شكرا لكم جميعا ولا اراكم الله مكروه فى عزيز لديكم .................... الموت علينا حق ولكن تزيد مرارته وقسوته لمن هم امثالى بعيدين عن الوطن وعن الاهل والاحباب وكل يوم والتانى يجى خبر امر من الاول ولكن فليغفر الله لى هفوتى وضعفى وقلة حيلتى ... اعدت فى الساعات الفائتة شريط ذكرياتى ومعرفتى بها ولم اجد ولا خمسة دقايق خالية من الضحك والابتسام والمواقف الحلوة ربنا يرحمك يا غالية ربنا يرحمك ويغفر ليك ويعوض شبابك الجنة ربنا يغفر لينا تقصيرنا فى حقك لم نهتم بك كما ينبغى ولم نقول لك كنتى حبيبة وغالية علينا وكنا بنحبك فى الله ....اعزى نفسى وكل من احبوك واخص اخى وصديقى الحبيب أحمد زين فهو اقربنا لك واكثرنا فجيعة بموتك ..احمد يا هيفاء بقى راسى مقطوع وانا اكتر زول بقول ليك الكلام دا عشان اخر مرة وانحنا فى سيرتك قال لى هيفا يا سارة بتجى من سوبا لسيد مكى بتشترى كيلو حلاوة مولد وهى راجعة البيت فى الطريق بتاكل تلاتة اربعاعو بترجع تانى من نص الطريق عشان تشترى حلاوة دى هيفاء ويومها ضحكنا كما لم نضحك يا هيفاء ..ولا نبراس سبحان الله يا هيفاء امس حاولت اتصل عليها غلبنى كلو كلو خايفة تقول لى كلام ما اقدر تحملوا ربنا يعينها ويعين كل اصحابك وكل اعضاء سودانيات الذين احبوك وقابلوك وتشرفوا بمعرفتك حتى الذين لم يقابلوك سمعوا بك وعنك العزاء لهم جميعاوكل من احبوك وكل اسرتك وكل معارفك ربنا يرحمك يا حبيبة ربنا يرحمك ويغفر ليك ويغفر لينا معاك
|