ندى الكلام .........(قصيدة)

[تغريده]

حروفك حلوة تتحكر جووو القلب بأنسجام
ويبرق سناها فى عتمة الحزن زى بدراً كامل التمام
حنينة زى ضمة أم لى وليدا راوياه حنان
زى نسمة هواء نادية تلفح العطشان
وديمة معاك بغلبنى النضم وأعبر اقول الجوووه فى الوجدان

أستاذنا الكاتب الأديب جمال محمد أبراهيم تحيات ملؤها الود والأحترام
وشكراً على هذا الجمال
(الكلمات الفوق مرتجلة وليدة اللحظة مجرد محاولة لمجاراتك وطبعاً دا شئ صعييييب علينا )

ورمضان كريم عليك أنت والأسرة

[الرشيد اسماعيل محمود]

دايراني أكتب لـيك شـنو ؟
ما فضّـل إلّا نــدى الكـلام . .

سلام يا أستاذ جمال،،
شكراً لـ ندي، وللكلام، ولندي الكلام
البيت الأخير وقفت فيهو وأنا بقرا للمرّة الأولي، تعثر الوزن بشكل كبير، لكن انتبهت إنو الهمزة وصلية لا قطعية، بعدها استقام الوزن في القراءة.
نص رشيق وخفيف ومعبِّر

تحياتي ورمضان كريم