هل هناك متسع للضحكة والابتسامة ؟؟؟

[Garcia]

*قال ليك واحد مسطول زار ناس كدة و قاعد يسأل فى بتهم الصغيرة
اسمك منو ياشاطرة قالت ليهو : أسماء
قال ليها يعنى مافى اسم محدد ....

*مسطووول في عيد الضحية شاف الناس بتتخاتف في اللحمة قال ليهم
لو سيدنا ابراهيم عارفكم بتعملو كدا كان عملها مرطبات ...

* واحد قال لحبيبته ( رباطابية ) بريدك ؟؟؟
- ردت ليهو : فى الهوتميل ولا الياهو ....

*زول طويل طول شديد وقف عند الفكهانى قال ليهو لو سمحت التبشة دى بى كم ؟
استغرب الفكهانى وقال ليهو لو سمحت انزل شوية دى بطيخة ..

[حمدي اب جقادو]

قرووووس ياحبيبنا

سلامات ياخي والشوق والله جداول جداول ياصانع الفرح (المعبا في اكياس)

نديك اتنين تلاته عشان البوست يتنحنح شويه كده

مسطول دقنه كبيييييييييييييييييير

دخل الجامع لي اول مره في حياته

لقاه واحد ساله : لو سمحت يا شيخنا انا فاتتني ركعتين اعمل شنو ؟

قال ليه : في زول شافك ؟

قال ليهو : لا

قال ليهو: اعمل نايم


ثلاثة مصقوعين صقعة عدوك يا قارسيا راكبين طيارة فجات المضيفة (واللبانه طجك طجك*)وسالت الاول عايز شنو
فرد عايز عسل يا عسل
والثانى قال عايز سكر يا سكر
الاخير كان خلاص اتلبخ قال( عايز حليب يا بقرة)

مسطول ياقارسيا دخل جامع بتاع اخوانا انصار السنه يصلي بعدين الامام زهجو ليك( تقدم.. ارجع ... تعدل سد الفراغ ) قام المسطول قال ليهو انتا بتصلي ولا بتشوت فاول !!!!!!!

حبي الكبير ياقروس

ويلا ابقي شمس مابتغيب

[قمر الزمان]

تسلم قارسيا ..

لقد منحتني ما كنت أبحث عنه ...

الابتسامة ...عشان عندي فيروس نكد اليومين دي..






وانا زاتي جيتكم باتنين كدة ... عشان البوست يكركر من الضحك شوية

مسطول وقف تاكسى .. و قال للسواق: " يا إبن
"..العم .. تودينى وين .. و أدفع ليك كم ؟
.. بتاع التاكسى زاتو طلع مسطول
".. فقال ليه : " أنزل هنا و أدفع البتدفعه

* * * * * * * *

واحد مرتو ماتت.. أهلها قالوا ليهو نديك أختها
قال : ديل نسابة ولا شركة تأمين ...



يومكم فرفشة و بهجة ..

[قمر الزمان]

المشاركة الأصلية كتبت بواسطة حمدي اب جقادو

الاخير كان خلاص اتلبخ قال( عايز حليب يا بقرة)

[Garcia]

جقجق لو كنت اعلم ان هذا البوست سيخرجك من ..
مخباءك وعزلتك عننا لكتبته من زمان
والجابك اجيب امين قووول آميين ..
ليك وحشة يشهد الله كميات ياجقجق من هنا لهناك ...
لكن حلوة قال ليهو اعمل نايم دى
وعسى الا تطول غيبتك مرة اخرى وعندك مكان ,
محجوز هنا ... ولك كل الود والاشواق

[حمدي اب جقادو]

انتو مابتصلو الجمعه ولا شنو ؟؟؟ قارسيا وقمر ؟؟


امسك قوي

مسطول قال : بعد ما رفعت الفاتحة إتذكرت إنهم أقباط ، قمت رشيتهم بـ( يا أيها الكافرون)

ناس اللطه:-

عمك سكرجي كبير وشرفان مويات بعد العشاء لقي الناس طالعين من صلاة الجمعه وبتناقشو في موضوع الخطبة القيامه وعلاماتها و إنها قربت تقوم...قام دخل بالعرض في النقاش وقال ليهم...هي القيامه البحميها تقوم شنو ما دام حتيالعرقي بقي يعملوا نصو مويه...


( عمك كاساتي كبير شرفان مويات سالوه عن الفرق بين الحيره والدهشه .. قال ليهم : الحيره انو يدخلوك في اوضه مدوره ويقولو ليك اقيف في الركن . قالو ليه طيب والدهشه ؟ قال ليهم : الدهشه انك تلقي الركن ) شفته الكاسات دي بتعمل في الناس شنو ياجيلي ؟؟

تحياتي

حمدي جقجق

[Garcia]

العزيزة قمر الزمان
سعيد بطلتك الرائعة من هنا , وعس ان يبعد عنك النكد دوما ..
وشكله دة فيروس معدى ومعه بعض الحزن كمان

واحد مرتو ماتت.. أهلها قالوا ليهو نديك أختها
قال : ديل نسابة ولا شركة تأمين ...

حلوة والله وتسلمى يا قمر وواصلى بالمزيد ..
ولك كل الود ...

???

[قمر الزمان]

قال ليك في تلاتة أصحاب .. ابراهيم و موسى وصالحين

مشوا المسجد يصلوا..ووقفوا ورا الامام

ولما الامام ..بدأ يصلي و يقرأ في سورة الأعلى
وصل للآية .. ( ان هذا لفي الصحف الاولى() صحف ابراهيم وموسى )

قام صالحين لكزو من ورا .. وقال ليهو ..وصالحين وصالحين..

المشاركة الأصلية كتبت بواسطة حمدي اب جقادو

انتو مابتصلو الجمعه ولا شنو ؟؟؟ قارسيا وقمر ؟؟ D

ربنا يتقبل ان شاء الله ..العصر هنا قرّب يأذن

انت صليت ؟؟

[Garcia]

مسطول قال : بعد ما رفعت الفاتحة إتذكرت إنهم أقباط ، قمت رشيتهم بـ( يا أيها الكافرون)

دى بالغت فيها والله يا جقجق
وناس اللطة بجوك جارين قريب طالما هبشم السوط

*حلفاوي طلع ليهو شيطان وهو ما حافظ ولا آيه من القران قرأ ليهو (طلع البدر علينا) ..

???

???

[Garcia]

العزيزة جميلة
مرحب بيك هنا وسعدنا بطلتك علينا ..
واتمنى لك التوفيق بالامتحانات Ik wens je veel success
لاعليك جقجق جرابه مليان بالنكات والطرائف ..
ودمت بخير وعافية ...

???

[Asma Abdel Halim]

نكتة قديمة لكن يا دوب سمعتها

أبو دقن : ادينا ليمون بجنيه
البائع: أنا حالف ما أبيع لى زول عنده دقن
أبو دقن : طيب ادينى ليمونة لى الله
البائع: حتى هو طممتو بطنه