خريجو جامعة أسيوط لمزيد من التواصل

[صلاح الدين هجو النحاس]

المشاركة الأصلية كتبت بواسطة Wad Elbeck

عموم الأسايطة.. سلامُ عليكم..
هذه الصورة المعبرة أُخذت فى نهارٍ ساخن من نهارات العام 1984 بشقتنا فى شارع النميس.

يا لها من ايام جميلات مرت بنا كانها طيف اخونا عمار زراعه وعبد المنعم (ابو ليفتا) و بقيت العقد الفريد 0
ولا تفوتى السانحه اقول لكل من نجح من ابناء الاسايطه الف مبروك0

[شبارقة]

[align=justify]رجعنالكم رجوع القمرة لوطن القماري

وبالمناسبة يا كيشو الكلام الفوق ده هي أغنية للبلابل ... وهي من كلمات سبدرات وبدون أي مغالطات [/align]

[أسامة الكاشف]

الأسايطة مساءكم عسل وقشطة وملبن

حنغيب عنكم شهر
أحرسو الدار

ود البك الصورة الرائعة دي جعتك مع مكي وأبلفتة عبد المنعم وعمارعباس وعبد الماجد تحياتنا لهم اين ما كانوا

[شبارقة]

المشاركة الأصلية كتبت بواسطة أسامة الكاشف

ود البك الصورة الرائعة دي جعتك مع مكي وأبلفتة عبد المنعم وعمارعباس وعبد الماجد تحياتنا لهم اين ما كانوا

[align=justify]أمسح العدسات اللاصقة كويس يا ود الكاشف .... وشوف لينا اللي بالأحمر ده

طيب في واحد جلـّيتو مالك ؟ ما كان في زراعة ولا ّ شنو ؟ [/align]

[Wad Elbeck]

المشاركة الأصلية كتبت بواسطة أسامة الكاشف

الأسايطة مساءكم عسل وقشطة وملبن

حنغيب عنكم شهر
أحرسو الدار

ود البك الصورة الرائعة دي جعتك مع مكي وأبلفتة عبد المنعم وعمارعباس وعبد الماجد تحياتنا لهم اين ما كانوا

ود الكاشف..سلام
ياها دى جعتنا المفضله، لكن أحياناً كنا نتعاطى "نبيذ القصب" من عمك بتاع جنة الفواكه..
أمنياتنا ليك بإجازة سعيدة، وبالله يا أسامة سلام خاص لودمدنى من حى البان إلى جزيرة الفيل.

[Wad Elbeck]

المشاركة الأصلية كتبت بواسطة شبارقة

[align=justify]أمسح العدسات اللاصقة كويس يا ود الكاشف .... وشوف لينا اللي بالأحمر ده

طيب في واحد جلـّيتو مالك ؟ ما كان في زراعة ولا ّ شنو ؟ [/align]

شبارقة..ترحيبات حارة وحمدلله على السلامه..
يا عاصم غايتو أنا كنت حسُن النيه وفهمت أن الكاشف قصد بى أبولفته (عبدالمنعم أحمد إسماعيل)، ثم قصد بى عبدالمنعم "عبد المنعم جاويش" وهو فى الصورة الثانى من اليمين بين أبولفته وعبدالماجد، ثم يليهم عمار، مكى الصوفى، وودالبك، أما إذا كان قاصد غير كده فيجب عليه مسح النظارة..

[عمر محمد عود]

في البدء سلام حار كحرارة خرطومنا بل سوداننا العريق يحمل لكم أجمعين كل الشوق و السؤال عن الصحة و الحال و أنتم في بلاد المهجر نتمني عودتكم و ملاقاة الأهل و الصحاب
- نتقدم لأخونا عوض التيجاني عصملي ( أحد فناني أسيوط يا مكي في عهدنا ) بالتعازي الحارة في وفاة والده التي حدثت في شهر مايو المنصرم فله الرحمة و العزاء.. كما نتقدم له نيابة عن كل الأسايطة أيضاً بالتهنئة بالزواج الميمون و الذي كان محدداً قبل وفاة والده و نقول ليه بيت مال و عيال و بركة و خير......
في يوم 13\06\2009 كان هناك تجمع أسيوطي للإحتفال بزواج عثمان و عوض التيجاني و تكريم أبناء الأسايطة الناجحين في شهادة الأساس و قد حضر عدد 39 أسيوطي و أسيوطية خلاف أفراد الأسر وقد تجاوز العدد الكلي ال100 فرد كان يوم بهيج حضر فيه لأول مرة دكتور عبدالعظيم الأمين البشير و هو يعمل حالياً بمستشفي الشعب بالخرطوم و حضر أيضاً الأخوان صالح أحمد أبكر و دكتور قاسم صيدلة و خلافهم من الأسايطة و للأسف لم يتم التوثيق الا من خلال كاميرا لأخونا جوهر آدم الطاهر و نأمل أن نراها علي النت.......
- تم نقل أخواننا العقداء حاتم محمود و نجم الدين عبدالرحيم الي جنوب و شمال دارفور و نتمني لهم إقامة طيبة هناك و مزيد من التقدم لهم.......
- ظهرت نتيجة الشهادة السودانية و قد رشح لنا نجاح أبناء الأسايطة الأتية أسماؤهم :-
1- إبن و بنت إقبال عبدالحليم (بلو ) و د.طارق محي الدين صابر (58% و 74% )
2-إبنيَ هدي الأمين (زراعة ) و د.عبدالله (90% و 87%)
3- إبن الأخت رباب الفيل (86%)
4- إبن الأخت حنان عوض -زراعة (82%)
5- إبنة صابر أحمد الزبير - الأزهر أسيوط ( 84.3% )
ألف مبرووووووووووووووووك ليهم عقبال البكالريوس و الدكتوارةو سيتم ترتيب عمل إحتفالية لهم في الأيام القادمة بإذن الله و سنعلن عنها....
و نعتذر لأخواننا الأسايطة الذين لم نعلن عن نجاح أبنائهم لعدم إلمامنا بهم

[عبدالله عبداللطيف]

الإخوة الأسايطة
السلام عليكم ورحمة الله وبركاته
نعود لكم بعد انقطاع ليس بالقصير ,, وبعد رحلة عمل في السودان الحبيب برغم ما فيه من مشقة تخللتها لحظات رائعة بين الإخوة الأسايطة في حديقة الموردة أولا على شرف أخونا الأستاذ ميسرة علام ومن ثم زواج أخونا عثمان الشيايقي والله لحظات لا توصف والزول رجع لأجمل الأيام وكم كنت أتمنى أن أحضر التجمع الأخير لكن ولظرف طاريء اضطررت للعودة فورا .
الشكر كل الشكر للإخوة في الخرطوم على هذا التجمع الرائع والترابط ( الأسري ) الرائع وربنا يديم هذه النعمة على الجميع ونرى رابطة خريجي أسيوط قريبا .
المزيد من التفاصيل لاحقا بإذن الله .. التحية والشكر والتقدير لأسايطة الخرطوم لا أريد ذكر أسماء حتى لا أنسى أحد ( زهايمر ) ولكن تم توثيق هذا التجمع بالصور سابقا ..
للجميع حبي وتقديري ..
تخريمة ..
أسايطة الرياض الإجازة على الأبواب عايزين تجمع سريع كده في هذه الأجواء الساخنة ( طولنا ) . من اللمة .

[محمد ود الطيب]

عموم الاسايطة سلام وجمعة مباركة
مبروك للاشبال الذين احرزو درجات مشرفة وعقبال الدكتوراة
جاءت الاجازة وموضوع اللمة مهم ومع البرامج والاقتراحات ارجو من الجميع وضع ارقام
تلفوناتهم علي النت ويللا يا صلاح هجو والنشيطين اعداد اللمات والبرامج
اتمني رؤية مكوك شبارقة كيشو وجماعة ايرلندا وكمال محجوب وبقية العقد الفريد

[كيشو]

المشاركة الأصلية كتبت بواسطة شبارقة

[align=justify]رجعنالكم رجوع القمرة لوطن القماري

وبالمناسبة يا كيشو الكلام الفوق ده هي أغنية للبلابل ... وهي من كلمات سبدرات وبدون أي مغالطات [/align]

ما قلنا ليك دي مافيها جدال
المشكلة في غالي الحروف
قارن بين الغنيتين حتلاقيهم طالعات من قلب واحد

[كيشو]

المشاركة الأصلية كتبت بواسطة Wad Elbeck

ود الكاشف..سلام
ياها دى جعتنا المفضله، لكن أحياناً كنا نتعاطى "نبيذ القصب" من عمك بتاع جنة الفواكه..
أمنياتنا ليك بإجازة سعيدة، وبالله يا أسامة سلام خاص لودمدنى من حى البان إلى جزيرة الفيل.

والله ما بتريحو

[كيشو]

المشاركة الأصلية كتبت بواسطة محمد ود الطيب

عموم الاسايطة سلام وجمعة مباركة
مبروك للاشبال الذين احرزو درجات مشرفة وعقبال الدكتوراة
جاءت الاجازة وموضوع اللمة مهم ومع البرامج والاقتراحات ارجو من الجميع وضع ارقام
تلفوناتهم علي النت ويللا يا صلاح هجو والنشيطين اعداد اللمات والبرامج
اتمني رؤية مكوك شبارقة كيشو وجماعة ايرلندا وكمال محجوب وبقية العقد الفريد

شهر سبعة نحنا هناك بإذن الله
المرة دي لازم نلاقيك يا ود الطيب

[Wad Elbeck]

المشاركة الأصلية كتبت بواسطة كيشو

والله ما بتريحو

يا كيشو سلام تربيع لى حى الزمالك.. عشان ما تزعل وكده..

[كيشو]

المشاركة الأصلية كتبت بواسطة Wad Elbeck

يا كيشو سلام تربيع لى حى الزمالك.. عشان ما تزعل وكده..

وما حب الديار شغفن قلبي
تعرف يا ود البك
الجماعة ديل مستكترين على سبدرات إنو يقول:
يا ريت تشوف أنا كل ما تنعس شموع بوقد شموع

[ابوريم]

المشاركة الأصلية كتبت بواسطة كيشو

وما حب الديار شغفن قلبي
تعرف يا ود البك
الجماعة ديل مستكترين على سبدرات إنو يقول:
يا ريت تشوف أنا كل ما تنعس شموع بوقد شموع

كيشو
ازيك. مشتاقين.
معقول.
غالي الحروف دي مش كلمات مصطفى سند؟