فرنغاغة

[ام التيمان]

خروج المستعمر من العالم العربى و الاسلامى
ترك فراغ كبير و تخبط و عدم رؤية سياسية واضحة
فوحل فى فرنغاغة الاسلام

[أسعد]

الفرنغاغة وعرفناها
الاسلام دا شنو كمان؟!

[مهند الخطيب]

المشاركة الأصلية كتبت بواسطة أسعد

الفرنغاغة وعرفناها
الاسلام دا شنو كمان؟!

انت عرفت الفرنغاغة

انا عملت لي وجع حلق حتى عرفتهاgap

[أسعد]

المشاركة الأصلية كتبت بواسطة مهند الخطيب

انت عرفت الفرنغاغة

انا عملت لي وجع حلق حتى عرفتهاgap

معقول ياخ غلبتك فرنغاغة ما عرفتها؟!
فرنغاغة ام التيمان عجاجتون في رأسها كتاحة ^_^

[ام التيمان]

المشاركة الأصلية كتبت بواسطة أسعد

الفرنغاغة وعرفناها
الاسلام دا شنو كمان؟!

يا اسعد نفس الحفرة

تحياتى

[ام التيمان]

المشاركة الأصلية كتبت بواسطة مهند الخطيب

انت عرفت الفرنغاغة

انا عملت لي وجع حلق حتى عرفتهاgap

يا اللمين
انا عملت لى لوز

[ماريل]

المشاركة الأصلية كتبت بواسطة مهند الخطيب

انت عرفت الفرنغاغة

انا عملت لي وجع حلق حتى عرفتهاgap

هسه يعنى انت عرفتها؟؟

ياخى بالله افرنقع من هنا فرنقتك فرنغاغة تفرقع فيك(وش مفرنقع)

[ماريل]

المشاركة الأصلية كتبت بواسطة ام التيمان

خروج المستعمر من العالم العربى و الاسلامى
ترك فراغ كبير و تخبط و عدم رؤية سياسية واضحة
فوحل فى فرنغاغة الاسلام

هى لكن المستعمر ده يا ام التيمان لمان جاء الوطن العربى الاسلامى لقاهو فى نفس
ذات فرنغاغتو دى قعد شوية وافرنقع لذلك دخول المستعمر وخروجه لم يؤثر وما زال
العالم العربى عربى والاسلامى اسلامى قبل وبعد دخول المستعمر.....

[أسعد]

المشاركة الأصلية كتبت بواسطة ام التيمان

يا اسعد نفس الحفرة

تحياتى

واللاي كنت عاوز اقول ليك الحفرة ياتا؟!

لكن لمن قريت كلامك تاني
بصراحة ما عرفت الحفرة دي اجابة لسؤالي
ولا صفة لي أنا gap

[مهند الخطيب]

المشاركة الأصلية كتبت بواسطة أسعد

معقول ياخ غلبتك فرنغاغة ما عرفتها؟!
فرنغاغة ام التيمان عجاجتون في رأسها كتاحة ^_^

اكضب عليك؟

في الاول ماعرفتها قلت يمكن من ادوات الورافة اخير اسكت

قمت اتذكرتا المعدية والبلد وقعت لي ...

[ام التيمان]

المشاركة الأصلية كتبت بواسطة ماريل

هى لكن المستعمر ده يا ام التيمان لمان جاء الوطن العربى الاسلامى لقاهو فى نفس
ذات فرنغاغتو دى قعد شوية وافرنقع لذلك دخول المستعمر وخروجه لم يؤثر وما زال
العالم العربى عربى والاسلامى اسلامى قبل وبعد دخول المستعمر.....

يا ماريل زمن حكم المستعمر
كان عامل توازن بين الدين و القانون
بعد خروجه حصل خلل كبير
فرجحت كفة التطرف الاسلامى
فسقط القانون و العدالة الانسانية

[ام التيمان]

المشاركة الأصلية كتبت بواسطة أسعد

واللاي كنت عاوز اقول ليك الحفرة ياتا؟!

لكن لمن قريت كلامك تاني
بصراحة ما عرفت الحفرة دي اجابة لسؤالي
ولا صفة لي أنا gap

يا اسعد
الحفرة الواقعين فيها كلنا
من المحيط للخليج

[ام التيمان]

واحد قريبنا قاعد اصلى
بقرأ فى سورة الكافرون
قام اتلكع فيها شديد
و غلبتو ليك و قام لخبط فيها
كل ما ابداها ما اقدر اتمها
ابوهو سااااامعو ليك
بعد ما انتهى من صلاتو
قام قال ليهو القرأن دا فيهو مية و اربعتاشر صورة
يا ولدي البدخللك فى الفرنغاغة دى شنو

[النور يوسف محمد]

المشاركة الأصلية كتبت بواسطة ام التيمان

قام قال ليهو القرأن دا فيهو مية و اربعتاشر صورة

القرآن ده يا أمهم الكتاب الوحيد المافيهو صورة
صاح 114 ، بس 114 سورة ..

بس طالما عرفتى عددهم
نقول دى forward step العافية درجات



أميره إزيك ..

[Dr. Mohammed Hassan]

بعيد عن الاتفاق او الاختلاف مع ام التيمان
لكن بوستاتها بتحمل مشاركات عديدة
فهذا يعني ان حضورها قوي
تحايا للجميع