صيد الكاميرا .. (3) ... الدافوري ...

3mk-Tango · 18-12-2005, 05:42 PM

[media]http://dc.indymedia.org/usermedia/video/11/daforee1.wmv[/media]

اول كسرة لي يدي اليمين كانت وانا عمري 8 سنين نتيجة شوتة (طرشة ) من الباقر ود حلتنا .. هم كانوا كبار بلعبو الدافوري في شارع من شوارع ودنوباي ..ونحن كنا صغار بي برا معاي اولاد من عمري .. وفووووو
الكورة في يدي اليمين .. طرت ابعد من الكوره ..وبطني وجعتني وجع شديد .. ما قدرت ابكي عشان ما يقولو بكي .. وما قدرت اسكت .. والم عجيب في يدي اليمين .. جاء الباقر ويوسف وضغطو لي يدي قالو لي بتوجعك قلت ليهم .. لا ... وانا ميت من الوجع .... ما فضحني الا الورم الظهر في يدي بعد يومين من التغطية ... ولم تستطيع الوالدة او الاخوان اخد اعتراف عن الفاعل .. وسجلت الحادثة ( وقعت في المدرسة من الشباك ) .
اجمل ما في الامر كان المعاملة الخاصة في المدرسة بعد الجبس وعدم الوقوف في صف الفطور او صف الموية
واعفاء من نظافة الفصل .. ونظرة اولاد الحلة المليانة احترام لعدم كشف الفاعل ... واسواء ما في الامر بعد الوجع كان اخفاء الامر عن الاسرة و .. كمية الترمس الاكلتها .

دا اول اعتراف مكتوب عن الفاعل ... والدافوري ليهو حكاويهو ..

Garcia · 18-12-2005, 06:22 PM

الصديق تنقو ..
ما اجمل تلك الايام انظر للدافورى ويعود بى شريط الذكريات لتلك الايام الخوالى ...
واذكر وانا فى التاسعة انكسرت رجلى اليسرى فى دافورى مولع نار فى احدى شوارع ...
ودنوباوى الضيقة .. وكان يسمى قديما زقاق التعريفة وهو الشارع الذى يدخلك لحى القلعة ...
بعدها الواحد يذكر انه لعب بميادين عديدة اولها ميدان القلعة ... ساحة ودارو ... ميدان السور ..
ميدان الجان ( سمى على الجان بتاع الفول ) وميدان رابطة ودنوباوى .... والقائمة تطول ...
وما اروع نبشك لتلك الايام يا تنقو ....

معتصم الطاهر · 18-12-2005, 07:00 PM

غريبة
أول فك لرجلى كان فى ود نوباوى

وتم ارجاع الفكك عند ود بتاى ..

وكانت لحظات ما بنساها ..

kbeida · 18-12-2005, 08:11 PM

الظاهر يأخوانا أنو كلنا مكسرين,أنا أول كسر لي كان في دافوري في ودالبنا , وأما الفكك كان كتير والبركة في ودبتي عليه رحمة الله وبت بتي يطراها الله بالخيرياسلام عليك ياقارسيا لذكرك تلك الميادين وأضف اليهم ميدان الكداويه والمدرسة الاهلية وميدان الرابطة ويا سلام عليك يا تنقو دائما متميز في اختيارك للمواضيع و والله يا معتصم الفكك حااار.
كبيده

عز المزار · 18-12-2005, 10:37 PM

[glow1=#0033CC]الجميل تنقو
والعقد الفريد
روائع التحايا
وااااااااااااااااااااااااااااااااااااااااااااااااا اااااو
ما هذا الجمال؟؟؟؟؟؟؟؟؟؟؟؟؟؟
والله اسه انا حاسى انى لافى بكوره
شراب فى شوارع امدر!!!!!!!!!!!
عطرتوا امسياتنا بذكريات حنيه جدا جدا
وانا اول فكك لى يا تنقو فى ميدان الاتحاد ميدان الزاويه
فى الثوره ال 13 عرفتو؟؟؟؟؟؟؟؟؟؟؟؟
وانشاء الله اسى اتكسروا رجولى الاتينين ومعاهم ايدينى
بس اسى اسى دى لووووووووووووووول
الجميل غارسياء
سلامات يا زول يا رائع
انا ما ناسى موضوعنا بتاع العيد ال 40
بس داير اجيك وانا اكثر مقدره
على التركيز عشان الذكريات ديك جميله
وحنينه دايرين ننبشا بذهن صافى مع بعض
واشهد انى احبكم وامدرمان[/glow1]

طارق الحسن محمد · 18-12-2005, 10:38 PM

تنقو العزيز اللذيذ......... قصص الدافورى دى لا بتنتهى ولا يمكن تنتهى لانه اعتقد كتيرين جدأ عندهم ذكريات مع الدافورى لاكن الدائر اقولو انه الزمن اتغير وبرغم تغير الزمن يبقى الدافورى سيد الشوارع والازقة ، بتذكر الدافورى كان بكورة الشراب ولمن الزمن مشى شوية بقى بالكورة البنية ديك واظنها كانت بشلن ولا ريال وكنا نتشارك تمنها ، بش مشكلتها كانت بتطرشق بسرعة لو لقت ليها حاجة حادة شوية ولا زولأ رجله طرشا ، وبعد داك جاء الكفر اب بوذ تنفخ فيهو لمن جضومك تتشرط وبعد كدة تقعد تزرر فيها زى الجزمة وتسوى ليهو كركاسة ، واللعب باى شى رداء المدرسة . عراقى . نكس . جلابية بس الحاجة اللبسها ..والقون طبعأ حجار والخرخرة اللذيذة فى الاقوان ...... يالهو من زمن جميل وبراة بلاحدود ..، وشكرأ ليك على نبش الذاكرة ، بس لسة شايفك مطنشنى ؟ ! !! !!

أم سهى · 19-12-2005, 07:56 AM

:حاحكي ليكم قصة لذيذة حصلت

في داك الزمن كانت لي صديقة تحب لعب الدافوري خالص وكانت تلعب مع اولاد الحلة وكانت للعابة جدا ودائما عنيفة ضرب وشلاليت

- المهم لمن كبرت شوية ابوها وامها منعوها ما تلعب الكورة قالو ليها انتي بقيتي كبيرة وما تطلعي تلعبي في الشارع - تعرفو كانت بتعمل شنو ؟؟ كانت بتلعب معاهم .كيف؟ كانو هم بلعبو في الزقاق وهي بتكون حكم ليهم من الحيطة

تصورو بتكون قاعدة في الحيطة بي فوق وتحكم المباراة

عالم عباس · 19-12-2005, 08:53 AM

عمنا تنقو
أيها الفنان الرهيف
في حلتنا "حي الوكالة" بالفاشر، كان لاعب المريخ الشهير عبد الرحمن زيدان، والذي استقر من بعد بأم درمان، أحسن من يخيط كرة الشراب للدافوري.
كان يأتي بحبة الدوم ويلف حولها قطع القماش بقوة ويحشرها في شراب الصوف بتاع الجيش الكاكي اللون،
ثم يمسك بطرف الشراب ويضرب به الأرض بقوة ومرات عديدة، ويكوره حتى يصبح كالحجر، ثم يخيطه فيصير كرة تنطط ككرة التنس، وكاملة الاستدارة مثل بطيخة صغيرة.
ولأننا كنا صغاراً منهم فقد كانوا يوكلون إلينا حراسة المرمى، والويل لو تصديت إلى إحدى شوتاته بالرجل الشمال،
بس قذيفة مدفع!
كنت يومياً يجلدني عمي لأنه يمنعني من لعب الدافوري، وأنا اعشق الدافوري موت!
فإذا كانت المبارة حامية، توكلت على الله وتهيأت للجلد، فمتعة اللعب تستحق تلك التضحية!
وحين تكون المباراة أقل حماسة، كنت أتسلل قبل موعد عمي مع أذان المغرب، تفادياً للجلد!
ومع كثرة لعبي و حبي للعب الدافوري، وأني أيضاً "أشول"، فقد كنت "كيشة"
ولم أحرز مجداً يتجاوز المشاركة في منتخب الفصل(وليس المدرسة) كجناح أيسر أو( إنسايد لفت)! في أحسن الحالات!!

شكراً لهذا التداعي الجميل يا عمك تنقو،
ويا زمن هل من عودة هل!

Garcia · 19-12-2005, 10:31 AM

اقتباس:

تصورو بتكون قاعدة في الحيطة بي فوق وتحكم المباراة

loooooooooooooooool@ أم سهى
والله دى مدمنة دافورى عديل كدة يا ام سهى .... اتخيلت شكلها بتحكم فوق الحيطة

3mk-Tango · 19-12-2005, 10:36 PM

كلكم طلعتو مكسرين ؟

غارسيا تحياتي ... شارع التعريفة متذكر الاسم لكن تصدقني لو قلت ليك بحاول اتذكر الشارع البودي للقلعة وما جا في راسي لي الان .. باقي الاماكن التانية دي كلها لعبت فيها الدافوري .. وخصوصا ميدان الجان . ..

تعرف يا الحبيب معتصم .. عائلة بت بتي وود بتي ما اظن في رجل او يد مكسورة في امدر ما عالجوها .. لهم سحر عجيب وخبرة لا مثيل لها .. و الظاهر ودنوباوي دي محل (التكسير ) زاتو ..

كبيدا والله الفكك حار لكن التكسير اكعب .. تسلم كتير وذكرياتك حبابا ..

مزار يا مشهور والله لما تقلب باكوورد في دافوري بكون حديث الفريق لي فترة طويلة وخصوصا لو كانت نتيجتو قون او ان شاء الله ضربت في القناية بس .. تلقاك اسة متذكر ليك كم باكوورد في ميدان ساردية كمان بدل ميدان الزاوية ..

الكورة ام بوذ متذكرها والله يا طارق بكون الجواني بتاعها احمر زي دي ومعاها كدارة جلد تيس من شارع الجلود في سوق .. بتكون مباراة عديل وما دافوري ساي ... وتخيل مع الشوته القوية تطير كديستين والكفر يطرشق ... بعرف واحد عملها قبل كدا ..

3mk-Tango · 19-12-2005, 10:38 PM

مشكلتي مع الكورة ودا السبب الخلاني ما امشي معاها لي قدام انو دائما في أي فريق حلة بكون اصغر واحد او من الصغار ... زي ما حصل لاحقا عند تكوين فريق الزمالك في الحارة .. ...

كنت تالت اصغر واحد بعد عبدالحميد ومصطفي .. كان التمرين متعه و يوم الجمعة بنعمل منتخبات ..
فريق الطاهر وفريق حسن وفريق يوسف والفريق الفائز بشرب كركدي باارد او ( الكر ) زي ما كنا بندلعو كنا دائما انا وعبدالحميد ومصطفي موزعين بين التلاتة فرق تمامة عدد .. ويصدف انك تكون لابس اليوم كلو و ما تلعب الا واحد يتعوق ولا ابوهو يناديهو لي سبب ... المهم في الامر كنا بنشرب ( الكر )

يوم مصطفي انتفض ورفض حالة ( تمامة العدد ) وقام بثورة كبيرة جدا ... وللدافوري ايضا انتفاضته وثوراته .. وحروبة احيانا .. مصطفي قلع العراضات او القنايات ان صح التعبير وقال الليلة مافي زول بلعب هنا كان ما لعبوهو .... وبعد مفاوضات وتحانيس كبيرة لم تقل عن نيفاشا وابوجا .. وافق مصطفي علي اعادة القنايات بشرط عدم دفع ( تمانية قروش ) التمرين كاملة والاكتفاء بدفع اربعة قروش فقط ...
تعلمنا انا وعبدالحميد ان ما اتخذ بالاستهبال لا يسترد الا بسحب العراضات .. وللدافوري ايضا حكمه ..

Garcia · 19-12-2005, 11:00 PM

موقف لن ينسى يا تنقو : اذكر حين كنا فى المرحلة الابتدائية قمنا بتكوين فريق بالحى ..
وواجهتنا مشكلة الفنايل فقمنا بحملة تبرعات .. لكنها لم تكن كافية لشراء الفنايل ...
فاقترح احدنا ان نكتب خطاب بلغة جميلة وان نعطيه للفنان ابوعركى البخيت ...
- كان فى ذلك الوقت يسكن فى حينا وتحديدا فى الشارع المتفرع من شارع الوادى ..
ويدخلك لمسجد الشيخ قريب الله - المهم اوكلوا لى المهمة ومعى واحد اخر لشقاوتنا ..
فى ذلك الوقت ومواجهتنا لها بجراة ... دقينا الباب واعطينا الخطاب للاستاذ ابوعركى ..
وبعد ان قراه قال لينا انتو محتاجين شنو تحديدا للفريق دة .. نطيت انا طوالى وقلت ليهو :
محتاجين فنايل ... وبعدها بيومين احضر لنا فنايل ففرحتنا بها لا تعادلها فرحة فى ذلك الوقت ..
فتحية من هنا للاستاذ الفنان والانسان ابوعركى البخيت وكل اسرته الكريمة .....

تخريمة : قلت يا تنقو الشارع غلبك تعرفو .. نبصصك حبة OK ...
هو الشارع الفيهو بيت ناس محمد عبدالله ( مازدا ) لكن من بابهم الخلفى .. وفيهو ايضا
سكن الشاعر الراحل عثمان خالد ... ويعرف ذلك بحى الشيخ الجعلى والمربوع البعده
مباشرة حى القلعة ... اكيد بعد دة وصلت تب يا تنقو صااااح ؟؟؟

طارق الحسن محمد · 19-12-2005, 11:07 PM

[الكورة ام بوذ متذكرها والله يا طارق بكون الجواني بتاعها احمر زي دي ومعاها كدارة جلد تيس من شارع الجلود في سوق .. بتكون مباراة عديل وما دافوري ساي ... وتخيل مع الشوته القوية تطير كديستين والكفر يطرشق ... بعرف واحد عملها قبل كدا .. [/color][/QUOTE] نتقو العزيز اللذيذ ................................ يا جلكيم ................ شايف اخوك كيف بيصطاد ؟ ؟؟؟ اتاريك زولأ قديم خلاأأأٍٍ س ، يا اب بوذ انت ؟ ؟ ؟ ؟

الطيب بشير · 19-12-2005, 11:51 PM

اقتباس:

ومع كثرة لعبي و حبي للعب الدافوري، وأني أيضاً "أشول"، فقد كنت "كيشة"

يعني يا أستاذ عالم ما برااانا الكيشـة

تحياتي ياتنقو أب يدآ مكسـورة

أما أنا فقد كسرتها ثلاث مرات ، الأولى و أنا عمري ستة سنة جيت من مدني للعيد في طابت ، رأى إبن عمي عادل أحمد الطيب الفنان ود الفنان أن سلوكي فيه حنكشة و أراد أن ـ يفهمني حاجة ـ فأمسك بجحش نافر لم يتم تطويعه للركوب ، و عاونه الصديق ود السرة و عاطف يعقوب و قالوا لي هـيت لـك.
يا دووووب ركـبت ، ماخاتي خيانة ..و فـكـوهوا..

شفت بتاعين الثيران الكاوبويات ديلاك؟

وتسـمـع طراااق ..
و كان كسرآ مركبآ..
تقول لي دافوري يا خالد تنقو يا حنكوش

عز المزار · 20-12-2005, 04:10 PM

الجميل تنقو

روائع التحايا
اها كده ارضيت غرورى شويه بى مشهور دى تسلم لووووووووووووووول
وانا يا زول كنت باك صعب خلاااااااااااااااااص
اها بالمناسبه
كان اقنعتنا انك صغير كده ناس الطاهر ديل كنت بتلعب معاهم كيف؟؟؟؟؟؟؟؟؟؟؟؟
والله الطاهر ده عندو شوته توقف القلب!!!!!!!!!!!!!!!!!
بس لكن تالت اصغر واحد دى بديعه ههههههههههههههه
والله حبيت اشغالك ومكانك فى القلب
وخلى بالك منى فيك
ولك كل الياسمين

18-12-2005, 05:42 PM	#[1]
3mk-Tango :: كــاتب نشــط::	صيد الكاميرا .. (3) ... الدافوري ... [media]http://dc.indymedia.org/usermedia/video/11/daforee1.wmv[/media] اول كسرة لي يدي اليمين كانت وانا عمري 8 سنين نتيجة شوتة (طرشة ) من الباقر ود حلتنا .. هم كانوا كبار بلعبو الدافوري في شارع من شوارع ودنوباي ..ونحن كنا صغار بي برا معاي اولاد من عمري .. وفووووو الكورة في يدي اليمين .. طرت ابعد من الكوره ..وبطني وجعتني وجع شديد .. ما قدرت ابكي عشان ما يقولو بكي .. وما قدرت اسكت .. والم عجيب في يدي اليمين .. جاء الباقر ويوسف وضغطو لي يدي قالو لي بتوجعك قلت ليهم .. لا ... وانا ميت من الوجع .... ما فضحني الا الورم الظهر في يدي بعد يومين من التغطية ... ولم تستطيع الوالدة او الاخوان اخد اعتراف عن الفاعل .. وسجلت الحادثة ( وقعت في المدرسة من الشباك ) . اجمل ما في الامر كان المعاملة الخاصة في المدرسة بعد الجبس وعدم الوقوف في صف الفطور او صف الموية واعفاء من نظافة الفصل .. ونظرة اولاد الحلة المليانة احترام لعدم كشف الفاعل ... واسواء ما في الامر بعد الوجع كان اخفاء الامر عن الاسرة و .. كمية الترمس الاكلتها . دا اول اعتراف مكتوب عن الفاعل ... والدافوري ليهو حكاويهو ..
3mk-Tango :: كــاتب نشــط::	التوقيع: كلما اتسعت الرؤيا ضاقت العبارة .. ..الامام النفري ....

18-12-2005, 06:22 PM	#[2]
Garcia :: كــاتب نشــط::	الصديق تنقو .. ما اجمل تلك الايام انظر للدافورى ويعود بى شريط الذكريات لتلك الايام الخوالى ... واذكر وانا فى التاسعة انكسرت رجلى اليسرى فى دافورى مولع نار فى احدى شوارع ... ودنوباوى الضيقة .. وكان يسمى قديما زقاق التعريفة وهو الشارع الذى يدخلك لحى القلعة ... بعدها الواحد يذكر انه لعب بميادين عديدة اولها ميدان القلعة ... ساحة ودارو ... ميدان السور .. ميدان الجان ( سمى على الجان بتاع الفول ) وميدان رابطة ودنوباوى .... والقائمة تطول ... وما اروع نبشك لتلك الايام يا تنقو ....
Garcia :: كــاتب نشــط::	التوقيع: لو انى اكتشفت سر الحياة ... لعلمت حكمة الموت ( رباعيات عمر الخيام )

18-12-2005, 07:00 PM	#[3]
معتصم الطاهر :: كــاتب نشــط::	غريبة أول فك لرجلى كان فى ود نوباوى وتم ارجاع الفكك عند ود بتاى .. وكانت لحظات ما بنساها ..
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

18-12-2005, 08:11 PM	#[4]
kbeida :: كــاتب نشــط::	الظاهر يأخوانا أنو كلنا مكسرين,أنا أول كسر لي كان في دافوري في ودالبنا , وأما الفكك كان كتير والبركة في ودبتي عليه رحمة الله وبت بتي يطراها الله بالخيرياسلام عليك ياقارسيا لذكرك تلك الميادين وأضف اليهم ميدان الكداويه والمدرسة الاهلية وميدان الرابطة ويا سلام عليك يا تنقو دائما متميز في اختيارك للمواضيع و والله يا معتصم الفكك حااار. كبيده
kbeida :: كــاتب نشــط::

18-12-2005, 10:37 PM	#[5]
عز المزار :: كــاتب نشــط::	[glow1=#0033CC]الجميل تنقو والعقد الفريد روائع التحايا وااااااااااااااااااااااااااااااااااااااااااااااااا اااااو ما هذا الجمال؟؟؟؟؟؟؟؟؟؟؟؟؟؟ والله اسه انا حاسى انى لافى بكوره شراب فى شوارع امدر!!!!!!!!!!! عطرتوا امسياتنا بذكريات حنيه جدا جدا وانا اول فكك لى يا تنقو فى ميدان الاتحاد ميدان الزاويه فى الثوره ال 13 عرفتو؟؟؟؟؟؟؟؟؟؟؟؟ وانشاء الله اسى اتكسروا رجولى الاتينين ومعاهم ايدينى بس اسى اسى دى لووووووووووووووول الجميل غارسياء سلامات يا زول يا رائع انا ما ناسى موضوعنا بتاع العيد ال 40 بس داير اجيك وانا اكثر مقدره على التركيز عشان الذكريات ديك جميله وحنينه دايرين ننبشا بذهن صافى مع بعض واشهد انى احبكم وامدرمان[/glow1]
عز المزار :: كــاتب نشــط::	التوقيع: [foq]ولولا الذكرى ما في أسف ولا كان التجني وقف وصوت ذكراك رزاز صفق على خطوات بنات سجعن وشوق رؤياك حنين لي رحلة في المجهول لولا الذكرى ما في وصول ولولا الذكرى ما في شجن [/foq]

18-12-2005, 10:38 PM	#[6]
طارق الحسن محمد Banned	تنقو العزيز اللذيذ......... قصص الدافورى دى لا بتنتهى ولا يمكن تنتهى لانه اعتقد كتيرين جدأ عندهم ذكريات مع الدافورى لاكن الدائر اقولو انه الزمن اتغير وبرغم تغير الزمن يبقى الدافورى سيد الشوارع والازقة ، بتذكر الدافورى كان بكورة الشراب ولمن الزمن مشى شوية بقى بالكورة البنية ديك واظنها كانت بشلن ولا ريال وكنا نتشارك تمنها ، بش مشكلتها كانت بتطرشق بسرعة لو لقت ليها حاجة حادة شوية ولا زولأ رجله طرشا ، وبعد داك جاء الكفر اب بوذ تنفخ فيهو لمن جضومك تتشرط وبعد كدة تقعد تزرر فيها زى الجزمة وتسوى ليهو كركاسة ، واللعب باى شى رداء المدرسة . عراقى . نكس . جلابية بس الحاجة اللبسها ..والقون طبعأ حجار والخرخرة اللذيذة فى الاقوان ...... يالهو من زمن جميل وبراة بلاحدود ..، وشكرأ ليك على نبش الذاكرة ، بس لسة شايفك مطنشنى ؟ ! !! !!
طارق الحسن محمد Banned

19-12-2005, 07:56 AM	#[7]
أم سهى :: كــاتب نشــط::	:حاحكي ليكم قصة لذيذة حصلت في داك الزمن كانت لي صديقة تحب لعب الدافوري خالص وكانت تلعب مع اولاد الحلة وكانت للعابة جدا ودائما عنيفة ضرب وشلاليت - المهم لمن كبرت شوية ابوها وامها منعوها ما تلعب الكورة قالو ليها انتي بقيتي كبيرة وما تطلعي تلعبي في الشارع - تعرفو كانت بتعمل شنو ؟؟ كانت بتلعب معاهم .كيف؟ كانو هم بلعبو في الزقاق وهي بتكون حكم ليهم من الحيطة تصورو بتكون قاعدة في الحيطة بي فوق وتحكم المباراة
أم سهى :: كــاتب نشــط::

19-12-2005, 08:53 AM	#[8]
عالم عباس :: كــاتب نشــط::	عمنا تنقو أيها الفنان الرهيف في حلتنا "حي الوكالة" بالفاشر، كان لاعب المريخ الشهير عبد الرحمن زيدان، والذي استقر من بعد بأم درمان، أحسن من يخيط كرة الشراب للدافوري. كان يأتي بحبة الدوم ويلف حولها قطع القماش بقوة ويحشرها في شراب الصوف بتاع الجيش الكاكي اللون، ثم يمسك بطرف الشراب ويضرب به الأرض بقوة ومرات عديدة، ويكوره حتى يصبح كالحجر، ثم يخيطه فيصير كرة تنطط ككرة التنس، وكاملة الاستدارة مثل بطيخة صغيرة. ولأننا كنا صغاراً منهم فقد كانوا يوكلون إلينا حراسة المرمى، والويل لو تصديت إلى إحدى شوتاته بالرجل الشمال، بس قذيفة مدفع! كنت يومياً يجلدني عمي لأنه يمنعني من لعب الدافوري، وأنا اعشق الدافوري موت! فإذا كانت المبارة حامية، توكلت على الله وتهيأت للجلد، فمتعة اللعب تستحق تلك التضحية! وحين تكون المباراة أقل حماسة، كنت أتسلل قبل موعد عمي مع أذان المغرب، تفادياً للجلد! ومع كثرة لعبي و حبي للعب الدافوري، وأني أيضاً "أشول"، فقد كنت "كيشة" ولم أحرز مجداً يتجاوز المشاركة في منتخب الفصل(وليس المدرسة) كجناح أيسر أو( إنسايد لفت)! في أحسن الحالات!! شكراً لهذا التداعي الجميل يا عمك تنقو، ويا زمن هل من عودة هل!
عالم عباس :: كــاتب نشــط::

19-12-2005, 10:36 PM	#[10]
3mk-Tango :: كــاتب نشــط::	كلكم طلعتو مكسرين ؟ غارسيا تحياتي ... شارع التعريفة متذكر الاسم لكن تصدقني لو قلت ليك بحاول اتذكر الشارع البودي للقلعة وما جا في راسي لي الان .. باقي الاماكن التانية دي كلها لعبت فيها الدافوري .. وخصوصا ميدان الجان . .. تعرف يا الحبيب معتصم .. عائلة بت بتي وود بتي ما اظن في رجل او يد مكسورة في امدر ما عالجوها .. لهم سحر عجيب وخبرة لا مثيل لها .. و الظاهر ودنوباوي دي محل (التكسير ) زاتو .. كبيدا والله الفكك حار لكن التكسير اكعب .. تسلم كتير وذكرياتك حبابا .. مزار يا مشهور والله لما تقلب باكوورد في دافوري بكون حديث الفريق لي فترة طويلة وخصوصا لو كانت نتيجتو قون او ان شاء الله ضربت في القناية بس .. تلقاك اسة متذكر ليك كم باكوورد في ميدان ساردية كمان بدل ميدان الزاوية .. الكورة ام بوذ متذكرها والله يا طارق بكون الجواني بتاعها احمر زي دي ومعاها كدارة جلد تيس من شارع الجلود في سوق .. بتكون مباراة عديل وما دافوري ساي ... وتخيل مع الشوته القوية تطير كديستين والكفر يطرشق ... بعرف واحد عملها قبل كدا ..
3mk-Tango :: كــاتب نشــط::	التوقيع: كلما اتسعت الرؤيا ضاقت العبارة .. ..الامام النفري ....

19-12-2005, 10:38 PM	#[11]
3mk-Tango :: كــاتب نشــط::	مشكلتي مع الكورة ودا السبب الخلاني ما امشي معاها لي قدام انو دائما في أي فريق حلة بكون اصغر واحد او من الصغار ... زي ما حصل لاحقا عند تكوين فريق الزمالك في الحارة .. ... كنت تالت اصغر واحد بعد عبدالحميد ومصطفي .. كان التمرين متعه و يوم الجمعة بنعمل منتخبات .. فريق الطاهر وفريق حسن وفريق يوسف والفريق الفائز بشرب كركدي باارد او ( الكر ) زي ما كنا بندلعو كنا دائما انا وعبدالحميد ومصطفي موزعين بين التلاتة فرق تمامة عدد .. ويصدف انك تكون لابس اليوم كلو و ما تلعب الا واحد يتعوق ولا ابوهو يناديهو لي سبب ... المهم في الامر كنا بنشرب ( الكر ) يوم مصطفي انتفض ورفض حالة ( تمامة العدد ) وقام بثورة كبيرة جدا ... وللدافوري ايضا انتفاضته وثوراته .. وحروبة احيانا .. مصطفي قلع العراضات او القنايات ان صح التعبير وقال الليلة مافي زول بلعب هنا كان ما لعبوهو .... وبعد مفاوضات وتحانيس كبيرة لم تقل عن نيفاشا وابوجا .. وافق مصطفي علي اعادة القنايات بشرط عدم دفع ( تمانية قروش ) التمرين كاملة والاكتفاء بدفع اربعة قروش فقط ... تعلمنا انا وعبدالحميد ان ما اتخذ بالاستهبال لا يسترد الا بسحب العراضات .. وللدافوري ايضا حكمه ..
3mk-Tango :: كــاتب نشــط::	التوقيع: كلما اتسعت الرؤيا ضاقت العبارة .. ..الامام النفري ....

19-12-2005, 11:00 PM	#[12]
Garcia :: كــاتب نشــط::	موقف لن ينسى يا تنقو : اذكر حين كنا فى المرحلة الابتدائية قمنا بتكوين فريق بالحى .. وواجهتنا مشكلة الفنايل فقمنا بحملة تبرعات .. لكنها لم تكن كافية لشراء الفنايل ... فاقترح احدنا ان نكتب خطاب بلغة جميلة وان نعطيه للفنان ابوعركى البخيت ... - كان فى ذلك الوقت يسكن فى حينا وتحديدا فى الشارع المتفرع من شارع الوادى .. ويدخلك لمسجد الشيخ قريب الله - المهم اوكلوا لى المهمة ومعى واحد اخر لشقاوتنا .. فى ذلك الوقت ومواجهتنا لها بجراة ... دقينا الباب واعطينا الخطاب للاستاذ ابوعركى .. وبعد ان قراه قال لينا انتو محتاجين شنو تحديدا للفريق دة .. نطيت انا طوالى وقلت ليهو : محتاجين فنايل ... وبعدها بيومين احضر لنا فنايل ففرحتنا بها لا تعادلها فرحة فى ذلك الوقت .. فتحية من هنا للاستاذ الفنان والانسان ابوعركى البخيت وكل اسرته الكريمة ..... تخريمة : قلت يا تنقو الشارع غلبك تعرفو .. نبصصك حبة OK ... هو الشارع الفيهو بيت ناس محمد عبدالله ( مازدا ) لكن من بابهم الخلفى .. وفيهو ايضا سكن الشاعر الراحل عثمان خالد ... ويعرف ذلك بحى الشيخ الجعلى والمربوع البعده مباشرة حى القلعة ... اكيد بعد دة وصلت تب يا تنقو صااااح ؟؟؟
Garcia :: كــاتب نشــط::	التوقيع: لو انى اكتشفت سر الحياة ... لعلمت حكمة الموت ( رباعيات عمر الخيام )

19-12-2005, 11:07 PM	#[13]
طارق الحسن محمد Banned	[الكورة ام بوذ متذكرها والله يا طارق بكون الجواني بتاعها احمر زي دي ومعاها كدارة جلد تيس من شارع الجلود في سوق .. بتكون مباراة عديل وما دافوري ساي ... وتخيل مع الشوته القوية تطير كديستين والكفر يطرشق ... بعرف واحد عملها قبل كدا .. [/color][/QUOTE] نتقو العزيز اللذيذ ................................ يا جلكيم ................ شايف اخوك كيف بيصطاد ؟ ؟؟؟ اتاريك زولأ قديم خلاأأأٍٍ س ، يا اب بوذ انت ؟ ؟ ؟ ؟
طارق الحسن محمد Banned

20-12-2005, 04:10 PM	#[15]
عز المزار :: كــاتب نشــط::	الجميل تنقو روائع التحايا اها كده ارضيت غرورى شويه بى مشهور دى تسلم لووووووووووووووول وانا يا زول كنت باك صعب خلاااااااااااااااااص اها بالمناسبه كان اقنعتنا انك صغير كده ناس الطاهر ديل كنت بتلعب معاهم كيف؟؟؟؟؟؟؟؟؟؟؟؟ والله الطاهر ده عندو شوته توقف القلب!!!!!!!!!!!!!!!!! بس لكن تالت اصغر واحد دى بديعه ههههههههههههههه والله حبيت اشغالك ومكانك فى القلب وخلى بالك منى فيك ولك كل الياسمين
عز المزار :: كــاتب نشــط::	التوقيع: [foq]ولولا الذكرى ما في أسف ولا كان التجني وقف وصوت ذكراك رزاز صفق على خطوات بنات سجعن وشوق رؤياك حنين لي رحلة في المجهول لولا الذكرى ما في وصول ولولا الذكرى ما في شجن [/foq]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري