عملت فلم فيديو صغيروني كدا كمتدربه طبعا
المهم اقع واقوم وفريق من سته افراد وسفر وايييييييك قومه وقعده وجيت للمونتاج خلصنا بس الشي ماعجبني والله
قلت لالا دي ماالفكره الانا قاصداها
بس تحير مني الفكر
والناس الشافو الفلم شافو وقالو كويس لالا من باب التشجيع يدعموني اشان مااحبط والفلم طويل 22 دقيقه بس شغلتي اجي اعاين للفلم دا اشان اشوف في شنو
واقول ياخ دا فشل دا والغريب كان افضل ناس هم المدربين والمشرفين بس يلا الشغل ماظبط) هسه لو كان تمانيه دقائق بس مالو والا خمسه
اكتابت اكتئاب شديد
وجات النجده من السماء الحمدلله المشرف الفني للمشروع دا جات من بره هي بريطانيه من اصل سوداني
او سودانيه المهم شافت الشغل وقالت لي ضروري شديييييييييييييييد تجي نتلاقي فشلت كرعي وشنطة سفري وسافرت وانا متاكده انه القصه مااااياها واها انت رائك شنو؟
قلت ليها عاوزه اعيد
قالت لي ليه
اشان كيت كيت كيت ماعاجبني بعدين برسل رساله ماقصدتها في الشغله دي
يازوله كدي نحاول ليك جيهة الانتاج تاني معناه الاتنين متفقين فيهو شي غلط
رغم اهمية الموضوع
وقعدت انتظر وانتظر ماانتظرت كتير قام ضربت اعلمتني بالموافقه ع كم يوم تصوير وكم يوم مونتاج ظبطت
وبديت من الاول اكوس في التفاصيل الناقصه ولميت في تلاته نمازج مطلقات الفلم عن المطلقه!
وبس انتهينا من سيناريو الصوره الحمدلله وظبطتنا الشغله وقلنا مواعيد تصوير اوليه
بس اول مطلقاتي مشيت اخبرها عن التفاصيل الجديده دي لقيتها قعدوها في الدخان حيعرسوها تاني بس دموعي جرت وااااااااي بكيت نموزج كويس كانت
بس اتمنيت ليها السعاده والهناء والسرور
قلت مامشكله اصلا انا حااشيل منها بس دقيقه في الفلم عندي اتنين بجازف الدقيقيه دي
وليلي داك ماتم الا والتانيه هاتفتني انه عقدها بكره المساء علي راجله المطلقه ليه سنه
وهي اسفه شدييييييييييييد اشان حتخذلني قلت ليها من بره قلبي طبعا
يازوله ولا يهمك اصلا قضيتنا مساعدة المطلقه واهي الحمدلله الفلم كراعو خير عليك رجعك لبيتك وولدك
اها جيت تاااني رسمت سيناريو جديد وبطلتي الاساسيه صبحت وحيده في الدنيا وهسه حنبدا نصور وعاوزه ادعي انه بس مايجو يخطبوها والا يعرسوها خلال الكم يوم الفضلت ع التصوير ديل
اها تدعو معاي
ااي في كم من الانانيه هنا كتييييير