نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 11-01-2013, 06:07 AM   #[1]
GamarBoBa
:: كــاتب نشــط::
 
افتراضي أقوي شتل نخلة

http://www.youtube.com/watch?v=QKl4TgM1K28

كالعادة وانا في صمة خشم تصفحي للاسفير برضو زي ما كان للحوت صورة مؤلمة وجدت للمحجوب شعر بفيديو..
يا جماعة الخير مليت الاسافير بفيس بوكها وايملاتها وآلامها..أوعدكم وربي سأتركها عمّا قريب.، سأعمل جاهدا علي ان اتلقي الرسائل في بوستة بريد علي نواحي البلد البسكن فيها وبطوابع وسأعمل علي ذلك..لا ترهقوني بتصاوير لا اريد ان اراها..
وجدت المواطن الصالح محجوب شريف يلقي قصيدة وهو في سرير علاج..ما بجلابية بيضاءـ ولا عمة سودانية وكاجمل شخصية مثلت السودان علي بساطته وجماله في سنينه الممحونة بكل القواسي وعبّر عنه بكل أحزانه وافراحه.ـ كان في بدلة علاج..لم يكن بعمة السوداني الجميل ..يسعد بشعره بتاع الورنيش ووكيل الوزارة والمغترب وتربال الحواشة وست الشاي والمحارب وست البيت،
الله يارب العالمين
ما كنا قايلين في زمانا يجينا اقسي من المضي...أو كما قال حمّيد،
لي تساؤل يا جماعة تسجيل الاوديو مالو..ليه فيديو بس!!!،قصيدة اجمل ما تكون لقدوم حفيده وقد أسماه –حمّيد-.وكعهدي به شاعرا للشعب محبا لقيم الانسان كأروع ما يكون الوفاء لشخص حمّيد...فشكرا ايها المحجوب لهذا الدرس المجاني للشعب في الوفاء ورفعة الانسان وحسن الأخلاق والموقف...ولعل بعضنا يفهم فكم كان حمّيد كبيرا كمثلك في وطن شاسع مليء بالعمالقة ويحكمونه الأقزام..
الله يارب تاني
ذات الدموع والدعوات للحوت..لا تسألوني عن الدموع فالقلب الموجوع في اوطان كالسودان لو اتعتر في حبوبة عندها قحة بدمع،فللدمع مناسبات لا ياتي الا لمن يستحق ولو اعدموا مجرماً قتل الآلاف صدقوني سأبصق علي جثة شنقه واذهب فلقلب تربي علي بساطة المحجوب واستقامة الأزهري وفكر عبدالخالق وثبات الاستاذ وايقاعات حواء الطقطاقة وتضحيات قرنق وآمال الخليل قوة ولين..يبكي ثم يفرح،يكرم ثم يبخل،، ويقسو كصخرة لاتبلها بحيرة تانا إن صابه جفاف
هنالك من وهبونا في الحياة حروفهم وسكناتهم و في مواقفهمم المشرفة بعض الانسانية التي قد تسعفني بالعيش و-قافل عليها ببوهية واحدة-.قالوا لنا ان هذه الحياة نستحق ان نعيشعها كما كما يجب،علمونا ان عجنة السوداني بخير بل و-معمول بحب- كما تقول دعاية سيقا..
هو محجوب شريف ...معمول بحب هذا الوطن،بجنوبه الانفصل بشرقه البعاني،بغربه والجراحات وهتافيته لفقير شهيد العشرينيات في كجبار.
احبك مكانك صمام الفؤاد،جميلة ومستحيلة،ونبض الشعب،ويا والدا احبنا،بنحلم بيه يوماتي وحنبنيهو.. عارف حنانك ليّ راجيك تلوليني.. ولما تهب عواصفنا
فما حيلة قوانينك... سرير وعصير وعبير ينشم

واصحي ياحبوب..عل المدينة تصحي وتولع سيجارة
أوعدني ايها النخلة السامقة محجوب شريف أنك ستكون بكل خير،ستأتي لنادي قرية في مكان مهمش ستطلب كباية الشاي التي تحبها،سنقدمها لك وانت تقول شعرك وتعلمنا وعمتك فوق راسك،وجلبابك ابيض ناصع ليس به حبة درن من وسخ العسكر ولا تفاهة المرتشي وسوء المنقلب..
يا محجوب..
يظل عندي احتفاء الجد بالحفيد اجمل قيمة
ويجعل من ذلك الشعر محفورا ومحل اهداء من كل جد للحفيد..هكذا علمتنا في كل مناسبة .
وساعمل جاهدا ايها العم العزيز أن أبقي لاقرأ في حروفك الاحساس وحسن البصيرة وقوة الموقف ايها الكبير.
فيا أيها المزروع نخلة ..جئت بالحسن المطاق



GamarBoBa غير متصل   رد مع اقتباس
قديم 11-01-2013, 07:36 PM   #[2]
AMAL
:: كــاتب نشــط::
الصورة الرمزية AMAL
 
افتراضي

بالامس القريب كنت اشاهد تلفزيونا الذي انتزعه المؤتمر الوطني عنوة
صدمت ايما صدمة وانا اطالع لقاء مع احد المصورين من الرعيل الاول زي مابقولو الرجل مريض وحالته الصحية متأخرة فما رحموه ولا تركونا ننعم بجمال صورته وسيرته وهو في عنفوان صحته والمذيعة الساذجة تجلس في كرسي قرب سريره في كامل زينتها وتلاحقه بالاسئلة الساذجة وباصرار عجيب تنتزع منه اجوبة لاتفيد المشاهد ولم تجلب غير الالم والبؤس ويقول ليك تكريم تكريم ايه في عرض صورة انسان في اضعف حالاته وعلي حال لا يسر اقرب اقربائه النظر اليه


ربنا يعيد لينا الشريف محمود كابهي مايكون واجمل مماسبق



AMAL غير متصل   رد مع اقتباس
قديم 11-01-2013, 07:51 PM   #[3]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

سلامات يا قمر بوبا .. منور ياخ حتى بالكلام البيوجع ده .. سيظل الجميع فى أبهى الصور حتى الراحلين .. الأصالة لا تصدأ بل تتعتق



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 11-01-2013, 09:42 PM   #[4]
حكيم تولا
:: كــاتب نشــط::
 
افتراضي

بكرة الجاي احلي واجمل يا قمر
اكيد
سلام يا رأفت كل سنة وانت طيب



التوقيع: الموت يعشق فجأة مثلي
والموت مثلي لا يحب الانتظار
حكيم تولا غير متصل   رد مع اقتباس
قديم 11-01-2013, 10:06 PM   #[5]
بومدين
:: كــاتب جديـــد ::
 
افتراضي

يا قمر بوبا ياخ....
يعلم الله مُـــــــوجع..!!





__
مشتاقين يا صاحب.



بومدين غير متصل   رد مع اقتباس
قديم 12-01-2013, 01:32 PM   #[6]
GamarBoBa
:: كــاتب نشــط::
 
افتراضي

أمال..رأفت حكيم ..بومدين..
عساكم بخير ياخ..
يا امال ما قدرت اواصل في موضوع الحوت..غلبني..جاتنا شيخوخة الاسفير والله من بدري
يا رأفت الا الزول يجيك هنا عشان يهنيك بالسنة الجديدة!!!
يا حكمة انا ما راجيك ياخ

بومدين..بس ما تطلع صحبي البعرفه داك!!



GamarBoBa غير متصل   رد مع اقتباس
قديم 13-01-2013, 12:58 PM   #[7]
الطيب شيقوق
:: كــاتب جديـــد ::
 
افتراضي

بوبا


عييييييييييك لاقى العنكوليب بجاى ولا بد ساااااااااى يا رطاني


مشتاقون ياخ

شايف رافت برضو قادل بجاي

اها يا بكري ابو بكر خم وصر



الطيب شيقوق غير متصل   رد مع اقتباس
قديم 13-01-2013, 02:27 PM   #[8]
لنا جعفر
:: كــاتب نشــط::
 
افتراضي

اقتباس:
المشاركة الأصلية كتبت بواسطة الطيب شيقوق مشاهدة المشاركة
بوبا


عييييييييييك لاقى العنكوليب بجاى ولا بد ساااااااااى يا رطاني


مشتاقون ياخ

شايف رافت برضو قادل بجاي

اها يا بكري ابو بكر خم وصر

حبابك ياشيخ
واللهي ياشيقوق بكري لو طبق فكرة ازدواج الجنسية ديك
فياهو الرماد الكال حمّاد
يامولانا ياخ ادينا تلفونك في الخاص
لو لسه في مسقط....
----
موسى قريبي الساخط دووووم
هوّن عليك ياموسى....واقفز مع الناس ماعليهم
ده قدرنا وده وعي حتى من تحسبهم من الأقربين
وحقيقي بابا محجوب ده ماتسجيلو الوحيد لمن كان مازوم صحياً
في غيرو كتار جدا....ومعظم الكانو بيمشو ليهو
زيارات اطمئنان كانو بيسجلو ليهو
وزي ما أشار البروف دي في بلدان بتقدر حقك في خصوصيتك
ممكن تكلف فاعلها كتير جداً
لكنا خُلقنا في حتة ....آخر ما بيفكرو فيهو هو مشاعرك
وحقك وخصوصيتك
المدهش ناس عارفة حقها الأدبي زي بابا محجوب ده
وبتفوتو.....ديل هم البيدهشوني
--
امس شفتا شي مفرح ياخ
الهام شاهين كسبت المهووس داك بتاع قناة الحافظ
وح تخرب بيتو بالتعويض وحقها المعنوي رجع ليها
متين يكون عندنا قضاء يساند حقوق زي دي
ومتين اصلا يكون عندنا وعي عام بحقوقنا عشان نضغط
من اجل الحفاظ عليها ؟؟؟؟
بدل نزهج ياموسى يفترض نضغط للتنوير بمسببات ضيقنا
ونضغط لأجل وعي جمعي بالواقع المؤلم ده
دي رسالتنا يا بن عمي...
هوّن عليك
وماتحرد الاسفير....وماتنعزل يارومانسي انت
----
اسمع بينا وعد مهم جداً فياريت ياخ ننجزو الليلة
في نفس الزمن والمكان ياموسى
انفض شفافيتك دي وتعال لي



التوقيع:
نَحْنُ ننتظرُ الضياء ..لكننا نرى الظلام .
(أشعياء 9:59)
لنا جعفر غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:00 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.