انا عندي مشكلة

[imported_أم سهى]

سلامات يا جماعة الخير
انا عندي مشكلة ما فاهماها ولا عارفة لي طريقة حل ليها
من اسبوعين كدة كل ما اجي افتح الكومبيوتر تجيني العبارة دي "this copy of windows did not pass genuine windows validation and you have not yet resolve the problem< this copy of windows is no linger eligible to recieve the full range of upgrades and product support available from Microsoft winsows . click resolve now"
اها اعمل كلك لي resorve now واحوص ما اعرف اعمل شنو
ساعدوني يا جماعة الله يجزيكم عني وعن كومبيوتري كل خير

[imported_خالد الحاج]

إزيك يا أم سهي..
منذ عام أو يزيد قليلا جاءت مايكروسوفت بفكرة (جنيون) وهم يفحصون الجهاز لرؤية هل النسخة أصلية يعني مشتراة منهم أم مضروبة.
هناك ملفات يمكن إضافتها للجهاز (رغم أنف بل جيتس) لكن هذا يتطلب معرفة أي نوع من السستم عندك (وندوس) وأين وقف الأبديت (سيرفس باك 2 أو سيرفس باك 3)
إن كانت النسخة أصلية بإمكانك الإتصال بمكتبهم في المملكة وسيمنحونك رقم مكون من 32 رقم وسيتم علاج الإشكال.
غير كده جيبي المعلومات دي وبجيب ليك رابط تنزلي منه الملف وبريحك من نقة الهنود بتاعين مايكروسوفت.

[imported_أم سهى]

كتر خيرك يا خالد ( الهببتو لي)
انا لا افقه كثيرا في التكنولوجيا غايتو عاملة (learn your self ) عشان كدة بكابس
اها العندي (وندوز) باتيوم 4
وبعدين (سيرفس باك 2 أو سيرفس باك 3) دي ما عرفتها بصراحة
واسمع انا برضو حاتصل بي ناس مايكروسوفت في مكتبهم هنا واجيك بالخبر الاكيد
لك ودي وتسلم يا ابو سارة

[imported_Osman Hamad]

المشاركة الأصلية كتبت بواسطة أم سهى

اها العندي (وندوز) باتيوم 4
وبعدين (سيرفس باك 2 أو سيرفس باك 3) دي ما عرفتها بصراحة

إنت عارفة يام اسهى، خالد دا ذى البيسأل فيك عرببتك جاز وللا بنزين، وإنتِ رديتى ليهو وقولتى ليهو مكنة عربيتى فورد وللا تايوتا ماعارفة

حبيت بس أشاغلك وخالد اكيد مابقصر معاك.

[imported_أم سهى]

عثمان حمد
الحمد لله " الجابك ضهبي ده""
لا جاز لا بنزين - ما بعرف يعني ما بعرف
اسة انت تغيب وتحضر بس ما عجبك الا تبشع بي كدي؟
اها ود الحاج زاتو ما رد لي لي حسة وحات

[imported_Aboremaz]

ام سهى سلام كتير
قبل ما يجي الامام
اقوم افتي في الموضوع ده بسرعة
شوف الخطوات دي يا صلحتها يا جابت خبرها
open control panel
open security
in security u will find windows automatic update
just close automatic update .
شفتي الافتاء كيف .
.
.
ما حيضر لو ما نفع
تحياتي
.
.
ابوريماز

[imported_حمدي اب جقادو]

[align=justify]ام سهي صباحنا فل

اولا استميحكم عذرا (انتي وخالي خالد ) علي هذا التقصير ,, يشهد الله ما شفته البوست ده الا صباح اليوم ,,, طبعا زي ما انتي شايفه اخوك نسي الحاسوب والحوسبه وعامل فيها شيخ اليومين دي (قال شيخ قال)
علي العموم يا ام سهي عشان ما تحوسي وتتعبي كتير انا بقطعو ليكي قصير وان شا الله امورك تبقي سكر في عسل
طبعا زي ما قال الخال ال geniune هي أداة في الوندوز للتأكد من نسخة الويندوز ان كانت أصلية او (مكرّكه)، و هذا نادر الوجود في عالمنا العربي طبعا ولتجنب معترك الدخول في هذه القضية الخاسرة (امام جنون مايكروسوفت وهنوده) اما أن لا تقومي بتحديث النظام (زي ماقال ابوريماز)، أو استخدام بعض ال "كراكات" التي تقوم بتغيير السيريال مثلا... وايضا باتش IVQ+- (طبعا ده هندي برضو)
ام سهي ياغالية ارجو ايقاف التحديث الاليي لان التحديث الالي يمكن ان يتجاوز كل الout-update restrictions الا القيود الموضوعه علي تحديث الميديا بلير او تحديث الاكسبلورر من 6 الي النسخه السابعه
طبعا بعد التحديث غير الشرعي الانتي قمتي بمحاولته حتظهر ليكي نجمة خماسية جمب الساعه ودي حتكون موجوده علي طول وسوف تسبب لكي ازعاج ما بعدو ازعاج لازالتها نرجو منكم انزال هذه الملف من[/align] هنـــــــــــــــــــــا [align=justify]وابقي ادينا النتيجه
ولو ما اشتغل اقفلي خاصية التحديث الالي واعملي restore للنظام لتاريخ ما قبل حدوث المشكله ولو دي غلبتك بجيكي بالصور
وسلامات
جقجق[/align]

[imported_حمدي اب جقادو]

ام سهي مارجعتي لينا !!!!!!!!!!!!!!!

علي العموم ده رابط تاني لتنزيل باتش اخر
http://www.albakiah.com/picc/gen.rar

[imported_Aboremaz]

الباتش ده بيشتغل كيف يا باش
انا وقفت التحديث لكن لسه الرسالة بتجيني
تعال لينا بالصور
والامثلة .
.
.
ودمت