أعلن ترشحي للرئاسة

[ياسر كبوش]

ابن عمى سلامات
انت اترشح لكن كان فزت ابقى قابلنى




اخونا اسعد سلامات مداخلتك دى راجعه كدى واقراها مره تانية اعتقد انك تكتشف خطا على كل ابكر دا اى نعم غياظ ومعاط بس اطلاقا ما زى ما وصفتو وكل حرف بكتبو هنا بكون حاسبو مليون مره



واخيرا يا بكور قبل ما اقول ليك قوم لف عندك صوت مضمون

[سر الختم إبراهيم نقد]

يابابكر
غايتو كان فزت بتتعب معانا شديييد
وكان ما فزت برضو حتتعب معانا ساي
في الحالتين انت ....
زمان سكتنا درءا لمقولة العنف ضد النساء.

[أسعد]

حبيبنا ياسر
ياخ كلامي ظاهر انه علقنة مني ساااي لكن من باب اشربه من العلقم الذي يسقيه لبقية الخلق
وبكور عارفني كدة ^_^

[خالد غالي]

نفسي اعرف الشي الشايفو البروف امين في بكة ده ونحن ماشايفنو

[الرشيد اسماعيل محمود]

المشاركة الأصلية كتبت بواسطة خالد غالي

نفسي اعرف الشي الشايفو البروف امين في بكة ده ونحن ماشايفنو

لكن البروف قاعد يري بنور الله، وين ليك إنت؟!

[ابرا]

المشاركة الأصلية كتبت بواسطة أبوبكر عباس

مرحب بيك في ساحة الديمقراطية، وعلي الأقل نعرف إتّا منو، طيلة الفترة السابقة بتعامل معاك في المنتدى وبتخيلك أبرها بتاع أصحاب الفيل داك.

حدد انواع الفيل عشان نشوف ادوات الشغل ؟

[أبوبكر عباس]

أرجو من الأعضاء التصويت لي مع كلٍ من ياسر كبوش، بكري مبلول وخالد غالي
من أجل منتدى حضاري يدار من منطقة حضارية (دبي) بواسطة تقدميون

[أبوبكر عباس]

واحدة من أهداف فوزي إنو أدي ناس المجلس المخلوع درس في كيفية إدارة العمل العام

[جيجي]

يعني بالله انت كنت جادي للترشيح
عذرا واسفة للخرمجة
قايلاك بتهظر والله
وحااكد ليك اني حاديك صوتي
بس ماتنسي لو فزت انك بتكون فزت ب صوت شبح

[أبوبكر عباس]

والله يا بابكر كدا الواحد ممكن يغير رأيه يديك صوته لكن بدون دعاية انتخابية
من مداخلة لحافظ حسين ببوست الترشيح

كل الأحرار* ح يصوتوا لي

ــــــــــــــــــ
* حرية الفكر

[أبوبكر عباس]

المشاركة الأصلية كتبت بواسطة جيجي

يعني بالله انت كنت جادي للترشيح
عذرا واسفة للخرمجة

يا جيجي يا أختي، ما في زول مناسب غيري.

أقتدي بكلام سيدي المهدي:
"أظهر لهم أمر المهدي: أنه خليفة رسول الله وعبده بالمهدية في الجلسة النبوية بحضور الاربعة الأقطاب وبحضور نبي الله الخضر عليه السلام، وقال لهم: اني علي قدر ما تجزعت منها، قال لي رسول الله (ص): ما لها إلا انت يا فلان"

[أمير الأمين]

المشاركة الأصلية كتبت بواسطة أبوبكر عباس

يا جيجي يا أختي، ما في زول مناسب غيري.

أقتدي بكلام سيدي المهدي:
"أظهر لهم أمر المهدي: أنه خليفة رسول الله وعبده بالمهدية في الجلسة النبوية بحضور الاربعة الأقطاب وبحضور نبي الله الخضر عليه السلام، وقال لهم: اني علي قدر ما تجزعت منها، قال لي رسول الله (ص): ما لها إلا انت يا فلان"

الاهم منو الخليفة ؟

[أبوبكر عباس]

دورتي ح تكون زي دورة حكم أوباما؛ بعد فشل ذريع لجورج بوش.

أقل شيء تعملوا ح يجد الإشادة والتقدير

[أبوبكر عباس]

المشاركة الأصلية كتبت بواسطة أمير الأمين

الاهم منو الخليفة ؟

الأمراء التلاته وريتكم ليهم، المشكلة يا (أمير) ما لاقي زول يمثل دور الأمير يونس ود الدكيم

[أبوبكر عباس]

أكتفي بهذا القدر من الدعاية الإنتخابية