راكوبة المجادعات.. النمة والدوباي

[سارة]

بالسين بادى اسمك مرحب سلام وعوافى
والجيم جارحة قلبى ما بينفعنى مشافى
و ميما فى مسامى تنتح تكشف الخافى
بين ألفك ونونك فى حوجة لاسعافى


لسيد الاسمرأفت ما معانا

[سجمان]

المشاركة الأصلية كتبت بواسطة سارة

بالسين بادى اسمك مرحب سلام وعوافى
والجيم جارحة قلبى ما بينفعنى مشافى
و ميما فى مسامى تنتح تكشف الخافى
بين ألفك ونونك فى حوجة لاسعافى


لسيد الاسمرأفت ما معانا

ألفك في القلب نيرانو دايرة مطافي
ميمك ميس هواي أعلنت فيهو طوافي
ياءك ونونا وجّن برقاً سقالو فيافي
تأنيثك يام رُكب ما بعترفبو خلافي

لوووووووووووولز لووووووو

تاني تجو

[سارة]

المشاركة الأصلية كتبت بواسطة سجمان

ألفك في القلب نيرانو دايرة مطافي
ميمك ميس هواي أعلنت فيهو طوافي
ياءك ونونا وجّن برقاً سقالو فيافي
تأنيثك يام رُكب ما بعترفبو خلافي

لوووووووووووولز لووووووو

تاني تجو

سينك سم نقوع تشفى المريض وتعافى
والجيم جهجهة قلبى وبدور لى مشافى
ميمك زى مدافع ترجم بلا انصاف
وبين ألفك ونونك مرضان والله الشافى

[سجمان]

المشاركة الأصلية كتبت بواسطة سارة

سينك سم نقوع تشفى المريض وتعافى
والجيم جهجهة قلبى وبدور لى مشافى
ميمك زى مدافع ترجم بلا انصاف
وبين ألفك ونونك مرضان والله الشافى

الفك إئتلاف مسّخ عليا لحافي
مايقك في الضرب ما بعرف الجلافي
ياءك مع نونك نواة سهرالمركلس وقافي
تاتي المشية كان أوزن عليك اصوافي

[سارة]

المشاركة الأصلية كتبت بواسطة سجمان

الفك إئتلاف مسّخ عليا لحافي
مايقك في الضرب ما بعرف الجلافي
ياءك مع نونك نواة سهرالمركلس وقافي
تاتي المشية كان أوزن عليك اصوافي

سينك سر عجيب ما بيوصفنو قوافى
وجيمك جمرة تحرق وكتين تغيب وتجافى
ألفك أنة المجروح وعيشتو منافى
ونونك يا الاشم نار قهوتى وقريافى

[سجمان]

التحية والإجلال..
الأخ عبد السلام والقائمين على أمر الدمج..

ثم أما وعد.. للعودة لهذا البوست..
وجدت أن هنالك صفحات ذا نمٍ كثير
ضاعت في عملية الدمج..
فهل من أمكانية لأعادتها..


التحايا النواضر؛؛

[سجمان]

حليل غنواتي وكت البال يروق للنمة

حليلو الكان معاو باقي المزاج بنتمة

وينو جليس غناي الما بباري الرمة
وينو البي حديثو عضايا وصلو القمة