راكوبة المجادعات.. النمة والدوباي

[تماضر حمزة]

المشاركة الأصلية كتبت بواسطة احمد زين

حميدة خصالو..حالي كلامو ..طبعو عفيف
لادن غصنو.. كاحل طرفو.. خُلقو ظريف
زاهر لونو ..كاحلة عيونو .. ديسو وريف
عودو لَتيـبة ..مزروعـة خريـف مو صـيف

كل ما هل صباح إتواتر التكريف
لل في نضمو جهجاهة ونميمو حريف
أنا يا خلّي قريافي وتمامة الكيف
لامن عينو تسلخ روحي زي السيف

[زول الله]

نمو واكتبو وجيبو لينا من بيت الكلاوي والفشافيش
خلونا نستكيف ونستمخ

و نسرق









اقول قولي هذا واستغفرالله لي......................

[سجمان]

المشاركة الأصلية كتبت بواسطة زول الله

نمو واكتبو وجيبو لينا من بيت الكلاوي والفشافيش
خلونا نستكيف ونستمخ
و نسرق

اقول قولي هذا واستغفرالله لي......................

إنت زاتك والله ماك هين نضمك سمح ونمك موزون
خلي الحركات دي وتعال أجدع معانا..

[رأفت ميلاد]

المشاركة الأصلية كتبت بواسطة سجمان

إنت زاتك والله ماك هين نضمك سمح ونمك موزون
خلي الحركات دي وتعال أجدع معانا..

كان زول الله أتحمّ وقام شمّر نزل
حرم بى درابى ده أفلعك دل دا دل
أجيبلك عاليها واطيها كان طين كان ×××
وبوستك يروح شمار فى شوربة بصل

[زول الله]

المشاركة الأصلية كتبت بواسطة رأفت ميلاد

كان زول الله أتحمّ وقام شمّر نزل
حرم بى درابى ده أفلعك دل دا دل
أجيبلك عاليها واطيها كان طين كان ×××
وبوستك يروح شمار فى شوربة بصل

هههههه
طيب يامقدس بجيك صاد
ارجاني في القيف









اقول قولي هذا واستغفرالله لي.......................

[زول الله]

المشاركة الأصلية كتبت بواسطة سجمان

إنت زاتك والله ماك هين نضمك سمح ونمك موزون
خلي الحركات دي وتعال أجدع معانا..

الموسجمان حبابك

انا خليني القط في اللول وبعدين اجيكم
هسه بعاين ساي و الملم في البتيق








اقول قولي هذا واستغفرالله لي.................

[زول الله]

ياناس المسادير والراكوبة
عايزكم في مسألة مستعجلة
وعشان ما افتل ليكم البوست دا تعالو لي بي هناك
بسراع بسراع
http://www.sudanyat.org/vb/showthrea...757#post635757








اقول قولي هذا واستغفرالله لي.......................

[سارة]

بالسين بادى اسمك مرحب سلام وعوافى
والجيم جارحة قلبى ما بينفعنى مشافى
و ميما فى مسامى تنتح تكشف الخافى
بين ألفك ونونك فى حوجة لاسعافى


لسيد الاسمرأفت ما معانا

[سجمان]

المشاركة الأصلية كتبت بواسطة سارة

بالسين بادى اسمك مرحب سلام وعوافى
والجيم جارحة قلبى ما بينفعنى مشافى
و ميما فى مسامى تنتح تكشف الخافى
بين ألفك ونونك فى حوجة لاسعافى


لسيد الاسمرأفت ما معانا

ألفك في القلب نيرانو دايرة مطافي
ميمك ميس هواي أعلنت فيهو طوافي
ياءك ونونا وجّن برقاً سقالو فيافي
تأنيثك يام رُكب ما بعترفبو خلافي

لوووووووووووولز لووووووو

تاني تجو

[احمد زين]

المشاركة الأصلية كتبت بواسطة تماضر حمزة

كل ما هل صباح إتواتر التكريف
لل في نضمو جهجاهة ونميمو حريف
أنا يا خلّي قريافي وتمامة الكيف
لامن عينو تسلخ روحي زي السيف

النديان وملمــس يدو ناعمــة قطيف
حالي حديثو موزون ما بدورتصريف
اب طبعاً رزين ماهو اللفيف وخفيف
شوفتو بتشفي علاتي وتتم الكيــف

[تماضر حمزة]

المشاركة الأصلية كتبت بواسطة احمد زين

النديان وملمــس يدو ناعمــة قطيف
حالي حديثو موزون ما بدورتصريف
اب طبعاً رزين ماهو اللفيف وخفيف
شوفتو بتشفي علاتي وتتم الكيــف

الليديهو متواليات خريف فِ خريف
والدوبيتو ما بيصيبو حت تحريف
مابنساهو يا ود زين بدون تحليف
بخش النار ولو داير عليها بقيف