اقتباس:
المشاركة الأصلية كتبت بواسطة عكــود
سلام يا قيس،
خبر مفرح بحق ويدعو لأن نفاخر بك.
إلى الأمام دائماً إن شاء الله.
هل هناك إمكانية لإنزال المجموعة في نوافذ؟
|
يا عمدة هسع يقول ليك لامن نشاور الجماعة ، زي المرة الفاتت ...
دحين الراجل معذور؛ فهو محتكر وكدة؛
والعقد مجحف يا صديقي 30 من 500 ...
والتلاتين ذاتا مجهجهة شفت كيف ...
بس جوائز الايميلات دي واحتكارها جديدة لنج،
غايتو تعيش كتير، تشوف ايميلات عجيبة،
يا عمدة تاتينا في ايميلات الشركة رسالة يومية ، من شركة وهمية في بريطانيا تقول في ملخصها يا فلان ربحت رقم 163الف يورو دحين سرعة رقم حسابك عشان نرسل المبلغ، 99% من الزملاء يعمل دليت للرسالة اليومية البقت محفوظة،
زميلي الكوز، مشى السودان اسبوع، واعطاني الباسورد بتاع الايميل لاتابع له عمله العاجل، لقيتو محتفظ بكل الرسائل، وعلى وشك ارسال رقم حسابه،
يا زول انت متعلم وواعي ودا هكر وفرود،
قال وهو يضحك صاح والله لكن امكن تصدق معاي،
زي صاحبي تراهن كتار ...