اقتباس:
اقتباس:
المشاركة الأصلية كتبت بواسطة فطوم 
ديشكم انتو الجوز ياخ
وتالتكم وردي زااتو
اها هاكم الشمار دا
طاااازة ولسة في الفرن
دي اول تجربة لزمراوي بالعامية
وحاليا في معية الاستاذ بيلحن فيها
يعني ح نسمعا بصوت وردي في اقرب حفلة ان شاءالله
القصيدة لعيون كل اسرة سودانيات
دا بعد اذنك يا مولانا طبعا
يا سوسنة
إنتي المُنى
سِت الحروف
بيكي الصباح
قالوا إبتدى
قالوا النهار
ليكي إرتدى
باقة ورود
زينة وحَلى
أنتي الكلام
منِك تعلّمت
إبتديت
بيكي إزدهيت
علّمني إحساسِك
أحس إني ارتضيت
أرقد على
جمر النوى
إنتي المُنى
خليكِ جنبي
عشان أعيش
إحساسي
بالعمر الجميل
عمري الجديد
دابو إبتدى
بيكي ازدهى
روضة خميل
فيكي الجمال
فيكي السلام
والإبتسام
بيكي احتفلت
طردت إحساسي
العقبم والإنهزام
بيكي إبتديت
اعرف معاني الريدة
يا أروع كلام
سامحي الحروف
لو قصّرت
ما إنتي اصلك
دوزنة
رجع الكمان
روعة غصوني
وسوسنا
روعة قُرب
لوعة بعد
شتلة غرام
صبحي ومساي
ليلي ونواي
عشقي وقساي
عمري وفناي
يا سوسنة
|
فطوم شكراً لجمالك وعلى الخبر الطازة
عبد الإله زمراوى ما هين والله ويستاهل يغنى ليهو وردى وبوب مارلى زول كان بالعامية ولا بالفصحى
ـــــــــ
أكاد أردد (طريقة) أداء الأغنية الجديدة فى داخلى مع إنو لسة ما سمعتها
نسبة لأنو وردى بقت أغانيهو اهو كلها زى دى
واللحن السهل
فى اللحن السهل زاتو إلا بمساعدة العازفين
ويجيبوهو من السلم وحالتو بالبلا
ياخ طلع ليك شريط نوبى وإتوكل على ربك أمسك سبحتك
