزل حراري عن المحيط.
ويظل تيرمومتر أحاسيك مقياس للعزل.
ــــــــــــــــــــــــــــــــــــــــــــــــــ ـــــــــــــــــــــــــــ
* تعق = ترمي أو تجدع
** تبلكو = تحجبو أو تعزلو، وهي مستعربة من الكلمة الإنجليزية (blocking)

[أبوبكر عباس]

المشاركة الأصلية كتبت بواسطة حافظ حسين

و شفتوا دا تنويري الجد جد
يعني ما مضاري وراء اللغة و لا الكلمات المنمغة
اسم الحساب: حافظ حسين
كلمة السر: *******
و من اللحظة دي انا ما مسئول من اي زول يكتب بحسابي

يلا فتكم بعافية
أحذفوا الحساب دا
و لو فقدتكم بقوقلكم

زمان كلمتكم قلت ليكم لو حافظ دا، طلب أي شئ نفذوهو ليهو من غير أي كلام..
أها المرة دي، حردي بحرق مراكب راسو عديل.
أتمنى من الأديب حافظ، إرسال كتاباته الأدبية على بريد سودانيات حتى يتسنى لمعجبيه (طبعا من الجنسين) متابعة تداعياته العظيمة
والله لا يضيع أجر المحسنين

[ناصر يوسف]

حافظ حسين ،،،
من حقك تماماً أن تودع المكان والناس هنا
فقط ،،، طريقة الوداع هنا كانت خاطئة
خاطئة جداً ،،،

[أبوبكر عباس]

المشاركة الأصلية كتبت بواسطة ناصر يوسف

خاطئة جداً ،،،

تحياتي ناصر يوسف
فعلا خاطئة، لكنها إنتحت منحى درامي مقصود للفت الإنتباه.
من واقع خبرتك السينمائية، هل نصنف الدراما دي، بانها حزينة ولّ مضحكة؟

[قيس شحاتة]

المشاركة الأصلية كتبت بواسطة حافظ حسين

اسم الحساب: حافظ حسين
كلمة السر: *******

من حق أي عضو في هذا المنبر، تستيف حقائبه وركوب اللوري والمغادرة متى ما شاء، إن كان ذلك بأسباب أو بدونها. لكن لا أفهم من كتابة كلمة الدخول إلى هذا المنتدى، ونشرها على الملأ، إلا أنها دراما القصد منها إثارة انتباه روّاد الأسافير السودانية والعابرين بها.
ما قام به حافظ حسين فيه عدم احترام لهذا المكان.

[رأفت ميلاد]

المشاركة الأصلية كتبت بواسطة حافظ حسين

و شفتوا دا تنويري الجد جد
يعني ما مضاري وراء اللغة و لا الكلمات المنمغة
اسم الحساب: حافظ حسين
كلمة السر: *******
و من اللحظة دي انا ما مسئول من اي زول يكتب بحسابي

يلا فتكم بعافية
أحذفوا الحساب دا
و لو فقدتكم بقوقلكم

زمان ود الشواطين غلب المريخ وقعد فى الكورة .. قام فى نفس الأسبوع لاعب سجمان كدة نسيت أسمو قعد فى الكورة .. قام الحكم طوالى أداه كرت أحمر

أعتقد دى سابقة خطيرة حقو تضمنوها طوالى اللايحة .. وأى زول يحرد كدة تلصقوا ليهو مع حردتو ستة شهور