أذكّرتِك .."زي العادة.."
أتصل بي هاتفياً .. بعد أن أنقطع صوته دهوراً .. فقلت له :"أذكرتني..؟"
فأنهمر دون تردد كأنما كان يختزن غيم الكلمات في حلقه
.........
[align=center]اذكرتك زي العادة
وكت احتجتك ضحكة
وكان الليل مصلوب فوق دمعة قصيدة شوق
واتأملتك
وكان الطيف زي جارح
قلب اللحظة وقلبي
ودافر فيني رعود وبروق
واتخيلتك
مشوار باكر
وزاد العمر الفضل
وطعم الفرح الما مسروق
يازول يازوق
واحشاني عيونك
رغم الحزن الضارب
فيني وفيهن
وسارح فينا غروب وشروق
صدقني بريدك
رغم الغبن الفاصل
بين النبضة
ودرب الجية
البسرق مني خطاوي الرجعة الما بتحوق
يازول يازوق
الريد مطبوق
الشوق مطبوق
واحشني القمر النام متوسد
صدر الليل والسمرة فراش
واحشني خريفك
تلّة قدلة
نواحي النيل
والغيمة رشاش
واحشاني
عيون الزول الزوق
والضحكة دعاش
"عبد الله جعفر ..[/align]"
|