منتدى سودانيات الثقافي: ليلة التوعية الصحيّة بسرطان الثدي ...

[مهند الخطيب]

الزمان : 20 / 9 / 2012
المكان : مركز الوافر للتنمية والتدريب

الفعاليات :

1- ندوة توعوية يقدمها مختصون واقْتُرحَ
-د. حسين محمد أحمد المدير السابق للمركز القومي للأورام
- د.عائدة حسين استشاري جراحة الاورام

2- فيلم تسجيلي

3- عيادة مفتوحية بالتعاون مع "مبادرات نسوية" واقترح لها جامعة الأحفاد

4- كورال الأحفاد ...

اللجنة التحضيرية لمنتدى سودانيات الثقافي

[مهند الخطيب]

اعـــــــــلاه ملخص مناقشات اعضاء اللجنة التحضيرية لمنتدى سودانيات الثقافي في اجتماعهم الفائت بتاريخ 9/9/2012 وقد تم تكليفي بعرضه هنا لأجل مزيد من رؤى الأعضاء واقتراحاتهم للفعاليات ....

[مهند الخطيب]

طلب خاص: الرجاء عدم التثبيت ...

[ابرا]

المشاركة الأصلية كتبت بواسطة مهند الخطيب

اعـــــــــلاه ملخص مناقشات اعضاء اللجنة التحضيرية لمنتدى سودانيات الثقافي في اجتماعهم الفائت بتاريخ 9/9/2012 وقد تم تكليفي بعرضه هنا لأجل مزيد من رؤى الأعضاء واقتراحاتهم للفعاليات ....

وين ومتين؟؟؟

[بله محمد الفاضل]

موضوع مهم للغاية
كتر خيركم والله
الناس فعلاً محتاجة لمواضيع مثل هذه
تطرح وتناقش
ووووو

وفقكم الله

وضد طلبك عدم تثبيت هذا الموضوع
لأهميته القصوى


تحياتي يا حبة ومحبتي

[مهند الخطيب]

المشاركة الأصلية كتبت بواسطة بله محمد الفاضل

موضوع مهم للغاية
كتر خيركم والله
الناس فعلاً محتاجة لمواضيع مثل هذه
تطرح وتناقش
ووووو

وفقكم الله

وضد طلبك عدم تثبيت هذا الموضوع
لأهميتها القصوى


تحياتي يا حبة ومحبتي

بلة الغائب .... كيفنك ياحبيب ؟

طلبي بسببو والله ... التثبيت ده بكتل الحراك في البوست والبوست معتمد على تلاقح الرؤى ، الناس دي عندها تثبيتوفوبيا صدقيني مما يقلوا مثبت دي مابخشو البوست ...

تكرار رجائي: ارجو من الادارة عدم تثبيت البوست ..

[مهند الخطيب]

المشاركة الأصلية كتبت بواسطة زول خرافي

وين ومتين؟؟؟

اللجنة تم اخطارها عن طريق الزميلة نبراس مقرر اللجنة وقد تكفلت باخطار كل من :

احمد زين محمد حسين
ابراهيم فرح
عصام عبد السلام
اشرف السر
حافظ حسين
مهند الخطيب

وقد تفاوتت اعذار الغائبين بين الانشغال وغيره وبعضهم لم نسمع منه حتى الآن .....

حضر كل من الزملاء :
نبراس السيد الدمرداش
مهند الخطيب
عصام عبد السلام
احمد زين محمد حسين ....

[ابرا]

المشاركة الأصلية كتبت بواسطة مهند الخطيب

اللجنة تم اخطارها عن طريق الزميلة نبراس مقرر اللجنة وقد تكفلت باخطار كل من :

احمد زين محمد حسين
ابراهيم فرح
عصام عبد السلام
اشرف السر
حافظ حسين
مهند الخطيب

وقد تفاوتت اعذار الغائبين بين الانشغال وغيره وبعضهم لم نسمع منه حتى الآن .....

حضر كل من الزملاء :
نبراس السيد الدمرداش
مهند الخطيب
عصام عبد السلام
احمد زين محمد حسين ....

انا كنت امس في الوافر مافي زول كلمني

عل كل قشة ما تعتر ليكم

[مهند الخطيب]

المشاركة الأصلية كتبت بواسطة زول خرافي

انا كنت امس في الوافر مافي زول كلمني

عل كل قشة ما تعتر ليكم

ياابراهيم تعامل الأطفال ده ماجميل ، البوست ده في متنه ومضمونو مكتوب ان المقصد من استقراء رؤى واقتراحات الاعضاء من اجل فعالية تلمس موضوعا حساسا ومهما ....

عليه لاداعي لنبرة التباكي الطفولية هذه وتحويل بوست وموضوع عموميين لموضوع شخصي يتعلق بـ (انهم ماكلموك) وعلى فرض صحة حديثك انك لم تعرف ، فالآن قد عرفت وقد كان رد فعلك كامل الطفولية أن "قشة ماتعتر ليكم" ولن تفعل صدقني ... مع تقديري ..

[خال فاطنة]

المشاركة الأصلية كتبت بواسطة مهند الخطيب

اللجنة تم اخطارها عن طريق الزميلة نبراس مقرر اللجنة وقد تكفلت باخطار كل من :

احمد زين محمد حسين
ابراهيم فرح
عصام عبد السلام
اشرف السر
حافظ حسين
مهند الخطيب

وقد تفاوتت اعذار الغائبين بين الانشغال وغيره وبعضهم لم نسمع منه حتى الآن .....

حضر كل من الزملاء :
نبراس السيد الدمرداش
مهند الخطيب
عصام عبد السلام
احمد زين محمد حسين ....

سلامات مهند و الشباب...شغل نجيض، أقترح ضم الدكتور عابدين محمد خليفة (عضو البورد) فهو متواجد حاليا في الخرطوم و مفيد جدا في هكذا أنشطة

[مهند الخطيب]

المشاركة الأصلية كتبت بواسطة خال فاطنة

سلامات مهند و الشباب...شغل نجيض، أقترح ضم الدكتور عابدين محمد خليفة (عضو البورد) فهو متواجد حاليا في الخرطوم و مفيد جدا في هكذا أنشطة

طيب ماتخليك زول فيك همة وتجيب عابدين ده جاريهو من لياقتو وتجوني ،

الشي التاني دايرنك في الشق الاداري لليلة يعني تظهر علي تظهر علي ماعندك حل ....

[نبراس السيد الدمرداش]

شكرا يا مهند على فتح البوست وعلى حاجات كتارات

اول شيء احب اوضح حاجه بسيطه لابراهيم فرح وان كانت ما بتعفيني من تقصير في اخطارو وخالها واعتذر عن التقصير بس ما كان متعمد

الموضوع كان اقتراح طرحتو للشباب يوم لمة الثلاثاء انت وخال فاطنه(باعتباركم اعضاء لجنه) طلعتو قبل انا اكلم زول من الناس ديل وقبل اعرف رايهم شنو
واتفقنا نتلاقى يوم الاحد نتناقش ونشوف نبدا كيف والخطوط العريضه للبرنامج

امس ختينا تصور سريع زي ماقال مهند ومهام اتوزعت بين احمد ومهند
وكالعاده يا ابراهيم من اول الاشياء الاتناقشنا فيها كان الاعلام وكلنا بنفس واحد قلنا ابراهيم فرح بنجض الموضوع يعني معتمدين عليك في اهم شيء وللاسف يا ابراهيم امس انشغلنا بالمنتدى والونسه وبعض الخستكات وما فتحنا سيره للموضوع تاني



ما يخص الموضوع الاساسي
ممكن نستاذن اهل ايمان محمد حسين عليها الرحمه ونعرض جزء من تجربتها الكتبتها هنا اثناء البرنامج

[البديري]

سلامات ياشباب
يوم 20/09/2012
إحتمال كبير تقام فية مبارة الهلال والمريخ، ولسؤ الحظ مركز وافر بقع بين الاستادين! وتقريبا موعد ندوتكم مع مواعيد المبارة والنهاية برضو حاتكونوا مع بعض! الله يعدى يومكم داك على خير وكل ايامكم ومشاريعكم ان شاءالله.


*الاخ الحبيب/ مهند الخطيب ، خليك من ناس سودانيات وخلافك معهم على اشياء صغيرة ، ليه مانظرتة ليها من منطلق انسانى بحت وجودك ممكن ان يساهم فى علاج مريضة بصورة او بآخرى. اتمنى وجودك.

لكم التوفيق ان شاءالله