اقتباس:
المشاركة الأصلية كتبت بواسطة الجيلى أحمد
ليش ياسيد بابكر...
______________
ياأخى والله جيت كريت الفاتنى, لقيتنى متكيف منك كيف,
شوية كدا وتبقى كاتبى المفضل..
تعبى فيك أصلو ماراح ساكت
|
وحات الله، أمس قطعنا فيك جنس قطيعة بتاعة إفتقاد! والمنتدى وحات سيدي الحسن، من غيرك، زي الفول بدون زيت سمسم. سعيد بعودتك زي سعادة بورداب الخرطوم في يوم بارد بعوضية سمك.
نرجع للموضوع الأساسي:
سالتني يا سيد الجيلي، وأنا بحب الأسئلة الساهلة زي الموية...
أقول:
طبعا، أبو جعفر وأبو دعد وكل الأبوات المعاهو، فاكرين انو تصويت البرلمان لزواج المثليين، هو عبارة عن إجازة من البرلمان لممارسة المثليين للجنس والسكن مع بعض داخل المجتمع؟!
الحق دا، أصلا عندهم ولا يملك البرلمان الحق في منعهم أو تركهم.
البرلمان صوّت لحق الزواج الذي يستفيد منه المثليين في أشياء مادية ليست لها علاقة بممارسة المثليّة المعلنة أصلا. حق الزواج بساعد الناس ديل، أمور تتعلق بالضرائب الضمانات الإجتماعية المادية الأخرى.
عدم إجازة حق الزواج سوف لن يكون له تأثير
معنوي في زيادة أو نقصان المثليين، لذلك وبصفتي عضو بالبرلمان البريطاني، فإنني أرى من العدل ان يستفيد هؤلاء دافعي الضرائب الصالحين من الإمتيازات المادية لدولتنا العلمانية