اقتباس:
المشاركة الأصلية كتبت بواسطة AMAL
اسامة دا انا خايفة اهبشو
بس صراحة انا مابرضا في قيقاتنا دا
كونو ود كوستيني
ثم ثانيا ود ام نخيل
غير انو خ ن
فيا اسامة ياخ انت خليت قرض الشعر
وبقيت تقرض اشياء اخري ولاشنو
|
آمال يا ستي اهبشي ساكت والله الحبة ما تجيك ... شاكال الجيلي
انا حا أختصر بإسهاب لو سمحتي
اولا : الضجة الصاحبت الانتخابات ( الأمانة العامة) من جهتي جديرة بإدارة حوار عقلاني وهادئ لانه يستحق فعلا .
ثانيا : لا احد ينكر الحشد التم في الأثناء ... ولكن لان الأمر بدا غير طبيعي كثرت الظنون والطعون المستترة ... يعني توافد أعضاء بكثرة لاستعادة كلمة المرور أوجد تفسيرا سالبا لتعطيل هذه الخاصية لحين من الزمن حيث تم تمرير أنه تم تعطيلها !!! وهو يشي بفهم واضح !
ثالثا : إرسال رسائل لتنبيه الغائبين أمر ( لائحيا وقانونيا) !!! مافيهو كلام . لكن أن تكون الرسائل تلك " تتحدث عن إنقاذ سودانيات من تغول الكيزان" فدا فيهو لا أخلاقية واضحة ( أيا كانت رؤيتنا للأخلاق) نسخة للبروف بالله
رابعا : حتى لو سلمنا انو واحد من المرشحين كوز والتاني شيوعي والتالت طيرة زي كدا فهل دا مبرر لتحويل الأمر لصراع سياسي داخل المنتدى ؟؟؟
أخيرا : فيما يختص بقيقا الماعوير
فتح الرحمن دا جا شال الرسالة براااهو ولبسا زول قال ليهو تعال البسا مافي ... فما عندي حاجة أعملا ليهو ... لقاها مقاسو يخليهو لابسا ... لقاها ما مقاسو يمرقا براااااحة ويختها في محلها ويمرق
الجزئية الجا حمرا وشالا حام بيها دي كانت بافتراض معين انو إذا نزل من سماهو القاطعا من راسو دي ولافي وسط مجراتها الصغيرة بنوريهو الحاصل وإذا استعصم بيها بنرسل ليهو رسالة كلو سنتين ... يعني بتكلفنا شنو ؟؟؟
هو يفهم بالطريقة التعجبو لكن يطالبني انا حسب فهمو هو باعتذار وسحب ؟؟ الزول دا سماهو دي جديرة بالمشاهدة بالمناسبة
وأنا تاني ملزم في مداخلاتي الجاية " بما يرشد اليه الحديث "
سلامات يا عزيزتي