جقادو (شمس تأبي أن تغيب) وتحية خاصة..

[imported_خالد الحاج]

حمدي أب جقادو
زول عجيب تقول ليهو شكرآ يقول ليك : يا خال حركات الكيزان دي خليها ...
تطلب منو خدمة يقول ليك حاضر.. زول متعب بحق.. يتعبني من لا يعرف قولة ما بقدر... أو.. أبيت..
قام بمساعدتنا كثيرآ في اليومين السابقين.. شرح خواص المنتدي... وبعض المهام الأخري..
ولو نظرتوا يسار العنوان سودانيات تجدون شعارنا بعد التعديل حسب ملاحظات أستاذنا عالم عباس والأخ ود قاسم... هذا الشغل الجميل لتضمين الشعار في العنوان هو شغل حمدي جقادو..
ولسه يا ما أطلع ليكم منو الكتير من الخير والجمال فهذا الحمدي كنز من المفاجآت...

له شكرنا رغم إنو كالعادة حا يعتبرو كلام كيزان...

ويا حمدي أبقي شمس ولا تغيب شي..

[imported_3mk-Tango]

والله يا خال البوست بتاع الشرح داك نجضو نجاض لمن كيفني

فعلا اب جقادو جانا بي حقو وبدا من محل الناس واقفين ..

اب جقادو
ليك التحيه .. بالعربي ;)

( بارك الله فيك ) بالجبهجي :p

[imported_haneena]

و بما إني ما كوزة
فحأقول
بارك الله فيك و كفي يا حمدي

وواصل من غير شكر

[imported_Osman Hamad]

الزو ل السمح اب جقادو.

الصمت أبلغ تعبيراً فى حقك، أخشى ان اكتب اى حرف فأفسد جميل صنعك.

[عكــود]

خالد،

كلامك في الراجل ده كلّو صاح ويمكن أقلّ من حقيقته..
لكن كده، عقّدتو ورقّدتو رز..
أخاف عليهو إنّو (يقوم يتشنقل)،

لغاية هنا وكفاك (كسّير تلج) يا حمدي،

عكــود

[imported_حمدي اب جقادو]

المشاركة الأصلية كتبت بواسطة خالد الحاج

له شكرنا رغم إنو كالعادة حا يعتبرو كلام كيزان...
ويا حمدي أبقي شمس ولا تغيب شي..

والله من هسه انا اعتبرتو كلام كيزان وكمان زعلت ياخال ......... ياخال افحمتني وجننتني وكبيت الزيت كلو في الواطه معقوله بس
الخال ياحبيب
سلامات واسعد الله صباحاتك بكل ماهو جميل

اولا شكرا كتير علي شيل الحس وكنت بتمني كلام الخاص يكون في الخاص بدل شر الكلول والبلول قدام الله وخلقو :D

خالد الحاج ياعزيزي
انا واقسم بالله ومن غير (حركات كيزان ) كلامك ده قدر ما فرحني زعلني ... فرّحني لانو قريت رد حنينه :D بعد زعله سغنتوته وزعلني لانك اديت الود السجمان جقجقجقجقجق اكبر من حجمو

خالد الحاج .. عموما شكرا علي الاطراء المابستحقو وتاكد تماما انو انا اكثر واحد بيعزك (طبعا اكيد ما اكتر من ام جعفر) :D
عشان كده لو قلت جيبو لي لبن الطير تلقاني شايلو وجاري وشاقي خلا موريتانيا مرورا بي دنقلا (لووول)

ويلا ابقي شمس مابتغيب ياخال
حمدي اب جقادو

[imported_حمدي اب جقادو]

المشاركة الأصلية كتبت بواسطة 3mk-Tango

والله يا خال البوست بتاع الشرح داك نجضو نجاض لمن كيفني

فعلا اب جقادو جانا بي حقو وبدا من محل الناس واقفين ..
اب جقادو
ليك التحيه .. بالعربي ;)
( بارك الله فيك ) بالجبهجي :p

خالد تنقو
سلامات ياغالي وكل سنه وانت طيب وان شا الله السنه الجايه كده اقول ليك وين بس (انا بختار ليك دنقلا):D

شكرا ياعزيز علي الكلمات المابستحقها واذا في اصلا حاجه زي كده فده اكيد واجبي يعني ما بستاهل عليهو الشكر

كده الكلام الرسمي خلص

انت شنو ياتنقو حركات الجيش البتمارسها مع اخوك جقجق دي ؟؟؟ ترسل رساله خاصه نرد عليك بتعمل حميل ؟؟؟ :D

منتظرك

وابقي شمس مابتغيب
حمدي اب جقادو

[imported_حمدي اب جقادو]

المشاركة الأصلية كتبت بواسطة haneena

وواصل من غير شكر

ياسلام ياسلام
ست الدار في حلتنا ايه الهنا ده كلو :D

حنينه ياست الدار والله شكرا نبيلا وربنا يديكي العافيه يايمه قولي امين

انتي عارفه ياحنينه كلامك ده انا بعتبرو اجمل تعليق في البوست (ولامجامله)
وربنا يقدرني اني اكون عند حسن ظنكم دايما

وابقي شمس مابتغيب ياحنينه
وراجعي الخاص

حمدي اب جقادو

[imported_حمدي اب جقادو]

المشاركة الأصلية كتبت بواسطة Osman Hamad

الزو ل السمح اب جقادو.

الصمت أبلغ تعبيراً فى حقك، أخشى ان اكتب اى حرف فأفسد جميل صنعك.

عثمان جلكسات ياحبيب
سلامات يافرده وشوق مقدودومايل بالجنبات عديل كده :D

شنو ياخوي تفسد جميل صنيعك وكلام الدراريب ده ؟؟؟؟ شكيت محنك علي الله ياخالد الحاج :D

عثمان ياحبوب انا منكم وليكم وفيكم يعني كلام الشكر وكسير التلجده بطفشني من هنا (ويشهد الله)*

يعني معاي شوت ضفاري وكلام الشكر والتحنيس ده خلوهو في الخاص :D

ابقي شمس ياغالي حمدي ابجقادو

[imported_حمدي اب جقادو]

عكود ياغالي
كل الود ياحبوب

المشاركة الأصلية كتبت بواسطة عكود

خالد،

كلامك في الراجل ده كلّو صاح ويمكن أقلّ من حقيقته..
عكــود

لا ماصح ياعكود ياغالي الراجل ادوهو اكتر من حقو وكده ما صح ولا رايك شنو؟؟

المشاركة الأصلية كتبت بواسطة عكود

خالد،
لكن كده، عقّدتو ورقّدتو رز..
أخاف عليهو إنّو (يقوم يتشنقل)،
عكــود

والله عقدني وبرشني في الواطه ياعكود والشنقله حصلت فعلا والشكيه لله :D

المشاركة الأصلية كتبت بواسطة عكود

خالد،
لغاية هنا وكفاك (كسّير تلج) يا حمدي،
عكــود

شكرا والله ياعكود علي كسير التلج وصدقني الليله كملتو لي التلج في الكون كلو (ربنا يجزيكم الله خير وماكوز)

ابقي شمس ياعكود
وكل سنه وانت زي الورد
وراجع بريدك الخاص ضروري ورد علّي برضو ضروري

حمدي اب جقادو

[imported_أبوجهينة]

عزيزي خالد
تحايا

ليس غريبا أن يكون هذا الحمدي أبو جقادو على هذه الشاكلة .. فهو من قرية نيران خلاويها وقادة منذ مئات السنين .. قرية تحمل مشاعل القرآن و الخلاوي .. قرية أسسها رجل ورع كان همه أن يخدم الناس و يقري الضيف و يجير الخائف و ينير حلكة ظلام الجهل ..
لا غرو .. أن يكون هذا الشبل من ذاك الأسد الهصور .. شيخنا الوقور المغفور له الشيخ شريف.
جقادو .. يوم شكرك ما يجي

[مي هاشم]

حمدي يا دفعة

والله صدقوا..سودانيات بيك شمس دايما

[أبو الحسين]

المشاركة الأصلية كتبت بواسطة 3mk-Tango

والله يا خال البوست بتاع الشرح داك نجضو نجاض لمن كيفني

اب جقادو
ليك التحيه .. بالعربي ;)

( :p

وبالإنجليزي وبالرطانة كمان...

ما عندي شئ تاني أقولو أكثر مما قالوهو الإخوة قبالي غير أنني أُحبك يا أب جقادو في الله تعالى...

لك ودي كله بلا حدود... وتشكر يا إبن عمي خالد...

أبو الحســــــين...

[imported_mohamed hemaid]

حمدي أخوي..
سلامات أيها الاستاذ المبدع ..
والله المعرفة الكانت عندنا قبل جيتك دي.نصّها من جهدنا الخاص
الخال خالد وحنينة قالو لينا دا منتدى سودانيات وهاكم أكتبوا
ونحن وقعنا خمج وتخريب ..ومرة مرة يجي الخال ويقول ليهو معلومتين
تلاتة ويغيب..وكلمة (أيقونة ) دي ما عرفت معناها الا بعد جيتك..العربي راح مننا
الله يخليك بقيت لينا شرّاح ودكشنري..
كفاك لا حدي هنا..

ود الحاج أخوي..
جهودكم محفوظة..ومقدّرة..
وعندي إقتراح..
مفروض يكون في بند لمعاقبة العضو في حالة شرح
غير كافي أو إعطاء معلومة ناققصة..باقي داير لي فرصة في
حمدي دا وما لاقيها..يمكن يجلّي في كلامو مرّة ويدينا معلومة غلط..
لكن بيني وبينكم (الحبيب حمدي) منجض شغلو ومافي بصيص أمل لي..

دمتم..

حميد..

[imported_عجب الفيا]

هذه واحدة من فيوضات ابوجقادي التي سوف لن تغيب عنها الشمس
لانها تظل محفورة في الذاكرة دوما ،
يا ليتني شاعر كنت سارد التهنئة باحسن منها ولكن ..

** *


صدقنــي الكــلام غــالبنـي ورايــح منــي راس الخيــت
أعبــِّـرْ كيـــف عـــن أفــــراحي مهمـــا قلــت أو سويـت
عصــرت حروفــي مــن قلبي سوِّيــت ليهـا عصر الزيت
وعاجــز برضـي يالغــالي ..كـأني أنــا لامشيت لا جيـت
الفــرح السكــن جــواي .. قَبــُـل ده انـا زيـُّـو مـا حسِّيت
أكبــر مــن تصيــغـــو حــروف والله مـقـاطـــع الــدوبيــت
حتي دموعــي خزلتنـــي .. أبــت مــا تجــري لمًّــا بكيـت
أبت أشعــاري تسعفنــي..غلبنـي أكتبلـي لـــو فــد بيــت
وحرمتني الظـــروف منعتنـــي مــن باكــاتــا مــا مرِّيــت
أعبــِّــر كيــــف عــن أفـراحــي مهمــا قلــت أو سوِّيــت
هــل يكفينـي بـس إحسـاس ولحظــة أعيشـــا بـالتوقيـت
هل يكفيني أرسِّل روحي تمشي وراك محــل مــا مشيت
لا والله مــــاب يـكفينـــي .. ولا غيـــر شـوفتــك إتـكفِّيــت
مــا انت الحبيـــب الغــالي فــوق النـاس سميـت وعليــت
صــاحبي اللســه مــا شفتــو ..ولا فــي وشــــو إتملِّيــت
حبيـــب المنتـــدي وروحـــو .. فـــوق صفحـاتــو إتمديـت
بقيــت زي قمــره في سماهــو علي كـلَّ السطـور ضـويت
ظـريـف وخفيــف وليــك حضــور وكضَّـاب اليقــول ملِّــيت
مــؤدب وإحترامــك تــام علِــي خلــــق الله مــا إتعــاليــت
زول الله ومــلان إيـمــــان .. طريقـــك مـنُّــــو مــا ضليـــت
مثقــف والعـلــم حــاديـك عـلــي وتــر الحــروف غنـِّيــت
حنيـِّـن حتي فـي طبعـــك .. صديـقـك عنــُّو مـــا إتخلِّـيت
مــاني براي انـا المشتــاق .. ومــاني بـراي أنـا اللاهيــت
كــل النـاس دي مشتاقيــن .. وكـلْ واحــد يقـول يـا ريت
يـجــيــك ويشـــارك الأفـــراح ويـديــك قـــــدر مــا أديــت


الف مبروك ياغالي وان شا الله بيت مال وعيال
ويلا ابقي شمس مابتغيب


حمدي ابو جقادي