هدية لكل حبائبي ..

[الفاتح]

يا سلام يا أبوها.. ربنا يسعدهم ويهنيهم ويمتعك بالصحة والعافيه..

[معتصم الطاهر]

صاحب القلم التريان ..


مبارك ..

و ربنا يسعدك بذريتك ..

[فتحي مسعد حنفي]

حبوبتك دي الله يرحما كانت في بري ولا العشش

[Hassan Farah]

الف مبروك...... ربنا يسعدهم ويسعدك بيهم وبالاحفاد القادمين...
تم تسجيلك احتياطى فى مجموعات الجيل الثالث وان شاء الله تلحق فتحى مسعد وتفوتو

[أبو أماني]

المشاركة الأصلية كتبت بواسطة Hassan Farah

الف مبروك...... ربنا يسعدهم ويسعدك بيهم وبالاحفاد القادمين...
تم تسجيلك احتياطى فى مجموعات الجيل الثالث وان شاء الله تلحق فتحى مسعد وتفوتو

تسلم يا أروع الناس .. بس طبظتها بقصة تختني مع فتحي (عنخ آمون) ده في نفس الك.. كاتيقيواري !! وكمان افوتو؟! يا شيخ حراااام عليك .. ده المك نمر ما يفوتو .. تعرف يا بروف .. يخالجني شك يصل حد اليقين .. إنو فتحي مسعد ده .. كان فاتح دكان حدادة عند ظهور المسيحية .. وكان بيعمل صلبان من الحديد والنحاس والفضة في قلب مدينة (أورشليم)..بس حقات الذهب ما كان بيقدر عليهم تقول لي شنو؟ تقول لي منو ؟؟؟

[أبو أماني]

المشاركة الأصلية كتبت بواسطة فتحي مسعد حنفي

حبوبتك دي الله يرحما كانت في بري ولا العشش

توحة حبيب ألبي .. كيف الحال ..والله مشتاقين .. حبوبتي رحمها الله كانت في عمق بـــري المحس حيث الطبقة الراقية بمفهوم ذاك الزمن .. وصدقني عمرها ما شافت كرتون بحري يعني كطع شك ما شافت أهلكم .. عيلا يمكن .. جائز يعني! .. واحد قريبكم يكون بيض ليها حلة نحاس أو صلح ليها بابور الجاز .. كاااااااااااااااااك !

[عكــود]

ألف مبروك ليك وللعرسان يا الزين.

يعجبني إعتزازك بأسرتك ومحبتك لها،
وإشراكنا ذلك.

أدام الله عليكم النِعم.

[أبو أماني]

المشاركة الأصلية كتبت بواسطة عكــود

ألف مبروك ليك وللعرسان يا الزين.

يعجبني إعتزازك بأسرتك ومحبتك لها،
وإشراكنا ذلك.

أدام الله عليكم النِعم.

تلميذك يا باشا .. بعدين يا أبو النسب .. نسيت أنهم أسرتي الصغيرة ..وإنتو الأسرة الكبيرة ؟.. ولا نسيت إني بأهلي في سودانيات أشكل (قبيلة)؟ لك الحب الصادق .. والود الصافي .. والشوق الشافي ..

[بابكر مخير]

برضهو متأخر
شوية
بس من التهاني كتييييييييييييييير لي بنيتي أماني
الف والف مليون دشليون مبارك



حآآآآآآآآآآآرة مش كدآ حكاية بتك يجي زول
تشوفها تضاحكه
وتشوفها تلاطفه
وإتا الكتا ياكآ الكل في الكل
وقولتها يا أبوي
تبقى قبلها قولة فلان
ضقناها مرتين وفي الطريق
زولتك وعقبال ليها بحظ أماني في الرجلن اليسترها ويستتها
والغلبنا كله يعملوا ليها
مبروك لي أمها بالوليد الجاهز الجابتهو ليها أماني

[أبو أماني]

المشاركة الأصلية كتبت بواسطة معتصم الطاهر

صاحب القلم التريان ..


مبارك ..

و ربنا يسعدك بذريتك ..

بارك الله فيك وفي آلك أجمعين .. والله مشتاقين ..

[أبو أماني]

المشاركة الأصلية كتبت بواسطة الفاتح

يا سلام يا أبوها.. ربنا يسعدهم ويهنيهم ويمتعك بالصحة والعافيه..

مشكور يا الحبيب وعقبال عيالك يااااارب .. مع صادق مودتي ..