نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > نــــــوافــــــــــــــذ > كلمـــــــات

إضافة رد
 
أدوات الموضوع انواع عرض الموضوع
قديم 01-01-2012, 02:12 PM   #[1]
ازهري الحاج شرشاب
:: كــاتب نشــط::
 
افتراضي عام سعيد ... قصيدة جديده

عام سعيد .
ياحابسه من عينى الغميد .
ياواقفه قدامى وتضج ...
عاطفه وحنان وافراح وعيد .
يامهرجانات من الق ..
ياروعه ..
يابت ياسماح من كل لون .
يابت تصب مطره وتولع نار شجون .
ياروح مدسدسه فى وهج ..
ترجاكى بالشوق العيون .
يوما تمرقى من العدم ..
وتبقى من صمت الليالى المترفات ..
فوران سكون .
وتشعى نور ..
تنشرى كون .
قبال تمرقى من المسام ..
قبل انفجار المستحيل
ميلاد حياه وسكه واكون .
لاحوله من زمنا يجيبك ومابتجى
لاحوله من هادى الظنون .
غنيتلك الآهات لحون .
ياسارجه خيلك ليل عشم .
كم من سنين كم كم وكم .
مابحه صوتى ولا انكتم .
راجيك سنين .
متحدى بيك زمنى الضنين .
شايلك نغم .
عايش معاكى على يقين ..
بلقاكى ماعشتك وهم .
ماخنته جيتك ذات صباح ..
لاشوقى فى يوم انهزم .
بس وين صهيلك منتظر ..
واقف على طرف الدرب .
راجيك تجى ..
تمطر علىّ سحبك تكب .
افتح علىّ باب المروق ..
وادخل عليك فاتح على روحك
مسارب روحى شوق
باكر خلاص عكرك يروق
يابت موزعه فى العصب .
وهاجه انت كما الشمس ..
معطونه حن ..
هطاله حب .
ممزوجه بى طيب الارض
حبك فرض .
خاطرك معاك ..
لاقينى من داخل دواخلى الضمتك .
فاتح مسامى على هواك ..
عاينى المداخل حقتك .
يلا ادخلينى كما يجب .
والشوق يحب .
تلقينى جواك ضحكتك .
د. ازهرى الحاج شرشاب
دبى 1/1/2012



التعديل الأخير تم بواسطة ازهري الحاج شرشاب ; 01-01-2012 الساعة 03:50 PM.
ازهري الحاج شرشاب غير متصل   رد مع اقتباس
قديم 01-01-2012, 08:18 PM   #[2]
حسين أحمد حسين
:: كــاتب نشــط::
 
افتراضي

[justify]
العزيز د. أزهرى الحاج شرشاب،

فخيم التحايا عظيم الأشواق، لك وللأهل والعيال، وكل عام وأنتم بخير.
شكراً أزهرى على هذا النبض، شكراً أنَّك حىٌّ وهم ميَّتون.

معزتى التى تعلم،
حُسين.

[/justify]



حسين أحمد حسين غير متصل   رد مع اقتباس
قديم 02-01-2012, 12:49 PM   #[3]
ازهري الحاج شرشاب
:: كــاتب نشــط::
 
افتراضي سلام

اخى العزيز حسن شكرا على كلماتك وكل سنه والاسره بخير واشتياقى الى لقياك



ازهري الحاج شرشاب غير متصل   رد مع اقتباس
قديم 02-01-2012, 01:18 PM   #[4]
نغم
:: كــاتب نشــط::
 
افتراضي

اقتباس:
المشاركة الأصلية كتبت بواسطة ازهري الحاج شرشاب
راجيك تجى ..
تمطر علىّ سحبك تكب .
افتح علىّ باب المروق ..
وادخل عليك فاتح على روحك
مسارب روحى شوق
باكر خلاص عكرك يروق
يابت موزعه فى العصب .
وهاجه انت كما الشمس ..
معطونه حن ..
هطاله حب .
ممزوجه بى طيب الارض
حبك فرض .
خاطرك معاك ..
لاقينى من داخل دواخلى الضمتك .
فاتح مسامى على هواك ..
عاينى المداخل حقتك .
يلا ادخلينى كما يجب .
والشوق يحب .
تلقينى جواك ضحكتك .
د. ازهرى الحاج شرشاب
دبى 1/1/2012



التحيه و التجله لكل بكل امنيات العام الجديد و ما تصبو اليه
بيها و معها تحقق
بوهج كلماتك الانيقه

تمنياتى ليك بالعافيه و العمر المديد
وشكرا ان جعلتنى اتمدد بين الكلمات و الطاقات



نغم غير متصل   رد مع اقتباس
قديم 02-01-2012, 02:05 PM   #[5]
اشرف السر
:: كــاتب نشــط::
الصورة الرمزية اشرف السر
 
افتراضي

اقتباس:
راجيك تجى ..
تمطر علىّ سحبك تكب .
افتح علىّ باب المروق ..
وادخل عليك فاتح على روحك
مسارب روحى شوق
باكر خلاص عكرك يروق
يابت موزعه فى العصب .
وهاجه انت كما الشمس ..
معطونه حن ..
هطاله حب .
ممزوجه بى طيب الارض
حبك فرض .
خاطرك معاك ..
لاقينى من داخل دواخلى الضمتك .
فاتح مسامى على هواك ..
عاينى المداخل حقتك .
يلا ادخلينى كما يجب .
والشوق يحب .

يا للروعة والجمال.....


د. ازهري
أهديك

[aldl]http://forum.ro7ee.com/r7e/image_134679825_7215.jpg[/aldl]



التوقيع:

اشرف السر غير متصل   رد مع اقتباس
قديم 02-01-2012, 06:09 PM   #[6]
ازهري الحاج شرشاب
:: كــاتب نشــط::
 
افتراضي سلام

سلام يانغم وشكرا ليك كتير وياريت نقدر نرضى كل الرائعين
الاخ اشرف لك تحياتى وتقديرى ان جعلتنى احد الاحباب واهديتنى ورده تسلم ياجميل



ازهري الحاج شرشاب غير متصل   رد مع اقتباس
قديم 02-01-2012, 06:16 PM   #[7]
عكــود
Administrator
الصورة الرمزية عكــود
 
افتراضي

اقتباس:
ياحابسه من عينى الغميد .
ياواقفه قدامى وتضج ...
عاطفه وحنان وافراح وعيد .
ومن وين يجي الغميد
وكل الضجيج على مرمى البصر!

شكرًا يا دكتور على النص المكرّب.



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 03-01-2012, 10:23 AM   #[8]
النور يوسف محمد
:: كــاتب نشــط::
الصورة الرمزية النور يوسف محمد
 
افتراضي

بسم الله الرحمن الرحيم


بهذه الإطلالة ..
كيف لا يكون .. حقاً إنه عامٌ سعيد ..


جميل يا شرشاب .. جميل جداً والله ..



النور يوسف محمد غير متصل   رد مع اقتباس
قديم 03-01-2012, 11:23 AM   #[9]
نعمات حمود
:: كــاتب نشــط::
الصورة الرمزية نعمات حمود
 
افتراضي

اووووووووو
دا كلو يا دكتور
حب
وضجيج
كل هذا ونحن ولا ع بالك

كدا تخنق لانك براك

شكرا يا مبدع ولا نضب معينك

شكرا تاني وتالت

وحنشوف الحكاية يا مولانا
محبتي



التوقيع: نعمات حمود
نعمات حمود غير متصل   رد مع اقتباس
قديم 01-01-2013, 04:30 PM   #[10]
حسين أحمد حسين
:: كــاتب نشــط::
 
افتراضي

لا يشغلُ عن الوطن إلاَّ الوطن،

كل السنة إنتَ والأسرة الكريمة على أتم صحة وعافية. إفتقدناك وعذرناك هذا العام.
ومن قبل التحيات والمحبة.



حسين أحمد حسين غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 07:16 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.