راكوبة المجادعات.. النمة والدوباي

[تماضر حمزة]

هيلك العرضة وسهيمك شكّ
خارق للفؤاد ود عيننا ذاتا فتكّا
يا البدر الخلوق منشبكة وانت مفكّا
ويا الدهب الجنية غيرك بواقي وفكّة

[عبد المنعم حضيري]

المشاركة الأصلية كتبت بواسطة تماضر حمزة

هيلك العرضة وسهيمك شكّ
خارق للفؤاد ود عيننا ذاتا فتكّا
يا البدر الخلوق منشبكة وانت مفكّا
ويا الدهب الجنية غيرك بواقي وفكّة

هيــلــك النفــــل النـحاســـو مَتَـكّــــا
وهيــلــك العـــز والجُبَــار مــا فكـّـا
يا خـارق القلـوب أديـها كمّيـن دكـّة
خليت الخِلوق جايطة وكمان مرتبكة

[تماضر حمزة]

المشاركة الأصلية كتبت بواسطة عبد المنعم حضيري

هيــلــك النفــــل النـحاســـو مَتَـكّــــا
وهيــلــك العـــز والجُبَــار مــا فكـّـا
يا خـارق القلـوب أديـها كمّيـن دكـّة
خليت الخِلوق جايطة وكمان مرتبكة

نفسي إتماوحت موجة وشراع حرّكا
وقّلت رامية ومعاها شركّا
قاصدة البلطي والكاس البيملا شبكّا
ما قايلة الشبك قبضو البحل شربكّا

[عبده سعد]

عدلى للقوافى وتاانى نبدا العكا.
عرجونة الشمال الفوق جريدو متكا.
يا عجوة شمالنا المنها إتعشركتا.
ناقصين قلية البن وريحتو المخالطا المسكا.
ويتكرب المزاج ويحلها الشربكا.

[عكــود]

عجو الشمال كتير منو حلاوتو بتشرق
كان درت البرير كانت درت التمود والمشرق
العاجبني في المقسّم اب ضمير متحزق
لهيجو البـ العسل وبالدَبَس متدّفق

[عبد المنعم حضيري]

المشاركة الأصلية كتبت بواسطة عكــود

عجو الشمال كتير منو حلاوتو بتشرق
كان درت البرير كانت درت التمود والمشرق
العاجبني في المقسّم اب ضمير متحزق
لهيجو البـ العسل وبالدَبَس متدّفق

أبشـر يـا عكــود شكلـك مجــرب جِــرّق
فوق أمات وضيب قولك سماحتو تعشرق
العاجبنـي في الـزول اب ضميـر متحـذق
مشيهو مشي السحاب وكتين يسير مترفق

[تماضر حمزة]

المشاركة الأصلية كتبت بواسطة عكــود

عجو الشمال كتير منو حلاوتو بتشرق
كان درت البرير كانت درت التمود والمشرق
العاجبني في المقسّم اب ضمير متحزق
لهيجو البـ العسل وبالدَبَس متدّفق

عجو الشمال بي لهجو ذاتو مَعشرَّق
ما بقارنوهو بي فارساً ولاها جَررَّق
سام سهمو ولحاظي دَررَّق
صفحة قلبي يا عكود ملاها خَررَّق

[سجمان]

المشاركة الأصلية كتبت بواسطة عكــود

عجو الشمال كتير منو حلاوتو بتشرق
كان درت البرير كانت درت التمود والمشرق
العاجبني في المقسّم اب ضمير متحزق
لهيجو البـ العسل وبالدَبَس متدّفق

الفتق النوار ضيّع وراهو جررق
إن جيت للسماح لي وصفو ما بتطرّق
المخلوق بديع من فاطرو لامعة بررّق
ظرف قربينو لاح خل الجموع تدّرق

الليلة الصعيد تعولو برقن ونوّن
بالزار البلد فرحو الرجال ونسوّن
طالبين السماح وحروفنا فيك بتحوّن
في التأخير عليك مكتوب عذرنا مدوّن

[عبد المنعم حضيري]

المشاركة الأصلية كتبت بواسطة عبده سعد

عدلى للقوافى وتاانى نبدا العكا.
عرجونة الشمال الفوق جريدو متكا.
يا عجوة شمالنا المنها إتعشركتا.
ناقصين قلية البن وريحتو المخالطا المسكا.
ويتكرب المزاج ويحلها الشربكا.

يا عبدو إنهرد قلباً عليها إتْلَكّا
بالبي العزول فرحان هداك يتحكى
تكريب المزاج بالقهوة ما بنفكّا
والجرح المنوسر ما بتودرو حكة

[عبد المنعم حضيري]

المشاركة الأصلية كتبت بواسطة تماضر حمزة

نفسي إتماوحت موجة وشراع حرّكا
وقّلت رامية ومعاها شركّا
قاصدة البلطي والكاس البيملا شبكّا
ما قايلة الشبك قبضو البحل شربكّا

نفسي مخمخمة مما عشقت الملكة
لا راحة سرير لا فكة من الشبكة
وكان الشبك قبض البحل شربكّا
المقدور وقع كيف منو عاد إنفكا

[سجمان]

المشاركة الأصلية كتبت بواسطة عبد المنعم حضيري

نفسي مخمخمة مما عشقت الملكة
لا راحة سرير لا فكة من الشبكة
وكان الشبك قبض البحل شربكّا
المقدور وقع كيف منو عاد إنفكا

روحي مدهدهة وفرق البريدو دركّا
لو جاها النسيم تالا العشوق حرّكّا
الغفرو الخصال أنا أحوالي لو مدركّا
ما بغيب حتى لو لحظة عيوني فركّا

[عبد المنعم حضيري]

المشاركة الأصلية كتبت بواسطة سجمان

روحي مدهدهة وفرق البريدو دركّا
لو جاها النسيم تالا العشوق حرّكّا
الغفرو الخصال أنا أحوالي لو مدركّا
ما بغيب حتى لو لحظة عيوني فركّا

روحي مدردرة وفرق البريدو هلكّا
نوارة الجروف تريانة خمرة ودلكة
التوب فيها هيبـة والغريبــة الفركــة
لو جاها النسيم رقصت معاهو الدبكة

[سجمان]

المشاركة الأصلية كتبت بواسطة عبد المنعم حضيري

روحي مدردرة وفرق البريدو هلكّا
نوارة الجروف تريانة خمرة ودلكة
التوب فيها هيبـة والغريبــة الفركــة
لو جاها النسيم رقصت معاهو الدبكة

يا حضيرينا قول للكُمْ زوهورو فتكّا
قول ليهو الغرام زاد في كبودي فتكّا
الناش الفؤاد من صدرو بي فد تكّا
استار الصبر من شوق لماو هتّكّا

[تماضر حمزة]

المشاركة الأصلية كتبت بواسطة عبد المنعم حضيري

نفسي مخمخمة مما عشقت الملكة
لا راحة سرير لا فكة من الشبكة
وكان الشبك قبض البحل شربكّا
المقدور وقع كيف منو عاد إنفكا

بديت ب يا حضيري وتاني خفت زول الله يشيل حالنا

غايتو:

نفسي اتهايجت موجة العليهو مَسكّا
وحاة الفرقة في نص البحر منسكة
كان فرعون بعادك ومن شويقي حرسكا
حلاة الغَرْقَة دام قربك بفج السكة

[عبد المنعم حضيري]

المشاركة الأصلية كتبت بواسطة تماضر حمزة

بديت ب يا حضيري وتاني خفت زول الله يشيل حالنا

غايتو:

نفسي اتهايجت موجة العليهو مَسكّا
وحاة الفرقة في نص البحر منسكة
كان فرعون بعادك ومن شويقي حرسكا
حلاة الغَرْقَة دام قربك بفج السكة

مسافات البعاد والفرقة ما بتنفع معاها الجَكّة
والولد البقوم نهّاضي ما بيعمل حساب للدَّرْكَة
مِتْلُو عُكَار بحر المِسُور وكتين يفيض يِتْعَكّا
حلاة الغرقة جُوّة النني والرمّاش تكون مِتْلَبكَة