نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 18-01-2013, 06:58 PM   #[1]
ناصر يوسف
:: كــاتب نشــط::
الصورة الرمزية ناصر يوسف
 
افتراضي يا صاحبي مع السلامه ياخ ،،، لكن بالغتَ يا محمود

لم أزرف دمعاً في رحيل والدي ،،،
يوم أمبارح أنا كنت لسه منتظرك تجي يا محمود وتقول لي أنا جيت أرحكاكا ليوسف عبد القادر

يا محمود صدقني ما قدرت أعرف إني ببكيك مع منو والبقالد فيهم وبقالدوني وكلنا بنبكي رحيلك المفجع ده
لكن يمكن الليلة من الصباح وأنا وبيناتي وأمهن لما زرنا قبرك عشان نقول ليك ربنا يرحمك ويغفر ليك
قدرتَ أعرف ديل منو الكانوا بيقالدوا فيني وبكوك بدموع حقيقية
الليلة شفت بعيني مئات الناس ،،، نساء طاعنات في السن وبنيات طفلات
ورجال كبار وصغار ،،، وشباب
شفتهم في زيارةبيتك الأزلي ده ياخ

عارف يا محمود يا صاحب الشفتو أنا يوم أمس ويوم الليلة ده بيخليني أقول ليك الكلام القلتو ليك زمان لو بتتذكر في الفندق الكبير ،،، لما قلت ليك

يا محمود إنت زول إستثنائي وماك عارف حجم روحك ساي

يا محمود يمكن ولأول مرة في تاريخ السودان ده أشوف لي نساء ورجال كبار وصغار بيقيفوا في صلاة جنازة ... الصفوف كانت خليط يا محمود يا صاحب ،،،
صدقني جد جد كده وزي ما بقول ليك ياخ

ياخي أقول ليك كلام ؟؟؟
برحيلك ده جد كده بالغت يا صاحب ،،، بالغت يا محمود ياخ



أللهم أرحم عبد محمود عبد العزيز وأغفر ليه يا رحمن يا رحيم



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 18-01-2013, 07:26 PM   #[2]
اشرف السر
:: كــاتب نشــط::
الصورة الرمزية اشرف السر
 
افتراضي

ما عارف اقول شنو يا ناصر في كلامك لصاحبك...

بس ربنا يلهمك ويلهمنا الصبر...
وإنا لله وإنا اليه راجعون



التوقيع:

اشرف السر غير متصل   رد مع اقتباس
قديم 18-01-2013, 08:14 PM   #[3]
حجة امنة
:: كــاتب نشــط::
الصورة الرمزية حجة امنة
 
افتراضي

لا حول ولا قوة إلا بالله

نعم

(إنا لله و إنا إليه راجعون)

البركة فيكم يا ناصر يأخي

البركة فيكم

تعازيي لجميع معجبين و أسرة الحوت

إنا لله



حجة امنة غير متصل   رد مع اقتباس
قديم 18-01-2013, 08:17 PM   #[4]
حجة امنة
:: كــاتب نشــط::
الصورة الرمزية حجة امنة
 
افتراضي

اقتباس:
المشاركة الأصلية كتبت بواسطة اشرف السر مشاهدة المشاركة
ما عارف اقول شنو يا ناصر في كلامك لصاحبك...

بس ربنا يلهمك ويلهمنا الصبر...
وإنا لله وإنا اليه راجعون
البركة فيكم يا أشرف

الصبر و الدعوات يأخي

 
اللهم أغفر له وأرحمه واعف عنه وأكرم نزله ووسع مدخله وغسله بالماء والثلج والبرد ونقه من الذنوب كما ينقى الثوب الأبيض من الدنس ، وارحمنا إذا صرنا إلى ما صار إليه وجازه بالحسنات إحسانـاً وبالسيئات عفوا وغفرانا وافتح أبواب السماء لروحـه برحمتك يا أرحم الراحمين .
اللهم يمّن كتابه وهون حسابه وليّن ترابه وألهمه حسن الجواب وطيب ثراه وأكرم مثواه واجعل الجنة مستقره ومأواه .

اللهــــم .. أنزله منزلاً مباركاً و أنت خير المنزلين

اللهــــم .. أنزله منازل الصديقين و الشهداء و الصالحين و حسن أولئك رفيقاً

اللهــــم .. اجعل قبره روضة من رياض الجنة ، و لا تجعله حفرة من حفر النار



التعديل الأخير تم بواسطة حجة امنة ; 18-01-2013 الساعة 08:27 PM.
حجة امنة غير متصل   رد مع اقتباس
قديم 18-01-2013, 08:29 PM   #[5]
مها عبدالمنعم
:: كــاتب نشــط::
 
افتراضي

نسال الله له الرحمه والمغفره
وان يعفو عنه ويتجاوز عن سئاته ويدخله في زمرة الصالحين
صادق العزاء ليك ولاسرتك ولاسرته
رحمه الله كان حدثا في وجوده وحدثا في رحيله
كل بيت سوداني حزين لرحيله المر الا اننا لانقول الا مايرضي ربنا
رحمه الله وجعل داره في الاخره خيرا من داره في الدنيا



مها عبدالمنعم غير متصل   رد مع اقتباس
قديم 18-01-2013, 09:00 PM   #[6]
خضر حسين خليل
:: كــاتب نشــط::
الصورة الرمزية خضر حسين خليل
 
افتراضي

خلانا موجوعين وشتت يا ناصر
شتت يا صاحبي



التوقيع: يــا وطن عز الشدائد
ــــــــــــــــــــــــــ
حميد
خضر حسين خليل غير متصل   رد مع اقتباس
قديم 18-01-2013, 09:28 PM   #[7]
محمد علي الجراح
:: كــاتب نشــط::
 
افتراضي

صعب حنضل
أساك ينطاق .
وزي كل الجميل
وأصيل
فى بلد الحُرقه
والدقداق
تفوت بسراع
كأنك ضو
شلع فى الجو.
كأنك ضيف
كأنك طيف
جدع فى الطين
بذور سرو
طلع فى غفله
بالرقراق.
"هاشم صديق"



التوقيع: بإحساس المحب
سيد بيت
وعننا ما ضِهِبْ
الهِيلنا .. هِيلَك
شِن ندس ماطال
عُمرا ًيتحسِبْ
في ياتو بنكِ
وياتو عِـبْ ؟
وياتو خزنة ؟
غير خِزَن النفوس الماهلِة
مفتاحها القلب

(حميد)
محمد علي الجراح غير متصل   رد مع اقتباس
قديم 19-01-2013, 01:26 PM   #[8]
ماريل
:: كــاتب نشــط::
الصورة الرمزية ماريل
 
افتراضي

انه حديث القلب ...شكرا أسِيفا يا صاحب



التوقيع: تبا للذى يملا كفيه بتبر وتراب......
يكشح التبر على حظوته.....
والترابيات فى عين الوطن.....
ماريل غير متصل   رد مع اقتباس
قديم 19-01-2013, 01:36 PM   #[9]
ابرا
:: كــاتب نشــط::
الصورة الرمزية ابرا
 
افتراضي

بسأل عليك حزن الشفق
وقت الخيال ينعس ينوم يتوسد أحلام الأفق
ورعشة الليل الطويل آهة الشوق والأرق
بسأل عليك لما السؤال يصبح سفر
بلقاك في فيض الأماني الذايبة في رنة وتر
في لمحة الطيف البعربد مرة بالخاطر عبر
ورعشة الأمل البفوح يتلاشى زي لون السحر
مطوية في حضنو المسير مخفية في صدف البحر
بسأل عليك في زحمة التيه المحاصر بالفراغ
في صحية الوعي المخدر في جبين الكون ضياع
في غربة الشجن المعذب ورهبة الخوف المشاع
بتجيني في وجع الحروف الياسة تشرب من أنينا
في شارة الالم البتكبر الجاية من أغوار دفينة
مكسية بي لون الشفق مشحونة من طرف المدينة
بسأل عليك لاملت أشواقي السؤال
بسأل عليك لا إرتاحت الخطوة الخزينة


اللهم ارحم محمود والبركة فيكم يا صاحب



التوقيع:

[bor=#ff0000]هـنــاك أرواح جـاءت إلـى الـعالــم

لـتـهــدي الـحيـاة كـلـمــات جـمـيـلـة

و ذكـريــات آسـرة .. ثــم تـتـركـنـا و تـرحــل !!![/bor]
ابرا غير متصل   رد مع اقتباس
قديم 19-01-2013, 06:06 PM   #[10]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

فات وخلي لينا بس الوجع يا أهلو
فات محمود أخوي وخلي لينا بس الوجع
وجع الروح مؤلم شديد ياخ

نسيت أقول ليك يا محمود حاجه ياخ

فتشت علي عفاف حسن أمين وفتشت علي عبد الخالق
وفتشت علي وصفي وفتشت علي عادل معني
ما لقيتهم في زحمة الناس البحبوك وجوك يبكوك

ما لقيتهم ياخ ،،، بس كيفن القاهم قول لي يا محمود يا صاحب في نص ملايين الناس الجات تبكيك
يمكن يكونوا ضاعوا مني في زحمة ناس بورتسودان الجو بالباصات وبعرباتهم الخاصة عشان يبكوك يا محمود ،،،
ولا مع ناس مدني الدفنو عمنا الفنان احمد عمر شِبَك ومن مقابر مدني جوا علي المزاد عشان يبكوك
ولا أهلك ناس الأبيض ،،، بتتذكر الأبيض يا محمود الكلمتني عنها في يوم من الأيام وقلت لي لو لي مراد أسكن هنا وأموت هنا ويدفنوني هنا ؟؟؟ ناس الأبيض برضهم جوا يبكوك يا صاحب ومعاهم ناس تاني من بكانات تانية كتيرة خلاص يا محمود يا صاحب ،،،
كلهم جوا مافي زول ناداهم وقال ليهم ورحكاككم نبكي محمود ،،،

تعرف يا صاحب لقيت لي أسرة جات من كوستي ،،، قالوا لي الجابتهم بتهم العمرها بس عشرة سنوات ،،،
سمعت برحيلك المؤلم ده وما سكتت ،،، وقالت ليهم لازم نمشي المطار

كده خلاص يمكن تكون صدقت كلامي ليك الزمان يا صاحب بإنك زول أبداً ما عاااااااااااادي ،،، إنسان عجيب هو أمرك يا صاحِب

بس كده تفوت مرة واحدة كده ياخ ؟؟؟

لكنك ما مشيت صدقني إنتَ ما مشيت
لأنو زول بيعمل في خلق الله زي العملتو إنت ده ،، أكيد ما مات ياخ

أنا مقتنع بإني وَصَّلت التابوت القمئ الجواه جسدك النحيل البديع لبيتك الأزلي يا صاحب

لكن البيقنع صديقنا الجيلي احمد شنو ياخ ... آي الجيلي صاحبي الزمان خليتو يتكلم معاك ،، ياهو الجيلي البحبك داك ذاتو ياخ ،،، البقنعو منو إنك مشيت يا صاحب ؟؟

يا رب تغفر لأخوي محمود عبد العزيز وترحمو بواسع رحمتك
يا رب العالمين ،،، أرحم لعبدك محمود عبد العزيز وأغفر ليه يا رحيم

إنَّا لله وإنَّا إليه راجعون



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 19-01-2013, 10:13 PM   #[11]
مها عبدالمنعم
:: كــاتب نشــط::
 
افتراضي

اقتباس:
المشاركة الأصلية كتبت بواسطة ناصر يوسف مشاهدة المشاركة
فات وخلي لينا بس الوجع يا أهلو
فات محمود أخوي وخلي لينا بس الوجع
وجع الروح مؤلم شديد ياخ

نسيت أقول ليك يا محمود حاجه ياخ

فتشت علي عفاف حسن أمين وفتشت علي عبد الخالق
وفتشت علي وصفي وفتشت علي عادل معني
ما لقيتهم في زحمة الناس البحبوك وجوك يبكوك

ما لقيتهم ياخ ،،، بس كيفن القاهم قول لي يا محمود يا صاحب في نص ملايين الناس الجات تبكيك
يمكن يكونوا ضاعوا مني في زحمة ناس بورتسودان الجو بالباصات وبعرباتهم الخاصة عشان يبكوك يا محمود ،،،
ولا مع ناس مدني الدفنو عمنا الفنان احمد عمر شِبَك ومن مقابر مدني جوا علي المزاد عشان يبكوك
ولا أهلك ناس الأبيض ،،، بتتذكر الأبيض يا محمود الكلمتني عنها في يوم من الأيام وقلت لي لو لي مراد أسكن هنا وأموت هنا ويدفنوني هنا ؟؟؟ ناس الأبيض برضهم جوا يبكوك يا صاحب ومعاهم ناس تاني من بكانات تانية كتيرة خلاص يا محمود يا صاحب ،،،
كلهم جوا مافي زول ناداهم وقال ليهم ورحكاككم نبكي محمود ،،،

تعرف يا صاحب لقيت لي أسرة جات من كوستي ،،، قالوا لي الجابتهم بتهم العمرها بس عشرة سنوات ،،،
سمعت برحيلك المؤلم ده وما سكتت ،،، وقالت ليهم لازم نمشي المطار

كده خلاص يمكن تكون صدقت كلامي ليك الزمان يا صاحب بإنك زول أبداً ما عاااااااااااادي ،،، إنسان عجيب هو أمرك يا صاحِب

بس كده تفوت مرة واحدة كده ياخ ؟؟؟

لكنك ما مشيت صدقني إنتَ ما مشيت
لأنو زول بيعمل في خلق الله زي العملتو إنت ده ،، أكيد ما مات ياخ

أنا مقتنع بإني وَصَّلت التابوت القمئ الجواه جسدك النحيل البديع لبيتك الأزلي يا صاحب

لكن البيقنع صديقنا الجيلي احمد شنو ياخ ... آي الجيلي صاحبي الزمان خليتو يتكلم معاك ،، ياهو الجيلي البحبك داك ذاتو ياخ ،،، البقنعو منو إنك مشيت يا صاحب ؟؟

يا رب تغفر لأخوي محمود عبد العزيز وترحمو بواسع رحمتك
يا رب العالمين ،،، أرحم لعبدك محمود عبد العزيز وأغفر ليه يا رحيم

إنَّا لله وإنَّا إليه راجعون
قبل اربعه شهورفقدنا شاب جميييل يوم البكي بليل مشيت بكيت وجيت راجعه البيت
قررت انوم وانا ممنيه نفسي بانو ماحدث لم يحدث صحيت الصباح للاسف لقيت الخبر الاكيد الود رحل وترك بت عمرها شهوروكانها نهاية العالم الان بعد مضي اربعه شهور خف الالم ومازال الحزن ي يسكن بيننا الا انه اقل اردت ان اطمنك ان المصايب تكبر فتصغررويدا رويدا رحمه الله واسكنه جنانه لم نعرفه الا من خلال اغانيه وابتدات علاقتنا به من الصغر حيث فتحنا اعيننا ونحن نسمعه ونشتري تسجلاته احببنانه ككل سوداني رحمه الله لكم الصبر مره اخري وحسن العزاء



مها عبدالمنعم غير متصل   رد مع اقتباس
قديم 19-01-2013, 10:43 PM   #[12]
سارة
:: كــاتب نشــط::
الصورة الرمزية سارة
 
افتراضي

حار التعازى يا ناصر وجبر الله الكسر واعانكم على
مصابكم.



التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا
لك الرحمة ياخالد ولنا صبرا جميلا
سارة غير متصل   رد مع اقتباس
قديم 19-01-2013, 11:44 PM   #[13]
شهرزاد
:: كــاتب نشــط::
الصورة الرمزية شهرزاد
 
افتراضي

ده حزن فادح ياناصر وجرح لايندمل
كان صباحاً حزيناً عندما كنا نشاهد البرنامج الصباحي لقناة النيل الأزرق
عرفنا إنه محمود عندما لطم المذيع (محمد) خدية عندما اشاروا إلية بالخبر
حتي قبل أن يتحدث .
بكينا نحن والجيران كما لم نبكي من قبل وكأنما مات أحد أفراد الأسرة وهو والله كذلك لأنه قريب إلي نفوسنا كباراً وصغارا .
إتصلت علي أبنة خالتي التي تحب محمود بجنون وقد خفنا عليها , م تأكل ولم تشرب ذلك اليوم وظلت تبكي حتي أصيبت بالحمي .
لك الرحمة والمغفرة يامحمود
ولنا الصبر وحسن العزاء ..

شد حيلك ياناصر ,,



التوقيع: [align=center][/align]
شهرزاد غير متصل   رد مع اقتباس
قديم 20-01-2013, 08:27 AM   #[14]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

الحمد لله فيما أراد
الحمد لله وكفي والصلاة علي المصطفي
يا أرحم الراحمين
إنَّ عبدك محمود عبد العزيز بين يديك
فأرفق به وأرحمه وأغفر له يا رحيم يا مقتدر
أللهم لا تردني خائباً بدعائي يا عطوف أعطف علي قلوبنا الباكية يا الله

والحمد لك يا رحمن يا رحيم يا غفور يا لطيفاً بعبادك يا الله



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 07:54 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.