يحدث الان في سودانستان ...... قصص و حكاوي !!

[أمين محمد سليمان]

المشاركة الأصلية كتبت بواسطة وجدي الأسعد الأسعد

لوووووووول
سودانستان دي وقعت لي في جرح
كدي خليني النشوف خيالي نسيتو وين واجي اديك بعض القصص الخيالية المقتبسة من الواقع gap

يا وجدنا ... البوست ده برعاية "الشديدة" النكرتها في بوست الارض !!

[أمين محمد سليمان]

المشاركة الأصلية كتبت بواسطة محمد مصطفي

هذا وسنحتفظ برد آخر في الزمان والمكان المناسب
.
.
تحياتي

يا محمد المصطفي ياخي .... يا زول حيلة العاجز دي خليك منها، إستبد في التو و اللحظة .... انما العاجز من لا يستبد !!

[أمين محمد سليمان]

المشاركة الأصلية كتبت بواسطة خال فاطنة

....

قطع شك الناس ديل عايزنك توفر مأوى لبعض الشخصيات المهمة، لكن اليخمو و يصرو مع كمية الادرينالين الراحشا قلبك دي.....

يا بروف إزيك

يا خالها ... تصدق و تامن بالله ... قريت مداخلتك و إقتباسك تلاتة مرات ح انتبهت للمسالة ... شكلي خايف بالجد و لو إسمي حمد عبدالله حمد، كان صدقت انها حقيقية !!

[أمين محمد سليمان]

المشاركة الأصلية كتبت بواسطة مها عبدالمنعم

ااااسف اول لاقتحام النص بس فكرتك جميله ياخ

يا ستهم ... إقتحمي ساااي ... الحبة ما بتجيك !!

[أمين محمد سليمان]

عكس ما توقعت، الخوف كان يتبدد كلما اقتربنا من القصر، ربما لاني - حتي تلك اللحظة - لم أسمع باستخدامه "كبيت أشباح" !

أدخلوني مكتب بدا و كأنة غرفة إستقبال، فتشوني بدقة و أمروني بالانتظار ..
مرت دقائق كانها ساعات، سمعت طرقا خفيفا علي الباب بعدها دخل رجل فارع الطول، بدا علي العكس مما تخيلته عن رجال الأمن إذ لم تبد عليه أي من أعراض الكوزستانية المعروفة، مد يده مصافحا :
- سلام عليكم يا أستاذ حمد، معاك المقدم عثمان الزين من المراسم ...
- ..........
- طبعا إنت ما بتكون عارف نحن طالبنك ليه ؟
و بدون أن أنطق بكلمة هززت راسي نافيا
- السيد الرئيس طلب يقابلك !!
و ببلاهة غير مصطنعة سألته :
- السيد الرئيس منو الطلب يقابلني ؟
- سودانستان دي فيها كم رئيس ؟
- فيها رئيس واحد، لكن قصة إنو عايز يقابلني دي ما واقعة لي !!
- نحن ذاتنا ما واقعة لينا، لكن الرئيس هو الأدانا اسمك و مكان سكنك و عملك و تلفونك، إنت قريبو ؟
و بنفس البلاهة غير المصطنعة هززت راسي نافيا : ابدا !!
رن جرس هاتف المقدم ، نظر إلي الرقم ثم أجاب مسرعا :
- سلام عليكم يا سعادتك ..
كان ينصت باهتمام و يهز راسة موافقا بين الحين و الاخر ... ثم ختمها بتمام سعادتك ....
أنهي المقدم المكالمة و إنتصب واقفا :
- ده مدير مكتب السيد الرئيس، الرئيس عايزك تخش ليه هسي !!

[نغم]

المشاركة الأصلية كتبت بواسطة أمين محمد سليمان

عكس ما توقعت، ا
- ده مدير مكتب السيد الرئيس، الرئيس عايزك تخش ليه هسي !!

خش الحبه ما بتجيك

ات ما عارف يا عمنا اسلحة الامن ذاتا اطورت بفعل اليرموك الرمتنا
وعندك خبر اطنو لامن استقبلو نقد الله يرحمو بى كباية اللت شاى
وبعد تما ونستو قالولو اوعك تظاهر شات عجوز
عارفين بجى امين يظاهر
ويمسكوك يفسحوك
ابدا لا
ح يتونسو معاك



اقعد فى الكرسى الوثير
بس ما تطلب عصير

وما تشغل الاسبليت
واحذر فتح اليونيت



قنب هظر سااااااااى


بس
ما تنسانى من الظرف
واوعك يكون الظرف ابيض



كبرت الخيال
بدورو
شوال زى شوال سوق المواسير هههههههههههههه
وحلفتك كان ترسلو بى البوكسى وداد
براى بجى بشيلو
عند الساعة 10 مساء
باقى الساعة 00:00 بخاف منها موت
الشئ فيهو صوت يقول تششش تششش و العجاج لسما

التوقيع
سودانستانيه
السكن كازخستان
الجنب مطار الخرطوم
البعيدة شديد من بكان الرادار


احب الخيال الضيق ذاتو

فتك بعافية امين ولدى
البقضى لى غرضى
فلم ايرانى

جارى النسخ
والترحيل بالكارو

[أمين محمد سليمان]

المشاركة الأصلية كتبت بواسطة نغم

خش الحبه ما بتجيك

ات ما عارف يا عمنا اسلحة الامن ذاتا اطورت بفعل اليرموك الرمتنا
وعندك خبر اطنو لامن استقبلو نقد الله يرحمو بى كباية اللت شاى
وبعد تما ونستو قالولو اوعك تظاهر شات عجوز
عارفين بجى امين يظاهر
ويمسكوك يفسحوك
ابدا لا
ح يتونسو معاك



اقعد فى الكرسى الوثير
بس ما تطلب عصير

وما تشغل الاسبليت
واحذر فتح اليونيت



قنب هظر سااااااااى


بس
ما تنسانى من الظرف
واوعك يكون الظرف ابيض



كبرت الخيال
بدورو
شوال زى شوال سوق المواسير هههههههههههههه
وحلفتك كان ترسلو بى البوكسى وداد
براى بجى بشيلو
عند الساعة 10 مساء
باقى الساعة 00:00 بخاف منها موت
الشئ فيهو صوت يقول تششش تششش و العجاج لسما

التوقيع
سودانستانيه
السكن كازخستان
الجنب مطار الخرطوم
البعيدة شديد من بكان الرادار


احب الخيال الضيق ذاتو

فتك بعافية امين ولدى
البقضى لى غرضى
فلم ايرانى

جارى النسخ
والترحيل بالكارو

يا خالتو نغم ... غايتو شكلك يا كنتي معانا ... يا جيتي قبالنا قبل كده !!

------------
سنة 86 سافرنا مصر مجموعة كبيرة من البرالمة ... واحد من الشباب كان جنو كركبة مع التكاسة المصريين ... كل ما نركب تكسي يدور شتيمة في الحكومة المصرية و البوليس و أمن الدولة عشان يشوف ردة فعل بتاعين التكسي، و الوقت داك أخير يقبضوك ببنقو من بتشتم في الحكومة.
مرة من المراير و صاحبنا مدور في إسطوانتو المعهودة، بتاع التاكسي اتلفت عليه و قال ليه : بص حضرتك ... اللي يئول الحكومة وحشة ... هو اللي وحش !!
الفلم ده سودانيستاني يعني ما عندو علاقة بالخرطوم و إيران و كازاخستان ... يعني بالعربي كده : اللي يئول الحكومة وحشة ... هو اللي وحش !!

[مها عبدالمنعم]

بعد اقتحامي النص دا
وتطمينك بان هذه البلد فيها مظاهرات هااادره والزول فيها مطمنا امنا
كان سرقت فكرتك دي بتقول انا لصه

[نغم]

المشاركة الأصلية كتبت بواسطة أمين محمد سليمان

يا خالتو نغم ... غايتو شكلك يا كنتي معانا ... يا جيتي قبالنا قبل كده !!

------------
سنة 86 سافرنا مصر مجموعة كبيرة من البرالمة ... واحد من الشباب كان جنو كركبة مع التكاسة المصريين ... كل ما نركب تكسي يدور شتيمة في الحكومة المصرية و البوليس و أمن الدولة عشان يشوف ردة فعل بتاعين التكسي، و الوقت داك أخير يقبضوك ببنقو من بتشتم في الحكومة.
مرة من المراير و صاحبنا مدور في إسطوانتو المعهودة، بتاع التاكسي اتلفت عليه و قال ليه : بص حضرتك ... اللي يئول الحكومة وحشة ... هو اللي وحش !!
الفلم ده سودانيستاني يعني ما عندو علاقة بالخرطوم و إيران و كازاخستان ... يعني بالعربي كده : اللي يئول الحكومة وحشة ... هو اللي وحش !!

سبانا الكان معانا
ياناس تانى مالو ما جانا


ا
تعرف يا امين سنة سته وتمانين دى كانت اسمها غمته - تغميالو فى ايدو
كبرت فى التسعينات بقت فى ظرف
فى الفين وعشرة بقت بالشوالات
وده تطور طبيعى

بس بدور تصيبى من تظاهرك ده
و الباقى اليكون ما وحش - نعامه- يرضو راضيانين يالواقع


امين
فك الفلم من العلبه بودى ليك دور العرض يا حبيبو

[همس الشوق]

اها يا امين
الريس عايزك لي شنو

انا غايتو خيالي اصلا ما خصب صخرة بس ههههههههه

لكن إتخيلته انك كنت بتحلم gap

[أمين محمد سليمان]

دخلت مكتب الرئيس، بدا المكان مألوفا، ربما لكثرة ما شاهدته في التلفزيون، لكنه كان أكبر بكثير مما كنت أراه في الشاشة " الغشاشة"
بخطوات شبه مرتبكة اتجهت نحو طاولة المكتب حيث كان يجلس الرئيس يقلب بعض الأوراق، و عندما إنتبه لوجودي رمقني بنظرة من تحت النظارة ثم إنتصب واقفا و مد يده مصافحا بحرارة :
- ازيك يا حمد ...
- الحمد لله يا ريس ...
قام من مكتبه و توجه للصالون، كان أقصر كثيرا مما يبدو علي شاشات التلفزيون، و في مشيته عرج خفيف.
رمي نفسه علي أحد الكراسي و أشار لي بالجلوس في الكرسي المقابل.
- إن شاء الله الجماعة ديل ما يكونو خلعوك ...
- والله الخلعة حاصله يا ريس ...
- تشرب شنو ؟
- شربت في المكتب البره، كتر خيرك ...
و بدون أي مقدمات بدأ حديثه معي عن أسباب استيلائهم علي الحكم و انقلابهم علي الديمقراطية، عن المؤامرات الدولية علي سودانستان و اطماع القوي العظمي، عن بعد بلادنا عن الاسلام قبل استيلائهم علي السلطة، عن مجهوداته في بناء دولة حديثة، عن السلام في بلادنا و إرتفاع مستوي الناس المعيشي، عن قواتنا المسلحة و كيف أصبحت ثاني أكبر قوة في أفريقيا.
إستمر هذا الحال مدة من الزمن. بدا حديثه و كأنه خطاب سياسي معد باتقان، و بدا وكأنه يتحدث عن سودانستان أخرى !!
ثم دلف يتحدث عن المظاهرات و ثورة الناس ضدة، عن عجزه لفهم هذه المظاهرات و اسبابها و إستعداده لفعل أي شئ لارضاء هذه الجموع الغاضبة، فجأة باغتني بسؤال :
- الناس دي مشكلتها شنو ؟! ياخي أنا رفدت الوزراء كلهم و وعدت باصلاحات حقيقية، عايزين شنو تاني ؟
كان الخوف و الارتباك قد زالا تماما و شعرت بإلفة حقيقية نحو الرجل .

[أمين محمد سليمان]

المشاركة الأصلية كتبت بواسطة مها عبدالمنعم

بعد اقتحامي النص دا
وتطمينك بان هذه البلد فيها مظاهرات هااادره والزول فيها مطمنا امنا
كان سرقت فكرتك دي بتقول انا لصه

يا ستهم ... في لص بستأذن ؟!
خلينا نخلص الأول و بعدين أعلفي ساااي الحبة ما بتجيك !!

[أمين محمد سليمان]

المشاركة الأصلية كتبت بواسطة همس الشوق

[B]انا غايتو خيالي اصلا ما خصب صخرة بس ههههههههه

لكن إتخيلته انك كنت بتحلم gap

أنا ذاتي يا ستهم ... عشان كده استعنتا بالشديدة بتاعت وجدي !! gap

[البديري]

متابعة لصيقة وحضور يومى ..يامين
واعزرنى ان لم اكتب شئ!
وكل سنة وانت طيب يعود عليك كماتشتهى ان شاءالله

[خالد غالي]

يقلب بعض الأوراق، و عندما إنتبه لوجودي رمقني بنظرة من تحت النظارة

من فوق النظارة

واوعك تغالطني