ترحيب بالحبيبة سارة

[رأفت ميلاد]

عشان تجى مشترطة بترحيب شديد اللهجة لا يقل عن تلتين العضوية .. ود حلال يفتح لينا الباب .. العمدة عكود يدك معانا الله يديك العافية .. سرورة دى ما هينة ولا لينة

[أمير الأمين]

حدد ...
العضوية النشطة او عضوية المنتدى ؟

[عادل عسوم]

مرحب أم فرح
عودا حميدا

[ناصر يوسف]

حبابها ساره ترجع تشيل الشيله مع أهلها

شكرا يا مقدس

[أسعد]

ترحيب بالحبيبة سارة

لائحة المخالفات والعقوبات بموقع سودانيات

1- يعتبر مخالفة اذا قام العضو بأى من الأفعال التالية:

2-1 إذا قام بنشر أي مواد تحريضية تحض علي أي نوع من أنواع الفتن الطائفية أوالمذهبية أو العرقية أو الجهوية أو أي مواد أخرى لا تتفق ومبادئ التعايش السلمي بين الأعضاء.

نرجو من الادارة عمل اللازم وتطبيق اللائحة


كيف يا قول علي سارة حبيبتي إنها (حبيبته)؟!
الفتنة أشد من القتل

[جيجي]

سر من رأى
قولو5

[نزار حسن علي]

اشواقنا بلا ضفاف

[كيشو]

المشاركة الأصلية كتبت بواسطة رأفت ميلاد

عشان تجى مشترطة بترحيب شديد اللهجة لا يقل عن تلتين العضوية ..

الحاجة يكون عندها مشروع ما خلصتو ، تلتين عديل كدا؟
غايتو يا خواجة باصر ليك أي تلتين كدا وخلص الموضوع، وما تخاف؛ ماف زول حيجي يحسب التلتين ويحاسب فيهم

[عوض الله الصلحابي]

مرحب بعودة الاخت سارة
عودا حميدا

[زول الله]

ياجماعة مافي زول عندو خلفية عن الخج يقوم يخج لينا التلتين ديل؟؟

المهم
مرحبتين تلاتة اربعة سارة الماضارة
وخشي بي رجلك اليمين








اقول قولي هذا واستغفرالله لي................

[عبد المنعم حضيري]

مرحبتين سارة السارة

كدا بقوا تلتين إلا ربع

أها....كيف الخجة دي يا زول الله

رأفت كمل الربع الباقي وخليها تدش

[الجيلى أحمد]

وهم كرور..

طريتو لينا الخرف تانى..

أصبحنا بى الله

[فيصل سعد]

لو المنبر ما شالا،، نشيلها فوق عيونا و نسقيها
سيسي بالسيسي من الوريد الرئيسي..

افتكر كدا التلتين ظبطوا تب..

[زول الله]

المشاركة الأصلية كتبت بواسطة الجيلى أحمد

وهم كرور..
طريتو لينا الخرف تانى..
أصبحنا بى الله

بالله عشان الزول دا بالذات تعالي خاشة
وبالحتة الفيها الحديدة بالله









اقول قولي هذا واستغفرالله لي..................

[بابكر مخير]

المشاركة الأصلية كتبت بواسطة رأفت ميلاد

عشان تجى مشترطة بترحيب شديد اللهجة لا يقل عن تلتين العضوية .. ود حلال يفتح لينا الباب .. العمدة عكود يدك معانا الله يديك العافية .. سرورة دى ما هينة ولا لينة

إن سارة زولتنا القديمة
بنقول ليها:
عارفنك تقضي الفي يدك وياكي الراجعة، ما ما جريتي الباب ورآك
وإن سارتن جديدة العايزة تجي بي شروط، بنقول ليها:
قبل كنا مسرورين بي سارتنا، ال لا بتشرط ولا بتخط إلا ياها فارشة الواطة وقاعدة فيها، أميرة ومتستتة..
ياتها حسي النبقا عليها..
الراجعة وديمة قاعدة
ولا ست المقص الدايرة "تشرط"
على كلن،،
مستني لي سارتنا وسارة "شروط"