الـــــسر الغميــــــــس !!! النور يوسف محمد
حكــاوى الغيـــاب الطويـــــل !!! طارق صديق كانديــك
من الســودان وما بين سودانيــات سودانييــن !!! elmhasi
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتـــــــــدى الحـــــوار إحدى روائع الأستاذ هاشم صديق ... اسم العضو حفظ البيانات؟ كلمة المرور التعليمـــات مركز رفع الملفات مشاركات اليوم البحث البحث في المنتدى عرض المواضيع عرض المشاركات بحث بالكلمة الدلالية البحث المتقدم الذهاب إلى الصفحة... أدوات الموضوع انواع عرض الموضوع 28-06-2006, 12:25 PM #[1] عطر :: كــاتب نشــط:: إحدى روائع الأستاذ هاشم صديق ... [align=center] قرنتية الشاعر هاشم صديق قرنتية .. ما غواصة روسية قرنتية لا دبابة برمائية لا جاسوسة مدسوسة .. لا غواصة روسية لا جندية في "حركة" .. لا مختلسة مال شركة لا قصفت حدود "فشَلا" لا كسرت صريف كسلا لا معروفة ختمية . قرنتية لا صعلوقة لبست "شورت" لا بتعرف شنو البظبورت لا محتاجة جنسية . هي قايلة النيل سقِف بيتها وقايلة ضِفافو "محمية" . جات منسابة عز الصيف .. قايلة الناس بِكِرمو الضيف .. وقايلة النيل أمان والقيف وقايلة "الحاضرة" عصرية قرنتية .. جات بصغارها دايرة الخير لا شافت يٍفَط تحذير لا نزحت تكوس توزير لا جاطت حركة السير لا دارت وسام تقدير لا مستلفة عشرين وش ولا بتعرف تعيش بالغش كان محتاجة بس للقش وجات أحلامها دوغرية قرنتية لا بلعت عديل السوق لا نضمت بدون طايوق لا كنزت دهب أو ماس لا ظلمت بدون إحساس لا عصرت شباب الناس لا كتمت على الأنفاس لا قطعت عشم بي فاس لا داستنا زندية قرنتية لا دست سلع في الخيش لا شربت مريسة عيش لا ضبطوها في التفتيش لا خانت قسم أو ديش . لا اجتمعت "بمستر جون" لا أكلت "مؤنة العون" . لا سدّت علينا الكون لا سبت كتاب أو دين لا سامتنا حمرة عين ولا باعتنا ضهرية ]قرنتية جات مشتاقة للخرطوم تزور أحبابها خايفة اللوم . تصيح وتنادي بالحلقوم : "جنينة النزهة" وين يا زول . "جنينة النزهة" وين يا زول . لقت حال الجنينة خلا . حليل زمنها وحليل أهلها لا قرنتية .. لا أصلة لا صوت ككّو .. لا بغلة لا حلوف .. لا أسداً مهاب بالخوف لا نمراً يشد للشوف . لا ضل فيل .. لا تيتل جريهو جميل ولا غزلان .. ولا طاؤوس يباهي النيل لا زفة طيور ونعام لا نمراً دفر قِدّام كل الشُلّة ياقرنتية غمضة عين أحالوهم لصالح عام تقول الدنيا "مهدية" قرنتية .. ؛ جات زي ضيفة ما غارة . لا محتاجة لي فيزا .. ولا تصديق على زيارة . جات والشوق دموع حارة . تجدد في العيون الشوف . بين توتي وعلالي أبروف قايلة الدنيا لسة سلام ما خيم زمان الخوف لسة هناك ضفاف حرة . ما مطمورة للمُرّة قايلة الناس بعزو الضيف ما بسوقوهو لي حفرة وجوار القيف . ما بياكلوهو في الصفرة ومصيرو مخيف قايلة الحاضرة ما غابة . وقايلة حقوقها محمية قرنتية .. لا قدلت في شارع القصر . لا حامت في وكت الحظر لا خشت على المأمور . ولا نطت سلك أو سور لا دخلت على أمد رمان ولا كسرت قفل دكان لا دفرت على التلفاز ولا عضّت كراع فنان لا ذاعت بيان للناس لا احتلت كمان "حيشان" ولا نصبت شبك للحشّ جات بصغراها كايسة القش تلاقي القوت صبح محظور . وخير البقعة جوه السور سماحة الدنيا منسية قرنتية لا بتعرف عجن أو لخ وجات أحلامها دوغرية . عجب .. ساقوها جوه الفخ عجب .. من طولها وقعت تخ عجب .. سلخوها صبحية عجب .. ونحنا بنسلخ الإنسان كيف ما نغدر الحيوان عجب .. والدنيا عصرية قرنتية .. لا دبابة برمائية لا جاسوسة مدسوسة لا غواصة روسية لا جندية في حركة لا مختلسة مال شركة ولا حزبية بعثية قرنتية ![/align] التوقيع: [align=center] وما من كاتب إلا سيفنى *** ويُبقى الدهرُ ما كتبت يداه فلا تكتب بكفك غير شئٍ *** يسرك في القيامة أن تراه [/align] عطر مشاهدة ملفه الشخصي البحث عن المشاركات التي كتبها عطر 28-06-2006, 01:20 PM #[2] عطر :: كــاتب نشــط:: [align=center][/align] التوقيع: [align=center] وما من كاتب إلا سيفنى *** ويُبقى الدهرُ ما كتبت يداه فلا تكتب بكفك غير شئٍ *** يسرك في القيامة أن تراه [/align] عطر مشاهدة ملفه الشخصي البحث عن المشاركات التي كتبها عطر 28-06-2006, 02:31 PM #[3] ودالزاكي :: كــاتب جديـــد :: هاشم صديق .. قضية ومناضلة حقيقية صادق الإحساس .. شكرا لك (عطر) على هذا التواصل توجد قصيدة لإستاذنا بعنوان ( إنعل أبوك) حقيقة حاجة لا توصف في التعبير عن الإحساس بمرارة الواقع خصوصا عندما تأتي من شخص تعرض للظلم والإبعاد من إعلامنا المرئي بسبب المدير ود أخت الرئيس والحكاية تبدأ من زمن برنامج (دراما 2000) ووصلت لحد إيقاف جميع أغاني المطربين التي توصف العيون والتي غالبها من نبض الهرم هاشم صديق ,,, حتى ود الأمين وقّفوا أغانيهو الكان بغنيها لهاشم صديق وما عارف الرجعها تاني منو معليش على الإطالة .. لكن نرجو من تزويدنا بهذه القصيدة مع التحية الكبيرة لك .. لهذه المشاركة التوقيع: _________________ حسن عبدالرحمن الزاكي ودالزاكي مشاهدة ملفه الشخصي إرسال رسالة خاصة إلى ودالزاكي البحث عن المشاركات التي كتبها ودالزاكي 29-06-2006, 09:58 AM #[4] عطر :: كــاتب نشــط:: اقتباس: المشاركة الأصلية كتبت بواسطة ودالزاكي هاشم صديق .. قضية ومناضلة حقيقية صادق الإحساس .. شكرا لك (عطر) على هذا التواصل توجد قصيدة لإستاذنا بعنوان ( إنعل أبوك) حقيقة حاجة لا توصف في التعبير عن الإحساس بمرارة الواقع خصوصا عندما تأتي من شخص تعرض للظلم والإبعاد من إعلامنا المرئي بسبب المدير ود أخت الرئيس والحكاية تبدأ من زمن برنامج (دراما 2000) ووصلت لحد إيقاف جميع أغاني المطربين التي توصف العيون والتي غالبها من نبض الهرم هاشم صديق ,,, حتى ود الأمين وقّفوا أغانيهو الكان بغنيها لهاشم صديق وما عارف الرجعها تاني منو معليش على الإطالة .. لكن نرجو من تزويدنا بهذه القصيدة مع التحية الكبيرة لك .. لهذه المشاركة أستاذي ود الزاكي .. أشكرك على المرور وفعلاً الأستاذ هاشم صديق أستاذ في فن إخراج الوجع المدفون ... سأجد القصيدة التي طلبتها ... وإلى ذلك الحين عندي بعض القصائد الروائع سأحاول إنزالهم تباعاً ... تحياتي التوقيع: [align=center] وما من كاتب إلا سيفنى *** ويُبقى الدهرُ ما كتبت يداه فلا تكتب بكفك غير شئٍ *** يسرك في القيامة أن تراه [/align] عطر مشاهدة ملفه الشخصي البحث عن المشاركات التي كتبها عطر 29-06-2006, 10:08 AM #[5] عطر :: كــاتب نشــط:: [align=center] الفوارس والكوارث ياتو ورقاً اتمضا وكان دوانا من الأذى؟! ياتو ظُلماً اتنسى بس عشان مكَّاً ضحك أو عشان سِيِداً عفا؟! ياتو خُطباً في إضينّا جَملّت في عيونّا شينه؟! وياتو تلفاز ياتو رادي ياتو راوي ياتو زينه لَبسّت عريانّاتوب وبدّلت طعم (السخينه) ؟! وياتو حلماً في عصورنا ما صبح باللّت عجينه؟! وياتو مركب في بحَرْنا طاش صوابها وهدهدت أعصابها مينا؟! وياتو راجلاً بالبشارة جانا من أقصا المدينه و(بالبشاورة) كان مسح سبورة الرحلة الحزينه وكان غرس في الليل بشارات الرتينه وشَفانا من جوع أو حفا؟! ياتو مسرح ابتدا واسيادنا ماكانوا الفوارس ونحنا كومبارْس الحوادث؟! وياتو والي في المنابر ما خطب فينا ونَهَر مليون شهر ونحنا قاعدين في البنابر قدامو زي شُفَع مدارس؟! وياتو دستور ما صِبِح في راسنا قمبور وياتو اعلان أو بيان ما انْغرس في حلوقنا أحزان وياتو لحماً للعضام يوماً رجع وياتو آذان يا عسس (مالطا) انسمع وياتو صفاً إنقسم وعاد يتمم وانجمع؟! وياتو رُتبه وياتو قُبه ما بقت في اللفّه كُبه وياتو صوتاً من وجع دمدم هتف ما انقطع حبلو ونزف وبالأوامر والكوامر اتنفا؟! أحلام بتنقح طول دبابيس الليالي ولما جمر الدنيا يصبح وما انجبر يا دنيا خاتر لسه لافّانا المواجع والصفافير والمواتر ************* سِيِداً مرق سيداً رجع مكَّاً دخل مكَّاً طلع. شيخاً لَبَد شيخاً نَبَل. سيفاً ضِحِك كشّر كَتَل. ورقاً جبل ورقاً سَهَل. صِدْقَاً أَفَل كِضباً لمع. صنماً وقف صنماً وقع. كفاً عصر كفاً قلع. ************ والأماني لسه في حال (الصواني). لقمه طاعمه وبي كرامه. حبة احساس بالسلامه رجعه لي قيف الشهامه مَرْقة من (عصر) القيامه فرحة ما تكمل ندامه. لاها قصراً أو دواير. لاها بستان أو مناظر لاها (مول) في (وادي شنقول) وكبري طاير في (القماير) لاها أموال في الخفا. أعفونا من كُتْر (التحالف) و (التخالف) والشراكه والشياكه والمواثيق والتواثيق والورق. كم مره أذَّنا الفَجُر قبال نفيق شَفَقُو انسرق. كم مره بشرتو الخُشوم أكلت عديل مُر الصفق. كم مره جربنا (البيان) كم مره جبناكم عيان نِشِف البلد قلبو انحرق ************ الشعب وين يا مؤمنين ودستورو في حَله انسلق؟! و (القسمه) في ثروة منو والشعب بي جوعو انشرق؟ و(النسبه) في سُلطة منو و(سُكرنا زاد) (بالنسبه) في الدم انطلق. ........ انتو الفوارس والمكوك. الدايْر يبيع تدوهو (في جاهكم يلوك) واللسّه ماسك في الجَمُر ياريتو بس يلقى النبق والجوع يقَطِّع في الحشا ألفين سنه. أدونا بس حق الصَبُر خلونا من غش الكلام وعد الرخا وليلة القَدُر. خلونا من كضب البشاير في القصايد والجرايد. أدونا بس حق الفطور أعفونا من حق (العوايد) و (النفايات) والدوا وكفايه (فك عكس الهوا) *************** يامؤمنين الشعب وين؟ تاكلو الثمر والشعب تدوهو النوا؟! خلونا من حشد المواكب بي أجاويد الجرايد والإذاعه والإشاعه وبي مناشير الوظيفة. كم مره دقيتو النحاس في لمبه طقّت وطرشقت أو (زره) جاتكم حتى لو كانت خفيفة أو (نِبْلَه) ناشت باب جنابكم وعطسه قَدّت للرهيفه أو هاجسه مرقت من عقول عَسَس الخليفة. ************** خلونا نمرق من هدومنا ونغلي نهتف للكرامه والشهامه والحساب الفي الكتاب وللرغيفه وللحليفه : - مافي جُحراً تاني بلسع. ومافي عذراً للفوارس تاني بشفع. ومافي ومضاً في عقولنا الصاحيه نلقاهو انطفا ومافي رجعات تاني للشوك والحفا. ورونا كيف ننسى الكوارث يا فوارس؟ الإنكسار الإنشطار الإنحسار الذِلّه لي ناساً كِرام موت العُروض دك الفروض بلْع الحرام. ورونا كيف بس لينا يوم (بعتوا الترام)؟! ورونا كيف لمعت وشوش كبرت كروش وأنحنا ناس ربط الحزام؟! كَسَر الخراب مِرْق البلد حتى النفوس صبحت حطام. أدونا بس فَرْق العُمُر سووا المعاش حبة لحم فوق العضام. أوضحكه من جوه القَلِب أو لمبه في جوف الضلام ولو أصلو موت أدونا موت حق الكِرام ************** خلونا من جنس التخاريف في الثقافه ومهرجانات السخافه أدونا بس حبة (كُنافه) *************** ياتو حرفاً يوم هتف بي غُبنو أو صادم وقف أشّر على حق (اتلهف) أو على خَطْف الشَرَف أو غَنّا للناس والشَمِس واتحدى للظلمه وعزف وما اتخنق صوتو ونَزَف؟! *************** حريه وين يا مؤمنين؟! صوتنا وين يا موحدين؟ الشعب وين في السُلطه يا أُمة محمد ويا يسوع؟! (القسمه) في المال والحُكُم ولاّ المظالم والدموع؟! ************** يا شراكه يا تحالف يا (تخالف) يا شياكه يا قِباب يا رهاب يا خطابه يا شيوخ يا شلوخ يا مهابه : - انتو الفوارس في المسارح ونحنا كومبارْس الغلابه. انتو أبطال القصص نحنا التلاميذ في الحصص انتو الأكابر في المنابر ونحنا حُراس المقابر بِتْصَدِقوا أو تضحكوا؟! قسماً عديل يا نبقى نحنا الساده والحق والقياده وانتو خُدامنا وزياده نطلع نكون نحنا المنابر والإمامه أو تقوم بينّا القيامه. الشعب ما ضحكه وقمامه والصَنّه ما بر السلامه. *********** يا ناس كفايه من خراب نُبل الضماير والهواجس في البشاير ومن طلاسم جايه باكر ومن تعاويذ (الولاده) ومن كضب يوم السمايه ومن تهاليل البدايه ومن عويل خط النهايه ومن صراع كل الديوك للكراسي وللولايه. يا (مبيور) ويا (جَلاّبه) انحنا الشعب سَدْرَنا ولّع وكَرْكَرْ تَب. حتفاوضونا؟! ولاّ نولِّع ونبدا حرابه نَخُش الغابه؟! ياتو ورقاً اتمضا وكان دوانا من الأذى؟! وياتو ظُلماً اتنسى بس عشان مكَّاً ضحك أو عشان سِيِداً عفا؟! هاشم صديق 10/7/2005م[/align] التوقيع: [align=center] وما من كاتب إلا سيفنى *** ويُبقى الدهرُ ما كتبت يداه فلا تكتب بكفك غير شئٍ *** يسرك في القيامة أن تراه [/align] عطر مشاهدة ملفه الشخصي البحث عن المشاركات التي كتبها عطر 29-06-2006, 10:55 AM #[6] أبو العز الجنوبي :: كــاتب نشــط:: العزيزة عطر تحياتي لك لا شك في أن الاستاذ هاشم صديق لا يحتاج منا إلى تعريف، او توصيف بل يبقي رقما شامخا في بلدي الحبيب السودان، وستظل قصائده خالدة في ذاكرة هذا الشعب الأبي، الذي له تاريخة الطويل في النضال من اجل نيل حقوقه وحريته، لم تبدأ فقط من زمن الأنقاذ او الديكتاتوريات العسكرية، أو بعد مولد شاعرنا المبدع هاشم صديق، ولكن للشعب السوداني رصيده من النضال منذ قديم الزمان، كوش، ونبته، اتحاد الفونج والعبدلاب، سنار، مروي، الفور، المهدية، والانتفاضات ضد الاستعمار الثنائي (المصري الانجليزي)وغيرها مما يسجله التاريخ ويحفظه.... لكن تجني هاشم صديق في قصيدته "قرنتيه" على المهدية فيه كثير من الاجحاف بحق هذه الثورة العظيمة، وفي حق من استشهد من رجالات هذا البلد العظيم..... اقتباس: تقول الدنيا "مهدية" لست ادري على ما استند الشاعر هاشم صديق في مقولته هذه؟؟؟ مع ودي أبو العز الجنوبي مشاهدة ملفه الشخصي إرسال رسالة خاصة إلى أبو العز الجنوبي البحث عن المشاركات التي كتبها أبو العز الجنوبي 29-06-2006, 11:40 AM #[7] حمدي اب جقادو :: كــاتب نشــط:: شنو يامعلم اليومين دي قالب سياسه ؟؟؟ الحاصل شنو ؟؟؟ تحياتنا للشاعر الوطن هاشم صديق و(لك) ياعطر ان شا الله نشوفك في انجمينا قريب التوقيع: حمدي اب جقادو مشاهدة ملفه الشخصي إرسال رسالة خاصة إلى حمدي اب جقادو البحث عن المشاركات التي كتبها حمدي اب جقادو 29-06-2006, 12:06 PM #[8] قمر الزمان :: كــاتب نشــط:: [align=center]عيـــون الارخبيــــل عندما كنت غريرا و صغيرا ..كنت مفتونا بجيفارا وسولارا و جومو و نزار كنت مبهورا بسارتر و نيرودا و لوركا و ابطال اليسار كنا في الحي نطالع من جدار لجدار ،الشعارات التي كانت بليل ضد آثام الطواغيت الكبار كان ضوء الشمس يشرق من قصيدة أو شعار ، كنت مفتوناً بفاطمة و صلاح و غابة الابنوس والهبباي والطير المهاجر و يا ماريا ..وأساطين الكتابة و الخطابة و الصلابة والمناشير الخفية و القضية ومن تقاسيم المصانع والمنازل ..كان غبن الظلم يطلع ثم يسطع .. الميادين تقاتل الدكاكين تناضل الرواكيب تجادل ..والمناشير تنازل ..كانت الدنيا عزيزة و لذيذة ..رغم أتراح السواقي رغم أركان المنافي رغم أسوار المفاصل و المقاصل كان زهو الفجر منقوشاً على صدر المحالج الطواقي الحمر تغزل فوق أحضان المناسج ..المناديل المزركشة ..الزهور ..الرسائل و العطور اللقاءات البريئة الهتافات الجريئة ..الليالي الشاعرية في المنابر ..شقشقات الوجد في ثغر الدفاتر كان صدق القلب في طرف اللسان .. والصداقة سيسبان.. كانت الدنيا مضيئة ..وحديقة المواهي المقاهي المسارح الجماهير و السواري قلدة الاعياد و ترنيم الاماني الاغاني الرياضة المحينة و الرهيب رجل الثواني كانت السينما جميلة و صديقة سايكو في سينما برمبل في كلوزيوم في المناظر أعلنوا صوت الموسيقى يجهر المذياع بالشدو الجميل ..وردي غنى المستحيل الدراما ..الكرامة..الصحافة.. الحصافة.. الثقافة ..القيافة ..الطرافة والامان من أعلن النعي على ذاك الزمان ؟ من اصدر الذكرى على ذاك الزمان ! كان طول العام مثل الالف في الزمن المعاصر ..كان كذب الناس من جنس الكبائر كنا نجتاز الصغائر ..القراءة أدمنتنا كالسجائر ..كانت أخبار المطابع مثل لمع البرق في الحي تسافر نقرأ الكتب الجديدة و القديمة ثم نأتي لنجادل و نسامر ندوة في الركن الفلاني ونسة في ركن اليماني قعدة في ظل الاغاني مافي زولاً كان مدبرس او ممزق او مشتت او بعاني نكتة والضحك انفجار كنا بنعرف الهظار كان زمان الحب زمان الانتظار القلب لامن يشوف البت يدق زي نوبة طار مافي زول فك الحبيب عكس الهوا ..او ركب الزول البريدو التونسية الحب وجود الحب قضية عندما كنت غريراً و صغيراً ..كانت الدنيا سلام أسرجتنا جذوة الاحساس بالزمن الجميل أرسلتنا نحو كنز الأرخبيل ..كان زهو الشعرفي الصحو النبيل ..كان نبض الود في السمر الطويل لم يكن ظهري مشاعاً للنبال..لم يكن سر الحقيقة خلف أسوار الخيال.. لم نكن نختار ما بين الحرام والحلال ..كانت الايام و الانسام والاحلام والآلام و الاقلام تلهث نحو قسمات الجمال كانت الدنيا عزيزة ولذيذة .. رغم أتراح السواقي و المنافي ..والجبال عندما كنت غريرا و صغيرا ..كنت مفتونا بجيفارا وسولارا و جومو و نزار كنت مبهوراً و مفتوناً بأحلام اليسار كان ضوء الشمس يسطع من قصيدة او شعار من اعلن النعي على ذاك الزمان؟ من أصدر الذكرى على ذاك الزمان! من أرهق الزمن المعاصر ...... اجترار ![/align] [align=center]هاشم صديق [/align] عطـــــر ... سلامي و تحياتي وحبي .. يديك العافية.. التوقيع: قمر الزمان مشاهدة ملفه الشخصي إرسال رسالة خاصة إلى قمر الزمان البحث عن المشاركات التي كتبها قمر الزمان 29-06-2006, 12:15 PM #[9] عطر :: كــاتب نشــط:: أستاذي أبو العز أظن والله أعلم أنه يقصد بالمهدية هنا فترة حكومة الصادق المهدي حمدي يا جقادو ... طالما أنا قاعدة في السودان حأتكلم في شنو غير السياسة (خارج النص) اقتباس: ان شا الله نشوفك في انجمينا قريب أنا في إنتظار إشارة منك ... (الجماعة التانيين جاينكم الخميس الجاي) كان ما مصدقني أسأل مجدي العزيزة قمر الزمان مشكورة على الإضافة الحلوة تحياتي التوقيع: [align=center] وما من كاتب إلا سيفنى *** ويُبقى الدهرُ ما كتبت يداه فلا تكتب بكفك غير شئٍ *** يسرك في القيامة أن تراه [/align] عطر مشاهدة ملفه الشخصي البحث عن المشاركات التي كتبها عطر 29-06-2006, 12:24 PM #[10] خضر ادم Guest لم يكن ظهري مشاعاً للنبال..لم يكن سر الحقيقة خلف أسوار الخيال.. لم نكن نختار ما بين الحرام والحلال ..كانت الايام و الانسام والاحلام والآلام و الاقلام تلهث نحو قسمات الجمال كانت الدنيا عزيزة ولذيذة .. رغم أتراح السواقي و المنافي ..والجبال لكم لكم لكم لكم الشكر اجزاله خضر ادم 01-07-2006, 11:06 AM #[11] عطر :: كــاتب نشــط:: اقتباس: المشاركة الأصلية كتبت بواسطة خضر ادم لم يكن ظهري مشاعاً للنبال..لم يكن سر الحقيقة خلف أسوار الخيال.. لم نكن نختار ما بين الحرام والحلال ..كانت الايام و الانسام والاحلام والآلام و الاقلام تلهث نحو قسمات الجمال كانت الدنيا عزيزة ولذيذة .. رغم أتراح السواقي و المنافي ..والجبال أستاذي خضر لك التحية على إنتقائك لهذه الكلمات الرائعة اقتباس: لكم الشكر اجزاله ولك أيضاً جزيل الشكر التوقيع: [align=center] وما من كاتب إلا سيفنى *** ويُبقى الدهرُ ما كتبت يداه فلا تكتب بكفك غير شئٍ *** يسرك في القيامة أن تراه [/align] عطر مشاهدة ملفه الشخصي البحث عن المشاركات التي كتبها عطر 22-07-2006, 01:53 PM #[12] عطر :: كــاتب نشــط:: [align=center]((شكراً جزيلاً )) شكراً جزيلاً للخناجر ..للمغايس. للمتاريس..للدسايس للطريق لامن يضيق. للوَجَع سوّى البِدَع فَتّح مداَرس شكراً جزيلاً للأمل وسط السراب لي حُراب ناساً قراب للعذاب في كُلِّ باب. للمَحكّات العجيبه والمشاوير الغريبه. لي تمن عِشْق الوطن جمرِ الضريبه. شكراً جزيلاً للعُصار. للغُبار. للبروق الباقّه نار. للاسى. اللفّ الجزيره. للأذى الكتب الغنا وضَوّ البصيره. شكراً جزيلاً لي سلاطين الحساده. للصعاليك والسَياده. للإبر فوق الوِسَادَه. للحُفر في كُلْ ممر. للركوب وسط الخطر. لي ملوك فن النميمه. للأباطيل اللئيمه والأساطير القديمه. لي جَبُر كسر العزيمه والعبور فوق الهزيمه [/align] التوقيع: [align=center] وما من كاتب إلا سيفنى *** ويُبقى الدهرُ ما كتبت يداه فلا تكتب بكفك غير شئٍ *** يسرك في القيامة أن تراه [/align] عطر مشاهدة ملفه الشخصي البحث عن المشاركات التي كتبها عطر 22-07-2006, 02:00 PM #[13] عطر :: كــاتب نشــط:: [align=center] الوجع الخرافي ممدودة السكة هجير و حجارة. خيولك زاحفة تعافر و تطلع تطلع .. تنزل تنزل تطلع زي أيامك و حال أحلامها حصاد .. و رماد سواد .. و بشارة ** عيونك صايمه و رقرق فيها الزمن المافي. أحزانك صاحية و دجّت فيها حوافْر الذكرى النصلها حافي. معذور الفرح اللملم نفسو و قَبَّل وشو و أصبح جافي. لمتين يرجانا و نحنا نكابر و ليلنا مشاتِر و وجعو خرافي ** أيامك مِسخَن ما ألوانها المطر الشاحب . جسورك هشه خواطرك طامحه و طوفك قشه مساربك جافله و خيلك غافله جروحك دهشه تمُر مُتْدَاخله فصول و مذاهب ** مركون في الوحده و نبضك يناجي الغايب. للحب تتشابا و تغرس وردك و تحصد حلمك شوك و غرايب لا الحب يديكا سلام الرفقه لا عيونك تقرا سريرة صاحب ** أسوارك طالت تميمتك ضاعت وسط الزحمه. وراكا الحِكَم اندفنت و عدمت غابت قمرة فاطنة السمحه و قدامك زاحفه هواجس زمنك و منك شارده مرافي الرحمه ** الشين يا عين اتجمَّل و غشَّ عيون الواقع. الجُمَل الصادحه حروفها انسجنت و شدَّ خُطاها الزمن الواقع. في قد الإبرة الكون اتجمَّع ضِقنا و ضاق الصبر الشاسع. بي إيد رحلتنا حفرنا جَرِحْنَا في غار رحلتنا مسينا صِبِحنا و تاريخنا مكتف و فوقو يحلَّق صقر المِحْنَة. معذور الفرح اللملم نفسو و قبَّل وشو و أصبح جافي لمتين يرجانا و نحنا نكابر و ليلنا مشاتر و وجعو خرافي ... [/align] التوقيع: [align=center] وما من كاتب إلا سيفنى *** ويُبقى الدهرُ ما كتبت يداه فلا تكتب بكفك غير شئٍ *** يسرك في القيامة أن تراه [/align] عطر مشاهدة ملفه الشخصي البحث عن المشاركات التي كتبها عطر 22-07-2006, 07:28 PM #[14] رهف :: كــاتب نشــط:: عطر.. انه حقا لبوست متميز.. و بدون خوض فى دهاليز السياسة..اقول لك بان الاستاذ هاشم صديق هو فعلا جدير بالاحترام.. و هذه القصيدة بالذات(قرنتية) كانت قد لفتت انتباهى فى بساطة كلماتها المنسابة..بلا وقفة او سكتة..و دائما ما ترجع بى كلماتها الى ذلك النشيد الجميل(ذكريااااات فيل).. ياله من خيال عبقرى..لواقع و مواقف تمر بالبعض مرور الكرام.. و تبقى فى وجدان البعض لفترة تكفى لميلاد قصيدة..من النوع الذى يحيا مدى الدهر.. التوقيع: [align=center]عشنا فى دنيا الصبابة.. و السعادة فتحنا بابها بهجة الدنيا و شبابها.....و إبتساماتك حبابها [/align] رهف مشاهدة ملفه الشخصي إرسال رسالة خاصة إلى رهف البحث عن المشاركات التي كتبها رهف تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 08:27 PM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2024, vBulletin Solutions, Inc.
