سلام للجميع
وكما أخبرونا ونحن في مرحلة ليست بالباكرة من حياتنا أن الأعراب كانوا من البكايين المجيدين حتي تناقلت سيرتهم الازمان وسارت بها الركبان وصولاً إلى بلاد السودان ومن اكثر البكاء الحيرني في الدنيا دي ماقاله كثير لحبيبته عزه حين وقفت بينهما الناس وحالت ودون وصالهما السطوة القبلية ـ فقال كثير:-
ياليتنا ياعز من دون ريبة
بعيران نرعى في الخلاء ونعزب
من يرنا يقل على
حسنها جدباء تعدي وأجرب
بعدين تعرفوا ياشباب من الابيات الحلوة في الغناء السوداني غنية المرحوم خوجلي عثمان البقول فيها
كتير بتناسي ايدي
واسيبن عنيه في ايديك
يااخ دي فيها شقاوة لذيذة ،، يعني عامل فيها ما عارف موش؟؟؟
غايتو الناس دي بتبالغ بشكل ..
وأخيراً قال العظيم صديق احمد في جرسة واضحة
كيفن اصبر قليبي
كيفن بعمل حسابي
مادام عشمي في نظرة
والعندو النظرة مابي
بجروا غناي احكيليكم
تعالوا اسمعوا ياصحابي
حكاية الشافعة البريدا
وريدا شقاي وعذابي
.
.
.وصولا إلى
منو القاليكم عقلت
وحاتكم جنيت دابي
|