ضيف على مائدة سودانيات ...! - 10 - عبد العزيز عبدالله

[سمراء]

المشاركة الأصلية كتبت بواسطة أبو أماني

[align=center]شكرن على الطناش المتعمد يا سمراء..![/align]
البتعمليو ده يا سمراء يا نظام مكاواة وتخفيف دم على حسابي يا إستخفاف بي ومافي ليو ثالث! ..
غايتو يا سمراء .. عملتيو مسيخ وأشتر ومشاتر .. يعني الحبيبة سرورة إختارتك دونن خلق الله وأنا عملت ليك يا ذبيدة لا تموعي .. وإستعطفتك عدييييل كدي تدخلى البوستر .. ولما طنشتيني ومعاي المتداخلين ..عملت ليك مناشدة في بوست آخر .. رديتي على البوست الآخر يعني نظام ناقشة كل شئ وبرضو مطنشة وكيتن عليك أبو أماني (إنت ومواضيعك ولا حاجة عندي)! قلنا رضينا وقبلنا بكل طيب خاتر .. جائز نظامك نظام تقل.. وحبة (show) بس طلع من نوع التقل البيحتل بي سيدو وما يطلع تاني .. شكرا .. ياذوق على هذا الطناش ومردودة ليك في الأفراح .. * * * * *

العزيز الجميل ابو امانى
حاشاءلله ومعاز الله ان استخف بيك او اتعزز عليك ذى ماقلته .. وحقيقى انا رديت على الغاليه سارة فى رسائله لى واعتبرته انو الموضوع انتهى ، ولما فتحت البوست جيت ورديت ليك فيهو ....يبقى الطناش وين !!
بس عموما استاذنا وحبيبنا والزول المابنقدر نتجاوزو ابو امانى امسحه لى فى وشى الشين ده ..ومحقوقه ليك لو اى احساس ماحلو وصلك منى ...بس والله كنت بسخن وبستجمع فى رباطة جأشى عشان اجيكم وانا فى كامل الدسامة اللغوية ....ياخ انا دخلته كورس لغه عديل عشانك عشان الانحراجه وكده ...خسوسن وناس اميرى والرشيد قاعدين لى فى حلقى الله يزاهم ياخ ..
بس اعتبرنى فى الصف ...وجااااياك يا اب شرا..وحانفتو ..بس انت ماااااتزعل

ومن هنا بنرحب بالشحرور عب عزيز ...الكوعى المفرفش ...وبتمنى ليهو اقامة طيبة فى هذا الكرسى المولع

[معتصم الطاهر]

عبد العزيز

شنو حكايتك مع الحلو ..


[align=center][/align]

[عبدالعزيز عبدالله]

المشاركة الأصلية كتبت بواسطة معتصم الحارث الضوّي

أخي الكريم عبد العزيز
بعد الترحيب بك، رجاء إلقاء نظرة على واقع مهنة هندسة الديكور في السودان، فهذه المهنة الابتكارية لها واقع خاص في السودان كما أعلم.

مودتي

تحياتي اخي معتصم ... ومرحب بيك في مائدة عمنا ابو اماني...
وانشاء الله اكون ضيف خفيف علي مائدتكم العامرة...

فيما يخص طلبك بإلقاء نظرة علي واقع هندسة الديكور في السودان.. يجيب في البداية اقوم بتعريف مبسط للديكور...
الديكور هو تجهيز وتهئية المكان للقيام بوظائف بأقل جهد ويشمل هذا الأرضيات والحوائط والأسقف والتهوية والإضاءة والتجهيزات الاخري التي تشمل الالوان والاثاث... وإيضا يعرف بأنه ( فن معالجة الفراغ وكافة أبعاده بطرق تستغل جميع عناصر التصميم شكل جمالي يساعد على العمل او المعيشة داخل المبنى).
ويعتمد طريقة الديكور علي البيئة التي يتطلب التصميم فيها.. وايضا يعتمد علي ذوق المهندس والمجتمع الذي يتم التصميم له..
ولقد اشتهر السودانين بعدم مقدرتهم بالقيام بال (Final tuch) وهي التي بدورها تعطي الشكل الجمالي النهائي.. ونحن مجتمع نحب التقليد ونرفض كل ما هو مستحدث او غير تقليدي .... فتجد عندنا مقابل كل شخص مبتكر 100 مقلد ...

اما الديكور من الناحية العملية في السودان ... لقد ظهر مؤخرا حيث ان غاية ما كان يتمناه المواظن (غرفتين خلف خلاف مع صالون ومطبخ وحمام) ومع التطور المتطرد الذي بدأ يحدث في السودان من الناحية المعمارية ... وتوافد وتوارد افكار من خارج السودان سواء كان عن طريق المهاجرين والمغتربين او من خلال العمالة الوافدة ... بدأ السوداني يهتم باللون والشكل وطريقة التشطيب للمبني..
فمؤخرا بدأنا نري تحول في اهتمام السوداني بالاثاث واللون والزخارف الجبصية والارضيات الرخامية والاهتمام بالتشجير الخارجي للمبني (landscape).. بالاضافة للتقليد بدانا نري تغير في شكل العمارة والداخلية والخارجية للمباني...

[عبدالعزيز عبدالله]

المشاركة الأصلية كتبت بواسطة محمد عكود

انا ما جاي اسأل ...
انا جاي بس اثبت حالة في الاقتباس اعلاه ...
عشان بعدين ما تنط وتعدلو ... وتنكررررررر ....
امااااااااااااانة ما وقع عبدالعزيز ...
و ...
أبكــــــــــي يا عثمــــــــــــــان

(التسويهو بي إدك يغلب اجاويدك)

[بابكر مخير]

قال مائدة وجايب ليهو الساحوتآ دآ..
بذكرني دآ حكاية الراجل العزموهو غدآ، جابهو صحن الكسرآ ودلقهو فيهو "أمرقيقآ" بالحم وما بتاعت "ماجي"..
زولنا يبحبت في وسط الكسرة لمن يلم ليهو في قطعة لحمآ، يلفها بشقفة كسرة ويظمتها والعملية شغالآ،،
سيد البيت عيونهو رقرقت وبشدآ قال لي الضيف:
إتا بتدسدس في اللحمآ ليييه، ماهي أصلها مطبوخآ ليكآ ..

غايتهو لمو لحمكم
قبل ما يلفهو ليكم في كفن

[عبدالعزيز عبدالله]

المشاركة الأصلية كتبت بواسطة النور يوسف محمد

بسم الله الرحمن الرحيم

عبد العزيز عبد الله .. تحياتى ..
لك ولمضيفك الرائع أبو أمــانى ..

1/ اللون الأخضر وشيخنا بابكر .. سر الريدة ؟؟
2/ النظرة الجمالية المفقودة عند قسم كبير من السودانيين ,,
هل لمست ذلك فى ممارستك لمهنة التصميم ؟؟
3/ والحالة دى ( قلق جدا ومتقلب المزاااااااج )
هل تلقى بأثارها السلبية على أعمال هندسة الديكور ؟؟؟

كفاك مش كده

الريس الرائع النور ... لك التحية

1- للون الاخضر سر غريب في داخلي ... تخيل عندما اكون متضايق شديد جد احب اري اللون الاخضر.. وتحديدا في الاشجار ... وبمقدور اللون الاخضر ان يحولني من حالة التوتر الي حالة السكون في لحظات ... ويكفي انه لون ثياب اهل الجنة .. جعلني وإياكم من ساكنيها (آمين).

ولقد قرأت عن اللون الاخضر في موقع ووجدته يتحدث عنه بالتالي: (وصل العلماء إلى قرار قاطع بأن اللون الوحيد الذي يجلب السرور على داخل النفس والإنتعاش في الفكر هو اللون الأخضر ومن أروع ما يدل على تأثير اللون الأخضر)...
فتعرف يا عم النور انا بي كلامك دا لاحظت ان الشاب بابكر مخير بيستعمل اللون الاخضر نفسة .. وزي ما قلت يمكن يكون دا سر الريدة...

2- يمكن لاننا شعب نوعا ما جاف.. والجفاف والجمال ضدان لا يلتقيان ...

اجيك لي قصة شوية قريبة وبعيدة من سؤالك ...
ايام الجامعة: كنت زول مشاكس جدا.. وكنت عامل فيها الزول مناضل او متنوضل: اها كان في انتخابات في الجامعة واخوك في اللجنة التسييرية علشان كنا عاوزين نقلع الإتحاد من الكيزان ... اها كالعادة الجماعة جابو ليك كل المليشيات من الإسلامية والقران الكريم بمساعدة الامن والاحتياطي المركزي .. وكنت احد الذين تم القبض عليهم تم حبسنا اولا في ساحة الجامعة .. وبدأو في اسئلتنا اسمك وبتقرأ ياتو قسم ...والذي كان يقوم بإستجوابنا واحد كدة عريض المنكبين (شلولخ) مقاساتو10X6 وكل ما يلاقي واحد ديكور بيقوم بيضربو كف ويقول ليهو (هسه عليك الله دي قراية رجال) ويمشي للبعدة يلاقيهو إعلام يخليهو يلاقيهو معمار خليهو واول ما يجي للديكور يقوم يضربو ليك كف والكلمة إياها ... ولما جا الدور علي اسمك منو؟ عبدالعزيز عبدالله. بتقرأ شنو؟ تصميم داخلي ... تخيل صاحبنا مشي خلاني.
فعلى كدة قيس كيف كان تقبل السودانيين للنظرة الجمالية.

3- تعرف دا السبب الخلاني اتوجه للحديد والانشاءات المعدنية.. حيث ان مع سرعة دوران عجلة الحياة وتقلب المزاج جعلني لا اجلس كثيرا للتصميم .. واتجهت للتنفيذ ثم ترك المجال قبل 4 سنوات.


اي شي منك مقبول ... بس أوعاك من القرارات الإدارية ...

شكرا اخي النور

[جانيت]

المشاركة الأصلية كتبت بواسطة عبدالعزيز عبدالله

الريس الرائع النور ... لك التحية

1- للون الاخضر سر غريب في داخلي ... تخيل عندما اكون متضايق شديد جد احب اري اللون الاخضر..

هنا بهديك اغنية الخدار خداري يا ناس خداري ومن العين بضاري يا ناس خداري
تاليف والحان حبة وان ما مسئولة




يا عم النور



شكرا اخي النور

هنا اثبات واضح للتقلب
يا جنى اثبت عمك ولا اخوك



غايتو يا عزو وووووب عليك

[عبدالعزيز عبدالله]

المشاركة الأصلية كتبت بواسطة سارة

عبعزيز سلام مربع يا احلى عبعزيز

البت المعولقة سمراء دى قالت بتشبهنى انا زول خواف ما بيشبهنى
المهم انت مشرف ومنور الدار يا بطل.
رغم انه فى زول غتيت معلق ليهو فانوس فوق رقبتو حيم بى هنا لكن وراك رجالة
قول لينا اول شاكوش وما هو تاثيره السلبى والايجابى؟؟؟
بعد تسخن نجيك تانى

سارة ازييييييك يا عسل والله مشتاقين شديد ..
خليك من الزول دا ... وانا بقول ليهو من البعد ... بيجيبك الموز يا قرد ... وعمان دي يومين تلاثة وحتكون فيها ... اها البيحلك من شنو زي ما قالت ليك دكتورة هيفاء(إلا تطير يا حبة)

اما عن سؤالك ... انا قبيل قلت ما عاوز ضرب تحت الحزام
لكن طالما انا هنا حاجاوب عن كل سؤال بدون تردد...

والله ياخ اكضب عليك اول وآخر شاكوش كان حاااااااااااااااااااااااااااار ...
كنت سينير في الجامعة ... ووحاتك جات برلومة حاجة عجيييييييييييييبة كدة ... اخوك شهر بيحاول يقرب منها ... وكل ما اجي بحاول اقرب تمسكني ليك (ضربة قلب وخمة نفس وشحتافة روح)... المهم كنت يوم ماشي علي امدرمان من الجامعة وقامت احدي زميلاتنا قالت لي ياخ عندي زولة عاوزاك توصلها معاك امدرمان لانها ما بتعرف المواصلات لانو الترحيل ما جاها اليوم .... قلت ليها ياخ ما تكريهيني لكن ما مشكلة اول وآخر مرة تجيبي لي زول اوصول معاي (خوفا علي حق المواصلات)... المهم مشت نادت الزولة وطلعت ياها زولتي زااااااااااااااااااااااااتها... واخوكي هنا جاهو شلل اطفال بقيت ما عارف اتحرك من مكاني المهم ... وصلتها لي بيتهم وانا وصيلت لي قلبها ... ومن ديك وعيك ... كان اول حب ... كانت اللحظات الجميلة تجري بسرعة ... ومضينا عامان ... وسائت الامور ولإسباب خاصة بشخص غير متواجد معنا ... لبعوني ليك الشاكوش...
ياخ والله بي صراحة فقط (الدنيا ضلمت)..
التأثير السلبي ... ومافي زول يجي يقيف لي في حلقي: (عدم الثقة في مشاعر البنات)..
التأثير الإيجابي... بعد ألم ومرض وطمام بطن طواااااااااالي وفقدان شهية لمدة قاربت ال9 شهور ... صرت قويا كالصخر وبعدها لم احزن علي شيئ فقدته...

[عبدالعزيز عبدالله]

المشاركة الأصلية كتبت بواسطة جانيت

عشان اسالتنا ممكن تخليك تجي الثودان وتجاوب هنا براك
انا عرفت عنك كتير وانت زول رائع بكل ما تحمل الكلمة من معنى
حتى الناس العرفناهم من طرفك كانو ناس قمة في الروعه حبة ومدحت
بس انطباعك عن سودانيات ومجتمعها وعن ارتباطهم بيك ؟؟؟؟؟؟؟؟؟؟؟
طبعا سؤال مفتوح شديد اسكت جااااااااوب
فرفوش ياخ انت

ما مشكلة انتو اسألو وانا عليا الإجابة:

والله كلامك الجميل دا من اصلك الطيب يا رائعة انتي ...
لا بس الناس العرفتوهم عن طريقي حبة دا اعملي حسابك منو

والله انا انطباعي عن ناس سودانيات السودان حاختصرو ليك في كلمتين...

يا ريتني الناس ديل عرفتهم من زماااااااااان ... لانهم جد ناس جديرين يان الواحد يعرف عليهم ... وانا محظوظ لاني اتعرفت عليهم ..
بث

[عبدالعزيز عبدالله]

المشاركة الأصلية كتبت بواسطة سمراء

ومن هنا بنرحب بالشحرور عب عزيز ...الكوعى المفرفش ...وبتمنى ليهو اقامة طيبة فى هذا الكرسى المولع

وانحنا كذالك سعيدين بترحيب يا شحرورة (لكن ما صباح)

شكرا لك يا رئيسة حسب العوكية اقصد الكوعية


عبدالعزيز عبدالله
حزب الكوعية
قطر عمان

[عبدالعزيز عبدالله]

[QUOTE=معتصم الطاهر;223093]
عبد العزيز

شنو حكايتك مع الحلو ..



الطاهر: معتصم الطاهر

اول شي انا ما بتاع (سمسية) لانو السمسمية مرتبطة بالحلو ...
في عهدي كنت بتا شامبيون ساااااااااااااااااااااااكت وجبنة وزيتون وخيار

اما الحلو الظاهر في الصورة دا منبثق من الجلسة الحلوة التي كانت علي شرف الحلوين (معتصم & ساااااااااارة)


لكن بيني وبينك يا باش (رموش الست ما حلوة).

تخيل زمان والدي: الاستاذ عبدالله عبيد كان ولا زال لما يجيب حلاوة العيد بجيبها زيادة علشاني لاني كنت بحب اكل الحلويات بصورة رهيبة اما الان الكبر حصل وبدأت الهواية في تناقص...

[عبدالعزيز عبدالله]

المشاركة الأصلية كتبت بواسطة بابكر مخير

قال مائدة وجايب ليهو الساحوتآ دآ..
بذكرني دآ حكاية الراجل العزموهو غدآ، جابهو صحن الكسرآ ودلقهو فيهو "أمرقيقآ" بالحم وما بتاعت "ماجي"..
زولنا يبحبت في وسط الكسرة لمن يلم ليهو في قطعة لحمآ، يلفها بشقفة كسرة ويظمتها والعملية شغالآ،،
سيد البيت عيونهو رقرقت وبشدآ قال لي الضيف:
إتا بتدسدس في اللحمآ ليييه، ماهي أصلها مطبوخآ ليكآ ..

غايتهو لمو لحمكم
قبل ما يلفهو ليكم في كفن

عمنا الحبيب بكوري ...

والله مشتاقين شديد...
تخيل العم الاخ النور لاحظ اننا بنكتب باللون الاخضر وقال دا سر الريدة...
هسه المهم انت غير ما جيت خوفت الناس مني ما عملت حاجة ...


وين سؤالك لي ..


اللهم ثبتا عند السؤال.

[أبو أماني]

المشاركة الأصلية كتبت بواسطة عبدالعزيز عبدالله

العم العزيز أبا اماني :
لك التحية ولكل المتواجدون معك في صالونك العامر...
البداية انا شكلي جيت هنا بدل فاقد ... لكن ما مشكلة ... حانسيك عملية الاخت سمراء ... بس عليك الله ما جبت معاك ملاح النعيمية ليه يا منقا ... ما عارف انه الملاح المفضل عندي...

نبدأ ليك بأسئلتك ...
الاسم: عبدالعزيز عبدالله محمد عبيد
الحالة الاجتماعية: متزوج وأب لابن (عبدالله).... لكن بتعجبني الآية المذكور فيها (مثني وثلاث ورباع)

المهنة: مهندس تصميم داخلي (ديكور)... وتخصصت في حاجة ما ليها علاقة بالتصميم الداخلي والديكور. مجال الانشاءات (هياكل معدنية).
اللون السياسي : سوداني فقط والحمد لله (لا يمين لايسار لاخاتف لونين)

قلق جدا ومتقلب المزاااااااج

الفنان المفضل: عثمان حسين، ثم محمد الامين،
احب اللون الاخضر شديد جدا
اللون الرياضي: الاحمر الوهااااااااااااااااااج.

انا افصحت عن الحاجات الحاضرة

في انتظار الاسئلة ... لكن عليكم الله ما بحب الضرب تحت الحزااااااام

عارفك ظريف ودمك شربات وعثل ينقط .. وكنت متأكد من إستجابتك الفورية .. وقالوا كراع البقر جيابة .. شوف طلتك البهية جابت لينا كم هرم من أهرام سودانيات! على رأسهم الرائعة دوما سارة .. النور ما تحمر لي .. مش الخواجات قالوا ليديز فيرست؟!

كدي عليك الله ضوق الكبده والمطايب دي قبال تبرد .. هيفاء المرارة ما مرقت؟ فتحي ها .. بتخنق .. حوووووولا .. إتو مصر ما فوقها لحمة ولا شنو؟ تعرف يا عزو جيت مدبرس على دبرسة الحليوة سمراء .. الحاجة في البيت أدتني ليك هوم ويرك زي السم .. بس لقيتك منور البوستر والناس البحبوك ما صدقوا.. شغالين تحت الحزام طووووالي.. شئ شواكيش شئ أول قصة حب في حياتك .. غايتو يا سرورة لقيتك بس تقول شايقية .. يا بت جبتي الخباثة دي من وين وكمان عكود الشايقي الحر أب توبا بجر .. كنكش ليك في مثنى وثلاث ورباع كنكشة (كوز) في سبيل .. يعني ما عارفين أم عبد الله زي أم أماني الخالق الناطق .. مع مراجعة الجيوب جابت ليها مراجعة إنترنيت ومعرفة باصويرد .. والله ياعزوز فرحت أي والله فرحت فرحة شافع طهور مخدتو مليانة ضحاكات .. لمن لقيت كل الناس هبوا يناوشوك .. يلا أخد راحتك مع حبائبك واتجدع ساااااكت وبحلف ليك سرك في بئر .. أكان ختيت عمك فتحي مسعد .. الحبة أأأأأأبتجـــيك!!! ما تفرح .. أبو أماني مكر مفر .. يلا تشااااوووو

[عبدالعزيز عبدالله]

المشاركة الأصلية كتبت بواسطة أبو أماني

عارفك ظريف ودمك شربات وعثل ينقط .. وكنت متأكد من إستجابتك الفورية .. وقالوا كراع البقر جيابة .. شوف طلتك البهية جابت لينا كم هرم من أهرام سودانيات! على رأسهم الرائعة دوما سارة .. النور ما تحمر لي .. مش الخواجات قالوا ليديز فيرست؟!

كدي عليك الله ضوق الكبده والمطايب دي قبال تبرد .. هيفاء المرارة ما مرقت؟ فتحي ها .. بتخنق .. حوووووولا .. إتو مصر ما فوقها لحمة ولا شنو؟ تعرف يا عزو جيت مدبرس على دبرسة الحليوة سمراء .. الحاجة في البيت أدتني ليك هوم ويرك زي السم .. بس لقيتك منور البوستر والناس البحبوك ما صدقوا.. شغالين تحت الحزام طووووالي.. شئ شواكيش شئ أول قصة حب في حياتك .. غايتو يا سرورة لقيتك بس تقول شايقية .. يا بت جبتي الخباثة دي من وين وكمان عكود الشايقي الحر أب توبا بجر .. كنكش ليك في مثنى وثلاث ورباع كنكشة (كوز) في سبيل .. يعني ما عارفين أم عبد الله زي أم أماني الخالق الناطق .. مع مراجعة الجيوب جابت ليها مراجعة إنترنيت ومعرفة باصويرد .. والله ياعزوز فرحت أي والله فرحت فرحة شافع طهور مخدتو مليانة ضحاكات .. لمن لقيت كل الناس هبوا يناوشوك .. يلا أخد راحتك مع حبائبك واتجدع ساااااكت وبحلف ليك سرك في بئر .. أكان ختيت عمك فتحي مسعد .. الحبة أأأأأأبتجـــيك!!! ما تفرح .. أبو أماني مكر مفر .. يلا تشااااوووو

كدي اقيف ياعمو .... نسيت اهم صحن في العيزومة دي... هاك امسك ختو جنب العجايز ناس بابكر ورأفت والنور وجدنا ابو شريط... هاك ليهو:




الظرافة يا كوتش دي فضلة خيرك ... والردود اللطيفة ولمة الناس الجميلين دي كلها عشانك يابا، تخيل والله بي جد كلامك الواحد لما يسمعو كأنك قاعد جنبو ... وبيحس بالإلفة داخلة توووشك في القلب...
كان علي الضرب تحت الحزام الانا ما بريدو ، صدقني وانا قاعد في ضيافتك ما حاسي بيهو ...
وكان علي سارة وبابكر مخير ياهم ناسي الما برفض ليهم طلب ... وبالمناسبة قصة الشاكوش دي انا اول مرة احكيها علي الملأ...
اما عن عكود الصغير ... فياهو اخوي ونسيبي وكنكشتو دي والله علي قلبي زي العثل... في انتظار عمنا عكود يجي ويسألني الاسئلة المباشرة...

اما ام اماني وام عبدالله وام موسي وعيسي وكورينا ومجوك وأوهاج ... ياهم النزلونا من الجنة ... حنعمل ليهم شنو طالما الجنة قالو تحت رجلينهم ... ربنا يلزمنا الصبر

الناس الجوني هنا صدقني يا عمنا جايين بيك وليك...

محبتي واحترامي

[محمد عكود]

[QUOTE=عبدالعزيز عبدالله;223109]
خليك من الزول دا ... وانا بقول ليهو من البعد ... بيجيبك الموز يا قرد ... وعمان دي يومين تلاثة وحتكون فيها ... اها البيحلك من شنو زي ما قالت ليك دكتورة هيفاء(إلا تطير يا حبة) [/QUOTE

هع هع هع ...
انا الموززززز زاتو ما القرد ...
وقصة الشاكوش دي حاليا انا طبعتها عديييييل ...
وابقى قدر كلامك بس ....

اما عن كلام دكتورة هيفاء
فأنا والله غلباااااااان .. هو داك الكان طبعو شين

المشاركة الأصلية كتبت بواسطة عبدالعزيز عبدالله

لا بس الناس العرفتوهم عن طريقي حبة دا اعملي حسابك منو

بث

وشااااايفك ..
قدر ما اوقرك ... في الشيــــــن اراك تتقدم
اتعكنن خلاااااص انا صبـــــري حصنو اتهدم
اصلو البينا ماااااا بتنفك من غيـــــــــــــر دم
الكاينة التكون يا عزو .. مافي من وراها ندم

بس ابقي قدر كلامك ...

المشاركة الأصلية كتبت بواسطة أبو أماني

وكمان عكود الشايقي الحر أب توبا بجر .. كنكش ليك في مثنى وثلاث ورباع كنكشة (كوز) في سبيل ..

ابو اماني ...
لا حولاااااااااا
مريخابي وقبلناك ... وعاملناك كأنك واحد مننا طبيعي ...
ما حصل زول عايرك بمرضك - شفاك الله - ولا جرحك بكلمة ...
واستحملنا معاك كل المك وصبرك على ابتلائك ....
واجترينا معاك الفرح بكاس بعانخي .. وترهاقا .... وضياع سيكافا
لكن تطلعني شاااااايقي دي كتيييييرة منك ....

لكن تعرف رغم دمويت انتمائك ... الا اني والله بريدك ...
ريدا قدر كراهيتكم لحرفنة البرنس ... واقوان سادومبا ..
قلبا يمين .. قلبا شمال ..
سادومبا سايقا العربية ..
قلبا بيـــــه ... قلبا ليـــــه ...
وانا اكرم .. طلعت حيـــــــة ..
يا ابو اماني العربية ..

المشاركة الأصلية كتبت بواسطة جانيت

حتى الناس العرفناهم من طرفك كانو ناس قمة في الروعه حبة ومدحت

اسمع كلامك اصدقك ...
اشوف ردودك ... استعجب ...

المشاركة الأصلية كتبت بواسطة سارة

رغم انه فى زول غتيت معلق ليهو فانوس فوق رقبتو حيم بى هنا لكن وراك رجالة
قول لينا اول شاكوش وما هو تاثيره السلبى والايجابى؟؟؟

حتى انتي يااااااسارة ...
طيب انا وغتيت .. الفانوس ليه تجرحيهو ..؟؟؟؟

لكن سؤالك جدجدجد ريحننننننننني ...
ههههههههه
كان وراهو رجالا ... هسي شوف عيني الرجال قدااااااامو
ضربتيهو في مقتل ياااخ ...
والله حقو انا اقيف معاهو ... واديك انتي تعلقي الفاااانوس
هههههه