حرق الجامعات والعنف ...هل هو اسلوب معارضة جديد؟؟

[زول الله]

الخرطوم: الرأي العام:
شهدت جامعة أم درمان الإسلامية بالفتيحاب أمس، أعمال عنف بين طلاب التنظيمات السياسية، وأضرم طلاب إحدى حركات دارفور النيران في داخلية الشهيد محمد صالح عمر، ونتجت عن الأحداث إصابة نحو (110) طلاب وتعرضت الكثير من مرافق الجامعة للتلف.
فيما اتهم المهندس خالد أبو سن رئيس الاتحاد العام لطلاب ولاية الخرطوم، الجبهة الشعبية المتحدة وطلاب المؤتمر الشعبي، بإشاعة الفوضى وإثارة العنف وسط طلاب الجامعات. وقال أبو سن خلال مؤتمر صحفي بدار الاتحاد العام للطلاب السودانيين أمس عقب أحداث العنف بالإسلامية، إنّ أسباب العنف التي اندلعت ظهر أمس جاءت نتيجة لاختطاف أربعة طلاب من قبل مجموعة عبد الواحد نور التي تنشر الفوضى وتعتدي على الطلاب العُزّل في الجامعات وأماكن سكنهم بالداخليات، وأضاف بأنّ عدد الطلاب المتضررين جراء العنف بلغ (110) طلاب جلهم ليست لديهم أية انتماءات تنظيمية، وتم إسعافهم إلى حوادث أم درمان لتلقي العلاج. وأكد أبو سن أنه تم إطلاق الطلاب المختطفين وأجريت الفحوصات اللازمة لاثنين منهم، وأشار إلى أن حالة اثنين آخرين خطرة، حيث أصيب أحدهما في رأسه بـ (ساطور)، وكشف عن توقيف (3) من المتهمين دوّنت في مواجهتهم بلاغات، وأكد تدخل قوات الدفاع المدني لإخماد الحريق وتفريق المتظاهرين.
وفي السياق، اكد أبو سن استقرار الأوضاع بالجامعة، وأن السلطات الأمنية تتابع عملها بحثاً عن المجرمين، وقال إنهم في الإتحاد على أتم الاستعداد لإجراء حوار هادف وبنّاء حول القضايا الطلابية كافة، ودعا إدارات الجامعات للعمل المشترك مع الاتحاد لتفويت الفرصة على المتربصين باستقرار الجامعات.
وفي الأثناء، اتهم ضياء الدين عبد الرحمن رئيس إتحاد طلاب الجامعة الإسلامية، طلاب الـ (يو بي أف) التابع لحركة عبد الواحد محمد نور بترويع الطلاب ومحاولة نسف الاستقرار في داخلية الشهيد محمد صالح عمر التي حرقت باسم (الأراضي المحررة)، واعتبر ذلك دليلاً على تورطهم في الحادثة، وشدد على ضرورة مساءلتهم وتقديمهم للعدالة في أقرب وقت، وأشار إلى أن الحريق تضرر منه الطلاب، وحذر من استغلال قضية طلاب جامعة الجزيرة لصالح أجندة أسماها بالضيِّقة، ونوّه لعمليات نهب صاحبت الحريق.
وعلى الصعيد، ينعقد بأكاديمية الشرطة في الخرطوم اليوم، اجتماع طارئ للمجلس القومي للتعليم العالي بحضور جميع مديري الجامعات ووزيري التعليم العالي والداخلية ود. أمين حسن عمر مدير مكتب متابعة سلام دارفور، وقال د. أسامة العوض الناطق باسم التعليم العالي في تصريحات أمس، إن الاجتماع سيناقش تداعيات أحداث جامعة الجزيرة وقضية رسوم طلاب دارفور وظاهرة العنف الطلابي، وتوقع خروج الاجتماع بجملة من القرارات
---------------------
طبعا البوست دا متوقع ليهو يغرق اسفل الصفحات قبل نهاية هذا اليوم






اقول قولي هذا واستغفر الله لي...................

[نسرين عزت]

قصه اغرب من الخيال

تم طردهم من الداخليات وضربهم بواسطة الطلاب الموالين للحركات المسلحة ولو لم تتدخل الشرطة كان يكون الامر في غايه الصعوبه
بعد ان طردوا الطلاب رفعوا علم الجبهة الثورية في الداخلية تحت مسمي الاراضي المحررة
لابد من الحسم لازم الحسم لان الموضوع يودي اشياء اخري السودان في غنى عنه

[معتصم الطاهر]

نريد صوتا محايدا ..


لا اقصد زول الله ..
ولا نسرين

يعنى شنو الحصل ؟

[نسرين عزت]

بعد "غرق اربعة طلاب".في جامعة الجزيرة
من هنا يبدأ ... الموضوع

[زول الله]

المشاركة الأصلية كتبت بواسطة نسرين عزت

قصه اغرب من الخيال
تم طردهم من الداخليات وضربهم بواسطة الطلاب الموالين للحركات المسلحة ولو لم تتدخل الشرطة كان يكون الامر في غايه الصعوبه
بعد ان طردوا الطلاب رفعوا علم الجبهة الثورية في الداخلية تحت مسمي الاراضي المحررة
لابد من الحسم لازم الحسم لان الموضوع يودي اشياء اخري السودان في غنى عنه

الاغرب من الخيال بالجد هي حكاية الاراضي المحررة دي
هل يستفيد النظام من حرق الداخليات وإثارة العنف وسط طلاب الجامعات؟؟؟
لا أظن ذلك
لكني أظن ان من قام بذلك الفعل لايفقه ولايعي مدى وعي الشعب السوداني الغلبان
هل نحن في زمن العنصرية داخل الوطن الواحد؟؟؟
حكمتو بالغة
شكرا نسرين




اقول قولي هذا واستغفر الله لي.................

[زول الله]

المشاركة الأصلية كتبت بواسطة معتصم الطاهر

نريد صوتا محايدا ..
لا اقصد زول الله ..
ولا نسرين
يعنى شنو الحصل ؟

الحصل هو القدامك فوق دا بحذافيره
ووصف الاحداث غير مكتمل ولسع فيهو كتير
اعتقد ان جهة ما تحاول خلق بطل ورمز لثورة
زي القرشي "الفلوتر" الذي اصبح رمزاً (بالصدفة) لثورة اكتوبر
رغم انه ليس الشهيد الاول كما يغنون
حيث ضاع دم الشهيد الأول الطالب من جنوب السودان سابقاً ودولة الجنوب حالياً
-
"محايد" دي ماوقعت لي
ممكن توضيح ياباش ينوبك ثواب؟؟





اقول قولي هذا واستغفر الله لي.............

[رأفت ميلاد]

المشاركة الأصلية كتبت بواسطة زول الله

الحصل هو القدامك فوق دا بحذافيره
ووصف الاحداث غير مكتمل ولسع فيهو كتير
اعتقد ان جهة ما تحاول خلق بطل ورمز لثورة
زي القرشي "الفلوتر" الذي اصبح رمزاً (بالصدفة) لثورة اكتوبر
رغم انه ليس الشهيد الاول كما يغنون
حيث ضاع دم الشهيد الأول الطالب من جنوب السودان سابقاً ودولة الجنوب حالياً
-
"محايد" دي ماوقعت لي
ممكن توضيح ياباش ينوبك ثواب؟؟





اقول قولي هذا واستغفر الله لي.............

ما أعتقد ده جواب على كلام معتصم .. حقو نسألو أعادة الصياغة كان كلامى صاح

[الجيلى أحمد]

المشاركة الأصلية كتبت بواسطة رأفت ميلاد

ما أعتقد ده جواب على كلام معتصم .. حقو نسألو أعادة الصياغة كان كلامى صاح

المشاركة الأصلية كتبت بواسطة بابكر عباس

http://www.youtube.com/watch?v=N0AIP...eature=related


عمر دا يحاسبوا
مافى ثقافة بتكسح لى قدام مع الظلم الماحق...

[Hassan Farah]

اقتباس:
المشاركة الأصلية كتبت بواسطة الجيلى أحمد
http://www.youtube.com/watch?v=N0AIP...eature=related


عمر دا يحاسبوا
مافى ثقافة بتكسح لى قدام مع الظلم الماحق...
-------------------------------------------------------------------
انا ذاتى جيت من كاتشا......والله صحى..... ويمكن المرة دى شفتها وهى صغيرة....او شفت امها عام ٦٢ .....انا عمر دا داير يمسكوا ويحاسبوا....يا قلبى عليكم يا اهل كاتشا البسطاء .....و المخزلون ضنبهم شايل حسكنيت...وحيدقوا الدلجة فوق فرشة ضريسا.... ويضوقوها فوق جلدهم.....بعدين حيفهموا

[حافظ حسين]

المشاركة الأصلية كتبت بواسطة نسرين عزت

قصه اغرب من الخيال

تم طردهم من الداخليات وضربهم بواسطة الطلاب الموالين للحركات المسلحة ولو لم تتدخل الشرطة كان يكون الامر في غايه الصعوبه
بعد ان طردوا الطلاب رفعوا علم الجبهة الثورية في الداخلية تحت مسمي الاراضي المحررة
لابد من الحسم لازم الحسم لان الموضوع يودي اشياء اخري السودان في غنى عنه

زول الله عارفين البيه و العليه
انت من وين ايتها المحللة الخطيرة؟
يا خي الله اداك عقل حاولي شوية تستخدميه
الحركات المسلحة وصلت لحد الخرطوم
و اعتقلت و ضربت و حرقت و رفعت علمها
بس قلتي لي الله ستر .... و الله يلزم هذا الرب ان يستر كتير لمثل هكذا عقول
حسم لمين و من مين يا زينب البدوي*


---------------------
* زينب البدوي دي سودانية و مقدمة برامج في البي بي سي و طالعة من حوش الحريم عشان ما تفتكري الموضوع اساءة

[نسرين عزت]

المشاركة الأصلية كتبت بواسطة حافظ حسين

زول الله عارفين البيه و العليه
انت من وين ايتها المحللة الخطيرة؟
يا خي الله اداك عقل حاولي شوية تستخدميه
الحركات المسلحة وصلت لحد الخرطوم
و اعتقلت و ضربت و حرقت و رفعت علمها
بس قلتي لي الله ستر .... و الله يلزم هذا الرب ان يستر كتير لمثل هكذا عقول
حسم لمين و من مين يا زينب البدوي*




---------------------
* زينب البدوي دي سودانية و مقدمة برامج في البي بي سي و طالعة من حوش الحريم عشان ما تفتكري الموضوع اساءة

اولا انا مامحلله لانك لاشوفتني في تحليل رياضي ولا تحليل سياسي
بنسبه لكلامي ده على حسب ماسمعت لاني مو موجوده داخل الحدس وبسمع من على بعد زى وزى الناس
وانا ما جايبه الكلام ده من عندى يا؟؟؟ بي بي سي
على حد علمي زينب البدوي عملت في آي تي في والقناة الرابعة قبل انضمامه للـبي بي سي
في مثل كان ماقرينا ؟؟؟

الله يكون في عون السودان