قبل مده شفت البوست بتاع الاستاذ بابكر عباس ( صحبه ناس سودانيات الشديده مع بعض ضيعت علينا متعه الحوار ) . انا عاده اتجنب الحوار لانو الحوار عادة يساء فهمه او تحمل الامو اكثر من المفروض . وكل زول عندو مقاييسو ومع النقاش تبدا المشاكل .
1 لماذا الكلام عن الرتق والفتق والخياطه والتطريز والتشليل . وين الشرط والفتق . اااي انا زعلان جدا من خالد الحاج . هل انا قاطعت خالد الحاج؟؟ واذا قاطعتو ده شيء خاص بيناتنا . ومتين انا قلته ما ماشي لخالد الحاج ؟ .
انا قلت غيرته رأيي لحدي ما اعرف .اعرف شنو ؟ كونو واحد يشوفني مع خالد الحاج يعتبرني صاحب كرتي هذا كلام واضح جدا انه نوع من المزاح او المخاشنه . ومنو الحيشوفني في ريرموند بلد خالد الحاج والله الا البط في البحيره . واخير بعد ده نرجع لعدم المداخلات .
يوم الجمعه الجايه حاكون مع دكتور محمد جميل . ومحمد جميل اليوم في السودان لانه والده توفي رحمه الله عليه . وفي اتفاق مع محمد جميل انه نمشي لخالد يوم السبت بعد اسبوع . ومحمد جميل سافر وحايجي راجع عشان يحصل الاتفاق ده . وممكن اغير رأيي او ما اغير رأيي . لماذا تحميل الامر اكثر مما يحتمل وعمل درامه من الموضوع .
انا زعلان علي خالد الحاج اكثر من اني زعلان منو . لانو لا كرتي ولا البشير بسوو خالد الحاج . ولمن تشوف زولك البتريدو في موقع بقلل من قيمتو ما بتقبل . السيد كيشو توصل الي معلومات انا لا اعرفها . فلمعلوميتو ولمعلوميه اي انسان آخر انا لا اطمع في حكومه ولا مناصب وكما كتبت وقلت ان جيلنا يجب ان يسلم كل شيء للشباب لان هذا وقتهم .
2 عندما فكر النا س في ترشيحي للجنه المؤتمر رفضت وتركت المؤتمر وذهبت الي لندن . عندما رجعت وجدت انني قد انتخبت في غيابي . وعندما احتجيت قالوا ان كثير من الاطراف اصرت علي وجودك والا لن يكونوا مرتاحين .
3 في اليوم الثالث رفضت دخول القاعه وهذا يوم انتخاب الرئيس ونواب الرئيس والامين العام ووجدت ضغوطا وسمعت انني يجب ان لا اتهرب من مسئوليتي . وبالمناسبه نواب الرئيس هم اثنين دلوقت انا وابراهيم احمد ابراهيم وحيكون في ثالث في الداخل . وعمليا نائب الرئيس اليوم هو ابراهيم .
واخيرا قلت انني رجل لا اصلح للعمل العام وان هنالك الكثيرون من هم اجدر مني . واستحلفني دكتور محمد جميل بكل غالي وعزيز الي ان قال لي وحياة عزه بله عندك تقبل تكون نائب الرئيس . وتوأم الروح بله رحمه الله عليه . هو احد الجنوبيين اللذين قال كرتي قبح الله وجه واوقعه في شر اعماله لن يعطوهم حقنه
4 فليعرف السيد كيشو بانني لست بخائف علي المنصب ولست بخائف علي اي شيء آخر . ولكن اذا احتجت لكورس في الخوف فسأتصل بالسيد كيشو .
5 ليس هنالك اي مجال لمقارنه ابتسامات اوباما والامريكان مع رجال الانقاذ . هذه امور تقتضيها البروتكولات العالميه .ولكن الامريكان لن يبتسموا لبن لادن او الظواهري . وما قام به كرتي في حق السودانيين والجنوبيين خاصه اسوأ من ما قام به بن لادن مع الامريكان .
خالد الحاج الذي اعتبرو زولي وحيكون زولي غلطان وغلطان جدا . لان الجنوبيين يعتبرون اهلي . والعاوز يمسح جوخ للكيزان وما اظن خالد الحاج منهم حنهاجمو . لانو انضمامي للجبهه العريضه كان بسبب شعار رفض التحاور والدخول في مساومات مع الانقاذ .
ونقطعوا هني ود رحط ...
شوقي ...
|