فجر الكلام : ابراهيم خالد احمد شوك

[ابراهيم خالد]

فجر الكلام

ابراهيم خالد احمد شوك

حبي مازج حبك الخالدْ


وازهر فوق ربى الأحلامْ


إنشرّ نور ..... بان الطريقْ


ولمن هواك صبح لصيقْ


اسرجت ليك خيل الهيامْ


لا البعاد يلهينى عنك ... لا المسافةْ


اهواك يا عشقى الكبيرْ


اتحدّى بالشِعر المخافةْ


يشرق صباح صحو الكلامْ


ينزاح من السِّكة الظلامْ


ولمن يحين زمن الرجوعْ


يصبح لقاك فجر الربيعْ


ويكون جواز سفرى السلامْ


هيّاب اقيف


اتخطّى اسوار الوهنْ


شبّع هواك شوق الجياعْ


جُوّاىَ القاك التماعْ


انت الأهل واقيم متاعْ


البيهو نتحدى المحنْ


ملهمنا فى ساعة الوهنْ


فى قلبى صورتك من زمانْ


حرّاس وللخايف امانْ


غنوة أملْ .........


فيّاضةْ بالحب والحنانْ


ترياقنا حين يسرى الشجنْ


عُلاك بالسما اقترنْ


منقوش على صدر الزمنْ


حبى مازج حبك الخالدْ


اخْضرّ ...ازهرْ بالأمانْ


الآن اثمر يا وطن