لحن الخميس ... رقصة زاندية كاكاوية ..

[3mk-Tango]

[align=center][/align]

[rams]http://sudaniyat.net/upload/uploading/zandia13.ra[/rams]


رقصة زاندية .. عركي ... الشاعر .. ؟؟

كود الحفظ :

http://sudaniyat.net/upload/uploading/zandia13.ra

.
.

[haneena]

يا سلااام يا تنقو
مبالغة لكن هذه الأغنية
لي زمن طويل جدآ جدآ لم أسمعها و هي من الاغنيات التي نادرآ جدآ ما تسمعها لعركي

تمعن معي في هذا الوصف...
[grade="00008B FF6347 008000 4B0082"]و الخصلة التايهة علي الخدين
عربيدة...عنيدة..و صوفية[/grade]

يا الله...ما أبلغه من وصف

تسلم يا تنقو يا صائد الدرر من الأعماق

و ربنا يجعل كل خميساتك بالطعم الذي تحب

[الطيب بشير]

بالحيل يا الحنينة
الكلام متين و حنين .. عركي أبدع .. لكن تنقو هو البالغ هنا موش ؟ ..
ياخ دة غنا جمييييل ياخ

[Aboremaz]

بس لو كان فيه طريقة اقوم من الخرابة الانا فيها دي وقوم اخش في المنظر داك !!!!

[أم سهى]

تنقو...
خفف من ابداعاتك دي شوية يقومو ناس حنينة والطيب بشير ديل يسحروك علينا

الطيب بشير ...البركة في الشوفة يا ود أمي

والجابك يجيب شتات بي جاي


تنقو العزيييييييز
ما اروعك..... وكفى
ولا اقول ليك؟ انا حاجزة من اسة الاسبوع الجاي لو ربنا احيانا اغنية (مافي داعي) لوردي
عليييييييييك الله يا وردي.. اقصد يا تنقو

ابو رماز

الخرابة دي تفوتها وتمشي وين يا خوي ؟؟؟ ياكا القاعد فيها
تحياتي لناس الخبر ومن معك

[كيقر]

يامن ...
تحترق لتضىء ظلمة الغربه وعتمات الحياة
يامن ...
تسهر لتضىء بسمة القلوب والوجدان

آه ه ه ه. . . آه لو يعلمون . . .لسمعوها كلمة وحرفا

ولطربوها كمانا و عودا . . .ولستمتعت بها خلاياهم

أستاذى . . جا . . عفوا ً تنقو . . .

التفردّ والنكران يزينان الابداع . . . . . . . اسعدك اللّه
. . . . . . . لك امتنانى

[3mk-Tango]

والله ياحنينة مرات بخاف انزل القديم يقولو تنقو دا من جيل عوض بابكر ..

لكن زي الاغنية دي سجن سجن غرامة غرامة ما بخليها ... بتذكرني بي الاذاعة يوم الجمعة ودائما بجيبوها
عشان يقفلوا بيها الوقت قبل النشرة وبغيظوك ما بتموها .. طبعا قربت اعمل الحركة دي اسة

الشاعر ما كنت عارفو لكن احد الاخون ما قصر ونورني .. طلع اسمو : الدكتور المرحوم / محمد الحسن ..
رحمه الله ..

الكلمات حلوه جدا وانتي اخترتي واسطة العقد .. بس المحيراني الوصفة دي :

وتشيلنا الخصلة الرقاصة
لي ديار الفرس الفارسية ...

ما قدرت اركب ليها قيمة جماليه ...

لك الود

[عز المزار]

الجميل تنقو
روائع التحايا
وخميسك كما تتمنى ايها البرتقال
جميله جدا هذه الاشرقات التى تاخذنا الى من نحب
ونشهد انا نحبك ساى كده ونعشق عركى وامدر
ودمت

[3mk-Tango]

لو عارف كدا يا الطيب كنت شركت ليك بيها زمااااان

ما دايرين تخلو حركات الحمام والسكر دي

تصدق بالله لمن اشوف اسمك في اي رد او موضوع في الصفحة الاولي برتاح نفسيا ..

ياخ ما تطول كدا عشان ابالغ ليك طوالي ..

تسلم وتحياتي للعائلة ..

[3mk-Tango]

ام سهي ( مافي داعي ) ياخ ..

والله يا ام سهي ولا لحن خميس ولا حاجة تابعي البوست دا وكان ما قلب صفحة تانية راجعي بوستاتك حتلقيها
موجودة .. اها زي اغنية مافي داعي دي زاتا البتخلي الناس يقولوا جيل الاربعينات ..

مجمعين نحن مش ؟

[3mk-Tango]

دكتور كيقر .. مبروك الكمبيوتر

والف مرحب بيك في طيات اللحن والخميسيات ..
عجبتني ( استاذي ) دي يا دكتور .. منها تواضع العلماء ومنها بتصغر في روحك وكلاهما حركة مقبولة منك

كن بخير وسعيد بي تواجدك علي ساحة سودانيات مرة اخري ..

خميسك بطعم الكاكاو ..

[عز المزار]

الجميل تنقو
روائع التحايا ولغارسيا كل الود
اسمعنى يا رائع كدى اشرك غارسيا فى موضوعنا البهناك داك
لكم مودتى اجمعين