إنتخابات الأمانة العامة لدورة 2011 -2012 وأسماء المرشحين .. أدخل للتصويت رجاءً

[النور يوسف محمد]

المشاركة الأصلية كتبت بواسطة Amin Bushari

غايتو جنس تهميش
يعني كلامي دا زول هببوا لي ماف
مهم جدا يا جماعة نعرف برنامج كل مرشح شنو
الناس دي كلها اخوة/ت وبنعرفهم كويس
لكن البهمنا برنامج كل زول وماذا سوف يقدم لسودانيات

بسم الله الرحمن الرحيم

يا حبيب ما عاش من يهمشك

غايتو بالنسبة لى فقد كتبت ـ لدرجة الملل ـ عن رؤيتى
وصارت معلومة لدى الكثيرين ..
لكن ..
أؤيدك تماماً من حيث الفكرة .. ولأنك منحتنا الخيار

ارجو استصحاب هذا الأمر في المرات القادمات أو استدراكه الآن

سنعمل بالتنسيق مع الأخ خالد على إنزال مداخلة مكتملة من المرشحين لهذا المنصب بعيد إنزال بوست التصويت تكون بمثابة برنامج عمل وتقديم المرشح نفسه للأعضاء
فى المرات القادمة

[الرشيد اسماعيل محمود]

المشاركة الأصلية كتبت بواسطة Amin Bushari

مهم جدا يا جماعة نعرف برنامج كل مرشح شنو
الناس دي كلها اخوة/ت وبنعرفهم كويس
لكن البهمنا برنامج كل زول وماذا سوف يقدم لسودانيات

جميل جدا وكلام واعي..
نحن هسع بنصوت لأشخاص (باستثناء النور ونبراس طبعا) عشان الناس
بتصوت للاتنين ديل تحديدا مستصحبين تجربتهم الفائتة..
باقي المرشحين للأمانة العامة لم يسبق للأعضاء اختبار مقدراتهم الادارية
فيما يخص تسيير المنتدي وشئون الامانة العامة..
والتصويت ليهم بيعتمد علي مدي معرفتي بالشخص المحدد ومقدرتي
علي استنباط والتنبؤ بطريقة ادارته للمنتدي(اجتهاد شخصي)..وهذا ليس كافيا.
لذلك يصبح من الضروري لكل مرشح طرح برنامجه العام في صورة نقاط
محددة ..تغني الاعضاء مشقة الاجتهاد والتنبؤ المبني علي معرفة شخصية تصدق
او تخيب.
ويصبح برنامج المترشح لاحقاً وثيقة واطار ملزم ليس بوسعه التناقض معه ولا الحيود عنه حال فوزه .
شكرا امين البشاري.

[خالد الحاج]

المشاركة الأصلية كتبت بواسطة محمد علي

جيت اصوت جاتني الرساله دي ...

مع اني لم اصوت من قبل ولم ابيع صوتي لاحد ...

انتخابات ح تزور ولاشنو

رفضت انشرها في البوست خوفا من الشوشره

لكن حقي وينو ياخال

تحية طيبة
وصلتني هذه الرسالة من زميلنا محمد علي.
والرجل قال لم ينشر احتجاجه في البوست خوفا من الشوشرة .

أولا يا محمد علي يبدو أن شخصا من طرفك صوت باسمك أرجو أن تسأل أهل بيتك رجاءا .

ثانيا لا يملك أي شخص الامكانية الفنية لتعديل نتائج التصويت.
السبيل الوحيد أن أراد شخصا ما أن يزور هو أن يدخل باسم عضو لم يسبق له التصويت . وهذا يتطلب معرفة كلمة المرور .


قصدت أن أنشر هذه الرسالة هنا وردي عليها . أنا لا أقبل أي تلاعب بهذه التجربة واتعامل فيها بجدية شديدة .

خالد الحاج
المشرف الفني والمسئول عن الاستفتاء حسب ميثاق سودانيات .

[Amin Bushari]

المشاركة الأصلية كتبت بواسطة النور يوسف محمد

بسم الله الرحمن الرحيم

يا حبيب ما عاش من يهمشك

غايتو بالنسبة لى فقد كتبت ـ لدرجة الملل ـ عن رؤيتى
وصارت معلومة لدى الكثيرين ..

النور

ســــلام .. أنت معروف لدينا
الناس دي كلها ضاقت يدك وعاشت في عهدك الزاهي
وزي ما بقولوا ناس البنوك "معروف لدينا"

المشاركة الأصلية كتبت بواسطة النور يوسف محمد

لكن ..
أؤيدك تماماً من حيث الفكرة .. ولأنك منحتنا الخيار

شكرا للتأييد برنامج المرشح سيكون وثيقة لمحاسبته
إن هو حاد عن تنفيذه بعد فوزه
غايتو لقيت ليك مراقه بحكاية التخيير دي

المشاركة الأصلية كتبت بواسطة النور يوسف محمد

سنعمل بالتنسيق مع الأخ خالد على إنزال مداخلة مكتملة من المرشحين لهذا المنصب بعيد إنزال بوست التصويت تكون بمثابة برنامج عمل وتقديم المرشح نفسه للأعضاء
فى المرات القادمة

يا ريت والله
كل زول ينزل لينا برنامجه وحبذا لو كان الآن
عشان الناس البصوتوا ديل
صدقني دي حتدي التصويت بعد تاني
ولما اصوت لبرنامج افضل من إني اصوت لأشخاص
المرات القادمة دي تهميش بالبارد وكدا
تسلم يا حبيب

[Amin Bushari]

المشاركة الأصلية كتبت بواسطة الرشيد اسماعيل محمود

جميل جدا وكلام واعي..
نحن هسع بنصوت لأشخاص (باستثناء النور ونبراس طبعا) عشان الناس
بتصوت للاتنين ديل تحديدا مستصحبين تجربتهم الفائتة..
باقي المرشحين للأمانة العامة لم يسبق للأعضاء اختبار مقدراتهم الادارية
فيما يخص تسيير المنتدي وشئون الامانة العامة..
والتصويت ليهم بيعتمد علي مدي معرفتي بالشخص المحدد ومقدرتي
علي استنباط والتنبؤ بطريقة ادارته للمنتدي(اجتهاد شخصي)..وهذا ليس كافيا.
لذلك يصبح من الضروري لكل مرشح طرح برنامجه العام في صورة نقاط
محددة ..تغني الاعضاء مشقة الاجتهاد والتنبؤ المبني علي معرفة شخصية تصدق
او تخيب.
ويصبح برنامج المترشح لاحقاً وثيقة واطار ملزم ليس بوسعه التناقض معه ولا الحيود عنه حال فوزه .
شكرا امين البشاري.

تسلم يا الرشيد وشكرا للدعم والمسانده
التجربة كسب للجميع ويجب ان نتعدها بالرعاية
والتقويم والدعم والافكار وكل ما من شأنه النهوض بها
انا كتبت مداخلتي دي وانتظرت كم يوم كدا وبعدين صوته

[فتحي مسعد حنفي]

معليش يالأمين ياخ أنا ما استوعبت طلبك كويس..
برنامج شنو العايز المرشحين يعلنوهوأفتكر في لائحة الأمين العام ونائبه ملتزمين بيها وما من حقهم يعملو برنامج يخرجوا فيه عن الخط الراسماهو اللائحة..
أكتر شي ممكن يتقال انو ناوي\ن يعيد مناقشة بنود معينة في اللائحة أو اضافة أو حزف أو دمج منتدي..غير كدا أنا ما قادر أتخيل زول يكون عندو برنامج نازل بيهو الانتخابات وحتي لو في ما أفتكر حيقدر يصرح بيهو هسة عشان ما يكشف أوراقو بدري بدري..

[Amin Bushari]

المشاركة الأصلية كتبت بواسطة فتحي مسعد حنفي

معليش يالأمين ياخ أنا ما استوعبت طلبك كويس..
برنامج شنو العايز المرشحين يعلنوهوأفتكر في لائحة الأمين العام ونائبه ملتزمين بيها وما من حقهم يعملو برنامج يخرجوا فيه عن الخط الراسماهو اللائحة..
أكتر شي ممكن يتقال انو ناوي\ن يعيد مناقشة بنود معينة في اللائحة أو اضافة أو حزف أو دمج منتدي..غير كدا أنا ما قادر أتخيل زول يكون عندو برنامج نازل بيهو الانتخابات وحتي لو في ما أفتكر حيقدر يصرح بيهو هسة عشان ما يكشف أوراقو بدري بدري..

فتحي مسعد

ســـلام يا عمكـ
اللوائح والضوابط دي موجهات عامة زي الدستور كدا
ممكن أي زول يكون عندو حاجات في راسو عايز ينفذها
وبرضو ممكن اي مرشح يخت ليهو هدف وشعار محدد يحققو خلال توليه الدورة
يعني نحن عايز تفاصيل دقيقة عن ما يود القيام به خلال توليه لمنصب الامين العام
حتى الحاجات الذكرتها دي اضافه منتدى أو تعديل آخــر او حذف آخــر كلها تفاصيل
دقيقة ما منصوص عليها في اللائحة.
باختصار كدا عايزين كل مرشح يفصل لينا برنامجه خلال المرحلة واهدافه التي
ينوي تحقيقها وفق الضوابط واللوائح الخاصة بسودانيات.
بكدا يا عمكـ يكون منصب الامين العام غير منحصر في الرقابة والحذف
والايقاف والحاجات الروتينية دي.

تحاياي

[كيشو]

المشاركة الأصلية كتبت بواسطة فتحي مسعد حنفي

معليش يالأمين ياخ أنا ما استوعبت طلبك كويس..
برنامج شنو العايز المرشحين يعلنوهوأفتكر في لائحة الأمين العام ونائبه ملتزمين بيها وما من حقهم يعملو برنامج يخرجوا فيه عن الخط الراسماهو اللائحة..
أكتر شي ممكن يتقال انو ناوي\ن يعيد مناقشة بنود معينة في اللائحة أو اضافة أو حزف أو دمج منتدي..غير كدا أنا ما قادر أتخيل زول يكون عندو برنامج نازل بيهو الانتخابات وحتي لو في ما أفتكر حيقدر يصرح بيهو هسة عشان ما يكشف أوراقو بدري بدري..

[justify]عمنا الخواجة
أتفق معاك إلى حد بعيد
وأزيد إنو الأمين العام يتم انتخابه من عدد من المرشحين يختارهم المالك أولاً، وهذا يعني أنه لا يمكن لشخص أن يرشح نفسه للمنصب ابتداء وهذا يجعل مسألة البرنامج قليلة الأهمية
كلامي هذا لا يقلل من أهمية وظيفة الأمين العام وخطورة موقعه ودوره في توجيه الحوار على هدى من الميثاق ولائحة سودانيات[/justify]

[أسعد]

حقو الواحد يخرخر سااااااااااااااي بس
لكن غايتو نقطعا في مصارينا



بس على العموم نأمل من الأمانة العامة الجديدة تنشيء لينا قانون جديد يحظر علي الجكس وضع صورهم ... جانيت وميسون مطر مثالاً

[wageeda]

والله تجربه جميلة وهم اهل لها
ولكن لدي رأي في اعطاء الفرصه لمنتخبين الجدد كالعزيز طارق والاخ مبر
مع حفظ مقام العملاق الرائع النور ولن تبرح مكانك ياسيدي
ونبراس اخذت دورها ويمكنها ان تعاود الكره في القريب العاجل
وقنبوا عافيه

[أبوبكر عباس]

المشاركة الأصلية كتبت بواسطة وجيدة

والله تجربه جميلة وهم اهل لها
ولكن لدي رأي في اعطاء الفرصه لمنتخبين الجدد كالعزيز طارق والاخ مبر
مع حفظ مقام العملاق الرائع النور ولن تبرح مكانك ياسيدي
ونبراس اخذت دورها ويمكنها ان تعاود الكره في القريب العاجل
وقنبوا عافيه

وجيدة كيفنك؟
بالرغم من حبنا المشترك لقصيدة الهدهد
لكنني
أحتج بشدة على التهميش الغير مقصود في مداخلتك و الذي يصب في صالح الدعاية الإنتخابية لمنافسي على المركز الـطيش الاستاذ مُبر

[د.النور صباح الخير]

الشكر لكم وانتم تمارسون هذه الديموقراطية الافتراضية .. علي امل ان تتنزل علي ارض الواقع يوما ما .

[wageeda]

بابكر عباس تحية وسلام
اولا ياسيدي لهدهد بوست منفصل ويمكنك ان تشاطرني اعجابي به
لخوفي من الادارة لفتل بوستيهم وينتفون ريش هدهدي
وانا بالجد ومن غير نفاق
اوافق علي النور الرائع لمدة الفي عام
وارحب بالعزيز طارق
واثني علي مبر وانت آخر
وليس في ذلك محابه فقط مبر الكل يمدح فيه لجمال حضوره وتفاصيله الرائعه
ولعلمك لم يسبق لي التداخل معه الي الان ويسرني ما اسمعه عنه
كن بخير يابن عباس

[بابكر مخير]

للفائز/ة
بنقول
بِل رأسك / راسيك
وللربنا شافه/ا/و
حمدلال/ي/ك على السلامة
مسئولية وقبل كدآ، قدرة تحمل..
العايز أقولهو لينا؟؟؟
المنتخبين والفازو بأصوات الأغلبية!!!
هم بشر
وكدآ يعني وأفهموها بآ

[فتحي مسعد حنفي]

اقتباس:
المشاركة الأصلية كتبت بواسطة بابكر عباس
وجيدة كيفنك؟
بالرغم من حبنا المشترك لقصيدة الهدهد
لكنني
أحتج بشدة على التهميش الغير مقصود في مداخلتك و الذي يصب في صالح الدعاية الإنتخابية لمنافسي على المركز الـطيش الاستاذ مُبر



تعرف ياعباس أنا معجب جدا بي صداقتك انت ومبر لدرجة انكم متشاركين في كل حاجة حتي تزيل القائمة..
انت قايلني نسيت كلامك لما أنا طلعت الطيش في الانتخابات السابقة نتيجة لتآمر الأسايطة عليغايتو أنا مستني النهاية ولي عودة بي عود وكمان