اقتباس:
المشاركة الأصلية كتبت بواسطة نادر المهاجر
عجبت لاحدهم وهو يكتب عن لبوة وطفل دافعوا عن اسامة حتي الموت في اشارة الي زوجته وابنه .
ماذا تعرف عنه انت يا اخي ؟؟
ماذا تعرف عنه وانت تصوره كخوار يختفي خلف النساء والاطفال ؟؟
ماذا تعرف عن حياته بطولاته تضحياته ثباته تجرده اخلاصه مروئته ؟؟
هذا رجل امه أرعب سيدة العالم لا يملك غير دين ونفس مفارقة للارض واسباب
الحياة بها كل الشخوص تتقذم امام رجولته وايمانه وسيرته.
|
لغة واصلة التوب من حيث الإستعلاء (شنو يا نادر عبارة أحدهم دي) يا خي أنا عندي إسمي و علي ما أعتقد ممكن يكونوا ضبحوا لي خروف بتاع سماية ذاتو.... ما إسمي أحدهم ....إضافة للإستعلاء يا أستاذ نادر عندك مشكلة تانية ... إنت من الكلام بتنجر ليك جزء بناسب غرضك ....يعني أنا وين قلت بن لادن دا خوار ( هي خوار دي معناها شنو ؟ قاصد خواف؟).... قلت الأتي للسيد قيقا ممثل اليسار المايل ( و الله يكفينا شر التسميات و يسار العالم التالت) ..... قلت لي قيقا وقت إحتج علي أن بن لادن ما إتقدم لمحاكة عادلة و الحنك الذي منه .... قلت ليه يا قيقا إحتمال الزول دا ما أدي الناس ديل فرصة يقدموه لمحاكمة .... و جيت دعمت الإحتمال دا بخبر أن أثناء المداهمة في إمراة دافعت عن بن لادن دافع اللبوة عن أشبالها و غير كدا في الخبر أن ولد بن لادن إتبادل الرصاص مع الجنود الأمريكان .... طوالي الكلام دا إنت شلته صرة في خيت و طلعتني كأحدهم إني بتهم بن لادن بالخور و لا الخوف ما عارف و أنه بحتمي بالنساء و الأطفال.....
يا خي فرضنا الحرس بتاعه كان نسوان وين المشكلة؟
و بعدين قصة أطفال دي إنت لقيت ولد بن لادن طوالي حيكون شافع .... ما هسي أخوي الكبير عمره خمسين سنة و أبوي لسا حي يرزق يعني ممكن أقول علي أخوي دا شافع لو ضارب ناس جوا يضاربوا أبوي؟
يا نادر يا خي وقت داير تبني حقائق ما تخليك biased أبنيها علي داتا و معلومات.....
بالنسبة لسؤالك فيما يتعلق بما أعرفه عن بن لادن .... أنه قاتل مبتسم
رافت شايفك شلت أعداء الإسلام غايتو أنا كأحدهم كدا فضل لي تبع الغرب
