مهند فوق تنور ساخن

[كيشو]

المشاركة الأصلية كتبت بواسطة ممدوح أبّارو

تحياتي للجميع
سؤال :
البخلي ممارستي أنا دا ممدوح ما أخلاقية شنو كون أني جيت صوّت لي مهند وطلعت ؟
ياخ بخش سودانيات دي من تلفوني وما بقدر أشارك لسبب أنو الاسم البدخل بيهو فيهو تشديد (بالشدة) والخاصية دي مافي في تلفوني الفقير !
وما عندي لابتوب كون اني فقير!
أها لبسونا طاقية الله يرضي عليكم
حاجة تانية ... موش هي انتخابات وإعلام وحشد؟ البخلي المرشح ما يحشد شنو؟
ويشحد زاتو كمان موش يحشد وبس حسي انا شاحد الجهاز الخاشي منو دا
زمان ايام الديموقراطية بتاعة ناس الصادق المهدي المرة سألوها حتدي صوتك لمنو؟
قالت بديهو لي ود الشريف عشان ما ينفخني، قالو ليها مافي زول بعرف اديتي منو جوه ..
قالت ليهم وحات الشريف الطيرة الفي الشباك ديييك تكلمو

يعني كلامك السمح دا حارمنا منو عشان "الشدة"؟ ياخ أرجع أشحد اللابتوب مرة تانية وشيل "الشدة" من اسمك، وما تخاف الاسم معروف عندنا وحنقراهو صاح
بعدين سؤال للتفكر؛ وعشان البوست دا:
انت حشدك مهند شخصياً؟

[كيشو]

المشاركة الأصلية كتبت بواسطة أمين محمد سليمان

يا جيجي لو الموضوع مخاطبة، مهند في ورطة ليه ؟! و قاعد في تنور ساخن عمل شنو ؟!
----------
أحمد طه و كانديك ... شاكر و ممنون للبتاع ده ... شغال تش !!
----------
يا وهاد ... والله كان ما بخاف الكضب شفت ليك مداخلة بالاني عشان نسبت قصة إنو قيقا لبس طاقية التحشيد دي براهو لخالد الغالي ... رجعت فتشت لقيت كلامك صاح، لكن ما لقيت المداخلة فبالله امسحيها في وش خالد ده !!
---------
يا اخوانا اما آن لمهند أن ينزل من هذا التنور الساخن ؟

يا اخوانا اما آن لمهند أن ينزل من هذا التنور الساخن ؟

تحية يا أمين، ومتجدني مستمتع وسعيد بالقراءة لك
البوست دا والبوست بتاعك ممكن تقول كدا: خلوني "في التفكر أصبح وأمسي"
مهند لو نزل من التنور دا راجياهو تنانير أخرى
ولكن مناقشة بعض النقاط مفيد لصحة عقلنا السياسي

[أمين محمد سليمان]

المشاركة الأصلية كتبت بواسطة كيشو

تحية يا أمين، ومتجدني مستمتع وسعيد بالقراءة لك
البوست دا والبوست بتاعك ممكن تقول كدا: خلوني "في التفكر أصبح وأمسي"
مهند لو نزل من التنور دا راجياهو تنانير أخرى
ولكن مناقشة بعض النقاط مفيد لصحة عقلنا السياسي

سلام يا كيشو و شكرا ياخي علي طيب كلامك بحقي ...
مهند و كل من يتصدي لاي عمل عام في السودان الشقيق صغر أو كبر هذا العمل، فهو في تنور ساخن !

[همس الشوق]

مهند دا ما كفاهو
نزلوا ياخ

[سارة]

المشاركة الأصلية كتبت بواسطة همس الشوق

مهند دا ما كفاهو
نزلوا ياخ

التنور دا احسن ليهو مية مرة من التنور الراجيهو

انتوا قايلين النور راسو بقى اشيب من شنووتيب

[همس الشوق]

المشاركة الأصلية كتبت بواسطة سارة

التنور دا احسن ليهو مية مرة من التنور الراجيهو

انتوا قايلين النور راسو بقى اشيب من شنووتيب

ازيك يا سرورة
عشان كدا العريس أقصد الأمين محبوس وما ظاهر

فعلا والله ربنا يقدره على الشيلة ويصبروا

[طيبان]

المشاركة الأصلية كتبت بواسطة خالد غالي

سلامات ياطيبان

جاني احساس انك ماقريت البوست كلو واول حاجة قريتها كانت مداخلتي دي صدق ؟!
لفظة لون سياسي دي جات في معرض نقاش طويل بيني وبين البروف وماعارف كيف اقدر اختصرو ليك لكن تقدر تقول انها ضرب مثل اكتر من كونها تقرير لاتجاه سياسي لمهند اذا كنت فهمت تلميحك
المهم اظن لو قريت مداخلة جيجي الاولى الفتحت بيها البوست ومداخلة اسامة الاخيرة دي مع بعض الخيال لماقد يكون دار فيما بينهم من تفاصيل كتيرة جدا اظن ممكن تفهم المقصود شنو باللون السياسي لمهند

يا خالد غالي ياخي أنا ذكائي المؤخرا دا باذل فيهو مجهود كبير خالس ،،ماممكن تجي انت في ضحويّة تمحقوا لي ،،واقعد استخدم خيالي واربّط المشاهد .
أقول لك كلام ؟ أنا سؤالي ذاتو حذفتو ..

__

وحلايب مصريّة ..

[خالد غالي]

المشاركة الأصلية كتبت بواسطة طيبان

يا خالد غالي ياخي أنا ذكائي المؤخرا دا باذل فيهو مجهود كبير خالس ،،ماممكن تجي انت في ضحويّة تمحقوا لي ،،واقعد استخدم خيالي واربّط المشاهد .
أقول لك كلام ؟ أنا سؤالي ذاتو حذفتو ..

__

وحلايب مصريّة ..

نان اعمل ليك شنو ؟ جيت اقول ليك اقرا البوست كلو لقيتو بقى 18 صفحة