الخال العزيز : ود الحاج :
والله ياخال .. وأنا بقرأ فى التقرير ده أصبت بالرعب حقيقة .. ياخى دى حاجة أصلها ما معقولة .. داخل الخرطوم تحصل تجاوزات أمنية بالخطورة دى .. وفى مرحلة تطبيق السلام كمان ,,, يا أخى الخرطوم .. حتى أيام الحرب الطاحنة والمعارك الملتهبة كانت عاصمة للجميع .. وماكنا بنسمع عن إختطافات أو إعتقالات بالعشوائية دى ..
والواحد فينا وهو بعيد بدأ يتساءل : هل إتفاقية السلام دى .. مجرد خطوة لنقل الصراع من الغابة .. إلى شوارع الخرطوم .. ؟
منو المسئول الليلة عن حماية المواطنين من التراكمات النفسية لسنوات الحرب ..؟ ونوايا الإنتقام .. ؟
هل فعلا إنتقل الصراع إلى مرحلة جديدة .. ؟ وأصبحت إتفاقية السلام فى مهب الريح .. ؟ هل فعلا ماهى إلا مسألة وقت حتى تشتعل النعرات من جديد ...؟
ياخى والله المسألة بقت غريبة جدا .. وبعد التقرير ده الواحد ممكن يصدق أى حاجة تحصل .. بس نقول ربنا يلطف بى عبادو .. والله يستر ..
ولك التحية من قبل ومن بعد
مع فائق الود والتقدير
الوليد عمر
|